مقابلات مع اشهر الأعضاء و المشرفين

[Thunder Jet]

تم تعديل الرد من قبل مراقب القسم .

[sazabi]

مشكور حبيبي
لكن اذا انتوا مشغوليين
المفروض تتخلون عن الأشراف
انا اجوف الأهمال كثير بالنسبة ل4 مشرفين قبل والحين سبعة والله انه نفس الشي
ولاكأنه في مشرفين !
صراحة نبي مشرفين نشيطيين واهم شي يساعدون الأعضـــــــاء
من عادة المشرف انه يساعد الأعضاء في كثير من المواضيع
دورو هالشخص وخلوه لأني متأكد انه راح يوفي بالغرض

طيب اخي اديني اقتراحات و انا ارفعها ونتناقش فيها وشكرا على اهتمامك

[Thunder Jet]

تم تعديل الرد من قبل مراقب القسم .

[master shion]

السلام عليكم كيفكم اعضاء مكسات انشاء الله بخير

آآآآآآسف جدا على التأخييير كانت لدي ظروف تمنعني من المشاركة لذا اعذروني ^_^!

الأخ كايتو كيد ما سوا المقابلة وياي يمكن مشغول ^_^!

المهم انا سويت المقابلة مع مشرفنا الغالي ( The Night Baron )

و لا يبي يسأله يسأله بس انا ما قصرت وياه سألته كثير حمد الله ان كان عنده وقت يرد علي

يلى نبدأ المقابلة



السلام عليكم



وعليكم السلام



كيف الحال



الحمدالله بخير وكل شي تمام ^^



ممكن تقولنا ليش اخترت اسم The Night Baron




من قبل في بعض المنتديات كنت معروف باسم Shinichi Kudo ولما دخلت مكسات ما قدرت اسمي نفسي بهذا الاسم لأنه كان محجوز .. فقلت آخذ اسم قريب من سينشي او من الانيمي عموماً .. فاخترت اسمي من الحلقات 68 و 69 و 70 إلي كانت بعنوان The Night Baron .. وذاك الوقت كنت معجب بالحلقة مرره وبشخصية البارون إلي ابتكره والد سينشي في احد رواياته .. ولو تتذكرين بالعربي كان اسمه رجل الظل .. وبس هذي هي السالفة ^^



من وين عرفت منتدى مكسات




امممممم مره كنت ابحث عن ريميكسات لفرقة Tatu .. المهم دخلت على موقع مكسات ولقيت لهم ريميكس من عمل أخوي NAZ حملته وأعجبني ^^ وشفت نفسي فاضي ورحت اتصفح الموقع ولقيت فيه اشياء كثير عن الانيمي و اعجبتني وفرحت لما شفتها فقلت أدخل المنتدى واشوف إذا فيه قسم للأنيمي وبالفعل لقيت ميجـاتوون وتصفحته واعجبني خصوصاً وانه كان فيه اعضاء اعرفهم من قبل فسجلت فوراً ^^




وين كنت تشارك قبل مكسات



كنت أشارك في عدة منتديات تختص بالأنيمي .. لكن مو كثير وتقريباً كنت متصفح أكثر من اني اشارك بس بمكسات تغير الوضع ^^



هل ترى ان مهمة الأشراف صعبة عليك



في البداية كنت اعتقد انها صعبة ومسؤوليتها كبيرة .. لكن بعد فتره قصيرة من تعييني شفت أنها ممتعة .. وسهلة وصعبة بنفس الوقت .. ففي بعض الأيام تكون صعبة لأني أحياناً أكون منشغل بالدراسة أو بأي ظرف من الظروف وهنا تزداد المتعة بحيث اني احاول بأي طريقة اني انظم اوقاتي واتحدى نفسي .. يعني أحياناً أدرس بسرعة وبدون كسل عشان أقدر ادخل للمنتدى وانا مرتاح البال ^^ وبعد الرقابة افادتني من ناحية التعاون مع زملائي المراقبين وتقبل آرائهم ومناقشاتهم في سبيل خدمة القسم ^^



شو رايك في الأعضاء




اعضاء اكثر من رائعين ماشاء الله .. مميزين وحبوبين الله يخلينا لبعض إن شاء الله ^^



شو رايك في المواضيع



نفس الشي المواضيع دائماً حلوه ومميزة وافكارها متجددة دائماً .. باستثناء بعض المواضيع إلي ماتعجبني مثل التصويت أو ماهي افضل شخصية او انيمي والخ .. وبعد ماحب المواضيع المتعلقة بسبيس توون والزهرة لانها دائماً تسبب مشاكل ومشادات على غير فايدة وهي تضيع الوقت والجهد كمان .. لكن في المقابل مواضيع النقاش الهادفة مره حلوه وتعجبني حتى التقارير ^^ وبعد المواضيع الموجودة في قسم العروض المترجمة كلها مميزة و متعوب عليها ^^ الله يوفق الجميع ان شاء الله ونشوف المزيد من المواضيع الهادفة الي تساعد في رقي القسم نحو الافضل ^^



شو رايك في المشرفين



كلهم ممتازين واستحقوا الرقابة .. يعني ماشاء الله عليهم قايمين بالواجب على أكمل وجه ^^ الله يوفقهم في مهامهم ^__^



من هو افضل عضو لديك



سؤال صعب الصراحة لانه في كثير أعضاء احبهم ولو بعددهم ماراح اخلص .. لكن تقدر تقول ان اعضاء التوون هم الأحب على قلبي دائماً بما فيهم انت ^^



هل هنالك عضو تكرهه




لا ولله الحمد .. صحيح احياناً يصير سوء تفاهم بيني وبين بعض الاعضاء بس ماتوصل لدرجة الكره ^_^



متى استويت مشرف



امممممم والله مادري بالضبط لكن تقريباً بعد عشر شهور من تسجيلي ^^



من اي سن بديت اتشوف الأنمي



بصراحة انا وعيت على هذي الدنيا وانا اشوف الانيمي والكارتونز .. مادري بالضبط لكن يمكن من كان عمري 4 سنوات عشان صرت افهم واستوعب اكثر ^^



اي انمي اول انمي شفته



ماعرف والله لاني قلتلك من وعيت على الدنيا وانا اشوف الانيمي لكن اتذكر الانيمي الي تابعته بانسجام واستمرار اول مره وحسيت اني مهتم فيه يمكن جراندايزر والرجل الحديدي وزي كذا يعني ^^



هل تفضل الأنمي القديم او الجديد



اثنينهم حلوين واشوفهم كلهم لكني طبعاً احب الجديد اكثر ^^



ما هو افضل 5 انميات من الأنميات الجديدة




1- Detective Conan
2- X tv
3- Saint Siya Hades
4- Wiss Kruze
5- Bleach

وفيه غيرهم بعد بس انت ماطلبت الا خمسة ^_^



ما هو افضل 5 انميات من الأنميات القديمة



1- ليدي اوسكار
2- الرمية الملتهبة
3- خماسي
4- الهداف
5- هايدي

نفس الشي فيه غيرها بس انت ماطلبت الا خمسة ^_^



ما هو افضل 5 انميات عاما



1- Detective Conan
2- Grave of Fireflays
3- Cabten Tsubasa
4- Hellsing
5- InuYashs



ما هي افضل 5 شخصيات لديك



1- Kamui
2- Aya
3- Saga
4- Shinichi
5- Alucard




و هل تفضل الأنميات بالدبلجة العربية ام اليابانية



احبهم اثنينهم ^^ بس الافضل الدبلجة اليابانية لأنها هي الاصل ويعرفون كيف يضبطونها .. حتى الدبلجة العربية حلوه لكنها للأسف فيها اخطاء دائماً ..



كم سنة و انت تشارك في مكسات



تقريباً ثلاث سنوات ^^



هل ترى مكسات افضل من باقي المنتديات



شي اكيد ^__^



شو الا خلاك تشارك في مكسات




القوانين , الاعضاء , المواضيع .. يعني لقيت بمكسات شي مالقيته بالمنتديات الثانية مثل تعامل الاعضاء والمشرفين ^^ يعني ونااسة والي يدخل مكسات يتعلق فيه ومايمكن انه يبعد عنه



شو رايك في الماوضيع الا هدفها تزيد مشاركات مثال ( زيد مشاركتك بأسم شخصية انمي )



مع الاسف ماتعجبني ابداً لانها مالها هدف او فايدة إلا زيادة المشاركات وهذا شي مو حلو واتمنى ان الاعضاء يخففوا منها ..



شو رايك في الا يدخلون الماوضيع و يشكرون فقط




يمكن موضوع لأن له فايدة كبيرة ^^




ما هو افضل موضوع لك



ما ادري صعب الأختيار بس هذي بعض المواضي الا احبها شوفوها في هذي الوصلة

http://www.mexat.com/vb/showthread.php?t=92380



ما هو افضل تقرير لك



صعب أحدد خخخخ ^^ انا احب كل تقارير حتى القديم منها واعتبرها كلها حلوه ^^ لكن وبما انك سألت راح اختار هذا الموضوع .. كل شي فيه جاء بسرعة وبدون تخطيط يعني خلصته بثلاث أيام لاني كنت مستعجل عليه ^^

http://www.mexat.com/vb/showthread.php?t=92380



اي نوع من الأنمي تفضل



أحب الدراما , الشونين , الاكشن , الفانتسي , الغموض , الرعب , المغامرات , الساموراي وشوي رومانسي ^^



شو رايك في دبلجة الزهرة



امممممم من ناحية مؤدي الأصوات تقريباً جيدة أما من ناحية التحذيف جداً سيئة لانهم يحذفون مقاطع مالها داعي .. وإلي يعجبني فيها من زمان انها كانت تدبلج أنيميز حلو أما الحين صارت سخيفة وتدبلج أنيميز مادري من وين يجيبونه فألاحظ ان اغلبه كوري او امريكي .. عشان كذا صرت الحين ما اتابع شي لهم إلا كونان ومو كثير بعد ..

[master shion]

اي قناة تراها الأفضل للأنمي



مادري والله .. من زمان سبيس توون زينة بس الحين لأ .. أشوف ان ام بي سي ثري يمكن احسن هي و آرتينز .. بس بصراحة مادري إذا حكمي عادل لأني ما اتابع ولا قناة الحين ^^!



شو كانت ردة فعلك لما حصلت على الأشراف



فرحت أكيد خصوصاً واني راح اكون مسؤول عن قسمي المفضل



شو موجبات قسم ميجا تون



تميز الأعضاء نحو الافضل في جميع المجالات سواء بالتقارير او ترجمة الأنيمي وخبرتهم الواسعة بالأنيمي إلي تتعدى معرفتهم بالأنيمي المدبلج للعربية إلى جانب التزام الكثير من الاعضاء بالقوانين .. بحيث اننا ماصرنا نشوف مواضيع كثيرة عن الزهرة مثل قبل .. وإن شاء الله يرتقي القسم نحو الافضل دائماً ^_^



شو سلبيات قسم ميجاتون



تكرار المواضيع .. وتصديق الاشاعات بسرعة وهذا الشي يعمل ضجة على غير فايدة مثل سالفة كوربيكا إلي للحين نسمع فيها -__-" بالاضافة الى مواضيع التصويت والمقارانات .. ونقل المواضيع ولو انه خف هذي الفترة لكن لايزال موجود .. كثرة مواضيع القصص او الفان فيكشن .. وأحياناً المواضيع إلي مالها علاقة بالتوون .. تقريباً هذي هي الاشياء السلبية ..



شكرا على المقابلة



لا وش دعو اخوي .. انا الي لازم أشكرك على المقابلة اللطيفة ^^
نشوفك علي خير إن شاء الله ^__~

شكـراً ,,




انشاء الله عجبتكم المقابلة و اكرر اسفي على التأخير

تحياتي

[Alucard's girl]

مشكوووووووووووين على المقابلات الحلوة والراااااااااااااااااائعة جدا ....

والله هيكي نقدر نتعرف على المشرفين الاعزاء اكثر ونعرف عليهم معلومات اكتر تسلمووووون على الموضوع الكوووووووووول

_______________
@@وتحياتي للجميع وبالاخص المشرفين @@
اختكم Alucard's girl

[kura]

تحياتي لك يا مشرفنا المميز رجل الضل
ومشكور اخي master shion ع الموضوع الرائع

وانا ما عندي اسئلة جميع الاسئلة طرحها الاخ ماستر شيون
والسلام
ومشكورين مرة تانية
ومستنيين المقابلة التالية

[sazabi]

سلام عزيزي The Night Baron يا مرحبا بك.
في الاول ما عندي الا سؤالين
كم عمرك؟
و من اين انتا؟
والاسئله القادمه اتيه.

[ناروتو]

وعليكم السلام ورحمة الله وبركاته

اهلا master shion كيف الحال ان شأ الله مرتاح ؟

اشكرك كثيرا على هذه المقابلات مع الاعضاء وبالاخص مع المشرفين لانها تتيح للاعضاء الفرصه للتعرف اكثر فاكثر
على مشرفيننا الاعزاء

كيفك مشرفنا الغالي The Night Baronان شأ الله مرتاح وكل شئ تمام ؟

عندي سؤال واحد فقط : شرايك بالانمي yami no matsuei ؟

من يوم قريت تقريرك عنه وانا الى اليوم متعلق فيه فهل احببت هذا الانمي انت ايضا ؟
( تراهم سؤال واحد شرايك فيه وهل احببته كلهم واحد )

تحياتي لك ولـ master shion

[The Emperor]

السلام عليكم و رحمة الله و بركاته ^____^

كيف الحال إخواني و اخواتي إن شاء الله طيبين و مرتاحين !!!!

^___________^

وييييييه شكلي من زمان ما شاركت عندكم في مكسات ^_^;


أولا أحب أشكر الأخ ماستر شيون على جهوده المبذولة ^_^

ثانيا أشكر الاخ نايت بارون على الإجابات ^^

(شكرا أخوي سازابي على الإجابات خاصة على أسئلتي )

(ملاحظة للأخ ماستر شيون حاول اتنوع في الأسئلة >_< مب كله شو رايك في المواضيع من ثم الشخصيات من ثم الأعضاء من ثم القسم من ثم ...الخ)



عزيزي The Night Baron :

ما عارف لو تذكرني أو لا !!>__<

بس أنا إنسان على ما أظن كلمك عن أنيمي اسمه Angel Sanctuary من قبل فما أعرف لو إنت هو نفسه ولا لا >_< (الذاكرة ضعيفة )



المهم To the Questions :

(على فكرة الأسئلة Copy Paste من مجموعة الأسئلة اللي كنت أكتبها قبل ^_^ يبت لك مجموعة اتناسبك ^_~ طبعا شوي حصل Adjustment حتى يكون مناسب لك ^^)

1- هل قرأت مانجا Angel Sanctuary أو تابعت الأنيمي فقط ؟ (سؤال جديد)

2- هل اعتمرت أو حجيت؟؟؟ وقول كم من مرة لو ممكن ^^!!

3- لو حد قالك بندفع لك 50 ألف درهم بس إقفز في حوض ماي شوي متخيس؟ (بس أمام ربعك يعني مب ناس غرب)

4- تعرف تتكلم أي اللغات غير العربية ؟

5- اذكري لي موقف ينكت من حياتك الشخصية !! ^o^

6- لو ما كنت عربي شو كنت تتمنى اتكون ؟؟ (قول بصراحة مرة واحد جاوبني قال بريطاني علشانهم دبلوماسيين ^^)

7- شو بتقول حق واحد يقولك ذوقك كتشرا ؟؟؟؟ (لو "لو" حد يقولك ^^ طبعا مستحيل علشان ذوقك خطير ^_~)

8- كم ساعة تقريبا ترقد (اتنام)في اليوم ^^ ؟؟

9- اتضاربت وي حد من قبل أو شو ؟

10- أنا أعرف إن في ناس اتخاف من القطط أو الحشرات أو الظلمة أو الحريق أو الطائرات T_T... فيا بطل قولني من شو الاشياء اتخاف ؟؟؟

11- شو أول شهادة حصلتها في حياتك ؟؟؟

12- كم أخ لك ؟؟؟؟

13- كم ترتيبك بينهم ^^ ؟؟؟

14- شو علاقتك وي إخوانك ؟؟؟؟ (يعني هل Cool وياهم أو شوي رسمي يعني ما تتكلم وياهم تستحي أو شو ؟؟؟)

15- اختر أفضل خمس أعضاء ذكور في نظرك ^^ !!!(لو تقدر عشرة ^^ بطل قول لا تستحي !! لو أنا مكانك صدقني بقول)

16- شو هواياتك ؟؟؟؟؟

17- كم مرة سافرت و وين سافرت ؟؟؟؟

18- شو أحلى رسوم متحركة عربي مر عليك !!!

19- لو كنت بتسوي(بتصنع أو ترسم أو وت إيفر)مسلسل كنت بتسوه قريب من أي مسلسل "تقريبا" ؟؟؟(يعني كان بيطلع مثل شو؟؟)

20- أي نوع من الذكور في الأنيمي يعيبك ؟

21- أي نوع من الفتيات في الأنيمي تعيبك ؟

22- قولني مانجا تتمنى يتحول لأنيمي !!!!

23- هل تمتلك رخصة قيادة سيارات ؟

24- لو نعم شو هي السيارة اللي اتسوقها؟؟؟؟؟؟

25- هل دعمت حد من قبل ؟؟؟ >_<

26- هل تسرع في السيارة ؟؟؟؟

27- ما هي السرعة الاعتيادية ؟؟؟؟؟

28- منو هم الأعضاء الللي تتمنى اتقابلهم ؟؟؟؟؟

29- شو أحلى عشر أكلات لك ؟؟؟؟؟؟ (لازم !!!! حاول اترتب )

30- هل إنت من اللي يحبون الأكلات المنزلية (يعني غوزي ما غوزي) أو من اللي يحبون الأكلات مال المطاعم( مثل الستيك أو البيتزا او الهمبرغر) ؟؟؟؟

31- كم وجبة تاكل في اليوم ؟؟؟؟؟

32- صف لي كيف حالتك في الفريج ؟؟؟؟؟؟ (يعني هل تطلع وي عيال الفريج أو ما اتكلمهم ؟؟؟؟)

33- منو هم أفضل عشر أبطال أنيمي في نظرك ؟؟؟؟؟ (أبطال المسلسلات مب شخصيات جانبية)

34- شو أروع خمس مانجات قرأتها ^^؟؟؟

35- ما رأيك في المسلسلات القديمة أمثال جزيرة الكنز و غرندايزر ليدي أوسكار و هذه الأشياء ؟؟؟؟ و هل حقا تستحق هالضجة اللي مسوينها في المنتدى ؟؟؟ و هل حقا هالضجة من قلب أو خوف أو تقرب من الأعضاء الكبار؟؟؟ (سؤال وقح

عارف!!>_<)

36- هل تحب مسلسل الكابتن ماجد ؟؟؟

37- شو أتشوف أروع مسلسل رياضي؟؟

38- في أي مرحلة دراسية إنت ؟

39- هل فكرت في يوم من الأيام إنك تنتحر و متى كان هذا لو فكرت ؟؟

40- لو يوم من الأيام عاطوك فرصة اتسو Cosplay ما عارف شو ... كنت بتختار ملابس أو شكل أي شخصية ؟؟؟؟

SP- كم تشفت من مسلسل ساينت سيا ؟؟؟؟ و أتشوف عيبتك شخصية Saga معني أتشوفه بعيد جدا من شخصية كاموي فكيف تشي؟؟؟ هل لازلت تقول إنك اتحب أحدهما بسبب الإخلاص ولا كيف ؟؟؟

و مشكور مسبقا !!!!!

(يرجى عدم تجاهل أي سؤال !!! ههههههه اتمصخر وياك اتجاهل أي سؤال ما عيبك على راحتك ^___^)
و السلام عليكم و رحمة الله و بركاته ....

[chiaki]

شكرا اخوي على المقابلات الحلوه ..لو ممكن سؤال لمراقبنا العزيز بارون...

ماهو افضل انيمي تابعته حتى الآن لدرجة تصنفه في المركز الأول؟؟؟؟؟




سلام المحبchiaki

[The Night Baron]

السلام عليكم ^^

مرحبـا جميـعاً

اول شي أحب اشكر أخوي ماستر شيون على الموضوع الحلو ^^ وأشكر جميع الاعضاء إلي شاركوا في الموضوع

بالنسبة للأسئلة ..

sazabi

هلا فيك أخوي ^^

في الاول ما عندي الا سؤالين

خذ راحتك اخوي ^__^

كم عمرك؟

19 سنة ^^

و من اين انتا؟

من الريــاض ..

والاسئله القادمه اتيه.

حياك بأي وقت اخوي .. وشكراً ^^

ناروتو

هلا اخوي ^^ انا الحمدالله تمام .. انت وش اخبارك إن شاء الله بخيـر

عندي سؤال واحد فقط : شرايك بالانمي yami no matsuei ؟

من يوم قريت تقريرك عنه وانا الى اليوم متعلق فيه فهل احببت هذا الانمي انت ايضا ؟
( تراهم سؤال واحد شرايك فيه وهل احببته كلهم واحد )

حلو السؤال ^^ أكيد متعلق فيه وبصراحة أنا أعشق هذا الأنيمي بشكل ماتتصوره .. مادري بس كل شي فيه حلو وشامل من جميع النواحي باستثناء ان الحلقات قليلة جداً للأسف .. وتقريباً بين كل فترة وفترة أعيد مشاهدته هو و X tv ومستحيل أطفش منه مع انه عندي كثير أنيميز غيره ماشفتهم للحين بس أفضل يامي نو ماتسوي عليهم

وطبعاً الشخصيات كان لها دور أكبر في تعلقي بالأنيمي خصوصاً موراكي وتسوزوكي وهيسوكا والموسيقى والاغاني بعد تعجبني والأحلى من كذا انهم شينيجامي وفيه استدعائات مثل العاب الار بي جي ^^ يعني مثل ماقلتلك من قبل أنا اعشق هذا الانيمي واشوف ان كل شي فيه حلو وراح يبقى من أفضل الأنيميز إلي شفتهم ^__^

شكراً أخوي إن شاء الله نشوفك على خير ^^

The Emperor

وعليكم السلام ورحمة الله وبركاته ^^

هلا وغلا بأخوي الامبراطور

عزيزي The Night Baron :

ما عارف لو تذكرني أو لا !!>__<

بس أنا إنسان على ما أظن كلمك عن أنيمي اسمه Angel Sanctuary من قبل فما أعرف لو إنت هو نفسه ولا لا >_< (الذاكرة ضعيفة )

وش دعوة أخوي أكيد أتذكرك .. ولو أنت اخو وصديق عزيز وغالي وصحيح كل الكلام إلي قلته .. وتكلمت معاي في تقريري عن هذا الانيمي ^^

المهم To the Questions :

اوكيه ^^

1- هل قرأت مانجا Angel Sanctuary أو تابعت الأنيمي فقط ؟ (سؤال جديد)

لا والله ماسمحت لي الفرصة أني أقرأ المانجا .. واكتفيت بالأنيمي بس ^^

2- هل اعتمرت أو حجيت؟؟؟ وقول كم من مرة لو ممكن ^^!!

