فــــــــــمــــــــــان الله
فمان الله يا أغلى ماسكـن قلبـي فمـان الله
فمان الله من شخص أظنـك صعـب تنسينـه
فمان الله يا أول حـب عاشـه خالـد بدنيـاه
عرفك زيـن وأنـت يابعـد عمـره تعرفينـه
أجل يومه طفل من غيرك اللي ضمـه وربـاه
أجل مـن تعّبـك ليمـا كبـر وأنـت تربينـه
أجل من قال : خل نفسك عزيزه والهوان أجفاه
توصينه على العز وعلـى الفزعـه توصينـه
أجل من دلّله واغلى غروره حيل يـوم أغـلاه
تهنينه إلى من صاب واليـا اخطـا تعذرينـه
أجل ياكويت من غيرك خذا بيده ومـن خـلاه
يكافح ليـن يلمـس أبعـد النجمـات بيدينـه
أجل من شجعه يومه قصد غيـرك وقـال الله
حفظتي كل شعره مـن كثـر مانـت تحبينـه
ياأم الخير مامثلـك مثيـل ولا أظـن اشبـاه
عزيزه دار عز ومـن نـوى عـزك تعزينـه
فقير الجاه لامن صار وسطك صار عنده جـاه
وفقير المـال لامـن قاربـك والله ال تغنينـه
انا ياكويت من حشمه ترابـك مااحـب آطـاه
أحسه طاهر والطاهر إلى مـن دستـه تهينـه
أنا توي دريـت إن المفـارق كايـده بلـواه
وعرفت ان المفارق ينعـذر لادمّعـت عينـه
عسى انشالله يعجبكم ويحوز على رظاكم ...
____________________________________




اضافة رد مع اقتباس





المفضلات