حالة الشباب المستعصيه :
شابين مع بعض ماشيين بالشارع بيد كل واحد فيهم علبة مياه غازيه تناظرهم يكلمون بعض بصوت هادي ايش تتوقع انهم يقولون انا كنت اتوقع من انهم كانوا يتكلمون عن امريكا ويوم قربت منهم سمعت انهم يتكلمون عن شغالة ظيوف بنت جيرانهم ...
ثلاثة شباب قاعدين بسوق اناظرهم يأشرون على محل واشوف المحل ما أدري بس كنت ابغى اعرف ايش هو شوي الا ويطلع محل ملابس داخليه للنساء وتسمع واحد فيهم يقول للثاني شوف شوف هذاك اللون الزهري ينفع لك ...............والله حاله
وكنت بالمسجد بعد ما خلصت الفريضه جلست عشان انتظر زميلي وأسمع شابين يتكلمون بصوت عالي عن الطواعه ويوم قربت منهم عساي أستفيد الا وأسمعهم يتكلمون عن المطوع ذاك شوف كيف ثوبه تقول تنوره لالالالا شوف المطوع ذاك لا مو ذاك الي جنبه شفته شوف لحيته لوين واصله وشوف لوين ثوبه موصل هذا ال**** معلم ابوي اني ما أصلي قال ليش قال عشانه خايف علي ....
كنت رايح اتمشى مع الأهل في مكان ما ودخلت سوق مليان نساء واصادف واحد من أصدقائي يقول لزميله هيييييييييييييييييييييييييه الحق الطريده ذيك واستغرب وش هي الطريده ذيك الا وتطلع بنت ماشيه لوحدها وهم مهم فاكينها من شرهم ويوم قلت له ترضى ان احد يسوي كذا مع اختك قال عادي بس الي يسويلي كذا ابغى اخته ويوم جيت أقوله انت ما عندك غيره الا وتمر من جنبي بنت ويقول خوينا أحييييييييييييييييييييييييييه وينطلق ورا البنت الثانيه ......
وانا بالفصل اسمع يا فلان عندك افلام *** الثاني يقول الين تشبع وتسمع ثانيين شفت المباراة امس ياخي الحكم هذا ******* والاعب الفلاني ********* وأسمع طلاب ثانيين يتكلمون عن اختبار الا ويطلعون قاعدين يتفقون على رموز عشان يغششون بعضهم لو صاروا بعيدين عن بعض وطلاب واحد قاعد يدق الثاني يقول شوف شوف شوف قديش كبرها والثاني يفطس ضحك (انا ودي أعرف وش هي الكبيره هذي )الا وأسمع طلاب يتكلمون عن طالب ثاني ياخي شوف ذا الله يل** والديه حافظ كل الدروس لو عندي مخه كان ابوي شرالي السياره الفلانيه والا قاعدين مستلمين واحد مسكين قاعد بحاله شوف خشمه شلون قايل كنه فتاحة علب لالالالا شوف وجهه تقول طبق بيض..........
وفيه ثلاثه ثانيين الله هداهم مافيه كلام من الي يقولونه شين كل كلامهم ثقافي وكلام ما فيه شفت عقدة كامري اكس ال والا شوف البنت هذيك لا كلامهم ما فيه والا ذم على احد ومستحيل تشوف احدهم يسب الثاني هذولي الي انت ودك تقعد وياهم ومحظوظ من يملك مثلهم .........
وسؤال لمن قرأ هذا الموضوع هل ترى في كلامي غلط
بالنسبه لي انا ما ألفت ولا حرف كل الي أقوله من وقائع
وشكرا لكل من قرأ هذا الموضوع ........................
اضافة رد مع اقتباس
المفضلات