مشاهدة النتائج 1 الى 10 من 10
  1. #1

    Thumbs up خــزنــة مــلـــكـ


    السلام عليكم ورحمة الله وبركاته ..

    طبعاً هذي للشاعر سعد بن علوش ..

    باختصار للي ما يعرفون لهذي اللهجه بأشرح لكم :-

    اذا صار الرجال يكلم المرأة (( الحرمة )) يقولها مثلا كيف حالكـ نقول أنحن كيف حالتس الـ تس بدال الكاف طبعا لان القصيدة تحتوي عليها وان شاء الله تفهمونها وتعجبكم ..

    النفس خزنة ملك.. والحزن قاطـع طريـق

    والجرح؟ .. يوجر عليه المسلم اليا أحزنـه


    وأنا من العام .. وآنا أشعر بيبسان ريـق

    يفرج سجينـي مـع عينـي وأرد أسجنـه


    من بين طيّات صـدرٍ شـل مـالا يطيـق

    لاجاع حزنه؟ .. تعشّا جروحـه المزمنـه


    مجسّم أنسان مـن داخـل رمـادة حريـق

    وقودها المغريـات .. ونفسـي المؤمنـه


    أحياناُ.. أبكي من الخشيـه لحـد الشهيـق

    وأحيانـاُ أقبـل علـى الآذان .. ولا أذّنـه


    ماعاد.. أنا.. أيّاي.. يلله لاتخلّـي عويـق

    عاقتبه عيون روس مدلبحـه .. وألسنـه


    كتـل هوامـش بشريّـه .. تنـام وتفيـق

    رديان وحتّى الردى .. بالظبـط .. ماتتقنـه


    لكن على كل حال الطلـق يبقـى طليـق

    لو عاينتـه العيـون .. وضدّتـه الأزمنـه


    عذر السنافي معه والعـذر حبلـه وثيـق

    لو حـس رعبوبتـه .. والاّ جفـا موطنـه


    رعبوبتي,,, ياوجـودي ياغـلاتس العتيـق

    عنه مكـانٍ لقيتـس فيـه عامـا .. عنـه


    يوم الشجر صاير ..لوجهتس مشجّع فريـق

    من وين ما أفترّ.. تتغيّـر معـه الأمكنـه


    للحين باقي بدربـه مـن رحيقـتس رحيـق

    وللحين أيتمتم حكينـا العـذب .. ويدندنـه


    يوم أنّي أشّر على صدري وعينـتس تويـق

    وآقول أنتي هنا .. وأتقولي .. أنتـا هنـه


    الهاء .. فاآخـر كلماتـس بصـوتٍ رقيـق

    تشطب على برمجة سمعي .. وتستوطنـه


    منتي بشر جعل من جابك .. ضحيّة زريـق

    شارعتس يحسبلـك بـالأمتـار .. يامفتنـه


    اليا أنتصفتيه؟ يضيق .. وكل ماله يضيـق

    كنّتس ..كوكايين .. وأرصفته خشم .. مدمنه


    رعبوبتي؟ .. ماخبرت أنّه تحـرّك طويـق

    شاعرتس مجنـون خلقـه والشعـر جنّنـه


    قوليلهـم ينتهـون ولا يطـول الزعـيـق

    الميسـره ميسـره .. والميمنـه ميمنـه


    وقوليلهم للعراقه .. راس صبـيٍ عريـق

    ياكـم سـرٍ يعرفـه .. بـس مايعلـنـه


    أتنوخذ البحر .. ولا أرسي ..بجال المضيق

    والشي بالشي؟ .. لاعيبـه ولا أستحسنـه


    الاّ الرفيق اللّـي يستغـل طيـب الرفيـق

    هذي اللّي ماهيب مقبولـه ولا .. ممكنـه


    ياصاحبي؟ كان لك مال الشقيق الـشقيـق

    والحيـن جمّـع بقايـا مامضـى وأدفنـه


    وياقلبي اللّـي وساويسـك تنجّـي غريـق

    الله لايصـغـر أبليـسـك .. ولا يلعـنـه


    ماهو فخر في سنه .. تعرفلك ..أمية صديق

    الفخر تتعرّف بصديـق .. لميـة سنـه



    لكم مني اجمل تحيى ..

    اخوكـ م:ألـــــمـــهــــم
    attachment


  2. ...

  3. #2
    شكرا اخي على الموضوع اكثرمن روعة
    attachment
    9ba9d7668fcfb655998930e57ae1fd7c
    إضغط ع الصورهـ ,, للإطعآآم ,, يمي يمي سو يمي ..
    تشوكرن ع إطعامكم ,, مولتو جراسياس ,, اريجاتو جوزايماس ..

  4. #3
    السلام عليكم ورحمة الله وبركاته
    الغالي المهم
    فرحتي بطلتك لا توصف
    و فرحتي بكلماتك أيضا لا توصف
    أشتقت لروحك الحبيبة
    و لهمستك الكوميدية
    أخي وجودك هنا اسعد القلب
    و أناره
    دمت بحفظ المولى يا غالي

  5. #4
    شكرا لك اخي المهم على هذه الاطلاله الرائعه
    وعلى هذه الكلمات المنسوجه بذكريات الماضي وعطر المستقبل
    تقبل مني اجمل شكر
    تحياتي
    [GLOW][SHADOW][GLOW]قتلنــــــــــــــــــــــــني .... الانتظــــــــــــــــــــــــــــار[/GLOW][/SHADOW][/GLOW]

  6. #5
    مشكووووووووووووورين على تواجدكم ومروركم حبايب ألبي

    والله هالطلة بالدنياء كلها ..

    الله يعطيكم العافية واتمنى دوام الطلة الرووعة ..

    تقبلو

  7. #6
    مشكووووووووووووورين على تواجدكم ومروركم حبايب ألبي

    والله هالطلة بالدنياء كلها ..

    الله يعطيكم العافية واتمنى دوام الطلة الرووعة ..

    تقبلواتحياتي

  8. #7
    مشكككككككككووووووووووووووووووووووووور اخي على
    الموضوع الرائع في نفس الوقت والى الامام انشاء الله
    احساس رائع والى الامام

  9. #8
    هلالالالالالالا والله بمشاكسنا ..

    منووووور الموضوع ألبو ..

    مشكور لتواجدكـ ومروركـ..

    اتمنى تدوم هالطلة ..

    تحياتي



  10. #9
    المـــــــــــــــــــــــــــــــــــــــــــــــ ـــــــــــــــــهــــــــــــــــــــــــــــــــ ـــــــــــــــــــــم شكرا على الموظوع بس في اهناك بعظ الملاحظاات ومنها كتالي :laugh ogre ogre
    bored
    اذا صار الرجال يكلم المرأة (( الحرمة )) يقولها مثلا كيف حالكـ نقول أنحن كيف حالتس الـ تس بدال الكاف طبعا لان القصيدة تحتوي عليها
    ؟؟؟؟؟؟؟؟ cheeky disappointed
    عطني اي لغه بلعالم تبدل احرفها بهاذي الطريقه ؟؟ مايصير ؟ bored
    عطني اثباااااااااات عطنيي دليل جذي مايصيير sleeping bored bored nervous nervous surprised surprised dead smoker laugh laugh laugh
    انا بصرااحه اول مرره اشووووف الكلااااااااام هاذا ؟؟ هاذاا بأي قااموس اسمحلي يالمــــــــــــــــــــــــــــــــــــــــهـــــ ــــــــــــــــــــــــــــــم لكن كلام الحق لااازم ينقااال laugh laugh laugh
    المــــــــــــــــــــــــــهــــــــــــــــــــ ــم ogre ogre ogre
    لك تحياتييييي angry paranoid paranoid paranoid laugh chinese
    السمووحه المــــــــــــــــــــــــهـــــــــــــــــــم بس هاذا الكلاام اللي لازم نقوله ولا تزعل ogre ogre ogre ogre
    اخر تعديل كان بواسطة » MOoZa في يوم » 15-02-2006 عند الساعة » 22:22
    attachment

  11. #10


    أخـ MOoZa ـتـ:

    مشكورة على تواجدتس ومرورتس

    بس هذي لغتنا اهل نجد في السعودية

    وبالظبط اهل سدير وفيه القصمان بعضهم يقولون كذا


    واذا ما تصدقيني كلمي اي احد سديراوي بيكلمتس بهذي الطريقة ..



    وللمعلومة مو بس الحريم الي نقولهم اكذا ترا حتى الكاف نقولها احياناً تسا

    مثلاً كذا : تسذا

    واذا تبين دورة مستعد اكتب موضوع دورة للي يبي يتعلم اللهجة هذي تراها والله حلووووه مووت ..

    من يومني صغير وانا اتكم بها بس يوم دخلت النت خلاص بدت تتغير لهجتي وانتم السببmad

    هع

    اكرر شكري

    تحياتي

    احوكـ:الــــمـــهــــم

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter