مشاهدة النتائج 1 الى 6 من 6
  1. #1

    Thumbs up تــجــاربــنــا نــحــو الإبـــداع............

    alrahal

    اشحالكم يا مبدعين ؟ عساكم ابخير؟

    بدخل في الموضوع على طول

    كل مبدع او مصمم فيكم له بدايات في هذا المجال

    و كل الي عليكم اتقول لنا عن اول تجاربكم في التصميم

    و اذا حبيتو اتحطونهم افضل

    يعني كيف بديتو؟

    و ليش بديتو؟

    و شو الي خلاك تدخل هالمجال؟

    هل في حد شجعك على هذا الشي ولا لا؟

    كل بداياتكم


    انا ببتدي اول عشان تعرفون كيف الموضوع


    تجربتي في التصميم:

    في البدايه كنت استخدم برنامج Microsoft Office Word nervous

    كنت ادخل الصوره و اكتب عليها الي ابيه و اسوي لكل شي سويته علي جروبنج

    و للأسف ما احتفض بشي منهم للحين حاذفتنهم كلهم لو براويكم اياهم


    المهم بعدها دخلت و لأول مره قسم التصميم في اول منتدى دخلته قبل مكسات

    شفت احد الأعضاء حاط برنامج تصميم و يقول انه سهل

    انا نزلته و جربته بس طلع بو 30 يوم بس, المهم بديت احاول و احاول

    لين طلع معاي بعض التصميم و عرضته لأول مره في هذا المنتدى

    و براويكم بعض انجازاتي من ورا هذا البرنامج البسيط

    I Feel Like

    Flower

    وقتها كنت اسمع ان في برنامج اسمه فوتوشوب

    و يمدحونه لي وايد و يقولون لي ان مافي احسن من هذا البرنامج

    لين ما خلص مدة البرنامج الي عندي و خذت الجهاز على محل يحط لي فيه الفوتوشوب

    قلت بجرب هذا الي يمدحونه و بشوف شو سالفته

    سرت استلمت جهازي و اول يوم لي على الفوتوشوب اتقولون اطرش في الزفه

    مية علامات تعجب! و استفهام؟ على راسي يعني عدد لا يحصى منهم

    ثاني يوم بديت فيه جاده و اتعبثت في كل ادواته كثل ما ابا

    و كل يوم اخرب شي و ارد اعدله

    و تقريباً اول انجاواتي في الفوتوشوب هذا التصميم:

    اول تجربه تقيباً بالفوتوشوب

    و بعدها كنت اصمم لصديقاتي حق تواقيعهم عشان ادرب

    و بعدها كنت ادور مواضيع اي حد طالب توقيع كنت اسوي له

    و اول توقيع حطيته لحد طالب توقيع هذا:

    هذا توقيع العضوه

    و المفاجأه ان في عضوه محترفه ما شا الله عليها سوت لها توقيع اشحلاته

    و اختارت توقيعي انا المبتدأه و خلت توقيع المحترفه eek

    و هذا اعتبرته تشجيع لي و دعم معنوي

    و بعدها دخلت قسم التصميم في مكسات بشكل رسمي و قمت اشارك فيه عدل

    و اي عضو طالب توقيع ما اتردد ابداً و اسوي له على طول

    عشان اتعلم على البرنامج

    لين يوم واحد في حد حط موضوع يطلب فيه توقيع و انا ساعدته و سويته

    و في الآخر قال لي انا اتعمدت احطه وما حبيت اطلب شخصياً منج

    بس تعجبني تصايمج عشان جذي حطيت الموضوع

    هذا شجعني وايد و و رفع معنوياتي خلاني اصمم اكثر و أكثر

    لين ما دخلت عالم الأمج ردي و هذي اوائل تصاميمي بالأمج ردي:

    اول واحد

    ثاني واحد

    و كنت في نفس الوقت اعرض تصاميمي البسيطه في المنتدى

    و منهم:

    هذا القرآن

    أنتي <-----هذي شارك بيها في مسابقة تصميم و خذت المركز الثانيه *^_~*

    في اكثر بس ما ادري وين امخزنتنهم

    و بعدها دخلت عالم تصميم خلفيات او تصاميم كبيره منهم:

    ما من شجر ما هزه ريح, ما من بشر ما بجريح

    Don't Blame me >_< <-----هذي صدق تعبت عليها

    Digital eye

    فرشي التراب

    لا تجلس حزيناً

    أحزان قلبي لا تزول

    و الحين هذا مستواي في مجال التصميم

    ما طبقت دروس و اعتمد على ابداعاتي بنفسي

    كنت أسأل في اي شي ما اعرفه او شي حبيت اتعلمه

    تجربتي في مجال التصميم كانت كلها تجارب و محاولات لين ما وصلت للي انا عليه

    و امنيتي اني اطور اكثر في هذا المجال

    و انجز تصاميم خياليه و غريبه ما تخطر على البال

    و دايما اقول:

    (الانتقادات تعطيكم افكار و اتطور ابداعكم للأفضل)
    (لا حدود ابداً للإبداع)

    و اتمنى لكم التوفيق في هذا المجال

    و اتمنى انكم اتشاركون و اتقولون تجربتكم في هذا المجال

    و ان شا الله الموضوع يعجبكم

    alrahahahal

    اختكم العوده وارمووووووه

    و ـــلا ــحدود ــللأبداعــ
    اخر تعديل كان بواسطة » Warm Heart في يوم » 03-02-2006 عند الساعة » 09:24

    attachment


  2. ...

  3. #2


    Warm Heart rolleyes


    واااي .. ورمو و و ه ! !
    اشتقـــت لك ^^
    كيفك انت ؟ شمسويه بالحياه .. ..

    يشرفني أن اكون او ل من يرد على الموضوع ..tongue
    الصراحـه ..
    ^^ ..موضوعـك ... جميل جدا جدا .. tongue
    وفكره أكثر من رائعـه ..
    *0* أما عن نفسي
    فتجربتي بالتصميم ..كانت .. rolleyes

    بدايات اي مصمم في اي برنامج ..بسيط ..
    بالنسبه لي كان برنامجي الاول .. Picture It
    كنت اعتبره برنامج خيالي وخاصه في اصداراته الاولى ..
    وسويت كثير تصاميم عليه ..

    فأول تصاميمي كانت .. لشخصيات كرتون ..
    ^^ ..

    ^^
    ^^
    فخلاص بعد هالتصميم تشققت الي يشوفني يقول مخترعه الذره biggrin
    وبعدها شوي شوي ...
    عرضتها بمنتدى ..
    وهالمنتدى كله مجاملات ..
    (روعـه مبدعه يطير العقل ) ..
    الحين هالتصميم .. !
    وخلاص *0* >> صدقت البنت
    وقمت أسأل عن برامج تصميم .. واشتغلت على برامج ثانيه فوتو برش tongue
    وفي بعد بس ناسيه ... biggrin
    وبعدها ..خبرني خالي عن برنامج الفوتوشب ..
    وثبته عندي كان فوتوشب 6 ..
    و كنت مو عارفه له اصلاً .. لانه كان معقد بالنسبه لمبتدئه اطرش في الزفه على قوله ورمووه ..
    وشوي شوي .. تعلمته بنفسي بدون دروس ..
    حاولت أطبق بعض الدروس لكن *-* ازهق واطفش
    احب تكون لي الحريه بالتصميم .. tongue

    :
    كان خالي يشجعني .. ^^ اما اهلي .. ابداً ماحصلت منهم اي تشجيع rolleyes
    حتى ابوي كان يقول ان هذي خرابيط واني قاعده اضيع وقتي
    ماعلينا .. rolleyes
    لكن اني كنت أعاند .. و استمر بالشي الي احبه ..

    ومنها دخلت عالم التصميم من أبوابه .. smoker

    .. وقمت اصمم تواقيع :
    نتالي
    رووز
    لورين
    وبعد ماحسيت اني واثقه من حالي دخلت مكسات ..
    وعرضت ( معرض للتصاميم ) .. اكيد الكل يذكره .. ^8^
    وكانت تصاميمي تعتمد على الفرش اكثر شي
    ^^ .
    العاشقه
    sassy

    ^^ وبعدها .. tongue
    وصلت الى هذا المستو ى ..
    Lamy


    وبعدها عرضت تصاميم في مكسات
    مثل

    لماذا العذاب
    some
    افتقدك
    لامي
    توقيعي
    *0*

    و الابداع جنون وغيرهم كثيـــــر
    وبعد ذاك الوقت .. غبت عن مكسات فتره ..... biggrin وصممت الكثير ..
    ..



    ورجعت ... ^^ بتصاميم مختلفه ,,,

    بهذا الموضوع الي يحتوي على تصاميمي حالياً .!smoker

    وُتَعًود ¤&Lamy ¤

    ..

    كيف .. اني كنت أطمح .. انه اكون مبدعه في هالمجال .. tongue

    وبالفعل ..
    أبدعتُ ولو قليل .
    ولازلت غير راضيه عن المستوى الي اني فيه واطمح اكون افضل

    *0* تسلمي تسلمي تسلمي ياقمر على الموضو ع الرهيب .. rolleyes
    ذكرتيني ^^ بتصاميمي القديمه لاني ماافتحهم ..والحين ^^ اتذكرت اشياء كثيررررر
    أشكركٍ مره ثانيه ..

    اخر تعديل كان بواسطة » .•°Lamy°•. في يوم » 03-02-2006 عند الساعة » 14:31

  4. #3
    .•°Lamy°•.
    هلا لاميوووووه
    اهلا بعودتج
    مشكووووووره من قلب على التفاعل مع الموضوع
    *^_~*

  5. #4
    ..+.. الســـــــــــلام عليـكم ..+..

    مشكوورة واارمووه على الموضوع الكوول ...

    كلج ذووق بمواضيعج وتوااقيعج وتصاااميمج ....^^


    ================

    واناا بديت بالفوتوشوب بعد ماا شفت عمي .. يستخدمه .. وحبيت الفوتو ..

    وياا ما عشقت الفوتوشوب .. هذاا كل الي اسويه اقعد على النت ..للحصول على اي شي يرفعني عشاان اصير احسن واحسن بالفوتوشوب ...

    وبعد تصميمي الاول ما ادري وين قطيته ... بس كان فظــــيع .. لووووووول ...

    واناا تعلمت .. الحين واشوى صرت احسن بواايد من قبل ...

    وشكـــــــــــــــراا .. واارمووه على الموضوع الحلوو مثلج تسلمين ...

    تقبـــــــــــــــلي منـي خــالـــــــــــــــ التحـيات ـــــــــــــــــص

    o.O( Yamanaka Ino )O.o
    891f40a7ad776d3078ba067f08678f16

  6. #5
    انه نزلت الفوتو 6 بس للحين ماعرفله احاول اخربط بلا فايده مو فاضيه لانه مدارس......

  7. #6
    Yamanaka Ino
    نورتي الموضوع حبوبه
    و إضافتج جداً رائعه *^_~*
    مشكووووووره من قلب على التفاعل مع الموضوع
    *^_~*



    ocean legend
    حلو تدرين ان هذي بدايت كل مصمم؟
    كل عضو و مصمم فينا بدا هذي البدايه
    الكل في البدايه يخربط و شوي شوي يكتشف خفايا الفوتوشوب
    لين ما يحترفه اذا مب إحتراف كامل احتراف جزئي و في الآخر احتراف
    *^o^*
    تمنياتي لج بالتوفيق في هذا المجال
    مشكووووووره من قلب على التفاعل مع الموضوع
    *^_~*

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter