الصفحة رقم 1 من 11 123 ... الأخيرةالأخيرة
مشاهدة النتائج 1 الى 20 من 216

المواضيع: نهاية الحب

  1. #1

    نهاية الحب

    قررت اني انزل القصة عنكم وابي ارائكم لأني نزلتها في منتدى ثاني وكانت الردود رائعه
    فأتمنى ان تعطوني رأيكم في القصه
    غزل: هلا حياتي كيف الحال؟
    خلود: الحمد الله أخيرا جينا على بالك يالقاطعه
    جميله :وجع قاطعه وين أكثر من قاطعه حتى الإتصلات ما تردين ..
    غزل:هههههههه اسفه حياتي والله اسفه بس ماكان عندي وقت تدرين كبيرة البيت ههههه والإجازه والسفر والأسواق والله شغله ما في وقت موليه.
    جميله: مو منك من اللي يعبرك أصلا ايه والروايات تجلسين تقرين مو مشغوله
    غزل: حرام عليكم خلاص عاد ما كان شي سار وانتهى إحنا عيال اليوم
    خلود:إحنا عيال ولا بنات أشوف سرتي تخرفين ههههههههههه
    غزل:هههههههههههههه الله ياخذ بليسك والله اشتقت لسواليفكم
    جميله : يامطول الغيبات جاب الغنايم... قولي قولي بسرعه قابلتي تغريد سألت عنك
    غزل : لا والله ما قابلتها توني داشه كان شفتكم وجيتكم على طول
    جميله : ما ادري احس هالبنت تبي شي منك
    غزل:والله اذا تبي خدمات انا تحت الخدمه لكن اذا نيتها الشر فخليها تقصرالطريق وتبعد ما فيني عالمشاكل
    إلا يجون على الجهه اللي هم فيها أبرار وإبتسام وأروى
    أبرار : السلام عليكم girls
    الجميع : وعليكم السلام ورحمة الله وبركاته
    غزل: شلون girls مانتي شايفتنا استوينا women
    البنات يضحكون
    أروى: بدري غزووووووووووووووووول خلنا بالأول نعرس
    إبتسام: وجع مالت عليكم قال نعرس أقول انا بآخذ الثانويه وأحطها نومه
    جميله: عاد انتي حياتك كلها نوم فنوم بس قبل لا تنامين أوصيك حطي الشهاده على جنب عشان اللي يشوفك وانتي منخمده يعرف على الأقل انك آخذه ثانويه
    البنات يضحكون واشتاقوا لبعض أكثر من أول ويروحون الفصل وياخذون حصة كيمياء ورياضيات وادب
    إبتسام : اوووووووووووووووووووف ما بغينا نخلص ياهوووووووو أكره الرياضيات والكيمياء
    غزل: حرام عليك عاد انا والله ما نومني غير الأدب قال: شعراء العصر الجاهلي إحنا وشلنا فيهم ياربي أكره الأدب
    أروى :أقول انتي وهي لو ما تنطمون أوريكم شغلكم زين انا ما أطيق ال مدرسه بكبرها عشان كل وحده تختار ماده مفضله .
    أبرار:ههههههههههه عاد هم ايشلهم ويا كسلك يالخبله
    غزل: صدق خبله أرووو مالك خص فيني أوكي
    أروى: والله أشوفكم سرتو ضدي
    خلود ياللا يابنات هجووووووووووووووووووووووم
    ويقومن البنات كلهم يفكون علب المويه ويرشون بعضهم إلا وتدخل عليهم المرشده الطلابيه
    المرشده: ياسلااااااااااااااااااااام على هالمنظر والله لو أطفال الروضه مايسون كذا شلون انتو يا أول ثانوي.
    أبرار:حرام أبله والله تونا مخلصين محاضرات ياطولها تكفين عاد مشيها هالمره
    خلود وغزل وابتسام واروى ميتين من الضحك إلا جميله وابرار يحاولون معالمرشده تعديها لهم هالمره المهم المرشده سامحتهم وراحت عنهم
    ابتسام:فكه ما بغت تروح هههههههه
    غزل: ههه شفتوا جميلوه وابرارو كيف يتشحتونها عشان تسامحهم هههههههههه بطني ما اقدر اتحمل
    هههههههههههههههههههه
    ابرا: آآآآآخ يالأنذال بعد ما أنقذنا حياتكم تطنزون علينا جميله أمشي نصحح الغلط
    البنات:لاااااااااااااااااااااااااااا تكفون خلاص
    ابرار: انزين راضونا بسرعه
    غزل: اسفه حبيبتي مشكوره على انقاذ حياتي
    ابرار: لا مافيه كذا تروحين وتفطرينا على حسابك
    غزل: حشالله ما تنقرب وش سويت انا عشان تعاقبيني كذا
    خلود: خلاص ياقلبي غزووووول قومي انا وياك نفطرهم
    غزل: لا مافي اروى معنا
    اروى : اوكي يللا قوموا قبل الزحمه
    وهم راجعين كان تجي تغريد وتنادي غزل
    تغريد: غزل غزل
    خلود: غزل تغريد تناديك
    غزل :وينها
    اروى : كاهي هناك
    غزل تلتفت وتبتسم لها
    عاد تجي تغريد
    تغريد: كيفك غزل؟
    غزل: الحمد الله بخير شلونك انتي عمري؟
    خلود بصوت واطي : لونها أصفر
    غزل ميته من الضحك
    وتغريد انحرجت : الحمد الله تمام اشفيك تضحكين
    غزل:هههههههههههه لا ماشي حبيبتي بغيتيني فشي؟
    تغريد: ممكن شوي أبغاك فكلام
    غزل : اوكي بس مو الحين انا مشغوله اذا كان عندنا حصه فراغ اكلمكأوكي
    تغريد: اوكي
    وينتهي الدوام والبنات مستعدين يروحون بيتهم ويجي السواق حق كل وحده فيهم
    ............................................>>> ها ايش رايكم فالقصه اكمل ولا لا
    __________________


