بداية .. هذي محاوله قصصيه مني اتمنى انها تعجبكم ، صح انها مو على مستوى حبكة قصص شوري .. لكن اتمنى انها تكون ازحف .. وبعدين انا والشباب تعب قلبنا من قراءة القصص البنوتيه .. ايش يعني ما يعرف يكتب قصص الا البنات ؟؟ لا .. بما اننا .. الأولاد .. الجنس الأفضل والأذكى على هذا الكوكب >> طالب حرش .. قررنا انا والشباب وسيم و فانتزي كتابة قصه جديده اتمنى تنال لو القليل من رضاكم او على الأقل ترسم بسمه صغيره على شفاهكم ..
الفصل الأول : دلوخ .. من ثقبة الخبر إلى هارليم نيويورك
( اووووووووف حرررررر ) .... بهذي الكلمات بدأت قصتنا .. كان الوسيم وزاحف متبطحين >> يا روحيي ياللغه .. مقابل البحر على الواجهه البحريه الجديده في الخبر التي لم تنفع خضرتها ومجسماتها في تلطيف جو جهنم على الأرض ..
ZA7EF : اتحدى لو كانت درجة الحراره مجرد 40 درجه مئويه انا ابصم لك على العشره انها فوق الخمسين لكن هيئة الارصاد لا تقول الحقيقه لأن في قوانين العمل والعمال الدوليه اذا زادت درجة الحراره عن 50 مئويه تعتبر اجازه رسميه في كافة المرافق الحكوميه والخاصه ....
وسيم : عاد 40 ولا 50 كلها من فوح جهنم ...
ZA7EF : وسيم تدري عندي اقتراح وش رايك نسوي زي ما سووا الشباب عبودي وسوليداد ومجهوله واوشن والباقين اللي راحوا كندا ؟؟؟
وسيم : ؟؟؟؟؟؟؟ طيب .... وين نروح ..
ZA7EF : اييي مكاااان انا مستعد اروح في اي داهيه واللله لو السنغال ما عندي مانع
وسيم : ؟؟؟؟ مين ودك يروح معنا ..
ZA7EF : اول شي اعضاء منظمة شرقاويون للأبد وممكن ناخذ كم عضو مختارين اهم شي يكونون كلهم زاحفيييين >>> الولد ذا عنده عقدة زحف
وسيم : ؟؟؟؟؟؟؟؟؟؟؟ >>>>> معليش الولد تفكيره بطئ شوي تحملوه
ZA7EF : وش قلت ؟؟
وسيم : طيب من ناحيتي انا اوكيه خلني اجدد الجواز بس ويصير خير ، لكن الشباب ما ادري
ZA7EF : الشباب خلهم علي بأزحف بهم الى ان يجون كلهم
وسيم : بس ما قلت لي وين بنروح ؟؟
ZA7EF : وين بعد ؟؟ اكيد ... امريكا .....
=====================================
بالفعل بعد اسبوع واحد اكمل الجميع اعدادتهم وطبعا اجتمعت المجموعه طبعا زاحف ، وسيم ، فانتزي مان ، توكول ، اسامه او كما يعرف بـ OSM ، مجموعه على ازحف مايرام ....
توكول : زاحف ... ما راح يجي بنات ؟؟
ZA7EF : مستحييييييييل حنا قلنا للزاحفين فقط ، البنات بيعطلون تحركاتنا >>> لا تكفى يا رامبو ..
توكول : ):
وسيم : طيب يالله شباب خلونا نلحق ونروح قبل الرحله ما تقلع وبعدين اسامه لا تنسى جوازك زي المره اللي راحت ولا تراك بتروح امريكا وانت راكب جنب استبنة ( الأطار الاحتياطي) الطياره >>>> ابو الشباب متعود على الجراندي حقت الوالد
OSM : لا .. الجواز معي .. لا تشيل هم ..
ووصل الشباب مطار الملك فهد الدولي بفخامته ومع دخولهم مع باب المطار سمعوا المذيع الداخلي ينادي على الرحله رقم 1034880982643908709832985983 >>>> مصخها ...
