بنات بيتعاكسوا ....

**الطائر الجريح** · 03-09-2002, 22:04

السلام عليكم ...

بنات بيتعاكسوا ....

سؤال كثير يسألوه الشباب للبعض بس الجواب ما تلاقـيه إلا عـند فئه من البنات

السؤال :- ليه كـثير من البـنات تـحب أنها تـتـعاكس وتشعر بالرضى عن نفسها أو تحس انها فرحانه وقتها ,, وتختار أماكن عارفه انها مليانه بالشباب عشان تلفت انتباههم عشان يعاكسوها

الإجابه بصراحه عشان هذا النوع من البنات ما عندهم ثقه بالنفس ويعانوا من ضعف الشخصيه ويحاولوا التعويض عن طريق لفت الأ نـتـباه ويستخدموا بعض الشباب التافه عشان يحسسوهم بأنهم حلوين وجذابين ومهما أتعاكست ولو بشكل يومي ما تحس بالشبع

وبعض الأحيان تضطر بعض البنات للكزب قدام صاحباتها عشان تبين قدامهم انها جميله ومحبوبه وتقول مــــثـــلا :-- اليوم كنت بالسوق وما سابوني الشباب بحالي ورايا من مكان للتاني .....او انها تقول اووووف الصراحه اليوم الشنطه كانت غرقانه كروت يا بنات نسيتها مفتوحه بالغلط واتفاجأت بالبيت

وفي كتير بنات حيقرأوا هذا الكلام وحيقولوا الحمدلله انا مو من هذا النوع وتكون هيه المقصوده واللي على رأسه بطحه يحسس عليها

وشكرا لكم

الطائر الجريح ....

**SERENA** · 03-09-2002, 22:24

السلام عليكم
صراحه موضوع مثير للجدال وانت صادق في كل كلمه كتبتها

لاني بنت فاعتقد اني بجاوب على الموضوع
والبنات ثلاث فئات:

1-صح كثير من البنات تشوفهم لمايتعاكسوا يظهروا انهم اتضايقوا وعصبوا

وصاروا يسبوا ويقولوا هذول مايستحوا على وجههم بس في نفسها فرحانه

تقول اكيد هذول ماعكسوني الا لاني حلوهوطبعا اغلب هذي الفئات يكونوا

مظهرين وجوههم او محاسنهم ومايبغوا يتعاكسوا كمان لهم عين يتكلموا mad

2-وفئه من البنات من جد يكونوا اتضايقوا لانهم صاروا محل فتنه ومعاكسه

الشباب ويشعر وا بإحراج وضيق حقيقي redface

3-وفئه من البنات تلاقيها عمدا تظهر مافاتنها ومحاسنها عشان تتعاكس وتفرح

لماتتعكاس لانها اصلا ماجات على السوق الا عشان تتمسخرقدام الناس وتحسب

نفسها حلوه جيه تعرض جمالها قلك mad

==================================================
وفي بنات مو عشان انها تشعر بنقص لا بعضهم من كثر ماالناس او صديقاتها

واهلها صاروا يمدحوها من كثر ماهي حلوه صار عندها زي حاله الغرور

والانانيه صارت تبى الناس كلها يقولوا عليها انها حلوه وماترضي غرورها الااذا

احد عاكسها وسمعها كلمتين حلوين

============================================

بس هذي هي اجابتي rolleyes

وانا والحمد لله من ثاني فئه لان تربيتي ومبادئي ماتسمح لي اني اسوي شي

غلط وماارضى اني اكون عرضه لكلام شباب مايستاهلوني redface

مشكووووووركثير ياالطائر الجريح على الموضوع wink

**الطائر الجريح** · 03-09-2002, 22:53

شكرا جزيلا اختي على ردك الرائع

والله يهدي جميع بنات وشباب المسلمين .....

**المتحري سينشي** · 03-09-2002, 23:45

الله يهدي جمييع المسلمين والمسلمات smile

**ساحر القلوب** · 04-09-2002, 00:09

مشكوووووووووور الطائر الجريح على الموضوع gooood

ورد سيرينا يغني عن كل الردود wink

**ليدي أوسكار** · 04-09-2002, 01:25

إقتباس SERENA:

-صح كثير من البنات تشوفهم لمايتعاكسوا يظهروا انهم اتضايقوا وعصبوا

وصاروا يسبوا ويقولوا هذول مايستحوا على وجههم بس في نفسها فرحانه

تقول اكيد هذول ماعكسوني الا لاني حلوهوطبعا اغلب هذي الفئات يكونوا

مظهرين وجوههم او محاسنهم ومايبغوا يتعاكسوا كمان لهم عين يتكلموا

2-وفئه من البنات من جد يكونوا اتضايقوا لانهم صاروا محل فتنه ومعاكسه

الشباب ويشعر وا بإحراج وضيق حقيقي

3-وفئه من البنات تلاقيها عمدا تظهر مافاتنها ومحاسنها عشان تتعاكس وتفرح

لماتتعكاس لانها اصلا ماجات على السوق الا عشان تتمسخرقدام الناس وتحسب

نفسها حلوه جيه تعرض جمالها قلك

=================<<<<<<<<<<

انا مو شايفه في فرق بين الفئه الاولي والثالثه تقريبا نفس الشي<<<<<<<

====================

على العموم كلامك صحيح الطائر الجريح الله يهدي ماخلق

شكررررررررا لك على الموضوع الجميل wink