السلام عليكم ورحمة الله وبركاته
هلا بنات..
كيفكم؟
كلو ماشي وطيب إن شاء الله..
.
.
.
.
.
.
.
.
.
.
أول شي حبيت أسلم على مجانين الكورة زيي.. فأهلًا!
بصراحة من يوم ما كنت في خامس كنت راعية كورة، لحد ما سجلت في فريق المدرسة (لا تتفجعوا، ترا المدرسة كانت في بريطانيا!)
وجنوني الكروي خفت تدريجيًا لمن رجعت السعودية، بس السنة هادي رجع أشتعل، وأشتعل بشعلة (نصراوية عالمية!)
حتى إني أشرفت سابقًا على قسم على قسم العالمي في أحد المنتديات الرياضية..
بس المهم: بيني وبين كل بنت مجنونة كورة كمان..
قبل فترة قعدت أفكر:
أنا لمن أتفرج مباراة بأنبسط وأتحمس وأشجع فريقي وآخر حلاوة.... أوكي
بس في مشكلة وحدة بس: كلا نعرف إنوو عورة الرجل من السرة لحد الركبة.. وبمنتهى الصراحة شورتات اللعيبة ما توصل لحد ركبهم –الله يهديهم بس-..
فلمن إحنا نتفرج المباراة ح ناخد إثم شوفة العورة.. أنا عارفة من كتر الحماس، ما ح ندقق أصلًا، بس أقصد من باب حلرام ناحد سيئات عشاناها..
فإيش رايكم؟
نبطل نتفرج المباريات عشان ربنا... فـ(من ترك شئ لله عوضه الله خيرًا منه)...
وإيزي، تابعي أخبار فريقك المفضل عن طريق الجرايد..
ترا ما أقول الكلام بس كدا.... الكلام من واقع تجربة شخصية!
وتصدقوا طريقة تانية (بس هادي الطريقة فقط لإللي يقدر يضبط نفسه)
شغلي المباراة بس لا تطالعي، وخديلك جريدة وللا مجلة وللا كتاب تتصفحيه وأسمعي التعليق على المباراة...
صدقوني.... روعة!
منقول
تعليق:
أنا نقلت الموضوع معني ما أفهم شيء بالكوره
بس أختي الصغيره مجنونه كوره
فأفدت أختي
وانتم أخواتي
المفضلات