تفووو 18 /
نزولا عند رغبة بعض الاخوة الاعداء اللي رجوني و طفشوني على المسنجر بس ما عندهم سالفه غير انهم يقولون : نبي تف .. نبي تف ......... فأنا راح اطرح لهم هذا الجزء مع تغيير كلمة تف الى تفووو بناءا لرغبتهم ... وبالمره عشان لا يرجوني ... وتراني ما طرحت هالجزء عشان خاطر عيونهم .. لا .. بل لاني اليوم كنت فاضي فقلت يا ولد يا دون كورليوني ورى ما توسع صدرك بالجزء الطمنطعش ..... ولا اقولكم ..............
ما تيجوا نشوف <=== زكية زكريا
تفووو على m&ms .... لا بارك الله في ريد و يلو اللي وهقونا .. ما نفتح قناة الا و صورهم مرززه على الشاشة ... وبمناسبة الحديث عن الصور .. ودي لو تشوفون الصورة الحلوة اللي في توقيعي ... وبمناسبة الحديث عن صور التواقيع ودي لو ان الكل يلتزم بقانون حجم صور التواقيع .. وبمناسبة الحديث عن القوانين بشكل عام ودي انكم تسايرونها وما تخالفوها لانها وضعت لاجلك انت عزيزي المواطن ... وبمناسبة الحديت عن المواطن ... ولا خلاص يكفي تراني مصختها
تفووو على صالح كامل ... لا بارك فيذا الشي ... ما ساب شي الا واحتكره حتى اعزكم الله الزبايل اللي في جده احتكرها و صار يصرف على عمال النظافه ... شوفو له دوا ولا علاج ..ترا كدا خطر
تفووو على البابا ... عمره مليون سنه ومو راضي يعتزل
تفووو عللي يقول :"خسرنا المباراة وكسبنا الاخلاق" .... بالله عليكم فين نصرفها ذي
تفووو على مايكل جاكسون .... وعلى فكرة اللي ما يعرف هذا الشي ... تراه مطرب كبير و مشهور في امريكا و تصدق انه من شدة حب الغرب له انهم يسمونه : " فيصل علوي "
تفووو على دورة الخليج
تفووو على حرب الارهاب .... بس بلا كلام فاضي ... تضحكوا على مين
تفووو على الموساد .... شكلي بايعها
تفووو على الانتربول ... لا هذي عن جد شكلي بايعها
تفووو على ال C.I.A .. لا .. انا كدا اكيد بايعها
تفووو على الفنادق البايخه اللي يحاولون يجذبوا الزباين و يكتبون "فندق خمس نجوم"
تفووو على شاورما جحا بجدة .... كاتبين على المحل "شاورما شاكر سابقا" وهم اصلا كدابين وللمعلوميه فان شاورما شاكر و شاورما جحا كانوا من كبار مطاعم الشاورما بجده و مشهورين بالحيل حتى لو كنت في طلعه وسألت الشباب وش ياكلو تلقاهم يردون ويقولون بصوت واحد : مالك الا شاكر او ما الك الا جحا ..... خخخخخخخخ شكلكم ما فهمتوا شي ... يصير خير ... عوافي... اعتبروها مش موجودة
تفووو على اميرة الفضل ..... يا شيخه انتي ما عندك سالفة غير جده غير و جنغل لاند ... لعنبو ابليسك من بين مليون مهرجان في العالم العربي ما لقيتي الا مهرجان جده .... اعوذ بالله ... ناس ترفع الضغط
تفووو على اللي يروحون الزواجات و يتعشون ويمسكوا الباب(يعني يمشي).... على الاقل ياخي من باب الذوق انك تنطق شوي وتشرب شاي
تفووو عللي ما يسمع كلام ماما و بابا او " الماما و البابا "او مثل ما يقول البعض "ابوي و امي" او مثل ما يقول البعض " مامي و دادي" او مثل اهل جده " ابويا و امي "
تفووو عللي يطلعون معك طلعات و يناموا في السيارة
تفووو على سعودي اون لاين ...... شايفين نفسهم اميركان اون لاين
تفووو على الجرابيع و الضبان .... و تفووو عللي يصيدونها
تفووو على الاصوات الغريبة اللي قاعد اسمعها وانا اكتب هالموضوع
تفووو عللي يسرقون مواضيعي ... انا ما راح اقول شي ... بس اقروا الملاحظة في اخر الموضوع
تفووو على المصريين لما يقولون "دوئي يا مزيكا " (في اللغه العربية معناها :اضربي يا موسيقا )
تفووو على الزحمه عند الكاونتر في الاسواق ... ما غير اللي يلصقون وراك .. هالدلوخ اللي على بالهم ان الطابور حيمشي بسرعه ... يعني راعوا شعور الناس اللي انتوا ملصقين فيهم .... افرضوا واحد من اصحابه شاف هالوضع ... والله راح يحشه مع الربع
تفووو على امريكا ... وش دا ... والله لو نحط حبة رز في الربع الخالي ... صدقوني راح تجيبو خبرها و تطلعونها
تفووو على السيرش ... تطلب حاجة .. يقوم يجيب لك خمسمية مليون حاجة ... من زود الكرم
تفووو عللي ما يحلون الواجبات ولا يشاركون ... تقول قاعدين كدا تكملة عدد
تفووو عللي يشبك طول اليوم في الشات يدور بنات .... (اشكر اخوي على هذه المساهمه )
تفووو على قناة المستقبل ... تدرون ليه ... فاكرين يوم انهزم المنتخب
السعودي 8-0 من المانيا .. هم بين الشوط الاول و التاني عرضوا اغاني للمنتخب ... انا مدري .. لكن سمعت من مصادر موثوقة
تفووو على المصادر الموثوقة اللي سمعت منها خبر التفة اللي فوق
تفووو على ..................
ولا اقولكم ... خلاص ... نكتفي بهذا القدر
ملحوظة :اللي يبي ينقل مني أي شي يجب أن يستاذن مني أو يشير للمصدر والا ترا بأفضّح به عند الله وخلقه واشرشحه في موضوعي .. و لا تقولون ما درينا
وهذه مني
هذا ما لدي لليوم <==== خخخ دايما اقولها في الميجا موفي
دون خالد كورليوني <=== ماهي لايقة على بعض
سي يوووووووووو <==== انقليزي
المفضلات