السلام عليكم ..

هذا اول موضوع لي في هذا القسم واتمنى ان ينال اعجابكم gooood

ساروي لكم قصه حدثت لي شخصيا ولا مجال للكذب فيها لانه ما احب اجذ ب انا

قبل جم سنه كنت شخص مستهتر ، الصبح اروح النادري معا ربعي نلعب لي الساعه اربع بعدين نروح مطعم او شي جذي ،
المهم اذا صارت الساعه 12 بليل انروح اي بيت مسكون ونصور البيت من داخل ونقعد فيه وجذي ، ويمكن رحنا فوق 25 بيت ..
عاد في بيت معروف وايد بالكويت بالسالميه لونه ازرق وابيض وشكله غريب وكبير وايد وكلنا ندري انه هذا البيت مسكون يعني القصص كانت حقيقه ..
تحداني واحد من ربعي وقالي اذا دخلت البيت انته وخالد ( واحد من ربعي ) اعطي كل واحد منكم خمسين دينار ..
قتله خلاص صار اليوم بليل الساعه 12 ادخل البيت بس بدون كامرا لانه اذا في صج ينانوه داخل البيت ادري انه مايحبون الكامرا ، قالي خلاص انا اوديك البيت وانطرك عند الباب ..
صارت الساعه 11 ونص ووداني مناك نزلت ودخلت من الباب الرئيسي كان مفتوح..
دخلنا الحديقه عادي طبيعيه بس انه وايد وسخ وجذي وطبيعي يصير جذي لانه البيت مهجور من جم سنه ، في نافوره وفيها ماي انا استغربت من جذي ermm
المهم دخلنا البيت ظلمه فتحت اللمبه يعني الليت ، اشتغلت اللمبه والكهربا شغاله وغريب بيت مهجور جم سنه والماي والكهربه شغاله ..
المهم البيبت طبيعي اثاث وتلفزيون وكل شي بس مغبر واييد ووصخ ..
قلت حق رفيجي انا بنزل السرداب يعني الدور الي تحت وانته روح فوق ( احب المغامرات ) tongue
المهم نزلت مافي شي ولفت نظري غرفه بزاويه بروحها حاولت افجها مقفوله بس رفستها بريلي طلعت مو مقفوله بس معلقه شوي ..
دخلت داخل ظلمه ماكو لمبه ولا شي في سلاسل عاد انا مني اخترعت ، يعني سلاسل ليش تحركت السلاسل بروحها ماكو هوا ولا دريشه ولا شي ..
انحشت انا ورحت ادور عن رفيجي فوق وقفت عند الدري اناديه وفي احد كان يخذفني بالصخر بعدين من الخرعه تكرفست من الدري وانكسرت ايدي ، بعدين مادري شصار طلعت من الباب الخلفي وشقحت من السور وانشقت اهدومي وعبالي رفيجي مات ..ermm
بس الحمدلله ماصار في شي سمع صوت وانحاش ، من يومها ما دخلت ولا بيت مسكون ..

والبيت الحين اهدموه بعد مابنوه يمه مسجد ..

اتمنى انه عجبكم القصه واحلف ورب الكعبه القصه وااااقعيه ..
وسوري اذا طولت عليكم