أنـــــــا والتـــكاســـــي

**زمـرد** · 24-12-2005, 12:30

التكــاسي:: هو عباره عن مصطلح اعجمي مفرده تاكسي وجمعه تكاسي من كلمة تكسي تكس تكوسن وبالعربية الفصحى سياره اجرة وهو الشي الذي يشبه السياره ينقلك من مكان لاخر بس الفرق بينه وبين السياره انهو عليه شخبطة وألــوان::

تبدأ معاناتي مع التكاسي من يوم عرفت شي اسمة كلية هع هع هع "________"

::::الحلقة الاولى::::::
اول يوم دوام بالكليه ومن اولها بالتكاسي ..بعد طول انتظار في الشارع تكرم احد التكاسي بالوقوف امامي و .....طلعت........

انا: يارفيق روح كلية ال__((( اسم الكلية مشفر هع هع هع ))
السواق: وين هزا مكان انا مافي معلوم..(( مصيبه ونا بعد مافي معلوم eek

))
راح الاخ سال السواق اللي في السياره اللي جنبه..قال له الريال:عند كليه الشرطة.. cheeky

عاد هذا اول ماسمع كلمة شرطة انتفض بسم الله ....
وبعد لف ودوران في انحاء مدينة ابوظبي الجميلـــة.......
انا:هااا هذا كليه لف يمين..
لفينا يمين
وتمينا ساعة ندور حول الكليه ندور وين الباب....

في نهايه الدوام::

جا اخوي يروحني..والتاكسي اللي هو كان فيه مب طايع يرجعنا للبيت..

السواق: خلاص مدام خلاص انا مايقدر خلاص (( الاخ قاعد يشد شعره ويضرب السكان بكلتا يديه ))
اخوي:زين بس طلعنا للشارع الرئيسي ونحنا بننزل...
السواق: ال م..مافي..انا يقول ...ويشد شعره...ويقول طلاسم وتمتمات وعصب
انا:اقولك قم خلنا نطلع بكرامتنا احسن

:::::الحلقه الثانيه:::::

انقضى اسبوعين على بدء اليوم الدراسي الاول..وانا...ماشاء الله عليه صار عندي خبره وين احصل مكان تجمعات التكاسي...والساعة كم بحصلهم...ومنو بوقف ولا مابوقف .... laugh

(( انا قررت....بألف كتاب كيف تحصل تاكسي في خمسة ايام))

الزمن:3 ونس العسر (((عز الحر والصيف...معاناه والله كانت معاناه حقيقيه ....خلاص انا بألف قصه البؤساء الجزء الثاني..شكرا لك فيكتور هيوجو cry

))
المكان:امام الكلية

الحين لازم امشي مسافة طوييله عشان اوصل للشارع الرئيسي واخذ تاكسي ترا مثل ماخبرتكم عندي خبره ....وكل شوي اطالع ورا ممكن تكسي يمر بالغلط..
فجأه..
وقف تاكسي...
فتحت الباب....

تفاجأت....
eek

جي كنت

لا لا مو معقول......................

التاكسي نظيف..!!! والكراسي مطقمه جلد احمر واسود شكله كشخه...!!!والسواق...لا...السواق مو بتاني هندي....السواق شكله ايراني..لا ومطقم مع سيارته بنطلون جينز وقميص احمر واسود ((مسكين يتحسب انه تابع السياره هع هع))..راسه يوصل لفوق ...اول مره اشوف سواق بهالطول((( خمسة وخميسه في عين اللي مايصلي عالنبي))..
الموهيم.....

طلعت..

انا:روح بيتنا..

