مشاهدة النتائج 1 الى 10 من 10
  1. #1

    Talking مطلق و ريووف < < قصة حب في الغابة ^__^

    الزمان / قبل مئات السنين
    المكان / إحدى الغابات الغير مأهوله
    الشخوص / مطلق وريف والبقيه ...
    الزمن / ساعتان

    --------------------------------------------------------------------------------



    غابه صغيره يشقها نهر مدري وش يبي ومزدحم بالأسماك حتى ان من يشاهده يظن لوهله ان هذا طريق الملك فهد حق السمك biggrin ... على احد جوانب هذا النهر الي مدري وش يبي يقع كوخ لحطاب فقير عجوز عمره ناهز السبعين او تزيد ... هالحطاب عنده زوجته فقط ولا عنده عيال .. على الجانب الآخر كان هناك كوخ آخر لحطاب آخر بس ماكان يداوم ويا الحطاب الاول بنفس المكتب ... والفرق بينهما ان الحطاب الآخر لم يتجاوز الثلاثين من العمر وفي عنفوان الشباب ويتزوج من فتاة رائعة الجمال (( او هكذا تعتقد )) تعرف عليها بالصدفه في تشات مكسات قبل لا يقفل dead ... المهم ان الحطاب الشايب رزقه الله بولد ويوم ان جاه ولد وهو كبير انهبل من الفرحه ومات ... بينما الحطاب الشاب رزقه الله بفتاة جميله واطلق عليها اسم ((ريف)) .. في الوقت ذاته اطلقت ام الفتى عليه اسم مطلق على ابوه الي مات من الفرحه disappointed يعني صار اسمه مطلق بن مطلق او مطلق تربيع ... ونشأ مطلق وريف على حياة الغابات لا المدن وتعلما منذ الصغر على صيد السمك وتعلم مطلق الاحتطاب كما هو والده والي علمه جاره ابوريف واصبح يخاويه حتى كبر مطلق واصبح شاباً يافعاً في ذات الوقت اصبحت ريف فتاة رائعة الجمال واصبح الجميع يتمنى القواز منها مع ان ماعندهم احد ساكن في هالغابه الا مطلق وامه بس لازم اقول ان الكل يبيها علشان يكتمل السيناريو biggrin
    منطقياً أصبحت ريف الشغل الشاغل لمطلق ولد ام مطلق واصبح يتمنى الزواج منها وبأسرع وقت لأن القنوات الفضائيه لعبت في تفكيره وفاتح والدته بالموضوع التي قالت له / بس وانا امك الحين حنا قبل مئات السنين ومابه دواير حكوميه ان قالوا وين يشتغل وش اقولهم ؟ .. نظر اليها مطلق وقطب حاجبيه متمتماً وقال لها / قولي اعمال حره biggrin
    وفعلاً اتجهت ام مطلق لبيت ابوريف وجلست مع ام البنت (( راعية البراعم )) واخذتا تتجاذبان اطراف الحديث حتى انشق الحديث من كثر التجاذب (( الله يذكرك بالخير يا... ))biggrin قالت ام ريف في الاخير / والله ان نسبكم يشرف ياام مطلق خصوصاً ان ابوكم الله يرحمه كان خير من حطب في الديره ... ولكن لازم ناخذ راي ابو البنت وراي البنت وفي الاخير البنت تحدد اذا هي تبي هالشي او لا وفي الليل يوم ان ابو ريف رجع من الدوام جلست معه ام ريف وفاتحته بالموضوع وان مطلق يبي بنتهم للزواج .. فكر ابوريف وقال نسأل البنت ويصير خير ! gooood
    وفي الصباح الباكر ومع شقشقة العصافير كان الناس يطلعون من بيوتهم لدواماتهم وابوريف يسأل بنته هي تبي تعرس او لا (( صدق انه فاضي )) قالت البنت ماعندي مشكله اتزوج مطلق خصوصاَ ان مافي الديره الا هو اصلاً ولكن ياابوي لازم ماتحسسه اني رخيصه لهالدرجه ،، شوف لك طريقه حسسه فيها ان بنتك غاليه ... اذبحه بالشروط لو تحده يطلع ددسنين من الغابه المجاوره اهم شي تحسسه اني ماني رخيصه (( ويقولون ليه العنوسه كاثره ! )) wink ... قال ابوها ابشري يابنتي ،، الحين اروح لدوامي قبل لا يشيلون التوقيع biggrin

    وفي ذات اليوم وتحديداً مسيّان كان مطلق في مجلس ابوريف يتناقشون في كل ماهو مهم ولعل اهم سواليفهم اسعار الاحطب (( على وزن الاسهم ))rolleyes وكانوا مايمدحون السوق ذاك اليوم ويتهمون بعض تجار الحطب انهم سبب رئيسي في الي حاصل في بورصة غابتهم وبعد شوي عرجوا الى موضوع الخطبه وان مطلق يبي يتزوج ريوف لما سمع عنها من اخلاق ومستوى عالي من الجمال والاهم ان مامعها جوال قال ابوريف / والله انك تستاهل كل خير يامطلق ،، بس بنتي ماهي اي بنت وان كنت فعلاً تحس انها غاليه وودك فيها فحاول تجيب مهرها وقتها بس اتطمن على بنتي واقولك مبروك وتستاهلها .. asian
    قال مطلق / وش بيكون مهر ريف ؟؟ انا عندي استعداد اسوي الي تامرون فيه !
    قال ابوريف / مهر بنتي ينقسم لعدة اقسام (( صار الجهاز الهضمي مهوب مهر )) biggrin


    اولاً / لبن الحمامه لأن لبن العصفور خلصوه المصريين في افلامهم biggrin
    ثانياً / تفتح لها بيت لحالها وماتسكنها مع امك ،، صحيح امك انسانه محترمه واخلاق وماتكسّر بس ولو الاستقلاليه زينه wink .. وبعدين ....
    بتر مطلق سالفة ابوريف قائلاً / بس امي عجوز ومالها بعد الله الا انا ،، من يخدمها ؟ redface
    قال ابوريف / اعرف واحد عنده مكتب استقدام نجيب لها خدامه
    قال مطلق / باقي شروط والا خلاص ؟
    قال ابوريف / باقي اهم شرط وهو الشرط الثالث انك تدبر لي يوزر في الساحات . . biggrin

    اتفق ابوريف ومطلق على كافة الشروط وطلع مطلق من بيت ابوريف واتجه لبيتهم وقابلته والدته بكل بشاشه وقال لها عن السالفه من الى ،، ثم اردف كلامه لوالدته قائلاً : من بكره ان شاء الله بسافر واجمع لي كم قرش علشان يكون طلبات ريف موجودهbiggrin .. قالت امه / بس وانا امك طلباتهم تعجيزيه .. خلنا نشوف لك وحده ثانيه !
    قال مطلق / بس انا ماابي الا ريف احبها بصراحه wink .. وبعدين مافي الديره الا هي اصلاً

    وفي فجر اليوم التالي كان مطلق محمّل البعير بالعزبه وماسك الخط يدور رزقه .. ويوم انه انتصف الخط تعطل البعير او بالاحرى ماحصل مويه يشرب بعيره وماكان فيه ابراج للجوال cool ويوم انه توه متورط الا وتمر قافله اعتقد في البدايه انهم لصوص (( الله من زين البديهه )) ولكن تبين انهم مجموعه من التجار كانوا في طريقهم لبلاد الحجاز ومنها للطايف مذكور(ن) لهم في ذيك المناطق استراحات جيده للبيع ... اسعفوا مطلق واخذوه معهم وتعرف عليهم ولكنه قال لهم ان وجهته تختلف عنهم وانه بياخذ مخرج العماريه ويتجه شمالاً الى بلاد الشام ،، وكان معهم احد التجار يقصد نفس البلاد التي يريدها مطلق وكان اسمه طوني وقال لمطلق خلاص اجل اذا وصلنا المخرج نفرق انا وياك ونعبي مويه من اول محطه وندز ... وفعلاً حصل ماحصل وراحت القافله للحجاز واتجه مطلق وصديقه الجديد طوني للشام .. وفي الطريق مطلق يسأل طوني / مامعنى اسمك ياهذا ؟؟ biggrin
    رد عليه طوني / الحين ماتشوفني بروح لبلاد الشام ؟؟ هناك مسقط رأسي وتحديداً في صيدا .. الا ماودك تخاويني ؟؟ wink
    قال مطلق / والله ودي خصوصاً ان جوازي جديد .. ولكن لابد ان انهي اموري وارجع سريعاً لأتزوج ريف بنت الجيران .. وهنا اخذ مطلق يحكي على طوني سالفة ريف وشروط ابوها فقال طوني / اشعر بالاشمئزاز .. وش هالشروط هو ووجهه ؟ ermm
    فتنهد مطلق وقال / الشكوى لله ،، بس لازم انفذها لعيون ريف wink
    قال طوني / يارجال اطلع معي لصيدا وازوجك وحده اطلق من ريف مليون مره واخليك ترسل صورتها لأبوريف وسائط علشان تقهره
    قال مطلق / اقول امسك دركسون بعيرك بس ولا يكثر .. biggrin

    استمر الصديقان في المشي ليلاً بنهار حتى وصلا الى مفترق طرق يمين يودي لقلب بلاد الشام ويسار يوزي لصيدا وقبل هالمفرق تفتيش لذلك كل واحد ربط الحزام (( ماادري ليه مانربطه الا عند التفتيش )) .. asian
    اتجه طوني لديرته واتجه مطلق للشام مع ملاحظة انه مايدل لكنه جاي لقافه .. وعندما ارخى الليل سدوله بدأت العاصفه تهب وتورط مطلق لأن البعير كشف وشاهد من بعد كهفاً فاتجه اليه اتقاء للبرد والمطر .. ويوم انه وصل له ودخل هو وبعيره كانت العاصفه تزمجر وفي اشدها .. وفي تلك الاثناء انهار جزء من مدخل الكهف فسد الطريق على مطلق .. خاف مطلق قليلاً ولكنه اردف خوفه باستهبال وقال / الحين نرقد والصبح نشوف وش نسوي gooood

    وفي الصباح الباكر استيقظ مطلق ولكنه استيقظ متورطاً
    وش الدبره الحين ؟؟
    وين نطلع من هالكهف وكيف نطلع ؟
    حاول ازاحة الصخور مسوي فيها عدنان ولكنه ماقدر ترك بعيره وعدته عند مدخل الكهف واتجه لداخل الكهف .. وعندما تعمق في الكهف حصّل غرفه فاضيه مافيها الا كرتون مغبر مكتوب عليه (( زيوت شل )) biggrin .. فتح الكرتون حصل مصباح قديم جداً .. قلب المصباح وحاول يقرا صناعته هو صيني ولا هونجي كونجي .. ومن زود الغبار الصناعه ماكانت واضحه فما كان من مطلق الا انه يفرك المصباح وطلع له جنّي مثل العاده في كل المصابيح جن biggrin
    بُهت مطلق وقال / بسم الله .. من انت ؟
    قال الجني / انا خادم المصباح .. وانا هنا لخدمتك ياسيديbiggrin
    قال مطلق / ولكن خادم المصباح مايطلع الا بالقصص فقط
    قال الجني مستلكعاً / وانت تتوقع ان هالي يصير حقيقه ؟
    تراها قصه كاتبها رايح فيها biggrin
    تنهد مطلق وقال / طيب الي اعرفه عن الجني انه يخدم الي يحصل المصباح
    قال الجني / آمرني ياشيخ
    قال مطلق / اول شي طلعني من هالكهف
    وفعلاً طلعه من الكهف هو وبعيره وعزبته ،، ثم قال الجني / باقي لك طلب واحد ياسيدي biggrin
    قال مطلق / اخبرها سبع طلبات ،، وش فيكم يا الجن من تالي حدكم طلبين ؟
    قال الجني / كانت سبعه ،، بس لقاني قبلك واحد لبناني اسمه طوني وخلص من الطلبات خمسه كلها فتح بها مراقص في صيدا sleeping
    قال مطلق / الله لا يوفقه
    قال الجني / المهم ان باقي لك طلب .. ماتبيني انقلك لديرتك ؟؟
    قال مطلق / مهبول انت ؟؟ اترك هالطلب لا تجيه حتى نشوف له حل !
    ثم قفل مطلق عائداً الى بلاده هو وصديقه الجديد الجني وفي الطريق كان يفكر شلون يستغل الطلب الوحيد !! asian


    --------------------------------------------------------------------------------

    أتمنى تعجبكم

    الجزء الثاني نحطه بعديين
    اخر تعديل كان بواسطة » محايد في يوم » 08-02-2006 عند الساعة » 15:14


  2. ...

  3. #2
    ررررررررررررررروعه^_^
    .... قصة حماسيه
    ... يا الله عاد عجل على الجزء الثاني
    خلنا نشوف وش يبي يسوي في الطلب الأخير
    ..See You Soon^_^
    attachment

    .... في الطريق إلى الإبداع

    .. ألا ليت ريعانـ الشباب جديدُ ... ودهراً تولى يا بثينُ يعود ..

  4. #3
    $shadow&

    مشكوور خيوو عالمرور الروعة

    أما الجزء الثاني ما راح أحطه إلا لما ألقى 5 ردود غيرك ^___^


    تحيتي

  5. #4

  6. #5

  7. #6
    مشكور القصه روووووووووووووووووعه


    يلا انا الثالثه بقي إثنين وتحط الجزء الثاني
    اخر تعديل كان بواسطة » فتاة الأحاسيس في يوم » 09-02-2006 عند الساعة » 14:29

  8. #7

  9. #8
    يا الله عجـــــــــــــــــــــــــــــــــــــــل

    ....ننتظرك

  10. #9
    وصل مطلق لديرته ومسجد حارتهم يصلي الفجر ... فتح باب الريموت ودخل البعير لا تنسرق جنوطه biggrin ونزل عزبته وعفشه وصلى الفجر ودخل غرفته هو ومصباحه المغبر ونام ملء جفونه عن شواردها gooood
    ويوم انه اصبح الصبح قام من النوم وسلم على امه وعلمها ان سفرته صارت خرابيطbiggrin وانه كان اتجر قبل يسافر
    سولف ويا امه شوي ورجع يدخل غرفته ويطلع المصباح ويفكر شلون يستغل الطلب علشان يعيش بسعادتن وهناء !
    فرك المصباح صار الجني مقفل جواله biggrin biggrin
    ارسل له رساله وقال ان فتحت جوالك اطلع ابيك rolleyes وبعد ساعه طلع الجني توه صاحي من النوم الظاهر سهران عند المصارعهasian قال له مطلق / الحين ماباقي الا طلب وش رايك كيف استغله ؟ confused
    قال الجني / تبي ذهب تبي فلوس تبي جواري ؟ wink
    قال مطلق / الذهب والفلوس ان خسرتهم وش اسوي ؟
    اما سالفة الجواري شكلك تتفرج على قناة الحكايات حقت الآر تي واجد biggrin
    قال الجني اجل وش تبي ؟؟ اخلص علمني خلني ارجع لديرتي انتدابي بيخلص asian
    قال مطلق / يارجال تعال الحين نلعب كنكان شوي وبعدين نفكر في الطلب ،، وفعلاً طلّع مطلق الورقه من تحت التخت حقه وبدوا يلعبون كنكان مع ملاحظة ان الفله من 72 biggrin biggrin
    جلس الجني عند مطلق اسابيع طويله مغير يكد عليه كل يوم طالب له من مطعم لاهو الي استفاد منه ولا هو الي خلاه يروح rolleyes

    وفي احد الايام قابل مطلق ابوريف في الدوام وتحديداً شرق الغابه .. قال له ابوريف / وينك ياشيخ ؟ confused
    الحين تقول يتزوج بنتك وتتركني وماترجع ؟ sleeping
    قال مطلق / انا عند كلمتي ياابوريف بس عندي مشكله بسيطه احلها واجي اتزوج ريف ،، وابشرك الاشياء الي طلبتها مهر لريف على وشك تكتمل وبإذن الله كلها ايام واجيك بالمهر والشبكه والشئه بعد gooood

    رجع مطلق لبيتهم وطلع المصباح ونادى الجني وقال له / هاه مالقيت فكره ؟
    قال الجني / انت المفروض تحصل فكره الطلب لك ماهو لي
    قال مطلق / تدري عاد .. انت اختر لي الطلب انا احترت
    قال الجني / تبي ادخلك الجامعه ونسبتك تحت الـ 80 ؟ biggrin
    قال مطلق / لا خلاص ،، الدراسه راح وقتها
    قال الجني / تبي ادبر لك واسطه ويجيك الدور في البنك العقاري بعد 5 سنين بس ؟ rolleyes
    قال مطلق / لا يارجال ،، وان جاني الدور وين الارض حتى ابنيها ؟
    قال الجني / تبي اخليك تسمع جواد ؟؟
    قال مطلق / استح على وجهك وكل كلام معقول
    قال الجني / هل تتزوج فتاة تدخل النت ؟؟
    قال مطلق / ريف مالها يوزر والا كان قلت لك عادي ..
    قال الجني / تراك اشغلتنا ،، شوف لك حل برجع لديرتي biggrin

    قال مطلق / تدري ... عندي طلب أخير بعدها ظف وجهك smoker
    قال الجني / آمر

    قال مطلق ..












    أبي يوزر في الساحات

    الفايده من الموضوع /

    biggrin biggrin مخرج العماريه اللي يمسكك خط بلاد الشام biggrin biggrin

    (((((((((((( رايح )))))))))))))))


    ملاحظة ::: بعض الابتسامات داخلة غلط . . بس عاد ما عندي خبرة بهالأموور rolleyes



    تحيتي

  11. #10
    انتظروا موضوعي الجديد

    ((( حب تحت فوهة المدافع )))

    ^_____________^

    تحيتي

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter