=( بنات ولي يعافيكم أدخلووو >___< بسألكم بشي ..

[kuina]

السلام عليكم بنات ..


شلونكم شخباركم شحالكم ؟؟.. أن شاء الله تمام .؟؟
شلون الأمتحانات معكم .. اي يارب زينة اليوم وناااسة اربعاء راحة نفسية لأخر درجة


أي أبيكم بسالفة .. أنا وجهي مخيس مايعجبني فيه حبوب مابين الحواجب و مابين خشمي من اليسار واليمين أوكى عجزت أشيلهم حطيت بوجهي كل شي إلي تبونة ويخطر ببالكم حطيتة مابقيت شي لاكن من غير فاايدة وعلى فكرة وجهي دهني المهم سمعت عن حبوب أسمها imedeen المهم يقولون أنها زينة وتعوضك عن الموية إلي بوجهك وماتشربينها كل يوم ويعني زين مررة وكم من بنت تقول كذه مررة زينة ومادري مين والله أخصائي قام يقول أنها زينة والله ماذكر مين هو ^^".. المهم والله حبيت أسأل عنهم هذول الحبوب هم صدق والله زينات ولا لااء أنا ودي أجربها بس أخاف تسوي لي شي لأن أمي دايم تقول لي أنتي توك في مرحلة نمو وهذي الأشياء تأذيك بس المهم مليت المهم يعني أنتم شرايكم فيها زينة للي بعمرنا ماراح تسوي شي أن شاء الله يعني والله ودي أسمع رايكم فيها ودي أعرف عنها وإلي عندها صور لشكل الحبوب ياليت تورينا أياهم وإلي تعرف وين القاهم ياليت بعد تعلمنا وهل أحتاج أني أستشير أي طبيب فيهم و يعني هي لهى أنواع ولى نوع واحد ويعني مثل كذه أتمنى أني ما أكون أزعجتكم ويالله أنتظر ردودكم ويالله ســـــلام


ملاحظة .. ياويلكم لو طنشتو موضوعي بزعل عليكم تكفوووووون لاحد يطنشني أي وحدة تعرف عنها أي شي أو سمعت عنها تقول لا تسكت بلييييييز

[همسة فرح]

اي والله وناااسه اليوم ربووع

المهم حبيبتي والله انا ماعندي اي خبره

والله لو عندي كان افدتك

[شيخة العرب]

السلام عليكم..............

انا سمعت عنها زينة كمان

بس امي جربتها بس اسفة لاني لا اعرف عنها شىء

بس انتي اسالي امك او اسالي الطبيب

يمكن هو يعرف عنها شىء

انا بسال امي و برد عليج انشاالله


و سوووووووووووووووووووووووري

[رقيقه المشاعر]

الحمدالله احنا تماااااااااام انتي اخبارك؟؟ ..

على العموووم اول مره اسمع فيها .. لو اني اعرف عن هالحبوب
واافيت بالاخبار بس عذرا حبيبتي ماعرف عنها شي ..

وتحياتي لك

[noisy cat]

أول مره أسمع فيها بعد

بس في شيء أسمه حبوب الخميره تصفي البشره

بس تسمن

[M!ŠŞ Goțhic]

هلا والله أختي كوينا ومبروووك على الإجازه ^____^

أولا: إنتي قلتي إن هاذي الحبوب إستعملوها بنات غيرج وأفادتهم, بس كل واحد وجسمه وعلى حسب يعني, وأمج صادقه في كلامها, لكن الأفضل لج تروحين عند مختص يفحص وجهك ويعيطج الوصفه الزينه لج, وأرجو إني فدتج ^__^

سلاااام.....

[عهــد]

عمـري انت للحـين صغيره وطبيعي ان بشرتك ما تكون صافيـه ..

وبهالعمـر افضل انك تتجـنبي الحبوب والاشيـاء الغريبـه هذي

ونفذي اللي تقوله لك والدتك لأنها ادرى بمصلحتك ..

والافضل انك تستشيري طبيب ..

بس عمـري جربتي الاقنعه الطبيعيـه ؟؟

الخـاصه بالبشره الدهنيـه ؟..

