مشاهدة النتائج 1 الى 7 من 7
  1. #1

    DSL أنا فيني كلام شوي عن خدمة

    أنا فيني كلام شوي عن خدمة DSL ، هذي خدمة جديدة في السعودية وبدت تنتشر أكثر في الفترة الأخيرة وأكيد راح تنتشر أكثر وأكثر ومن المتوقع لها تكون من أفضل وارخص طرق الاتصال بالانترنت في المستقبل القريب ، خلونا نشوف مميزاتها وسعرها ونقارن بينها وبين الاتصال العادي Dial Up والاتصال عن طريق الستلايت، مع استخدامك ل DSL بيكون عندك انترنت بسرعة عالية تتراوح من 64 كيلو بت بالثانية حتى 512 أو أكثر ( معظم الشركات في السعودية ما تعطي أكثر 512 ) وتعطيك اتصال مستمر بالانترنت بدون انقطاع يعني بمجرد الكمبيوتر يكون شغال بتكون أنت شابك على الانترنت ولو كان عندك أكثر من جهاز في البيت تقدر تشبكهم مع بعض عن طريق شبكة منزلية (LAN) عن طريق كرتين شبكة وكيبل UTP , حاليا في السعودية معظم شركات الانترنت تقدم خدمة DSL لكن يختلف سعرها من شركة للثانية والأسعار تتفاوت بشكل كبير أما شركة الاتصالات تأخذ رسوم قدرها 220 ريال على استخدام هذي الخدمة ، ومع استخدامك لخدمة DSL تتيح لك استخدام خط التلفون بشكل طبيعي وأجراء و استقبال المكالمات بدون تأثر على اتصالك بالانترنت . مع كل هذه المميزات قد تكون ال DSL ارخص من الاتصال بالانترنت عن طريق Dial Up . لو كانت تجيك الفاتورة 1000 ريال أو أكثر أو اقل شوية في 3 اشهر مع حساب رسوم الاشتراك في الانترنت ب 100 شهريا بتطلع التكلفة 1300 في 3 اشهر ، كثير من العائلات فيها أكثر من شخص يستخدم الانترنت وتوصل الفاتورة أكثر من ألف وتلقاهم يقللون استخدام الانترنت قد الأماكن عشان الفاتورة لا تعدي عن ألف ريال , لاحظ ال DSL لو اشتركت في شركة ب 200 ريال شهريا ( معظم الشركات أسعارها أكثر من 200 ريال و أسعار ال DSL في انخفاض مستمر ) مع دفع مبلغ 220 ريال شهريا للاتصالات بيكون التكلفة 420 وبيكون التكلفة في 3 اشهر 1260 ريال . مع استخدامك كل ميزات ال DSL من سرعة وعدم انقطاع واستمرارية في الاتصال 24 ساعة بدون أي تكلفة إضافية . أخر شي بنقارن بين ال DSL وخدمة الستلايت ( استقبال فقط ) هذي الخدمة متوفرة في السعودية والخليج والكويت ومصر ويقدمها أكثر من شركة مثل فالكن ستريم في الكويت و أوربت في السعودية وايجبت سات في مصر . مع استخدامك للستلايت راح تضطر لدفع مبلغ شهري للشركة إلى تشترك فيها بالأقمار الصناعية يتراوح من 40 إلى 80 دولار بالإضافة إلى تكلفة خط التلفون وتكلفة الاشتراك المحلي وتكلفة كرت الاستقبال بالعادة يكون كرت PCI أو جهاز استقبال USB كل هذي المصاريف زيادة عشان بس تحصل على انترنت أفضل وأسرع وهذا تقدمة لك ال DSL بتكلفة اقل وأسهل . وباستخدامك للستلايت تحتاج إلى إعادة توجية الطبق في كل مره تغير فيها الشركة المشترك عليها للقمر الصناعي . الشي الوحيد الى يقدمة الستلايت وماتقدمة خدمة ال DSL هي فتح المواقع المغلقة لان الستلايت مايمر باي بروكسي او أي فلتر او مرشح .



    وانا بقولكم قصه مختصره صارت معي انا واخوي عن الdsl هذا

    اخوي كان يبي يشترك بخدمه الdsl قلنا زين رحنا اول شيء عند شكره صحارى
    دفعنا لهم الفلوس وكل شيء قالوا لنا طلبكم بيروح الرياض عند الاتصالات هناك وبيطول 3 اسابيع قلنا نصبر (الصبر جميل biggrin )
    وفي وسط الاسبوع الثاني صرنا كل يوم نغثهم ونتصل عليهم (اذيهbiggrin )
    ويوم خلصت المهله ونروح جري(بالسياره يعني smile )عندهم ويجينا واحد سعودي (يوم رحنا اول مره عندهم كان كلهم هنود على مصاريه:محتار2: )
    ويقعد ساعتين ونص يتاسف وانهم ما يقدرون يوفرون الخدمه وانه يا نصبر او ناخذ الفلوس واخذنا الفوس واللي عطانا الفلوس واحد مصري عاد هو ما قصر عد الفلوس يمكن 5 مرات اخذنا الفلوس ونطلع من عندهم متحطمين لكن اخوي مصمم الا يبي dsl ونروح على الشركه الثانيه الللي هي (اول نت ) بس اغلى شوي من صحارى والله ونفس الحكايه 3 اسابيع وبعدها يعتذرون مدري ايش قصتهم والا شكلنا منحوسين والا علشان الخدمه توها جديده عندهم مشاكل
    الرجال اللي في (اول نت) طلع لنا لسته طولها مترين كلها اسامي حق ناس اشتركوا ولسه الخجمه ما وصلت لهم :محتار2:

    احم طبعا لا تفقدون الامل يمكن بعد كم سنه الاحوال تتصلح وترخص الخدمه و كل شيء يصير تمام gooood
    اخر تعديل كان بواسطة » fantasy man في يوم » 19-08-2002 عند الساعة » 07:25


  2. ...

  3. #2

    Talking

    بصراحة انا اشوف خدمة dsl
    احسن شي لما تجيك فاتورة الانترنت 1700 ريال لشهر تحط خدمة الـdsl
    اصرف gooood
    مشكور على الموضوع

  4. #3
    الرسالة الأصلية كتبت بواسطة DJ QUIKSILVER :
    بصراحة انا اشوف خدمة dsl
    احسن شي لما تجيك فاتورة الانترنت 1700 ريال لشهر تحط خدمة الـdsl
    اصرف gooood
    مشكور على الموضوع
    زين 1700 ما بالك باللي تجيه الفاتوره 3400 ؟:محتار2:

    العفو اخويbiggrin

  5. #4

  6. #5

  7. #6

  8. #7
    هعععععععععع


    استنى عليها سنه وبتصير الخدمه زي الحلاوهgooood

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter