حكايتي مع فقيدي الراحل....
فقيدي؟! كلمه لم افهم مدى ألمها إلا اليوم و أنا أتذكر حكايتي مع شخص عزيز علي فقدته منذ حوالي 4 أو 5 سنوات مضت لم اشعر بحبي له إلا الآن سأروي لكم كيف حدث الأمر بطريقتي ...
ارجوا أن أحسن الكتابة..............................
................................... ليلة العيد .................................................. ..
*ما ادري ليه ما أحس بالسعادة ابد مع أنها فجريت العيد غريبة كنت متحمسه له لكن الحين لا..
شنو السبب ؟؟ ما أدري
(يرن الجوال) *أكيد هذي شهد لأني مخصصه لها نغمه: الو..
*شهد: هلا شلونج .. شخبارج ... أنا تمام الحمد الله كل عام وأنتي بخير.. هاه..
*مي:هي شوي شوي علي الحين أنا جاوبتج بشي علشان تقولين انج بخير..
*شهد:هههههههه شسوي من الوناسه من زمان ما شفتج..
*مي:ابد مو جذابه الخميس اللي فات كنت عندكم ..
*شهد: ادري بس اليوم ليلة الخميس يعني أسبوع ما شفتج ولا كلمتج
* مي:أنزين عيدج مبارك يا الدبه
*شهد: ايامج عسل و وناسه يا العصله
*مي:هههههههه ما قلتي شعندج داقه علي
*شهد: اشتقتلج يا حبيبتي
*مي:علينا بسوي نفسي غبيه وصدق
*شهد: لا من صج أتكلم المهم ميووونه بتين البيتنا على طول باجر صح
*مي:لا مو صح بروح بيت اخوي بعدييييييييين اجيكم على غدا العيد مع الضيوف
*شهد: لاااااااا ابيج تيين قبل الكل تكفيين تعالي عندنا بلييييييييييييييييييييييييييييز
* مي:انزييين بيكم على طول يا ويلج لو كنتي نايمه
*شهد: لا ماراح أنام بواصل .. ياله باااااااااي خسرتيني رصيد
*مي:هههههههههههه مالت عليج يالبخيله باايات
*شهد: هههههههههههههه الناس تقول مع السلامه مو بايات
*مي:لا تخليني أسكره بويهج الحين مع السلامه
*شهد: باي هههههههههههههههههه
وتسكر (منجد هالشهد مروقه ومطفوقه ياحليلها ولهت عليها البقرة)
*ام مي: ياله يا عيال قوموا ورآنا طريق طويل ياله... أوه أنتي قاعدة!!
*مي:إيه يمه قاعدة ما نمت أصلا...
*أم مي: ليه ما نمتي شكنتي سهرانه عليه ...
*مي:سلامتج ولا شي بس ليلة عيد ما يجيني النوم...
*أم مي: المهم تجهزي علشان بنمشي الحين خلنا نلحق على صلاة العيد وشوفي اخوانج قوميهم
*مي:طيب..(من غير نفس)
(يا الله من جد مالي خلق لو نعيد بالجبيل أحسن بواايد من المشورة)
...كنا متعودين فجريت العيد نروح الخبر عند أهلنا هناك ونقضي العيد عندهم بدون الوالد علشان عنده دوام فا يودينا ويرجع الجبيل...
*ميfrownوهي واقفه عند غرفة أخوانها الصغار تتفرج على شكلهم وهم نايمين) عثمان.. عمر.. ياله قوموا عيــــــــــااال قوموا مالي خلقكم خلصوني ماتبون تعيدون انتوا ( والأخوان غرقانين بالنوم ولا كأنها تكلم) يوووووووووووووهووووو هييي خلصوني عثيييييمم هذي ملابسك خلصني قوم وأنت عميييير اخلص خذ ملابسك ( وترميها عليهم وتطلع من الغرفة)...
دخلت غرفتها وسكرة الباب كانت متضايقة مرره صلت الفجر وحطت ملابس العيد بالشنطه بطريقه عشوائيه ولبست شي عادي علشان الطريق والحر
*أم مي: هاه خلصتوا ياله أبوكم تحت ينطرنا (وهي تطق باب غرفتي) مي ..مي سنه ياله تخلصين ياله بروح...
*مي:إن شاء الله كاني جايه بس البس عباتي وأجي..
ركبنا السيارة وأنا أتمنى أي شي يعطل روحتنا لدرجة تمنيت السيارة تخرب ولا نروح
صلينا العيد بالمسجد الكبير اللي على الكورنيش وطبعا لقيت صديقاتي سلمت عليهم وحسدتهم الانهم ماراح يسافرون راح يجلسون بالبيت ..
(طبعا مايصير طلعه أو سفره بدون هواش الاخوان وأنا ولا كأني معهم بالسيارة كان ذهني شارد وابدآ ماكنت معهم كنت أدور حل لضيقتي ) ...... بعد ساعة ونص بالسيارة وصلنا الخبر
*مي:يبه.. معليه توصلني بيت خالي...
* أبو مي: طيب خليك جاهزة ماراح أوقف كثير لأني متأخر..
* مي:أن شاء الله
وصلني ونزلت بيت خالي أول ما دخلت سلمت على خالي وعمتي ورحت غرفة البنات
*مي(وهي تطل من الباب): السلام عليكم...
*شهد: ميووووووووونه تدرين لو انج مايتي كن زعلت عليج
*مي:وأنا اقدر شخبارج ..
*شهد:تمااااااااااااام بشوفتج يالحماره وأنتي شخبارج
*مي:بخييييييير دامي شفت البقر
*شوق: احم احم تراني هنيه وانتظر اسلم على حديقة الحيوان الموجودة هههههههههههه هههههههه
(أنا وشهد بصوت واحد) إيه ناقصنا زرافه علشان نكمل(طالعنا بعض وانفجرنا من الضحك)
(شوق أخت شهد أصغر منها بسنتين لكنها مشاء الله أطول منا)
عقب الترحيب بيناتنا راحوا البنات يساعدون عمتي لأن جمعت العيد تكون بيتهم للحريم والرجال كل أهل المنطقة يتعايدون بالمسجد...
*مي(وهي تفكر بينها وبين نفسها)ياربي ليه ماني مستانسه اضحك مع البنات وقلبي مو معي كأني .. كأني ناسيه شي أو.. شي ضاع مني لكن شنو هو ما ادري أفـــــــــــفففف .. اكره شي عندي هذا الإحساس اللي أحس فيه الحين والمشكلة يزيد إذا جيت للخبر شنو السبب ياربي .. شنو هو ليتني اعرفه وافتك من هذا الهم ...
*شهد(وهي تنادي من المطبخ): مااااااااااااااااااااي مييييييييي ميييوووونتي أين أنتي يا حبيبتي
مااااااااااااااااااااااااي وينج
*ميfrownوهي تصرخ عليها) يمكني بالجناح الغربي روحي دوريني مالت عليج اللي يسمعج يقول عايشين بقصر على هالصراخ ترى كلها ممر من المطبخ للغرف...
*شهد: مي أنتي هنيه وأنا أدور عليج...
*مي:لااااااااااااااا مالت عليج شتبين صاجتني بالصراخ...
*شهد: ليه عم تعملي هيك معي يا بنت شو عاملتلك أنا
*مي:علمتج شندراني تتكلمين لبناني بعد ...
(شندراني هذي شغالتهم كانت تشتغل بلبنان قبل لا تجيهم وكلامها كله لبناني أو انجليزي)
*شهد: شو بدي ساوي يازلمه ههههههههههههههه
*مي: مالت عليج الحين أنا زلمه خليج علا كلامج أحسن ... شكنتي تبين
*شهد (وهي تنط على السرير): ابد بس كنت بقول خلينا نتجهز قبل لا يجون الناس وتصير زحمه هنيه ...
*مي:مالي خلق أنتي تجهزي لأنج بتكونين مشغولة مع الحريم
*شهد: لا تنسين انج بتقدميين الحلا يا حلو
*مي:ليه وشنو شغلت شوق خل تقدمه أنا مالي خلق أسوي شي
*شوق(وهي تدخل الغرفة): أنا راح اصب القهوة لهم ...
*شهد: أقول أنا شسوي إذا أنتي تصبين القهوة بعدين أنتي ما تعرفين تصبين قهوة أنا بصبها ...
*شوق: وأنا شسوي يعني لا تقولين قدمي حلا لأني مابي أقدم حلا
*مي: أيل قدمي الكلينكس لهم هذا اللي بقا
*شهد: هو الشي الوحيد اللي ما تفشلينا إذا ييتي تسوينه لايق عليج
*(شوق وهي تضرب شهد بالمخدة): مالت عليج أحسن أضل بدون تعب اليوم فكه منج ومنها يا عقلة الإصبع ...
*شهد: يا حماره يعور لا تطقين ... يا عامود الكهربا هههههههههههه
*فجر(وهي حاطه العبايه على راسها وتطل من الباب)صبحكم الله بالخير ...
(شهد يوم رفعة راسها وشافتها خافت .. فجر هي بنت خالتي ونفس الوقت بنت عمة شهد)
*شهد وهي متخرعه: يمه خوفتيني تدرين على بالي أم شميس.. ههههههههههههههههههههههههه
(طبعا فجر ماتت من الضحك لدرجة ماهي قادرة توقف من الضحك وحنا بعد ضحكنا عليها)
.... بعد الضحك والسلام تجهزوا البنات وراحوا الصالة علشان يستقبلون الحريم أما أنا حتى عبايتي ما فصختها ...
(قمت وسكرت الباب ابي انعم بشوي من الهدوء أخذت شنطة الملابس وحطيتها على السرير فتحتها على الأساس بغير ملابسي مليت فا رميت نفسي على السرير وسكرت عيوني أريحهم شوي لأني كنت سهرانه ومرهقه لأقصى درجه (ثواني إلا الباب ينفتح بقوه بشكل مفزع خصوص للي أعصابه متوترة)
ــــــــــــــــــــــــــــــــــــــــــــــــــ ـــــــــــــــــ
ترى شنو صار<<<< يتبع
إذا تبون أكمل وعجبتكم قولولي ماشي
أرقــ تحيه
wink ويـــــلاwink