وقبل لا اسكر الباب ...الاخ شحط بالسياره وانا رديت ورا طاااخ..لحظه اشفيك بسكر الباب...
اييييييييي شحط
ومشى بسرعه 200 كيلومتر في الثانيه ..وانا ظهري التصق بالكرسي مااروم اقوم ....
ماصدقت اني ظهرت منه اوووف (( بعدج حية لليوم<<<<حيه ولا عقرب هعهعهعهعااااي laugh

))

:::الحلقه الثالثة:::

الصبح الساعة سبعة ...ظهرت من البيت الصبح كله عشان خاطر عيون التاكسي..لانه وبحسب خبرتي الطويله في التعامل مع التكاسي و وجدت انه وبعد الدراسات المطوله بعد الساعه سبعة وربع مافي تكاسي...واذا نزلت فهالوقت بتظطر انك تتريا لين الساعه ثمانيه وممكن لين ثمانيه وربع مع الزحمة والناس....

ونا دوامي يبدا ثمانيه ونص آآآآخ يازمــن التــكـاسي...

_-__-_-_-_-_-_-__-_-_-_-_-_-__-_-_-_-_-_-__-_-_-_-_-_-__-_-_-_-_-

دايما في الاصنصير يعجبني اوقف مكان وين ارقام الطوابق وزر اللي يفتح ويبند الباب...
الصبح انزل و ألم نص سكان العماره ونا اتحكم باللي يدخل واللي يطلع الله حلو biggrin

مره وقف الاصنصير ..تبطل الباب...كان في واحد ولد بيي عمره 13 او 14 طبعا اول ما فتح الباب لف ظهره مايبى يطلع ..عاد انا سكرت الباب..شوي واسمع صوت حرمه وبنيه..فتحته مره ثانيه طلعو الجماعه امه واخته دخلو الاصنصير وانا بندت الباب مره ثانيه ((هيه مستانسه لعبه قالولج laugh

))
جان امه واخته قالو بصوت واحد: ولك تعا تعا اطلع..
الولد كشر ما يبى
امه كشرت
الولد طلع
امه: ولك الساعه صايره سبعه
اخته:شو احنا بننتظرك
الولد معصب: انتو مالكومش دخل فيني..

عاد الاصنصير كان متروس ..انا وحرمه معاها عيالها الثلاثه مدري الاثنين نسيت و((الجماعه المتظاربين )) ووحده شكلها رايحة المدرسة..
المشكلة ان الولد كان واقف عدالي..خفت من كثر ماهو معصب يرفع ايده تجي فيعيني هع هع ...

خلص الموقف-_-_-_-

:::الحلقه الرابعه:: تاكسي نذل::
اليوم:السبت
الساعه سبعه و عشر الصبح
..صار لي ربع ساعه واقفه وبحسب خبرتي انه يوم السبت ممن النادر احصل تكسي بعد الساعه سبعة لانه اول يوم في الاسبوع ...بس شو سوي.. (( كله نوم يا كسلانه :ضحكة)) يعني اشو انزل الساعه سته ونص مع مدارس الاولاد هع هع هع biggrin

جا تكسي ونزلت منه وحده حرمه سيلانيه... الباب مفتوح..ييت اطلع ...راح الاخ الكريم شحط التاكسي ...

انا:الله ***** يا**** ((( امرت الرقابه بحذ هذا الكلام لمخالفته شروط المنتدى laugh

))

موقف ثاني:::
كنت واقفه في الباركنج ((( الباركنج:: مصطلح يطلق على الاماكن المخصصة لوقوف التاكسي والباصات وهي كلمه انجليزيه parking و بالعربي الفصيح موقف لسيارات الاجرة والحافلات...أكملي الله يهديج....)) يالسه اتريا واتريا وكل ما يجي تكسي اعطيه لحرمة مسكينة ولا ياهل ((من زود الكرم اللي فيج)) ... يعني شئ من هذا القبيل..((( تتحسب انها الهيئة الدوليه لانقاذ المساكين واسترجاع حقوق الانسان الضائعه هعهعهعاااي laugh

))) ..لييين ما احترقت فيوزاتي كلها خلاص ...بعد اوقف ربع ساعه زياده...
فجأه شفت تاكسي يأتي من بعــــــــــــــــيــــــــــــــــــــــــد
وبخبرتي وبحاستي العاشره عرفت انه بوقف عندي... devious

تميت اطالع التاكسي...لين ماوقف...
طالعت وراي حصلت وحده فليبينيه هي وربيعها مدري ريلها بياخذون التاكسي...مدت ايدها خلاص الحرمة بتدخل واثقه من عمرها..
تقدمت اليها واانا اطالعها بنظرات الحقد والكراهيه ..مع شكلي الراقد tired

..وحواجبي شكلها رقم ثمانيه وثمانين...
خافت المخلوقه...ردت ورا واشرت عالباب كانها تقولي : السموحه السموحه خذيه خذيه انا لااريده.. nervous

ايوه كده ولا بلاش bandit

اخ تعبت من التايبينغ بكمل بعدين laugh

**$maha$** · 24-12-2005, 19:53

بسم الله الرحمن الرحيم....
السلام عليكم ورحمة الله وبركاته؛؛؛

ولاا مغامرات الف فجر وفجر......

زين ماطاروبك =(خطفوك))

وبعدين حواجب 8_8

= نامصه يعني

<<<< المحقق كونان...

تسلمين اختي على المغامرات الجذابه....

لك مني اعطر تحيه وشكرا لك..

*Mr.EMIN3M · 24-12-2005, 21:25

التكــاسي:: هو عباره عن مصطلح اعجمي مفرده تاكسي وجمعه تكاسي من كلمة تكسي تكس تكوسن وبالعربية الفصحى سياره اجرة وهو الشي الذي يشبه السياره ينقلك من مكان لاخر بس الفرق بينه وبين السياره انهو عليه شخبطة وألــوان::

خخخخخخخخ ولا نيوتن بنفسه عرف التاكسي زي كده

اصلا انا اكره سواقين التكاسي لانهم همجيين ..........وانا مااقصر معاهم لو شفت واحد قدامي
على طول اروح اجاكره واسقط عليه خخخخخخخخخ اخليه ينخرط من جد

**عين الالفية** · 25-12-2005, 01:46

هههههههههههههههههههههههههههههههههههه

الله يعينكم

يمكن تنحل مشكلتكم

وتسوقون سيارات
ههههه(اما هذي مافي امل)

لا تزعلين

**زمـرد** · 26-12-2005, 07:15

الرسالة الأصلية كتبت بواسطة $maha$

بسم الله الرحمن الرحيم....
السلام عليكم ورحمة الله وبركاته؛؛؛

ولاا مغامرات الف فجر وفجر......

زين ماطاروبك =(خطفوك))

وبعدين حواجب 8_8

= نامصه يعني

<<<< المحقق كونان...

تسلمين اختي على المغامرات الجذابه....

لك مني اعطر تحيه وشكرا لك..

هيه ماخبروك اني بطلع كتاب مغامرات الف يو ويم مع التكاسي laugh

الرسالة الأصلية كتبت بواسطة Mr.EMIN3M

خخخخخخخخ ولا نيوتن بنفسه عرف التاكسي زي كده

اصلا انا اكره سواقين التكاسي لانهم همجيين ..........وانا مااقصر معاهم لو شفت واحد قدامي
على طول اروح اجاكره واسقط عليه خخخخخخخخخ اخليه ينخرط من جد

ليش هو في اصلا حد يحب سواقين التكاسي هذا بيكون واحد مخبول مثلك ...اتذكر مره رحت المدرسه واكتشفت انه ماعندي بيزات ادفعله جان انزل من التاكسي والريال يقول جيب فلوس مال انا قلتله يلله روخ ماعندي ايش اسويلك يعني laugh

الرسالة الأصلية كتبت بواسطة عين الالفية

هههههههههههههههههههههههههههههههههههه

الله يعينكم

يمكن تنحل مشكلتكم

وتسوقون سيارات
ههههه(اما هذي مافي امل)

لا تزعلين

لا بسوق ان شاء في المستقبل سياره فيراري او هامر اوني عاد بزعل عبر عن رايك فري نحنا في الديموقراطيه يا هذا laugh