  2. ...

  3. #2

  4. #3

  5. #4
    السلام عليكم..
    أنا مررررررة أحب القصص إللى فيها عن الصديقات والصداقة..
    ومتشوقة للتكملة..

    تحياتي لك..
    golden phoenix

  6. #5
    مشكوره ياعمري على متابعتك قصتي وانتي اللي تجنين والله وذوقك الأحلى gooood


    وهذا الجزء عشان عيونك الحلوه

    نسينا ما نكتب المعلومات المهمه:
    عايلة غزل : أكبرهم غزل 16 سنه. لمى 14 سنه. مي 12.5 رماس 5 سنين . ريما 3.5 سنه
    محمد 1سنه
    أبو محمد دكتور إستشاري وهو واخوانه فاتحين شركه العمر 38سنه
    أم محمد مشرفه تربويه ...(موجه) العمر 34 سنه
    ..................................
    أهل أم غزل..........
    خيلانها 3 محمد 21 سنه ثالث جامعه قسم مختبرات صحيه
    راشد 16 سنه هادي 13 سنه
    وخالاتها 6 ما شاء الله عليهم هههههههههه
    المهم راح ابدا با لأكبر
    أم خالد 38 سنه وريلها ابو خالد 42 سنه
    هند 17 سنه خالد 18 سنه
    جوري 11 سنه يوسف 5 سنين
    ...................
    أما الثانيه ام محمد وسبق ذكرهم
    ................................. أم ماجد 32 سنه وريلها أبو ما جد 38 سنه
    ماجد 18 سنه و نوف 16 سنه اسامه 11 سنه و جواد 2سنه ........> استوينا هنود
    أم مهند 30 سنه وريلها ابو عبد الله 40 سنه مهند 11 سنه وميره 5 سنين و مؤيد 1.5سنه
    ..............................................
    ام فارس 28 سنه ابو فارس 37 سنه و فارس 18 سنه
    حسن 12.5 وعبد العزيز 9 سنين و راما 5 سنين و رنيم سنه
    .................................................. ......
    أم محمد 23 سنه و ريلها أبو محمد 42سنه و رغدى 5 سنين و محمد 4 سنين
    .................................................. ........
    غزووووووووول عايله محترمه
    واهل ابوها عاد العكس 6 عيال و 3 بنات
    أكبر وحده الأخت أم جاسم 40 سنه وابو جاسم 48سنه و جاسم 22 سنه و منى 18 سديل 15 سنه
    و سمر 13 سنه و عبد الله 8 سنين محمد 3.5 سنه بعد كذا ابو محمد
    ابو فهد 36 سنه وام فهد 43سنه اسامي 14 سنه و فهد 13 سنه و شهد 10 سنين و لجين 5 سنين
    باسل 2 سنتين
    ابو حسين 34 سنه أم حسين 30 سنه وحسين 8 سنين و ريان 2سنتين
    وعبد القادرومرته وفاء لين الحين ما خلفوا يحبون بعض ووفاء لين الحين تتعالج وعبد القادر ما همه شي قد مرته وانه عايش معها
    وسالم ومرته مريم الحين حامل مالهم سنه متزوجين
    ويوسف عمره25 سنه مو متزوج
    والعنود 22 سنه و رشا 19 سنه
    .................................................. ...
    عايلة خلود أبو خلود 52 سنه ام خلود 38 سنه عبدالله 25 سنه و مشعل 21 سنه خلود 16 سنه و سهى 14 سنه و مؤيد 9 سنين معاذ 6 سنين و محمد 3 سنين وجودي 2 سنتين
    ...........................................
    اهل ابوها كثيرين بعضهم فبلد ثاني
    اما اهل امها .............................
    فالجدة وبعدين خالها عمر ويشتغل سفير في مدينه ثانيه
    ومحمد وهو رجل أعمال وعايش في مدينه ثانيه
    وفيصل و خالتها ايمان وهي متزوجه وعايشه في نفس المدينه مع اخوها محمد
    اولادها اسامه 17 سنه و أحلام 16 سنه و شذى عمرها 6 سنين
    و خالتها جواهر وعندها فهد 27سنه واحمد 20 سنه وشجون 19 ومشاعل 18 سنه
    وخالتها امل وعندها عندها ولد واحد اسمه شادي
    واخر العنقود مرايم دلوعة البيت ونسبت ما اقلكم ام خلود طبعا اكبر وحده.
    .................................................. ...................................
    وجميله ماشاء الله عليها هي في عايلتها الأساس يعني اهي العمه والخاله وكلش تتكون عايلتها من امها وابوها وجميله16 سنه وغفران 14سنه وسلوى 12 سنهواختها فايزه متزوجه وعمرها20 وجايبه ولد اسمه سالم واخوها سعيد توه متزوج ماله سنتين أخوها حاتم يدرس بره الديره
    وطبعا خالا وبنات خالاتها اللي من سنها أشواق و تهاني وامال ..............
    .................................................. .................................................. ..........
    نرجع ونكمل قصتنا لما رجعت غزل من المدرسه راحت سلمت على امها
    ام محمد: ها كيف المدرسه اليوم؟

    غزل: ماشي حالها كالعاده ياسعاده لو مافي صحباتي كان مت من زماااااااااااان




    ام محمد:هاذا انتوا ماتروحون المدرسه الا عشان اللعب


    وتدخل عليهم لمى:




    لمى: واللي باط كبدي ماتنجح الا بامتياز

    غزل: هههههههههههههه حبيبتي وقت الجد جد واللعب لعب

    لمى : المشكله ما شوف شي جد

    غزل: ياغبيه قبل الإختبارات بأسبوعين خليها مذاكره

    لمى: اهاااااااااااااااااا

    ام محمد: الله يكبر عقولكم اقول ذاكروا مو تفشلوني قدام
    المعلمات
    الا ويدخلون عليهم مي ورماس وريما

    مي: ولا يهمك مامي انا برفع راسك قدامهم

    غزل: شوف مين يتكلم اقول سدي حلقك احسن لك
    لمى تقلد على صوت مي:

    ولا يهمك مامي انا برفع راسك إلا بترخي انتي وجهك

    مي: مامي شوفيهم بس ينازعوني

    ام محمد: اقول يالله كل وحده تنقلع غرفتها وتنخمد

    غزل: مامي حرااااااااااام الحين وحده الا ربع

    مي : ليش اصلا مفروض ما تنامون إلا ربع ساعه

    لمى: انتي لو ما تسكين حلقك لأرميك الحين باللي فرجلي

    مي :اووووووووووف كلمة الحق ينزعل منها

    غزل: لا والله اجل نامي انتي ربع ساعه فاهمه

    رماس :ماما الأبله قالتبكره في رحله للونا ابي اروح

    ام محمد: طيب حبيبتي بس اقول لأبوك في الأول

    رماس: وااااااااااااااي الله يعني اروح مع صحباتي

    لمى: يابختكم مو حنا ياهمي ذاكري حلي الواجب اشمعنى؟

    غزل: وي لهاذي الدرجه تكرهين المدرسه

    لمى: اهي اللي فرقتنا عن خالاتي بالأول كنا نروح كل يوم
    عند grand mother لكن الحين من اربعاء لأربعاء

    ام محمد: احمدي ربك لخليها مره في الشهر

    البنات: لااااااااااااااااا واللي يرحم والديك

    غزل: خساره خالتي ماهي نازله عندنا هالأسبوع

    ام محمد: ما ادري سيري دقي على هند اسأليها

    غزل: ايه اكيد بس اول ببدل ملابسي واصلي بعدين ادق
    يللا عن إذنكم باااااااااااااي

    لمى: وانا بعد بطلع انام
    .................................................. .........................................
    اما في بيت ستكم خلود اول ما دخلت ماشافت احد طلعت غرفتها ويدق جوالها
    وتطلع مشاعل بنت خالتها...........