حج ولا مره ^^! بس العمرة تقريباً اعتمرت أربع مرات ولله الحمد

3- لو حد قالك بندفع لك 50 ألف درهم بس إقفز في حوض ماي شوي متخيس؟ (بس أمام ربعك يعني مب ناس غرب)

ههههههههههه حلو السؤال والله ^^ اممممم والله إذا كنت بوقتها محتاج للخمسين ألف أقفز وأمري لله ^^! بس الحين مو محتاج لها عشان كذا راح أرفض طبعاً ^^

4- تعرف تتكلم أي اللغات غير العربية ؟

امممممم إنجليزي طبعاً وشوي فرنسي مو كثير

5- اذكري لي موقف ينكت من حياتك الشخصية !! ^o^

لوووول خلني أتذكر فكرت لك بمجموعة من المواقف بس ماحسيت انها تضحك مره .. بس بقول لك موقف صار لما كنت بالابتدائي .. مره رحنا لمطعم في أحد الفنادق المهم تغدينا وخلصنا ولما كنا راجعين للسيارة كنت امشي طبيعي حتى وصلت لباب كله قزاز المهم تقريباً كل اهلي طلعوا منه وحسبته مفتوح ومافيه قزاز أصلاً وأنا ماشي تقريباً بسرعة صدمت فيه وتفشلت مررره انا ماعرفت وش اسوي وجلست اضحك واحاول اتصرف اني طبيعي بس والله الصدمة جات على وجهي وكانت قوية فتشوف كل وجهي صار أحمر ><! وعموماً أنا دائماً كذا امشي وعيوني مادري وين تكون فكثير اطيح او أصدم بالأشياء يعني ماعندي توازن خخخخ ^^!

6- لو ما كنت عربي شو كنت تتمنى اتكون ؟؟ (قول بصراحة مرة واحد جاوبني قال بريطاني علشانهم دبلوماسيين ^^)

امممممم الصراحة أحب البريطانيين بس ما أتمنى اكون مثلهم ^^ لو ماكنت عربي أتمنى أكون إيطالي أو اسباني ^^

7- شو بتقول حق واحد يقولك ذوقك كتشرا ؟؟؟؟ (لو "لو" حد يقولك ^^ طبعا مستحيل علشان ذوقك خطير ^_~)

خخخخخ تسلم والله اخوي ^^ أكيد بتفشل واستحي شوي ويمكن يبين إني متضايق بس بقوله " هذا رأيك وأنت حر فيه ولكل إنسان ذوقه الخاص وأنا ذوقي عاجبني ولله الحمد " وسلامتك

8- كم ساعة تقريبا ترقد (اتنام)في اليوم ^^ ؟؟

أيام الدراسة يمكن مابين الـ 8 والـ 9 ساعات .. أما في الأجازات مابين الـ 10 والـ 12 ساعة ^^!

9- اتضاربت وي حد من قبل أو شو ؟

إيه اكيد أتضاربت بس لما كنت صغير شوي .. والحين تقريباً لأ .. والحمدالله كل المضاربات ما تكون قوية او خطرة

10- أنا أعرف إن في ناس اتخاف من القطط أو الحشرات أو الظلمة أو الحريق أو الطائرات T_T... فيا بطل قولني من شو الاشياء اتخاف ؟؟؟

أكيد في كثير يخافو من بعض الأشياء وانا منهم طبعاً ^^ الصراحة انا أخاف من الحشرات وفيك تقول مو خوف واكثره تقزز >< واخاف بعد من النار و الالعاب النارية و الأمراض الخطرة مثل انفلونزا الطيور وهذي الأشياء .. ويمكن اخاف من الجن والمشعوذين شوي .. وطبعاً فيه أشياء كثير غيرها بس انها بسيطة و مخاوف عادية ^^ وأصلاً الحياة بحد ذاتها تخوف يعني ماتعرف وش بيصير لك فيها او ايش المستقبل او حتى الحروب والامراض .. وأخيراً اكيد أخاف من الموت ..

11- شو أول شهادة حصلتها في حياتك ؟؟؟

بصراحة مافهمت السؤال بشكل جيد .. بس إذا شهادة رسمية ومفيدة فأكيد راح تكون شهادة الثانوية .. اما إذا تقصد اول شهادة بحياتي مثل شهادة تقدير او شي زي كذا فمن صف تمهيدي وانا آخذ هي الاشياء ^^

12- كم أخ لك ؟؟؟؟

امممممم إذا قصدك أولاد هم اثنين وانا الثالث .. اما إذا قصدك اخواني واخواتي .. فحنا كلنا سبعة ^^

13- كم ترتيبك بينهم ^^ ؟؟؟

خخخخ مشوار والله ^^ بصراحة ماعرف هو أنا الثالث أو الرابع بينهم .. عشان أنا لي أخت توأم وهي انولدت قبلي يعني أنا أعتبر أصغر منها فعشان كذا أتوقع إني الرابع .. عرفت كيف ^_^!

14- شو علاقتك وي إخوانك ؟؟؟؟ (يعني هل Cool وياهم أو شوي رسمي يعني ما تتكلم وياهم تستحي أو شو ؟؟؟)

والله بصراحة اخواني إلي أكبر مني علاقتي معاهم عادية يعني شوي فيه حواجز بيننا وما أقولهم على كل شي .. وفيك تقول أستحي شوي .. أما اخواني إلي بعدي علاقتي فيهم قوية ودائماً مع بعض نشوف أفلام ونطلع مع بعض او نلعب فيديو جيمز وزي كذا .. يعني أقولهم على كل شي وهم بعد نفس الشي وماتحس بيني وبينهم حواجز .. أما اخوي الصغير هو إلي دائماً فيه مشاكل بيني وبينه خخخخ ^^

15- اختر أفضل خمس أعضاء ذكور في نظرك ^^ !!!(لو تقدر عشرة ^^ بطل قول لا تستحي !! لو أنا مكانك صدقني بقول)

اوكيه مو مشكلة بما انك ماحددت راح اقول إلي اقدر عليه .. وسامحوني يابنات الامبراطور ما حدد إلا ذكور ^^!المهم نبدأ وللمعلومية الاسماء مالها اي ترتيب معين يعني أتذكر واكتب ^^

X Kaito Kid X , # Ken # , Seiya , The Emperor , master shion , sazabi , BMA , DarkLordDragon , OLD_anime , SUPER MIND , lord of anime , FLASH MIX

رامشي , أواب , صدى الصوت , فارس شجاع , الكونت ..

وسامحوني لو نسيت أحد ^_^

16- شو هواياتك ؟؟؟؟؟

مشاهدة الأنيمي , سماع الأغاني , أفلام , فيديو جيمز , رياضة بمختلف انواعها لكني أفضل السباحة اكثر شي , قراءة الروايات العالمية , الرسم , وأخيراً الطلعات برا البيت خخخخ ^^!