الشباب طبعا وررررررر بس لابد من النذاله الشباب كل واحد يبي يقص البوردنج قبل الثاني تشوف وسيم يدف توكول وفانتزي يشيل شنطة زاحف ويقطها على سير رحلة بنغلادش >>> بنغلادش عاد يالظالم .. واسامه يشد وسيم من خشته .. بينما زاحف يعض بكل قوته على ساق اسامه .. المهم سووا حفله في المطار >>> يقولك من ورا ذي المره صور الشباب تعلقت جنب باب المطار مكتوب عليها ممنوع دخول الدلوخ ..
اخيرا قدروا الشباب جميعا يقصون بطاقات الصعود بعد ما اكتشفوا ان موظفي المطار اكثر من عدد المسافرين ، وصعد الشباب الطياره بكامل رزتهم مع ان شعورهم منكوشه والقمصان مقطعه ازاريرها وكل واحد شايل حزامه في يده تحسبا لأي حركة غدر ، ومع كل ما يشيلون في قلوبهم على بعض ألا انهم حين ركبوا الطياره أقاموا الدنيا ولم تنسدح مره أخرى .. ليه ؟؟ الأخوان .. لازم يجلسون جنب بعض من المحبه الزايده ، مما جعل المظيف يتفهم الوضع بكل رقة و رحابة صدر بعد ان أكل كم ركبه على كوع من وسيم جعلته يرى جرابيع الثمامه تتقافز حول رأسه >> خبري فيها عصافير اللي تطير حول الراس مو جرابيع ..
الوضع حاليا استتب و الشباب ماسكين صف منتصف الطائره كامل ، التشكيله : توكول جناح ايمن مهمته زعزعة انتباه المضيفات بعيونه >> عمر الشريف على غفله ، فانتزي جناح ايسر مهمته كل ما مرت الطائره بمطب هوائي يصيح بأعلى صوته الحزين : واااااا بنمووووووووت الطياره راح تطيييييح وكلنا راح نصير رمااااااااد ، ما يحتاج اوصف تأثيره على باقي ركاب الطائره خخخخخ ، وسيم ظهير مدافع مهمته يطلعونه الشباب مستغلين كونه يشبه جرذان المينا في تالي الليل عشان يخوفون اي مظيفه تتجرأ وتنبس ببنت شفه >> اخس ياللي يتابع الزير سالم ، اسامه محور ارتكاز فعال ... يقشر بصل >>>> خخخخ يهودي ، يلعب بمشاعر الركاب ، زاحف الكوتش يراقب الشباب ويتأكد ان كلا يقوم بوظيفته على ازحف ما يكون >>>> خوش مراقب خخخخ ...
ZA7EF : تعال توكول يقولون ان بنات امريكا يموتون يشوفون واحد شعره اسود ولونه برونزي >> ياشيخ انت مابقى لك الا شوي وتقلب تركواز مو برونز ..
وسيم : افا عليك انت لو تدري عنك بريتني كان تركت جاستن وعالم الغناء كله و ... انتحرت بعد الصدمه اللي تلقتها بعد شوفة وجهك اللي كأنه عراوي شايله وجهيته تريلة (>> شاحنه) مرسيدس
ZA7EF : لا أجل وجهك اللي تقول انه ضب معه حصبه ألمانيه ..
وسيم : انا وجهي وجه ضب الظاهر ما شفت وجهك في المرايه تقول انك بيكاتشو النيجيري
ZA7EF : وجهك بس كانه عبدالله بالخير لا قعد مع رولى .... >>>> هذي جامده صراحه
فانتزي : بس انت وياه فضحتونا وين قاعدين ؟؟؟ سوق السمك ؟؟
ZA7EF : ******
وسيم : ** ** ( طوط طوط )
=====================================
صراحه ما ودي انشر كامل القصه لأنها راح تكون اطول مما يمكن قراءته مره واحده .. كما اننا وددنا ان نسمع اراء الجميع قبل ان نكملها فأن لاقينا التشجيع نشرنا الباقي ولا راح يروح الباقي لأقرب محرقه ..
عموما ترقبوا ا في الجزء القادم
ماذا سيفعل الشباب في المطار
قصة وسيم مع سواق التاكسي
من الشخصيه المشهوره التي سيقابلونها في نيويورك
وش سالفة البورش ؟؟
طبعا لن تبدأ الاحداث الساخنه في الفصول الأولى من القصه
المفضلات