اي لاعب اتفضل

**sanjabeez** · 21-12-2005, 14:09

صوت للاعبك المفضل

**هلالي إلى الأبد** · 21-12-2005, 15:08

هاهاهاهاهاهاها
شف الفرق
أخي العزيز
الفرق كبير
الله يهديك

*Mr.EMIN3M · 21-12-2005, 18:10

ههههههههههههههههههههههههههه
اعذرني على الضحك
بس الاختيارات تضحك مره
وش جاب سبيت ولامطر مع ككا ورونالدينهو

**سماري دبي** · 21-12-2005, 18:18

هيه صدق اخويه ايمينم

ليش سبيت خاطر واسماعيل مطر من بين كاكا ورونالدينيو

لازم نضع سبيت خاطر واسماعيل مطر بين لعيبه اكبر من كاكا ورونالدينيو

لإنهم كبااااااااااااااااااااااااار ويرفعون الراس

صدقت ياخوي ..قمت تفهمني جذا اباك اتكون كل يوم

نصيحه:

لاتضحك عليهم يالغالي..دام انك ماتعرف قدرهم

سبيت خاطر واسماعيل مطر شخصيا يقابلون الشيوخ كل يوم

انت تقابل امنو....لاتغتر بنفسك..

الغالي وضع موضوع واذا ماحبيت اتشارك فيه فتلك مشكلتك

من غير تعليقات يالغالي..

السموحه..

*Mr.EMIN3M · 21-12-2005, 19:11

لازم نضع سبيت خاطر واسماعيل مطر بين لعيبه اكبر من كاكا ورونالدينيو

حبيبي هذا اسمه غرور
انا مو قصدي ان اسماعيل وسبيت مايعرفو يلعبون
لكن الكره انجازات...........واللاعب اللي عنده انجازات هو الافضل
لكن في غيرهم احسن بكثير مثل محمد نور والمنتشري وبركات وميدو

سبيت خاطر واسماعيل مطر شخصيا يقابلون الشيوخ كل يوم

مين قصدك بالشيوخ
والشيخ مو بشر زيي زيهم ولا لا

ثانيا ياحبيبي انا مهتم بهذا القسم من المنتدى واتمنى انه يتطور اكثر
لكن في مواضيع مانستفيد منها............

واتمنى ان جوابي اقنعك على الاقل
واتمنى كمان ان الاختلاف لايفسد للود قضيه
وشكرا.

**معجب برشلونة** · 22-12-2005, 07:55

وش هذي الخيارات ermm

**كايتو KID** · 22-12-2005, 08:18

ايش التخلف دا

**يتــ الفهد ــيم** · 22-12-2005, 12:06

إمنيم مالم داعي عصبيه
موضوعه وكيفه
انت إنشر موضوع حط لاعبي الإتحاد

للتصويت

أنا من رايي

إسماعيل

**sanjabeez** · 22-12-2005, 16:30

مشكلتكم ماتفهموني
اقصد اني انا ابى اعرف شو هي اراكم في العيبة وبس
واذا شتمتوني بالمتخلف فانا مجنون كرة مثل ما انج قيس باليلى

**M A S A M U N E** · 23-12-2005, 09:41

إسماعيل مطر

**سماري دبي** · 23-12-2005, 10:57

( حبيبي هذا اسمه غرور
انا مو قصدي ان اسماعيل وسبيت مايعرفو يلعبون
لكن الكره انجازات...........واللاعب اللي عنده انجازات هو الافضل
لكن في غيرهم احسن بكثير مثل محمد نور والمنتشري وبركات وميدو)

اذا كانت نظرتك فقط إلى الانجازات والخلفيات فنحن مابنوصل إلى حل

ومب شرط كل لاعب يكون عنده انجازات بيكون الافضل

بعطيك فكره عن نادي العين..

النادي دخل بلعيبه وبإداره وجهاز فني من غير انه يفكر باالانجازات

لأنه بكل اختصار هو صاحب الانجازات

وأظن غيرتك هي يوم انك ذكرت قيمة لعيبتنا والدليل ان بنفسك
قلت

(لكن في غيرهم احسن بكثير مثل محمد نور والمنتشري وبركات وميدو)

يالغالي ترى الغيره تذبح..خذها نصيحه مني

(مين قصدك بالشيوخ
والشيخ مو بشر زيي زيهم ولا لا)

انا في طرحي لردي انا ماقلت ان الشيوخ انهم مب بشر

بس انت بطريقة استفزازيه تسخر على قوم وانت ماتعرف

انهم يمكن يكونو احسن عنك ( مثل ماتعنيه الآيه المذكوره ف القرآن )

(ثانيا ياحبيبي انا مهتم بهذا القسم من المنتدى واتمنى انه يتطور اكثر
لكن في مواضيع مانستفيد منها.)...........

الاستفاده مب معناتها ان جميع سكان الارض لازم يستفيدون

الموضوع امامك...انت حر تريد ان تستفيد او لا

بس لاتطلب الاستفاده من صاحب الموضوع لأنه بالاساس وضعها للإفادة

نصيحه : (لاتذكر كلمه حبيبي لي حتى لو كانت من باب الكلام او المجامله )

(ومن ناحية انك تريد ان المنتدى انه يتطور)

فأنت لا بحكم ولا بقاضي عسب تكون لك سلطه في اختيار ان هذا الموضوع صالح او لا

فهناك مشرفين ومراقبين هم الحكم في هذا المنتدى

انت ضع رايك ولا تحكم...

