هذا الجزء مو زي الاول لكن ابيخ شوي لاني مشغول واكتب الموضوع بنفس الوقت
الموضه
انا ماعارض الموضه لانه الواحد يحتاج فعلا للتغييروالتجديد بمعنى اصح التجميل لكن الي نشوفه اليوم بعيد عن هذه الكلمة لو تشوفو الموضات الجديده شي يبكي واحد مسوي راسه زي جبال الهملايا كذا كتير وملولو تحس انه عشة حمام شفتوه كيف منفوش ما هو جنب الجمال يا واد روح مشط راسك يقولك موضه كلو كوم والي ينزل سرواله كوم تحصل نص سرواله الداخلي باين وبعضهم يحطو بدالو السروال ابو ورود حمرا هداك واذا غير يحط السروال المنقط الي زي سراويل توم وجيري ويمشي في الشارع فرحان كمان يبويا سروالك نازل ما احد يرد الاحزمه على قفا من يشيل بعشره ريال الواحد طيب بلاش حزام حبل واربطه عورتك برا ويا ليت من زين شكله السروال تحصل شكله مقرف نمسك الثالث وحد مسوي وجهه مخطط زي هذا الي في ستار اكادمي ما اعرف اسمه شفتوه ؟؟ فشلنا شكله تقول تكروني
الحلاق قاعد يلعب في دقنه تحصله كان يتونس عليه شفتو شعرو كيف تقول شعر حجه لو انه سبته زي ما هو ما احد هرج كذا مخليه ملفلف مدري كيف اما الثالث ما يفرق بين الموضه وانه يسير حرمه كذا تحصلو ما في ولا شعره واحد ناعم من جد ومطول شعره لين الركبه ويمشي على حبه ونص تقول أحد يطبل له ويتكلم زي البنات وياكل لبانه
اذا تبغى تسوي موضه خليك في الموضه الجميله مشط راسك اربط حزامك لا تقلد تقليد أعمى خليك أنيق بدون ما تسوي حركات هبلا
رجال رقاصه
في مره من المرا وقفت عند اشارة الا شويه واحد مسطل طلع من السياره قلنا يمكن الكفر ضرب بوشت السياره
فجأه قاعد يهتز كان يرقص على ما أعتقد ياليت يعرف تقول أحد مطفي له سيجاره في سرواله ولا يمكن الهزاز اشتغل
وكل ما تروح محل تحصل واحد زي هذا وأطل يسار الا والا قي ايش اثنين يترقصو زي البنات كذا شرط لو يتحدوهم يهزمونهم اعتقد انهم يمكن يبغو ينالو اعجاب لكن ما ينالون الا الحقره وتجي البت شوفي الاهبل دا ياليت يعرف يرقص اشبو سلامات ما تحس انك مغفل لمن تسوي كذا خليك رجال تفخر فيك الامه مو فيفي عبده حتى الغرب أنفسهم يحطو مراقص للحاجات هذي ما في احد يترقص في الشارع الا انتم
التجاهل
يقولو الحقران يطلع المصران وطنش تعش تنتعش وربي كلام رهيب انت لمن يجي واحد تسبه ويسبك اش تستفيد يجيك ضغط وسكر وقلب سيبه خليه زي ما هو يكلم روحه هو يسب وانت تاخذ حسنات اذا وقف قلو سبني كمان وفي نفس الوقت روحه تطلع قلبه ينحرق ونتا متجاهله في مره انا كنت موقف سيارتي جنب هذال كروسان شوب الا شوي واحد جا وقفل على سيارتي انا ما اعرفه ولا شفته ولمن جيت ابغا أخرج كان واقف قدام السياره ويتكلم جوال وانا مو عارف انه هل هذا هو صاحب السياره ولا لا لكن شكيت فيه هو كان يبغا يتمنظر عليا الشهاده لله خشته غلط قلت يا واد ايه خليني اسوي اني مو عارف وخرجت مره ثانيه وقلت لخويي يلا على الكافتيريا لمن يروح المغفل هذا ورفعت صوتي سبناه زي ما هو راحت المنظره راح شغله بلاش هو شكله انحرق انفرس لو اني رحت اسبسب واطوط بواري كان فرح لكن هذي الاشكال ما تفهم الا اذا تجاهلتها وكلكم خليكم كذا
طنش تعش تنتعش
شكرا على السماع
صح الموضوع بايخ بس انشالله يعجبكم
ويلا سلام
المفضلات