    مشاعل: يامرحبا يامرحبا نورك طفا نور الكهربا

    خلود:هههههه الله لهاذي الدرجه نوري قوي

    مشاعل: اكيد مو بنت خالتي وزوجة اخي عما قريب
    خلود استحت وخدودها حمرت ----------->هي من النوع اللي يستحي يتكلم في هالمواضيع
    وما تتكلم الا مع صحبتها وحبيبة قلبها غزل

    مشاعل: ياويلي منك يالحيويه

    خلود: مشاعل ليش داقه قولي بسرعه؟

    مشاعل: والله اشتقت لكم نفسي انزل عندكم

    خلود: قبل يومين كنتي عندنا اشتقتي لنا ولا لأحد ثاني

    مشاعل: احد ثاني مثل منو يعني أقول بلا كلام فاضي المهم
    كيف المدرسه اليوم عاد اول يوم؟

    خلود: والله لو غزل مو معاي كان مت من الملل

    مشاعل: ماشاالله انا اموت واشوف غزل هاذي منو وكيف شكلها

    خلود: غزل غزول عسل وطيبه وعلى نياتها

    مشاعل: يالله ان شاالله نشوفها لما نجي عندكم
    خلود: ان شاالله وراح تحبينها

    ويدق الباب على خلود
    خلود: لحظه مشاعل ,ميييييييييين؟

    مشعل: انا خلود ادش؟

    خلود: ايه دش عادي

    مشعل هو وخلود وايد يحبون بعض ومتفاهمين

    مشعل: مين تكلمين؟ خلود: اكلم مشاعل

    مشعل: اهاااااااا مشاعل وكيف احوالهم؟

    خلود: الحمد الله تبيني اقول لها مشعل يسلم عليكم

    مشعل: قولي لها تسلم لي على فهد أكثر شي وخالوه

    خلود:اوكي الا وين ماما وأخواني

    مشعل: امي عند جده وابوي عند مرته الأوليه واخواني معها ماعاد
    ومؤيدانا ابي اخرج تبين شي؟

    خلود:لا سلامتك مشكوره
    خلود: معليش مشاعل طولت عليك

    مشاعل: لا عادي مافيها شي بس كنتي تكلمين من؟

    خلود: هاذا مشعل جا يسألني اذا ابي شي هو طالع الحين

    مشاعل: اهااا وكيفهم اهلك يعني أقصد كيف حال خالوه؟

    خلود: الحمد الله كلهم طيبين ومشعل يسلم عليكم ويقول سلميله
    عليهم كلهم وخصوصا...

    مشاعل: منو؟

    خلود: ههههه لا تخافين خصوصا فهد وخالتيه

    مشاعل: اهاا انزين ان شاالله سلامه يوصليالله حبيبتي بغيتي شي

    خلود: لا ياقلبي سلامتك

    مشاعل : يالله مع السلامه خلود : مع السلامه

    مشاعل اول ما سكرت الخط وهي ترمي نفسها على السرير وتموت من الصياح
    وحليلها حز في خاطرها انه مشعل ما يفكر فيها وكانت خايفه من شي واحد في بالها
    يسير وكانت دايم تدعي انه ما يجي هاليوم
    اما مشعل وحليله كان معجب في غزل وهو ما شافها ولا مره في حياته بس كان يسمع
    عنها من اخته كيف كانت تموت عليها وعلى طيبتها وكم مره يرد عليها لما تدق تبي تكلم خلود
    وغزل على نياتها ما كانت تدري بشي........
    .................................................. .................................................. ......................
    اما جميله اول ما دخلت البيت تسلم على اهلها وتطلع تبدل ملابسها ونزلت تساعد امها في
    المطبخ ...... ام سعيد: ها حبيبتي كيف المدرسه اليوم؟

    جميله : والله تمام , يمه بغيت اقولك انا بسوي عزومه حق صحباتي يوم الخميس
    عادي ولا تكونين مشغوله؟

    ام سعيد: لا حبيبتي عزمي اللي تبينه ما احد رادك

    جميله تحب راس امها : الله يسلمك يالحنون من كل شر

    كان تدخل عليهم غفران اللي كانت تموت على الشعر وتقول:
    وهاهي الجميلة تقبل رأس امها
    رياءً كي توافق على متطلبات الحياه

    جميله: وهاهي الغفران التي تتدخل في شيء لا يعنيها
    ولكن الإسم وياسبحان الله لا ينطبق على الشخص
    ويدخل ابو سعيد وهو يضحك على بناته وهرجتهم

    ابو سعيد: ها كيف حال الإمبروطورات اليوم؟

    جميله: هههههههههههه صدق والله سرت امبراطوره

    ابو سعيد: افا عليك ابنيتي شلون ماهي امبراطوره

    غفران: ياسلام وانا؟

    ابو سعيد: هههههههه لا تزعلين وانتي بعد ايتها الخنساء.

    ام سعيد : خنساء مره وحده بس لا تسمعك سلوى كان تقلبها نكد

    سلوى: ومين قالك ما سمعت خلاص ابوي انا شانه الحرب عليك هاليومين

    ابو سعيد: افااا بنيتي سلوى شلون تقولين كذا انتي ستهم وتاج روسهم بعد

    سلوى:هههههههههه ومين قالكم اني سمعت هرجتكم انا امزح معكم بس
    ابيكم تعترفون بطريقتي الخاصه

    ام سعيد: آه منك يالعياره بس بعرف انتي طالعه لمنو يالجنيه

    سلوى: يبه شوف تقولي جنيه

    ابو سعيد : بسم الله عليك بنيتي هاي قمر.

    جميله:هههههههههه هيه صدق قمر

    ام سعيد: ياللا خلي الخدم ينكبون الغدا

    غفران: اوكي
    .................................................. وان اذا لقيت ردود ان القصه حلوه بكمل

  7. #6
    سلام..
    أبغى أعرف التكملة والحدث المهم إللي تتمحور حوله القصة..

    تسلمي..

    شكرا لك وأتمنى إنك تمري على قصصي أبغى أعرف رأيك فيها؟
    تحياتي لك..

  8. #7
    مشكوره ياعمري وان شاالله امر على قصصك وقصتي تتركز على الحب والصداقه ووقت الأصدقاء في الضيق بس أكثر شي عن الحب

  9. #8

  10. #9

  11. #10

  12. #11
    خطيرررررررررررررة
    مرة عجبتني
    ابلييييييييييزززززززززززززززززز
    كمليها

  13. #12
    وينك
    انا مشتاقة اعرف بقية الاحداث
    ابليييييييييززززززززززززززززززززز

  14. #13

  15. #14

    رائع

    السلام عليكم والرحمه
    الصراحه واااااايــــــــــــد تعجبني القصــــــــــصgooood cool

  16. #15

  17. #16
    مشكورين حبايبي وانا بكملها عندكم مشكورين جدا على ردودكم الرائعه

  18. #17
    ام ماجد: ايه والله انك صادقه انا مافيني اروح وانزل السوق خلاص تعبت






    ام مهند : يا شيخه خلنا نروح بيت الوالده يكون احسن لنا








    ام ماجد: متى تبينا نروح الأربعاء أكيد الكل مجتمع هناك بس ام خالد راح تنزل








    ام مهند : ماظنتي تنزل لأن الأسبوع اللي قبل كانوا عندنا








    ام ماجد: ياللا بقوم اشوف الخدم وش سو في الغدى








    ام مهند: اوكي حبيبتي








    نوف: امااااااااااااااااااااااااايه ماااااااااااااامي








    ام ماجد: بسم الله عليك اشفيك ؟








    نوف: خلاااااااااااااص تعبت شوفي الكتب كيف تخرع الواحد







    والله لو انه قلبي ضعيف كان حاشتني سكته قلبيه








    ماجد: هههههههههههه أحسن تستاهلين نفتك منك








    نوف: ويعه على قلبك اللي يسمعك يقول بلبل ماشاالله من







    كثر المذاكره.