(واتمنى ان جوابي اقنعك على الاقل
واتمنى كمان ان الاختلاف لايفسد للود قضيه
وشكرا).

يالغالي انا ماهتم ان الانسان يقنعني اهم شيء اني اكون مقتنع ف نفسي فقط

والعفو يالغالي...

**عاشق البارسا** · 23-12-2005, 11:31

اخوي الله يهداك احد يحط رونالدينهو وكاكا (الأفضل) مع اسماعيل مطر وسبيت خاطر (العادي)

*Mr.EMIN3M · 23-12-2005, 11:41

يالغالي ترى الغيره تذبح..خذها نصيحه مني

هههههه الانسان مايغار الا من الافضل منه مو اغار من احد وانا احسن منه
طيب لو ان اسماعيل مطر وسبيت خاطر الاحسن.ليش مااخدو جائزه احسن لاعب في اسيا او على الاقل حسن لاعب عربي الللي اخدها محمد نور؟
او على الاقل ترشحو لها ..........احنا عندنا 3 لاعبين ترشحو للجائزه
واحسن لاعب اسيوي المنتشري....
.................................................. ...............................................

نصيحه : (لاتذكر كلمه حبيبي لي حتى لو كانت من باب الكلام او المجامله )

خلاص ابشر بس انا كانت نيتي طيبه
انا بس كنت اقولها عشان يكون في الموضوع تفاهم وحب مو عصبيه صح ولا لا.

**سماري دبي** · 23-12-2005, 12:02

( هههههه الانسان مايغار الا من الافضل منه مو اغار من احد وانا احسن منه )

الغيره صفه داخليه ف الانسان مالها دخل ف العالم الخارجي وبالاخص في موضوعنا

(طيب لو ان اسماعيل مطر وسبيت خاطر الاحسن.ليش مااخدو جائزه احسن لاعب في اسيا او على الاقل حسن لاعب عربي الللي اخدها محمد نور؟ )

لو رأينا انسان أخذ جوله حول العالم سترى في كل مكان يختار لاعب ويقول عنه الافضل

لو صار هالشيء لأخذ جميع اللعيبه ف العالم افضل لاعب والكل يكون مرشح للجائزة

(خلاص ابشر بس انا كانت نيتي طيبه
انا بس كنت اقولها عشان يكون في الموضوع تفاهم وحب مو عصبيه صح ولا ل)ا.

نحن بينا الطيبه وعلاقة الاخوة..ماأظن ان نحن نسمح للعصبيه ف الدخول بينا كشيطان

وداعة الله

*Mr.EMIN3M · 23-12-2005, 12:16

نحن بينا الطيبه وعلاقة الاخوة..ماأظن ان نحن نسمح للعصبيه ف الدخول بينا كشيطان

كيف تقول الكلام هدا وانت من اول قاعد تقولي غير ه وماغيره؟
انا الحمدلله ماغر
وليش اغار وانا عندي لاعبين قال عنهم بلاتر ومدرب ليفربول بالعالميين؟

لو رأينا انسان أخذ جوله حول العالم سترى في كل مكان يختار لاعب ويقول عنه الافضل

لو صار هالشيء لأخذ جميع اللعيبه ف العالم افضل لاعب والكل يكون مرشح للجائزة

صح كلامك...........بس اللي يختار من احسن لاعب هم خبراء الكره مو ناس عاديين
يعني هم يختارو بالعدل..لانهم الاكثر فهما للكره
سلامتك

**سماري دبي** · 24-12-2005, 16:02

كيف تقول الكلام هدا وانت من اول قاعد تقولي غير ه وماغيره؟
انا الحمدلله ماغر
وليش اغار وانا عندي لاعبين قال عنهم بلاتر ومدرب ليفربول بالعالميين؟

وهذا يسمونه( غيره ) السموحه لإني اقول جذا.....

هيه عندك لعيبه تحدث عنها الكبار بأنهم العالميين..

بس تدري نحن اهل الامارات مانهتم..شو يفيدنا ..

هل كل شخص يتحدث عن شيء انت تحبه يعني اصبح يهتم في هالشيء..( ماظنتي )

مثل ماقلت قبل...نوادي الامارات وبالاخص نادي العين ..ترا كبار الشخصيات يتحدثون عنهم

بس مانجعله (غيره)..لان نحن نعتبره مصدر فخر لنا

صح كلامك...........بس اللي يختار من احسن لاعب هم خبراء الكره مو ناس عاديين
يعني هم يختارو بالعدل..لانهم الاكثر فهما للكره
سلامتك

تلك مجرد مسميات...فقط لكل واحد منهم له بطاقه مكتوب عليها خبير..وتعتبر تلك وظايف

انهم يختارون بالعدل مثل ماتقول اللاعب رقم واحد ....

ولكن في يوم بتزول عنهم الاختيار ويصبحون من الماضي..

\

**faith_7** · 24-12-2005, 19:56

اولا :اكيد بصوت حق اسماعيلووووو....
ثانيا :لاتنسون ان اسماعيل مط اخذ لقب افضل لاعب في العالم في كاس العالم للشباب ...ok
ثالثا :سبيت خاطر اختير من بين افضل سبع لا عبين في اسيا يجيدون الضربات الثابته ..
...............................وسلامتكم ............................