يا مسهرني ..

[~NOARAH~]

هاي ..اندليس..
اولا مواضيعك جدا رايقه..ومتميزه
امممممم..صراحه سالتي سؤال وهو نقطة ضعفي..
انا من جد مجنووووونة سهر واموووت بالليل واحس لو ماسهرت اني مو عايشه
يعني لازم اسهر الين اشوف الفجر والصباح والهواء المنعش..يعني انا عكس الناس..ليلي نهار ونهاري ليل..
اكيد تسالون ليش..وايش اسوي.. ..؟؟
اولا..اكيد النت..واحيانا اقعد عالكمبيوتر..من دون نت على البرامج وشغل..(بس مفيد )
ثانيا عالتي في من فيلم لفيلم و.......و..
احيانا نجلس انا واختي مع بعض ونسولف مع شله بنات اذا كانوا عندنا..سهرانين ..وهكذا..
طيب ليش كذا.؟؟؟
لاني ابي اكسر الروتين شوي واحس اني فرررررري ..مافيه شي يقلقني ويقيدني..يعني احس اني باجازه..ابي اخذ حريتي قبل تجي الدراسه لان وقت ماتجي الدراسه ارجع للملل والروتين نوم محدد واصحى بوقت محدد يااااااااااي ..قلق
بس هذا انا..
مع ان اللي حوالي يكرهون هالشي فيّ لانه يحرمهم مني احيانا
وشكررررررا عيوني

[Endless tears]

اهلا يا نوره ..
وين هل الغيبه ؟؟

بس واضح تماما انج من عشاق السهر ََ!! حتى لو ما قلتي لي ..
لانج انسانه رومانسيه و عادتا الرمانسين يحبون السهر !!
...........مادري انا اخذت فكره عنج انج رومانسيه و لو اني ما اعرفج شخصيا بس من ردودج على بعض المواضيع

بس احلى شي السهر مع الشله مثل ما ذكرتي
تحياتي لج

اندليس تيرز

[ZA7EF]

هل انتوا من عشاق السهر ؟؟؟

- في الاجازه اغلب الايام اسهر اطلع حرة ايام الدراسه

وان سهرتوا شو تسون بالضبط ؟

- والللله ان ما رحت قهوه ولا الكورنيش مع شباب !! لازم يا اكون عندي فيلم جديد حلو ولا لعبه روعه او اكون تعبان وقاعد عالنت اتصفح مواقع ادردش عالماسنجر او اجدد محتويات موقعي او اتصفح منتدانا ويمكن تكون عندي رواية بوليسيه اول مره اقراها فاتعلق فيها من اول الليل الى ان اخلصها متى ما قدر الله
احيانا استغل نوم الوالده بدري واسطو عالمطبخ اخربط ابو الدنيا ازعط اطبخ الى ان تقوم الوالده وتكسر كم صحن على قدر على راسي
و الى الساعه كم تسهرون ؟؟

- على حسب بس ما توصل للصبح اكيد الاغلب لصلاة الفجر فقط

[Endless tears]

حيا الله الزاحف او دم خفيف ..

ما شاء الله طباخ طلعت ..يا سلام ..يبغيلي اخذ من عندك كورس ..
بس صدق انته تسوي اشياء مختلفه ..
يعني الاغلبيه يسهرون على النت او افلام او ما يسون شي بس يتأملون ..

بس انته تقرأ قصص بوليسيه ..و تطبخ .. و تلعب بالالعاب ..
ما شاء الله عليك
بس لا تسهر وايد

تحياتي
اندليس تيرز

[WaSiMoO]

الصراحة انا كل يوم اسهر لين صباح اليوم الثاني ومانام الا الساعة 7 الصبح
اجلس اغلب وقت اخر الليل على النت بعد الطلعات والروحات والجيات والمشاوير ...................إلخ
وانا تعودت على كذا اذا بدت الدراسة نتعود مرة ثانية
واشكرك على الموضوع Endless tears

[Endless tears]

ما شاء الله يا الوسيم ..
كل يوم سهران ..
مشكله الوسيم سهران !! عيل انته قمر الليل !

زين الحين المدارس بتقرب و بترد للنظام
تحياتي
اندليس تيرز