السلام عليكم...
حبيت احطلكم هذي القصيده وهي من القصايد العاميه ..
للشاعر البحريني عبد الرحمن رفيع ..
انشاء الله تعجبكم.
يقول :
عندي صاحب وسواسي #####من غير أمراض ايجاسي
ساعه يصرخ اّه عينــي #####أو ساعه يصرخ اّخ راسي
إن سئلته :كيف حالك؟ ##### على باله جــــــــاي اواسي
يقعد ساعه يتشكــــه ##### لين ما يخمــــــــــــد انفاسي
قلت له يوم: وجهك مصفر#####اّتغشمر موب قاصد شر
من وسواسه داخ أو طاح#####أو لو ماساعدته جان خر
قلت له: لا تصدق اّمزح ##### وجهك مثل الورد محمر
قال : لازم اّركب تكسـي#####اّحس راسي يفــــــــتر
يتسبح كـل يوم نوبتين ##### أو يغسل وجهه كل ساعتين!
بلـــبول الماي ما يوقف #####في بيتهم حتى دقيقتين
أو ما يكفيه طول الاسبوع #####درزن صابون وليفـــــتين
أو لين هب لغــــبار يتمنى ##### لو انه موب في البحرين
الله يعين أهله الطيبين ##### متغديــــــــن او متعشــــــين
هالكـاب ليش ما غسليتوه#####بالليف الزين يا وصخين
عيشكم ليش ما نقيتوه ###### إرويدكم ليش كله طين؟!
ويتم ساعه يتحـــــتنده ##### ويتمون أهله صابرين
وسلامتكم الصراحة القصيده واايد طويله وانا اكتفيت بهالمقطع انشاء الله يعجبكم..
سلام
اضافة رد مع اقتباس
المفضلات