مشاهدة النتائج 1 الى 3 من 3
  1. #1

    رائع اشعار الشاعر جمعه بن نايم الكعبي ..

    السلام عليكم


    اشحالكم ...عساكم ابخير ..


    انا اليوم يبت لكم اشعار الشاعر جمعه بن نايم الكعبي ..


    تفضلوووو ..

    .................................................. ..............

    اعذريني



    شح القمر ما عاد يطلع وينشاف ..... الليل عاتم والصحاري محافيف


    تبرق بروق رعدها سيل هتّاف ..... في وحشة فيها المخاطر مصاديف


    الدار ماهي دار عزٍ ومضياف ..... دار خلـت ما حوطوها مواليف


    وأنا بذاك الليل ساري وخطّاف ..... البرد هالك والعواصف مناسيف


    وديان تجري سيلها فيه رجّاف ..... أسمع صدى وطيور تشدي مخاويف


    إن لاح بارق بانت أصناف وأصناف ..... ذيك الوحوش اللي تسنّ المراديف


    أمشي ورب الكون حافظ ومسعاف ..... والليل في مجراه طاف المناصيف


    الدرب خذني صدفة فوق مشراف ..... وأنظر بعيد وشفت نورٍ شرا الطيف


    حتى وصلت اللي عليه الزمن طاف ..... بيتٍ وفيه الناس قاموا مواقيف


    قالوا صديق ؟ قلت تايه ومولاف ..... تكفون جيت لدياركم يا عرب ضيف


    تكفون دلوني على درب الأولاف .. ما جيت شــايل بنــدقية ولا سيف


    أنا الجريح وجرحي اليوم نزّاف ..... واللي جرحني في الهوى سهم حريف



    .................................................. ................................................

    الحب المثالي



    كيف أسمي حبك الحب المثالي .... كيف أمنّك الهوى وأنته عدوه


    كيف أحبك كيف أقول اليوم غالي .... وأنت مثل اللي دخل في الحب توه


    روح يا مغرور عنك القلب سالي .... والذي يرضيك في دنياك سوه


    عنك أنا ذا اليوم انويت ارتحالي .... وأمسح الذكرى من الأشواق قوه


    لك أمل ماهو وعد بس احتمالي .... عقب حبك ما دخلت الحب ضوه


    وإن دخلت الحب أعطي كل حالي .. وافيٍ والنفس للمقبل صفوه

    .................................................. ...........................................

    ريح أفكارك


    حبيبي ريح أفكارك ترى بعض الشكوك أوهام ... حبيبي مستواك أكبر وحرام يكون تفكيرك


    تصدق بي كلام الناس بعد عشرة دهر وأعوام ... تباني أحلف بربي ولا فكرت في غيرك ؟


    أنا أدري هذي الغيرة واعذرك صدق ما تنلام ... ولكن يا عشيري كيف تحسسني بتقصيرك


    أنا ما غــــرني وقتي ولا غرتني الأيام ... أنا طبعي مثل لـــول مثل ما كان تصويرك


    كفا ، عين من الله خير تعال وفي عيونك نام ... تعال وعايش أيامي على موال تعبيرك


    أشوفك بس فحلامي عسى الله يكثر الأحلام ... ولكن لا تخلي الوقت يبين فيك تغييرك


    حرام إنضيع أيام قضيناها بــمرح وأنعام ... حــرام فؤادك الطيب يتابع شك تفكيرك

    .................................................. ............................................


    ذوقـــك حلـــو



    ذوقك حلو وذوقك رفيع ... ويعجبني الحسن البديع


    مانته حلو انته فظيع ... طيرت عقلي من حلاك


    يا حي هالوجه المليح ... ويا حي هالطبع الصريح


    انظر بعينك واستريح ... لو شفت في عيونك هلاك


    مادري أسميك الدلع ... والا أسميك الولع


    والا القمر لي من طلع ... أحسن أسميك الملاك


    بسألك واطلب الجواب ... إنته اتعمد في العذاب


    خوفي تقول أيوه وأهاب ... في يوم يقتلني غلاك


    أذكرك وآسمي عليك ... وأقول يا رب يهديك


    من هو أسير في يديك؟ ... الله يعينه في هواك


    .................................................. .....................................


