مشاهدة النتائج 1 الى 3 من 3

المواضيع: الغزل

  1. #1

    Talking الغزل

    السلام عليكم

    "د روس في فن المغازلات الترقيم و الكشخه.....والكثير"

     تعلم طريقة عيش العزوبية



    أولا : دروس الترقيم :
    ü الخطط القديمة : رمي رقم الجوّال وإلا رمي رقم البيت الخاص .
    ü الخطط الجديدة : توري البنت إن عندك جوال و تعطيها رقم بيجر لأنها بتدق عليك بربع و أنت تدق عليها بألوف غير إن البيجر ما يطلع رقمه عندها في الفاتورة شفتوا كيف ومن بغى شي يتحمّل !!!! .
    ثانيا : المغازلات :
    ü فرضا إن البنت أعطتك وجه وكلمتك وش تسوي ووش تقول ؟؟!! .
    ü  راح اوريكم بعض الأسئلة والأجوبة  .
    س : من مطربك المفضل ؟
    ü الإجابة القديمة : محمد عبده , راشد الماجد, خالد عبد الرحمن.
    ü الإجابة الحديثة : والله يا عيوني كل المطربين صاروا مثل بعض ولا في أحد متميز ولكن اذا بغيت اسمع اسمع (( لسيلين ديون)) و (( يتني هيوستن ))  و (( بارفآروتي )) ترى هذا الأخيرمطرب شعبي عندهم حق حفلات وعروس واوبرا .
    س: تحب الشعر؟
    ü الإجابة القديمة : أيـــه أكــيــد .
    ü الإجابة الحديثة : بعد خالد الفيصل ونزار قباني و ايليا أبو ماضي ما عاد في شي اسمه شعر. (( حلــــــــــووووة  اليا أبو ماضي تصدق ترى ما عرف هو حرمة وإلا رجال ))
    س: وين تدرس؟
    ü الاجابة القديمة : كلية العلوم الإدارية , كلية الحاسب.
    ü الاجابة الحديثة : والله جايتني بعثة ادرس في ناسا بس متأجله علشان المشاكل بين كوبا وأمريكا لان النجم اللي ابي ادرسه بالضبط بالضبط فوق سما كوبا وانتظر يحلون المشكلة وارووح بريطانيا اقصد أمريكا ==== بتقـــول لك : وأنا كنت أتمنى ادرس النجوم , طبعا اسمع من هنا وطلع من هنا كل شي ودهم يدرسونه ، تفلسف عليها بدورك وقل لها بإمكانك تدرسين تو الفرصة ما فاتتك خلك مخ .
    س: وش تحب تسوي في وقت الفراغ ؟
    ü الإجابة القديمة : اطلع كشتات مع الشباب(إذا ما تعرف تقولها قل خرجات ومشي حالك) العب كوره ، كمبيوتر، وإنترنت .
    ü الاجابة الجديدة : اطلع أخيم في الصحراء وأصيد. (( أحلى شي الصيد ماشي سوقه تما التمام كلٌ صار يصيد لا وللصيد ميزة ثانيه أن البنات ما يعرفون عنه أي شي يعني خذ راحتك وأنصب وطقع وخرط على كيفك بس لاتبالغ وتقول صدت اخر مرة اسد ، قل شي موجود في المملكة زي البطريق والدب القطبي و الكانغرو شي زي كذا .
    س: وين تسافر ؟؟
    ü الاجابة القديمة : الصيف أوروبا وإلا أمريكا الأعياد القاهرة وإلا بيروت , غلــط غلــــط بتقــول لك : وش رايك نتقابل هناك بتصك عليك .
    ü الإجابة الحديثة : الصيف روسيا عند ولد خالتي في السفارة هناك ونستأجر كـوخ في غابات الصنوبر وفي إجازات الأعياد قل أروح  للصين وإلا هولندا وإلا جزر لانجرهانز أي شي مش عمرك حبيبي ,,, أنا عارفك حدك أبها في الصيف ترقص في الحفلات وفي الأعياد البحرين وإلا دبي وترجع لنا نص صاحي .
    س: هــــل عرفت بنات قبلي؟؟؟
    ü الإجابة القديمة : إيـه وما صار نصيب افترقنا ، غلــط غلط غلـط لا تقـول هالجملة انتهت .
    ü الإجابة الحديثة : اسمحي لي والله هذي أسرار وكل ما نبشت هالسؤال تألم وتنهد تنهيده قوية زي أم كلثوم في أنتي عمري ولا تسألها هالسؤال لأنك بتسمع إجابة ملفقه فاختصر على نفسك الوقت و أنطم .
    س: هل تقبل تتزوج بنت لها علاااقة ؟؟؟
    ü  هالسؤال هو اللي يقصم الظهر من جـد ياما شباب زي العسل راحوا وطي بسبت هالسؤال ولكن عندي  الحل :
    ü الإجابة : أولا خلك هادي شم حبتين هوا وقل اللي بأقوله لك الآن ولا تزيد ولا تنقص : " حياة كل إنسان هي ملك له إحنا ما نقدر نحاسب الناس على ماضيهم لان كل منا له ماضي، الآن يا بطل شمة هوا ثانية وكمــّل: اللي اطلبه من شريكة حياتي أن تكون مخلصة لي وتحبني لأني بكل ما اقدر باكون مخلص لها ومحافظ عليها ولو ماقـدرت تحبني اتمنى إنها تعلمني .
    ü ملاحظة :   يمكنكم كتابة هالكلمتين في ورقة للي ما يحفظون زين ،ترى هالجملة تساوي وزنها ذهب مجربه وأنا المسؤول .
    ü  (( راح تقول لك البنت بكل ذهـــــول ياليت كل الناس بتفكيرك ، ولو ماقالتها لك اسكت واصبر و لا تتكلم إلى أن تقولها وان جابت لك طاري مجتمع وعادات وتقاليد هنا : كح  - أعطس- أشرق – أي شي  سوه يفكك من الموضوع )) .



     ثالثاً : الموضة والكشخة :
     
     أولا : الشعر : في السابق كانت الموضة سكسوكة وقصة شعر نمرة اربعة هذا كله قديم الآن تروح للحلاق أول ما تخلص هالصفحة وتقول له ينظف الوجة من كله : شنب- لحية- سكسووكة – عوارض- قوارض، ابد ما يبقي إلا الحواجب هذي الموضه في الشانزليه ، شوف عيني تعرف الولد هناك من حواجبه كل واحد بحاجب اسود محترم ، وتخلي الحواجب سميكة كأنك إيراني ، هذي الموضه في الشعور وبالنسبة للـــراس الموضة الآن تخفيف بسيـــــــط و تصبغه برتقالي كأنك هولندي وش حلاته ، وفيه ميزه يعني في الصيف تقهر الشمس فوق راسك يقوم شعرك يرد عليها يعني واحدة بواحدة .


    ثانياً : الثياب: الموضة القديمة ثوب ابيض والياقة صبه و الأزرار مكشوفة لا لا لا  قـــديـم الآن الموضة ثوب لونه لؤلؤي ومطرز بنجمات زرق والياقة مرسوم عليها قارب والأكمام فيها صور غيوم والياقة مكونة من طبقتين تحت صبه وفوق قلاب بس القلاب ربع زي رقاصين الفلامنجو (( أكشخ )) أما الأكمام تخلي فيها فتحة زي ملابس الرقاصات المغربيات علشان تتيح حركة لليد و الازارير - علشان يصير ثــوب متـــعوب عليه - زر مكشووف وزر مغطا أما المخبا فخله مخفي وإلا اقول لك بلا مخبا دام كل واحد راز جواله بيده تقول ماقد شاف حلاته ما بيق إلا يخليه في وجوه العالم يعني معي جوال .


    ثالثاً : الجـزم : الآن الموضة بـــــــوت جــــديد مــاركة دوج رهيــــب هو الموضة الماشية في العالم ارتفاع القاعده متر إلا ربع وسمك جلده مترين يعني تحس نفسك فوق وفق فوق هام السحاب و خلي رجلك وأصابعك تنعزل عن العالم علشان أول ما تفصخه تطلع لك ذيك الروايح ، وله فايدة ترى مع هالنوع لا مخدرات و لا حشيش ولا دخان ابد كل ما صدّع راسك افصخ جزمتك وماعليك إلا أنك تخلي خشمك عفوا انفك في مقابل اصبع رجلك الكبير واللي جنبه وتضبط المزاج ببلاش ، ونرجع للجزمة من مميزاتها أنها تساعد في  الدفاع عن النفس افرض هجم عليك واحد ابد ضربه واحد و الرجال في خبر كان بس يبي لك تدريب كيف ترفع رجلك لان وزنها بدون شراريب 5 كجم للفردة الواحدة .




    :مذاكرة: :مذاكرة: :مذاكرة:

    عاشو عيشا سعيدة


  2. ...

  3. #2
    هههههههههههههههههههههههههههههههههههههههههه


    شكرا لك على الموضوع الحلوووووووو gooood

  4. #3
    هههههههههههههههههههههههههههههههههههههههه
    مشكوووووووووووورة على الموضوعgooood

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter