سلام موجه لكل اعضاء منتدى مكسات الصغير والكبير
حقيقة انا فكرت في نفسي وطرقت في راسي فكرة ليش مااكتب مذكرات يعني مذكراتي
جلست اخلط واحط واجيب واكتب لحد ماكتبت مذكراتي الرائعة زيي...شايفة نفسها الاخت...
مذكراتي اليوم تتكلم عن يومي المدرسي يعني من ماأدخل المدرسة إلى ما أطلع منهانبدأ:أول ماأدخل المدرسة وأحط شنطتي أطلع الحوش اتمشى ...والله حالة تتمشى بعد... ونلقى البسة حقت المدرسة يا قلبي
فيها مغص وعقدة نفسية والتهاب بالحلق صوتها طالع كنه حمار يحتضر تجي عاد جرانديزر اللي هي الفرَّاشة أم محمد
ترفس القطوة وهي تقول :وجع انطمي جعلس الموت. وتطلعها برا لكن سرعان ما تعود وتتكر مأساة القطوةالطابور الصباحي:
معارك طاحنة وملاحم دامية كلها عشان توقف البنت في آخر الطابور حيث التدفئة الجيدة والسواليف وهي فرصة لتكوين
الصداقات بعيداً عن اعين المشرفات وحيث لاتسمع الاذاعة التي لا يستفيد منها الا اللي يقرأها والمعلمات اللي أظنهم بعد يسولفون .
الحصة الأولى(دين) المعلمة<ثقيلة دم>:
الصمت مخيم على الفصل والسكينة ترف باجنحتها على الطالبات لا يقطعه إلا صوت المعلمة وهي تشرح ولا تسأل عن حالة
البنات واحدة وضعت راسها وراحت في سابع نومةووحدة تعد المربعات الموجودة بالسقف ووحدة جالسة تبلع سندويش
تحت الطاولة بحجة ان الوقت ماأمداها تفطر في البيت وفجأة تدوي ضربة صادرة من المعلمة على الطاولة تجعل الطالبات
يتقافزن كالدجاج...حرام والله بس عشان ولا وحده جاوبت ولا رفعت يدها ...
الفسحة:
متنفس الطالبات الوحيد ربع ساعة تستجمع فيها الطالبات طاقتهن عشان فيه اربع حصص باقية حتى الطلعة فترى التي
كانت نائمة صراخها يدوي في الأسياب والتي كانت تأكل تحت الطاولة تركض إلى المقصف.
المقصف:
تضاعفات بشرية و غزوات الداخل مفقود والخارج مولود والتي ترى في نفسها الشجاعة لتدخل تخرج وهي محمولة بين
طالبتين وقد اصيبت بكسر في الضلع والشعر منفوش والتوت يده لتكون عبرة لمن لا يعتبر.
الطلعة:
هييييييييييييييييييييييييه خلص اليوم الدراسي تبدا معها تجمعات الطالبات خارج المدرسة وترى التي تكشف وجهها
تحسب ان لا احد يراقبها وتستمر الطالبات حتى تأتي الهيئة حفظها الله فتنفشهن نفشا عشان ما ينفع معاهم الا العين
الحمرى.
هذا هو يومي الدراسي يتكرر كل يوم وكل يوم له طعمه الخاص عندي...شوكلاته هو ...كل مكان في المدرسة له ذكرى خاصة حتى مكتب الادارية...عاد أنا داجة في المدرسة.... .
أرجو ان موضوعي يكون عجبكم والسموحة ترا أول مرة أكتب موضوع في منتدى فارجو من كل واحد يرد أنه يقولي
عن اخطائي ....عاد هو مليان اخطاء......
الحب كله نسووووووووووومة
المفضلات