    علمني



    الحب وش فيه لي منك تعلمته؟ ... ما عاد يشبع غرورك ؟ قول علمني


    ما دام شفته ضعيف إش فيك أمنته؟ ... الواجب أنك توضح لي وتلومني


    كل الذي أملكه لك حيل سلمته ... ما أدري إذا كنت مخطي فيك سامحني


    بس أتذكر فوادك يوم كلمته ... أحيدك تقول بأعلى الصوت تفهمني


    على العموم آتقبل منك ما شفته ... راضي بظلمك ما دامك قمت تظلمني


    أنا تعلمت منك الدرس وأيقنته ... ما راح أعاندك كيفك لو تعذبني


    ما زلت عالعهد ياقي وياك لك صنته ... أبحفظك في غيابك لو تعاندني


    يا صاحبي كل ما في القلب بينته ... عطني جوابك دخيل الله وريحني


    .................................................. ...............................................



    غامض



    شي في خاطري غامض وأدوّر عليه .... من سنين طويلة عايشٍ في رجاه


    كل ليله يجيني هاجسٍ يحتويه .... طيف يسهر عيوني بالرجاوي معاه


    إن سألت العيون اترد لي ماضيه .... وصيحةٍ في فوادي تشتكي من عناه


    والسبب حسب ظني من ودادٍ شبيه .... بالموده مع اللي شدني في هواه


    غارقٍ في وداده ميتٍ مـوت فيه .... بس الأقدار حالت عن رضاي ورضاه


    طيب القلب وافي في وداده نزيه .... البراءه في عينه نابعه من وفاه


    سمّح الله طريقه يحفظه ويعطيه .... أذكر الزين منه في حياتي وياه


    ما نسيته ولا هو حبي اللي نسيه .... بس هذا المفارق سنةٍ في الحياه



    .................................................. ....................


    محتاج لك



    أنا بأمس الحاجة لك ... لا تبتعد محتاج لك


    كلي وله مشتاق لك ... أرجوك لا تبعد بعيد


    تعال يا عمـــر الهنا ... أنا بــدونك من أنا؟


    قلبي شقا وعمري عنا ... والشوق في قلبي يزيد


    أصارع أيام الزمان ... ما صار في الدنيا أمان


    خليك في هذا المكان ... أحس من دونك وحيد


    أتخيلك دومك معاي ... قمرا تنور لي سماي


    أفرح وأجدد بك هواي ... وأحيا الأمل بك من جديد


    يا راحة البال وغلاك ... ما حب في الدنا سواك


    أنا معك وأبقى معاك ... حتى لو تبعد بعيد

    .................................................. ...........................................


    بسمة


    بسمه تجي من ورا خاطرك ما بيها ... لا تحد نفسك وتتصنع على شاني


    إن كنت غالي مثل ما تقول خفيها ... بين لي الشوق كانك صدق تهواني


    إمزح معي شوي دنيا الهم وش فيها؟ ... متعود أسمعك يوم أنك تفداني


    قال المثل كلمة تخجلك بديها ... ما قلت لي العام ما حد صدق يسواني


    طيب حبيبي ظروفك كيف تشكيها ؟ ... أخاف مني صحيح تكون زعلاني


    عيني بعينك أشوف عيونك أرضيها ... لا مانته زعلان إنته بس ولهاني


    نظرتك هذي حبيبي من يساويها ... لا تصد خلك مركز داخل أعياني


    قلي حبيبي حروف إسمك تلاقيها ؟ ... أحيدهم بين هذا الرمش والثاني

    .................................................. ..................

    في ذمتك

    في ذمتك هذا كلام ؟ ... كل يوم لك حب وغرام


    مانته صغير أعلمك ... الغش في الدنيا حرام


    ماني وليك أحاسبك ... ولاني غلاك أعاتبك


    ولاني حرس وراقبك ... صدفه لقيتك والسلام


    حبيت أبين لك وقول ... لو تعتبر قولي فضول


    من كان سهل في الحصول ... ما هو ترى قد الهيام


    الحب ما هو تــعرفه ... في كل وقت تصرفه


    لا تظن مثلك يعــرفه ... إنته تعــرفه بالكـــلام


    إسمعني وخلك صريح ... جاوبني إبقول صحيح


    انته بحياتك مستريح ... وكل يوم لك حب وغرام ؟



    منقول . ...
    Twitter\Instagram: elnoon14
    mention for follow back Plz


  2. ...

  3. #2
    السلام عليكم ..
    شكراَ أختي على الموضوع الرائع ..
    وجزاك الله خيراَ ووفقك ..

  4. #3
    إقتباس الرسالة الأصلية كتبت بواسطة Black Vampire
    السلام عليكم ..
    شكراَ أختي على الموضوع الرائع ..
    وجزاك الله خيراَ ووفقك ..
    وعليكم السلام ..

    العفوو ..

    يسلموو ع المروور الحلوو ..

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter