نصايح الشباب للتعامل مع البنات

**XoOoX** · 13-02-2006, 19:08

السلام عليكم ورحمة الله و بركاته

هذي شوية نصايح لأخواننا الشباب و هي طرق مضمونة للحصول على راحة البال و التمتع بحياة جميلة يكون مخباك فيها متروس و كرشتك ما تنقز برع بسبب أمراض القلب و الشرايين الي تكون بسبب تدخين البنات .... اقصد بسبب التدخين و البنات

أولا مع الزوجة .......

إذا قالتلك حبيبي ودني السوق اريد اشتري أغراض للبيت ....
قولها أنا حالف ما اسير عند حد في حياته مازارني

و إذا فكرت في مرة أنك تطلعها خلها تتحجب و فوق الحجاب تلبس النقاب مال الننجا و تلبس غشوة فوق النقاب مع عباتين وحدة مسكرة و وحدة اسلامية و بعد ما تسكر الخيمة طلعها ولا تنزلها من السيارة ههههههههههههههه

قولها مرة شو رايج نسير ( الملاهي ) نتونس و نهيص كلنا ؟؟ طبعا من الفرحة بتقولك اكييييييد قوم أنت و شل عيالك و روحو رواحكم

و أنت في الدوام اتصل فيها وقولها سويلي صالونة دياي و صحن مكبوس و هريس و عصيده و جميع انواع السلطات و 10 انواع عصير ........ ولما ايي وقت الغدا لا اتيي البيت واذا اتصلت فيك قولها بتعشى في المطعم لأن أكلج غش

إذا تمكيجتلك و تعدلت ولا صبغت شعرها ....... أول ما تشوفها انقع من الضحك قولها شكلج يذكرني بالقرد ....... و اذا ما حاطة اي مكياج قولها شكلج يذكرني بالغوريلا

سولها حصالة وكل يوم حطلها درهم ........ ويوم تقولك عطني فلوس بشتري فستان ولا ذهب قولها عندج الحصالة اكسريها وخذي الي تبينه لا اكسرها على راسج و اشل الي فيها

خذلها بطاقة مدفوعة و اياني و اياك تفكر تحطلها رصيد .... حتى حق رنة ولا تنسى تقفل تلفون البيت

خذلك تلفزيون و رسيفر من الي ما بشتغلن الا بالرموت ..... وحط الرموت في مخباك

يوم تكون سهران ويا ربعك الساعة هنتين في الميلس تلعبون ورقة و الزوجة راقدة وتسعبل على المخدة كل شوي وعها من الرقاد خلها تسويلكم شاي ..... ولا تنسى تكب الدلة و تقول طاحت بالغلط

مع الأخت

لما تكون تتطالع تلفزيون .... تعال بدون ما تتكلم و مط الواير و لفه و شل التلفزيون و قولها ما عندنا بنات يطالعن تلفزيون .... وحطه في غرفتك

لما تكون امك عازمة ربيعاتها قول حق اختك في حريم في الميلس يبيعن براقع ..... سيري اشتري من عندهن و قولها تراهن يستحن يعني لازم انتي تطلبين براقع من عندهن ........ و شوف الهزاب الي بيستوي هناك و اضحك يوم بيروغونها من الميلس

لما تريد اختك تروح السوق ...... لا تقول لأ ...... شلها و بند المكيف و قولها خربان ....... وخلها تحترق من الشمس لأنك طبعا ما ركبت مخفي

كل يومين سير عند ابوك و قوله اختي فلانه تريد 500 ..... وبعدين يوم بتسير تقوله عطني فلوس شوف البكس يوم بييها هههههههههههه

كل ما تمر حذالها دوس ريلها اونك ما تدري ...... وياريت تخطف على الويه و البطن عشان تتشوه هههههههههه

و بعد ....... قام و قعد

إلي عنده اقتراحات ثانية يا ريت يفيدنا

**للمراهقه احاسيس** · 13-02-2006, 21:38

شنو هذا الشر كله
حرااام عليكم
لما تكون تتطالع تلفزيون .... تعال بدون ما تتكلم و مط الواير و لفه و شل التلفزيون و قولها ما عندنا بنات يطالعن تلفزيون .... وحطه في غرفتك<<<<هذي الحركه انا ما احبها ..وااايد اتنرفز منها
وبعدين اصلا الاولاد طيبين ما راح يسون هالشكل في البنات الحلووين
هههههههههههههههه
على العموم مشكور اخوي على الموضوع ...ويعطيك العافيه