[shegoon]

اليوم راحة وبكرة نوم لين العصر
نرد لموضوعنا صراحة أنا ماعندي أي معلومة ممكن تفيدك

[kuina]

تسلمون والله أخواتي على المرور ^_^

بس أنا ودي يكون وجهي حلو وصافي T^T أبي أستانس بعمري ووجهي حلو أتدلع فيه
بصراحة أختي عهد لا ماجربت الاقنعه ماعرف لهم .. خخخ^^"


-_- زين شسوي الحين ماقدر أقعد كذه ابي غصب يزين وجهي T^T وبنسبة للطبيب مستحيل حد يوديني يقولون لي أنقلعي هذا إلي ناقص على بشترك من زينك عاد .. << تحطيمة قوية خخ ...XD

[M!ŠŞ Goțhic]

أوكي أختي, أنصحج بماركة هيمالايا للبشره الدهنيه, فأنا أستخدمها ^__^, لكن إذا ماكنتي تحبين مواد التنظيف تقدرين تستخدمين الأقنعة والمواد الطبيعية, لكن لاتفكرين وااايد بالحبوب وبالوجه, لأن هذا يزيد صدقيني قرأته في مجله الطب وأنا كنت جذيه *__*, التوتر والتفكيير يجيب الحبوب, لكن هي لوحدها تروح, وإذا عندج أي سؤال أنا وبنات المنتدى موجودات إن شاءالله ^________^

سلاااام.....

[ساحرة السماء الفضية]

اختي اول شئ احب اقول لك الله يعينك على ما بلاكي وما لك الا الصبر
وكلام امك صحيح مئة بالمئة لانك الحين بفترة نمو والهرمونات متلخبط حالها والجسم وياها
فعندك حل من اثنين
اما ان تصبري لين ما يصير عمرك عشرين وكل شئ يرجع لطبيعته
او انك تستعينين بطبيب جلدية وراح يوصفلك الشئ المناسب لعمرك ولبشرتك
اما الي تسوي انت مش صحيح لان بشرة الوجه رقيقة وحساسة كثير ولما تجربين عليها مساحيق وكريمات وحبوب شو تتوقعين رد فعل البشرة اكيد راح تتأذى وانتي ليسا عمرك صغير يعني ارحمي نفسك
بالنسبة للمستحضر الي تكلمتي عنه فدورت لك بالنت عليه ولقيت انه تحت هالاسم في اكثر من مستحضر واكثرهم يختص بالبشرة للنساء لما بعد عمر 40 ويزيد مادة الكولاجين بالجلد ويرطب البشرة ولكن ولا واحد يخفف حب الشباب وتفضلي الموقع داخله صور وشرح على كل نوع وتركيبة المستحضر وكل شئ تريدين معرفته عنه
http://www.imedeen.com/

ارجو ان اكون قد افدك

تحياتي

[remen]

ياقلبي عليكي


معليش حبيبتي هذا شي طبيعي

بس المهم انا ابدا ماانصحك تستعملي اي نوع من الحبوب لأنو أكيد لها أثار جانبيه كثيره بتضرك ومابتنفعك

خديها نصيحه مني خليكي عالماسكات والعلاجات الطبيعيه لأنها أفضل بكثير

[kuina]

يعني شلون أقعد كذه >_______< مستحيييييييييييييل إهىء إهىء ..
يقطعهم يعني المستحضر حق عجايز..

أووكى طيب الاقنعة يعني زينة صدق والله ..
أختي صديقة ساسكى ^_^ أنا أستعمل غسول الوجة CLEAN & CLEAR الناس يقولون زين ومادري وشو والله خرطي ماسوى لي شي هو صح حلو ينضف الجوة بس يقولون يشيل الحبوب الصغيرة .. وأنا ماشال ولا حبة .__."

-_-" يعني مالي غير الصبر وبطنش والله يعين وتسلمون والله ..

[^سوزي^]

مرحبا اختي عساك بخير ؟ ومبروك على العطله
المشكلة اللي تعانين منها مشتركة وتقريبا الاغلبية عانوا منها ...على العموم الدوا اللي قلتي عنه ما أعرفة بس اذا كان اهو اللي ينشف الماي اللي بالجسم فهو نفس اللي استعملته رفيجتي وهو يخلي حتى الدموع اللي بالعين تنشف !! بس بس العلاج يستغرق 6 أشهر على الاقل وهناك العديدد من الشروط والمضاعفات الجانبية لا أذكرها للاسف ..ولكن النتيجة جيدة فقد اختفى حب الشباب منها تقريبا ...وانت اسألي طبيبك قبل لاتسوين شي
أما بالنسبة لعلاج آخر فاسألي عن التقشير الكيميائي يمدحونه .

[جنية الخط السريع]

مرحبـا ...

من زمان ما شاركت في المنتدى اذبحتني الامتحانات ... اوووووف لحد الحين ما خلصت اليوم آخر امتحان وافتك ...

المهمـ ..

بالنسبـه للحبـوب أنا بقولج طريقـه جربيها وان شاء الله خيـر ... اخذي ثومـه ودلكي فيها الحبـه لمـدة خمس دقايق كلـ حبـه خلي الثومـه عليها لمدة خمس دقايق طبعـا ً هذا اذا كانت الحبـه بارزه ...

انتي تقولين بشرتج دهنيـه اغسليها بماي (ماء) الورد مرتين في اليومـ <<<< هالطريقه علشان آثار الحبوب تختفي

واذا تبين بشرتج تكون صافيـه اخلطي روب (زبادي) وخيار وحطيه على ويهج لمدة ربع ساعه .

ونصيحه حاولي تشربين من 6 _ 8 أكواب ماي في اليوم هالشي مفيد جـداً للبشره .

شوفي قلبي كوينا فيه برنامج على قناة الناس راح يجي يوم الاثنين الساعه 5 العصر ويعيدونه الساعه 6 الصبح يوم الثلاثاء تابعين انتي والبنات ما راح تخسرون شي بالعكس راح تستفيدون من هالبرنامج كثيـر لانـه فعلا ً كـذا ...

ولا تنسين قلبي هالاشياء يبيلها استمرار مو مره او مرتين تسوينهمـ وعندنا مثلـ يقول من يبي الزين ما يقول اح <<< احنا نقول كذا ....

واتمنى ومن كلـ قلبي ان هالحبوب تختفي وتكون بشرتج احلى بشره في هالدنيا ...

[~*ظل القمر*~]

السلام عليكم بنات ..

وعليكم السلام والرحمه

شلونكم شخباركم شحالكم ؟؟.. أن شاء الله تمام .؟؟

انا بخير دامك بخير حبوبه

شلون الأمتحانات معكم .. اي يارب زينة اليوم وناااسة اربعاء راحة نفسية لأخر درجة

اخيرا افتكيت من الامتحانات ووجع القلب

أي وحدة تعرف عنها أي شي أو سمعت عنها تقول لا تسكت

صراحه انا ماعرف عنها شي واول مره اسمع عنها

لكن انصحك بمنتجات زين الاتات لانها اعشاب طبيعيه وانا اضمنها لك لاني استخدم منتاجاتهم
واختي تستخدم حبوب وشراب للبشره واستفادت منها كثير وهي مثلك بشرتها دهنيه

هذا موقعهم http://www.zeinalatat.com/ar/index.htm

واذا قدرت اجيب لك الرقم انشالله راح ارسله لك


واتمنى اكون ساعدتك

[noob]

انا ما اعرف عن هدا الشي من الحبوب

بس بالنسبة للحبوب في طرق

1- تستخدمي الفكس و تحطي عليها لصقة جروح انا وجهي دهني اذا ما نفع
2- استخدمي خل التفاح مررررررررررررررررررررة ممتاز يا اختي و انا مجربته اول شي استخدمي مخفف بالموية اذا ناسبك استخدمي بعدها بدون تخفيف امسحي وجهك بالخل بالقطن
و تاني شي يخفف للدهون البشرة و يصحح البشرة من اي ندوب و ممكن تستخدمي لجسمك و لشعرك اذا كان عندك قشرة
خلي فترة في وجهك و بعدها امسحي وجهك بموية ورد

مجرب كتيرين قلتلهم على هادي الوصفة ناسبهم
اي يخفيها و يودي الكلف و يقشر الخلايا الميتة

[ريشة رسم]

انه ماي خبره في سوالف البنات ....<< بنت ماتدري شسالفه<<
بس امي تقول ان لو الوحده بتحط بالها وبال الي في ويها راح يزيد ما ينقص انه كنت جذي كانت الحبوب مليان وجهي ايام الابتدائي لكن الحين الحندلله راحو للابد <<الله لايردهم << يعني انتي انسيهم ولهي نفسح باي شي وانشالله بيروحون وهم الاخوات قدمو تصائح مفيده

[tatiana]

اشتري دواء zinaret كثير مفيد

[PureAura]

مرحبا أختي العزيزة kuina

الصراحة ..الأفضل أنج تاخذين موعد مع اخصائية جلدية ..وهي راح تسويلج الأجراءات كامله ولازم

تتابعين معاها والأفضل يأخذون منج تحاليل عشان يعرفون اي دواء يناسبج وهو ان شاء الله راح يفيدج

لا تستخدمين اي دواء أحتمال فيه اضرار جانبية لا سمح الله أو جسمك ما يتقبلها..لازم تأخذين استشارة ومتابعة طبيب

واتمنى لج التوفيق والله يعافيج عزيزتي