17- كم مرة سافرت و وين سافرت ؟؟؟؟

بصراحة أعتبر نفسي ما اسافر كثير .. يعني أروح لسويسرا او فرنسـا بشكل عام , لندن , مصر , لبنان , الامارت تقريباً كل سنة أروح لها ^^ وطبعاً المدن إلي داخل المملكة .. جدة ومكة والشرقية ^^

18- شو أحلى رسوم متحركة عربي مر عليك !!!

امممممم إذا تبي الصراحة ما فيه شي حلو لأن العرب مو مختصين بهذا المجال وأغلب الرسوم تكون إرشادية او دينية فما تعجبني أبداً .. العرب يصلح يعملوا مثل افتح ياسمسم او مدينة المعلومات .. أحسن لهم ويتقنونها اكثر ^__^

19- لو كنت بتسوي(بتصنع أو ترسم أو وت إيفر)مسلسل كنت بتسوه قريب من أي مسلسل "تقريبا" ؟؟؟(يعني كان بيطلع مثل شو؟؟)

يااااااي وناسة والله لو بكيفي .. أكيد راح يكون مشابه لـ X tv في محور القصة يعني يتكلم عن القدر ودمار الأرض والتضحيات .. بس إلي أبيه يختلف هو العصر إلي يعيشوا فيه يعني مو متقدم او حديث .. وحلو لو يكون زي عالم جيـا إلي في اسكافلوني او ريكورد اوف لودز وار او تسوباسا كرونيكل والخ .. وطبعاً لازم يكون فيه سحر وقدرات خارقة والأهم من كذا انه يكون فيه استدعائات مثل فاينل فانتسي او العاب الار بي جي عموماً ^^ والأبطال أبيهم يكونو كثيرين ومجموعة كبيرة ولو تسمح الفرصة يكون عددهم أكبر من مجموعة دراجون اوف هيفن ^__^ وبس هذي طلباتي خخخخخ

20- أي نوع من الذكور في الأنيمي يعيبك ؟

والله الصراحة انا ماعندي شروط معينة أهم شي شخصيته تعجبني .. يعني مو شرط يكون حلو او كيوت أو ملابسه وديزاين شخصيته ياااي و Kawaii .. ألزم ماعلي يكون هادئ , بارد , غامض , حزين , وحيد , مايضحك كثير , قوي وعنده قدرات , مايتكلم كثير .. هذا إلي تقريباً يعجبني أو أنجذب له .. يعني ماحبه يكون أهبل او يضحك او غبي مايحب إلا البنات وزي كذا ^^!

يتبع عشان الرد مايكفي ^^!

[The Night Baron]

21- أي نوع من الفتيات في الأنيمي تعيبك ؟

عاااد البنات احب تقريباً كل الانواع يعني سواء كانت هادية او ساذجة او قيادية او هبلة مايهم ^^ لأنه بصراحة دائماً ديزاين بنات الأنيمي وملابسهم حلو ونادر ماتلقى بنات مو حلوات .. باستثناء الاشرار ماحبهم أبداً أحس الدور ما يلبق عليهم >_<

22- قولني مانجا تتمنى يتحول لأنيمي !!!!

hmm .. ماحب المانجا وما أقرئها .. تقريباً بس المانجا حق كونان ^^!

23- هل تمتلك رخصة قيادة سيارات ؟

ايه عندي ^^ أخذتها في الإجازة الصيفية إلي فاتت ^^

24- لو نعم شو هي السيارة اللي اتسوقها؟؟؟؟؟؟

عندي جيب .. لو تعرفه اسمه نيسان آرمادا " Nissan Armada "

25- هل دعمت حد من قبل ؟؟؟ >_<

لا الحمدالله ماعمري سويتها خخخخ بس أحياناً إذا كنت أسوق وانا توني صاحي من النوم أفقد التوازن شوي بس ربك ستر

26- هل تسرع في السيارة ؟؟؟؟

لا ماحب .. يعني شوي أخاف ^^!

27- ما هي السرعة الاعتيادية ؟؟؟؟؟

امممم إذا كنت مستعجل 120 او 140 .. إذا كنت رايق وماوراي شي مابين الـ 70 والـ 80 عشان اسمع أغاني خخخخ ^^

28- منو هم الأعضاء الللي تتمنى اتقابلهم ؟؟؟؟؟

بصراحة ما أفكر أقابل احد .. صحيح وناسة بس مادري ماحب وماعرف أيش السبب ^^!

29- شو أحلى عشر أكلات لك ؟؟؟؟؟؟ (لازم !!!! حاول اترتب )

هههههههههه صعب السؤال لأن انواع الاكل متعددة وانا احب كثييير .. يعني فيه أكل البيت وفيه اكل المطاعم وفيه حلويات وكلها احبها خخخخ ^^ المهم بحاول أنوع لك وارتبها ^^

1- اكثر شي أحبه المكرونات او الباستا بجميع أنواعها .. لازانيا , فوتوشيني الفريدو , سباجيتي , مكرونة بالبشاميل واي نوع ثاني بس بصراحة ماعرف أسماء خخخخ وفيه نوع احبه إلي يكون مكرونة مع باذنجان وبطاطس وجبن .. مره حلوه بس بصراحة هي مو موجودة بالمطاعم وانا اكلها بالبيت دائماً ^^
2- الاكل المكسيكي يعجبني كمان خصوصاً الكاساديا سواء كانت لحم او دجاج بس اهم شي انها تكون إلي بفدراكرز بصراحة ماعمري ذقت مثلها حتى المطاعم المتخصصة بالاكل المكسيكي ماتجي مثل إلي بفدراكرز ^^ .. واحب بعد الفاهيتا ونفس الشي مو مشكلة احب اللحم والدجاج ^^
3- الفاست فوود من بيتزا وبرجر وناجتس وبروستد كلها أحبها سواء كانت من المطعم او حتى من البيت كلها كذا
4- الاسكالوب بانيه وبشكل عام بكل المطاعم حلو .. بس أحلى شي يعجبني إلي يكون اسكالوب مع الجبن زي إلي في كريباواي مره خطيير ^^ والستيكات بجميع انواعها واحب آكلها بستيك هاوس بس ^_^
5- الاكل إلي يكون مصري أتوقع .. مثل الفول والفلافل والشاورما ^^
6- الاكل الايراني بشكل عام كله حلو .. خصوصاً كشك باذنجان وكباب سلطاني مره احبه
7- الاكل التركي بعد حلو ويعجبني خصوصاً إلي تكون مطبوخة بالفخارات ^^
8- الاكلات الشعبية وهذا اقل نوع آكله تقريباً .. مثل المثلوثة والقرصان .. والمنتو والفرموزة وهي آكلات حجازية شعبية واحبها اكثر من إلي قلته قبل ^^
9- المأكولات الهندية مرررره خطيرة بشكل عام .. بس أنا اطلب الاكل عادةً انه مايكون حار مره لان ماحب الحرارة الزيادة عن اللزوم
10- أخيراً الحلويات وهي من أفضل الاصناف عندي مثل السينمون والتيراميسو والسوفليه والآيس كريم والكوكيز والبراوني والتشوكليت موس والتشيز كيك والتشوكليت كيك .. بس هذا أحلى شي عندي ^__^

30- هل إنت من اللي يحبون الأكلات المنزلية (يعني غوزي ما غوزي) أو من اللي يحبون الأكلات مال المطاعم( مثل الستيك أو البيتزا او الهمبرغر) ؟؟؟؟

انا احب كل النوعين .. بس الأغلبية آكل من البيت خصوصاً أيام الدراسة و وسط الاسبوع .. اما في الويك إيند والاجازة الصيفية آكل من المطاعم دائماً ^^

31- كم وجبة تاكل في اليوم ؟؟؟؟؟

الوجبات الرئيسية يعني فطور , غداء , عشاء .. وفيه الوجبات الجانبية يعني بوقت العصر آكل حلويات وعصير .. وعلى وقت صلاة العشاء آكل فاكهة ^^ وكذا تكون خمس وجبات 3 رئيسية و 2 جانبية ^^

32- صف لي كيف حالتك في الفريج ؟؟؟؟؟؟ (يعني هل تطلع وي عيال الفريج أو ما اتكلمهم ؟؟؟؟)

بصراحة ما أطلع معاهم .. بس اسلم عليهم واكلمهم شوي يعني عند المسجد او إذا كنت بطلع مشوار وصادفتهم في الشارع ..

33- منو هم أفضل عشر أبطال أنيمي في نظرك ؟؟؟؟؟ (أبطال المسلسلات مب شخصيات جانبية)

ايوا فاهم عليك ^^

1- كاموي من اكس
2- آيـا من فايس كروس
3- تسوزوكي من يامي نو ماتسوي
4- سيا من ساينت سيا
5- تسوباسا من كابتن تسوباسا
6- الوكارد من هيلسينج
7- إينوياشا
8- دي من فامباير هانتر دي
9- كينشين من ساموراي اكس
10- كونان ^^

34- شو أروع خمس مانجات قرأتها ^^؟؟؟

مثل ماقلت من قبل انا ما أميل للمانجا فعشان كذا ماقدر اجاوب ^^

35- ما رأيك في المسلسلات القديمة أمثال جزيرة الكنز و غرندايزر ليدي أوسكار و هذه الأشياء ؟؟؟؟ و هل حقا تستحق هالضجة اللي مسوينها في المنتدى ؟؟؟ و هل حقا هالضجة من قلب أو خوف أو تقرب من الأعضاء الكبار؟؟؟ (سؤال وقح

عارف!!>_<)

ههههههههههه لا بالعكس سؤال وجيه الصراحة ومايعتبر وقاحة أبداً ^^!

والله رأيي فيه عادي يعني هذي الانيميز ماتشكل شي عندي يعني ما اكرهها او اعشقها .. إذا شفتها مو مشكلة وإذا ماشفتها كمان مو مشكلة ولو اني شفت معظم إلي ذكرتهم وغيرهم بعد ^^ ومن رأيي المسألة مسألة ذوق أولاً واخيراً لكن وبما انه فيه بعض الاعضاء متعصبين للأنيمي القديم ومايتقبلوا الجديد او يكونوا كبار ويحبوا الانيمي القديم عشانه قديم ويذكرهم بطفولتهم وتشوفهم مايهتموا بالانيمي الجديد وزي كذا يعني .. وطبعاً فيه النوعين إلي يحبونه من قلب وفيه النوع إلي يحبونه من باب التقليد أو التأثر وانه اذا شفت انيمي قديم صرت صديق قريب لهذي الفئة من الاعضاء او يصيروا يحبوه وبس ^^

36- هل تحب مسلسل الكابتن ماجد ؟؟؟

ايه أكيــد خصوصاً الجزء الثالث .. حتى الجزئين الي قبل حلوين واحبهم .. اما الطريق لـ 2002 ماعجبني كثير ..

37- شو أتشوف أروع مسلسل رياضي؟؟

صعب احدد فيه كثير مثل النمر المقنع او مدرسة الكونفو او كابتن ماجد .. بس بصراحة أفضل الرمية الملتهبة عليهم كلهم

38- في أي مرحلة دراسية إنت ؟

انا حالياً بالجامعة وبالتحديد بثاني جامعة ^^

39- هل فكرت في يوم من الأيام إنك تنتحر و متى كان هذا لو فكرت ؟؟

يؤ لأ أكيد بسم الله علي ><! يعني حتى لو ضاقت فيني الدنيا ماتوصل لهذي الدرجة أبداً او مهما سمعت روك لايمكن شي يؤثر علي ..بس للحين مازلت اشوف ان الانتحار شي عادي وكلمة دائماً على لساني ومتعود اقولها دائماً وإذا رجعت وفكرت بإلي اقوله اشوف انه شي خطير .. الله يبعدني عن هذي الفكرة وكل إنسان مسلم يخاف ربه ^__^

40- لو يوم من الأيام عاطوك فرصة اتسو Cosplay ما عارف شو ... كنت بتختار ملابس أو شكل أي شخصية ؟؟؟؟

أكيد اول شي كاموي .. لو تعرف إذا لبس ملابسه السوداء مع المعطف مررره خياال .. ويمكن إيتشيجو من بليش ملابسه انيقة دائماً ونارتو يمكن .. مع اني ماحبه ^^!

SP- كم تشفت من مسلسل ساينت سيا ؟؟؟؟ و أتشوف عيبتك شخصية Saga معني أتشوفه بعيد جدا من شخصية كاموي فكيف تشي؟؟؟ هل لازلت تقول إنك اتحب أحدهما بسبب الإخلاص ولا كيف ؟؟؟

للأسف ماشفت إلا هادس وحلقة سبيشل .. بس مره اعجبني وانا بانتظار الاوفا تبع تكملة هادس ^^

واكيد أعجبني ساجا .. وبالعكس فيه رابط مشترك بين ساجا وكاموي هو الاخلاص مثل ماقلت ونظرة العيون متشابهة بحث انهم كلهم يملكون نظرة حزينة بس بنفس الوقت تشوف ان فيها عزيمة وقوة .. وكل الشخصيتين فيهم شي ماعرف كيف اوصفه الصراحة .. يعني دائماً يقولوا جمل وكلمات اكثر من رائعة .. ويتشاركوا بالهدوء والبرودة .. ومثل ماقلتلك في أحد الاسئلة إلي فوق انا مايهمني الشكل بكثر ماتهمني الصفات يعني صحيح كاموي شكله كيوت او دلوع وساجا خشن وقوي بس الي يعجبني فيهم صفاتهم .. بعدين الشكل وكل الاثنين اشكالهم وديزاينهم حلو ^^ إن شاء الله تكون وصلت لك وجهة نظري لأني احس اني ما وضحتها بشكل مناسب ^^

و مشكور مسبقا !!!!!

(يرجى عدم تجاهل أي سؤال !!! ههههههه اتمصخر وياك اتجاهل أي سؤال ما عيبك على راحتك ^___^)
و السلام عليكم و رحمة الله و بركاته ....

لاتطمن حليت كل السئلة وان شاء الله تكون الاجابات وافية ^_^ وحياك أخوي الكريم من جد استانست لما شفتك رجعت تشارك واستمتعت بالاجابة على اسئلتك المتنوعة ..

نشوفك على خير ان شاء الله

chiaki

هلا اخوي ^_^

ماهو افضل انيمي تابعته حتى الآن لدرجة تصنفه في المركز الأول؟؟؟؟؟

حلو السؤال أخوي ^^

الصراحة فيه أنيميز كثييير احبه .. لكن أغلى واعز أنيمي على قلبي هو المحقق كونان .. يمكن مو باين بالمنتدى اني احبه كثير او اهتم له بس كونان أنيمي مافيه مثله ولا صار ولابيصير مثله .. تأكد

وشكراً اخوي ^__^


تـحياتي .. أخوكم بارون الليل ^^

[flower heart]

ومشكور master shion على الموضوع الرائع


ممكن سؤال للاخ The Night Baron

هل تحب الحيواناات؟؟؟؟؟؟؟؟

لو كان عندك طير بالبيت وقالو اليك انه بيمرض بانفلوززا الطيور وش رح تسوي ؟؟؟؟؟؟؟؟؟؟

و ماذا سيكون شعورك اتجاهه ؟؟؟

[رلينا**]

اوهايو شباب صبايا مكسات ........... مشكورييييييييييين كتير الموضوع مرة روعة .

The Night Baron

ممكن اسال سؤال ........

بما انك في الرياض ....... كيف يتفهم اصحابك والي حولك عموما .. اهتمامك بالانمي ... خصوصا وان كل المجتمع السعودي ما يتفهم هذا الاهتمام...

وطيب لو كنت تواجه مشاكل في هذا الشي كيف تحله ....

وتسلم لو جاوبت او حتى ماجاوبت ......

تحياتي رلينا**

[sazabi]

يا مرحب اخي البارون

طيب هل تابعت اي شيء من سلسلة القندام؟

لكل منا طريقه معينه في اختيار الانمي فما هيا طريقتك في اختيار الانمي اللذي تتابعه؟.

[BMA]

السلام عليكم
The Emperor


يعنبو الإجراااااام منجد
40 سؤؤؤؤؤاااااااااال!!!؟!؟


















ههههههه بس منجد رحمة The Night Baron


وما شاء الله عليه .. ماقصر ..

طبعاً أشكركما أثنينكما <<< عربيه ولو
وبارون حاط أسمي مع الأعضاء البطرانين
تسسسسلم والله ^_^

حبيت أسلم وأتميلح شوي عند بارون
وميرسي <<< اعرف فرنسي وشتحسب ههههه
على اللقاء الممتع
وسلامتكم

[X_MAN]

السلام عليكم ..

كيفك اخوي بارون الليل ؟؟

الموضوع رائع و عندي كم سؤال لمراقبنا الغالي ياليت لو يجاوب عليها..

1_ انت ذكرت انك في الجامعه فحبيت اعرف بأي تخصص او قسم؟

2_ لو احد قالك رقم تلفون .. تحفظه من المره الاولى او الثانيه او الثالثه او الرابعه ؟؟

3_تحب الانيمي الكوميدي ..وش رايك بون بيس؟؟

4_وين تطلع اكثر شي في الويك اند؟


ومشكووورين على الموضوع..


ســـي يو..

[**نغم**]

السلام عليكم ورحمه الله وبركاته

الموضوع حلو جدا وعجبنى كتيير اكيد حلو اننا نعرف اشياء صغيرة عن اللى يراقبونا

وشكرا على الموضوع الحلو واتمنى لك المزيد من التقدم والتفوق

[{{..ساكورا..}}]

وااو موضوع رائع جدا أخوي ماستر شيون^__^يعطيك ألف عافية^^

وعندي أسئلة لضيوفنا الحلوين بس الحين شوي مستعجلة >__<

لي عودة ان شاء الله^^