    ماجد: ايه والله السنه آخر سنه يعني لازم معدل








    نوف: ماظنتي انك جايبها








    ماجد:بتشوفين







    ويدق التلفون ويرفع ماجد السماعه: الو







    لمى: الو







    ماجد: هلا والله







    لمى مستحيه : هلا فيك مين ماجد؟







    ماجد: ايه عاش من سمع هالصوت







    لمى:يعيش غاليك







    ماجد: كيف الحال؟







    لمى : الحمد الله كيفك انت؟







    ماجد: والله مستوره ولله الحمد







    لمى: اقول ماجد نوف عندك؟







    ماجد في خاطره مصرع ما مليتي مني ولمى ياخساره نفسي اسولف







    لولا الرزله اللي بجنبي








    مي: ها ايش قالت؟








    لمى: انطري شوي ما كلمتها








    مي: عيل من أول صافه حنك مع منو ؟








    لمى: وانتي شو يخصك؟








    مي: بتقولين ولا شلون؟








    لمى: أكلم خالتي يالغبيه انقلعي








    لمى: الو








    نوف: أخيرا رديتي







    لمى: ههههه ايش اسوي تعرفين عندنا النقال المتحرك







    نوف:هههههههههههههالله يعينكم والله







    لمى: ايه والله الا اقول شلون المدرسه اليوم؟







    نوف: اوووف طفش توني واصله







    لمى: والله ليش متأخره حنا من أول مخلصين







    نوف: ايه بس السايق اتأخر







    لمى: اوكي بس حبيت أقولك اليوم بنروح المكتبه تروحين معنا ولا شلون







    نوف: خلاص اوكي غزل بتروح







    لمى: ايه اكيد







    نوف: خلاص عيل ان شاالله اجيكم بعد العصر







    لمى: اوكي نترياك







    نوف: اوكي







    .................................................. ........................







    في غرفة غزل الساعه2.5:







    غزل:





    hello








    خالد: أهلين








    غزل:





    How are you?








    خالد: الحمد الله بألف صحه وسلامه








    غزل:هههههههههه يعني ما ترد ابدا انجليزي








    خالد: غزوووول!هلا والله؟








    غزل: هههه هلا فيك توك عرفتني؟








    خالد: ايه والله صوتك محلو








    غزل انحرجت من الإطراء ماتحب احد يمدح فيها حتى لو كانوا صحباتها








    غزل: خلوووود وين هنادي؟








    خالد: خلود فعينك








    غزل: ههههههه انزين عطني هند








    خالد: احلمي لين ماتقولين آسف








    غزل: والله هالباقي اقولك انت آسف اقول اذلف وعطني هندوه وخلصني








    خالد: غزووول اشوف لسانك طول مو عشان داخله ثانوي خلاص








    غزل: احم احم








    خالد: تراني أكبر منك ب2سنتين








    غزل: بسسسسسسسسسسسس ما أحسبها انا








    خالد بحنان : هههههههه والله اشتقت لك غزول








    غزل شوي وتقفل السماعه فوجه بس استحملت وقالت وصوتها رايح من الحيا







    غزل: تشتاقلك العافيه ممكن أكلم هند؟








    خالد: اوكي الحين بناديها لك







    خالد: هنادي هنادي تعالي كلمي تلفون لك








    هند نازله من غرفتها وهي ومعصبه:منو اللي يدق الحين ؟








    خالد: هيي انتي هاي غزل








    هند: صدق والله تنزل بسرعه وتاخذ السماعه








    خالد: سبحان مغير الأحوال








    هند: هلا والله هلا بالغلا








    غزل من غير نفس: هلا فيك








    هند: اشفيك كذا تتكلمين؟








    غزل: مو توك تقولين مين اللي مايستحي يدق هالوقت








    هند: لا والله حبيبتي ماأقصد انتي اقصد اي وحده من صحباتي يالخبله








    غزل: هههههههههه عارفه بس حبيت أتغلى شوي








    هند: مالت عليك وعلى زعلك ماتعرفين تزعلين حتى








    غزل:ههههههههه اقول نازلين هالأسبوع








    هند: لا والله ماظنتي اسمع ماما تقول بنزور عموه هني








    غزل: ياهوووووووو وانا اشوف البنت مبسوطه








    هند: غزول فكيني منك ومن نغزاتك عاد








    غزل : هههههههه عادي حبيبتي موانتي تحبينه








    هند: لا ومين قالك اني احبه ولا افكر فيه








    غزل: هندوه علينا تراني أعرف انك تموتين عليه بس ماتحبين تبينين








    هند: أقول ممكن تغيرين الموضوع تكفين








    غزل: هههههه اوكي على راحتك








    هند: انزين كيف المدرسه اليوم؟








    غزل: جنان خطيره ههههههه والله اليوم تمسكنا المرشده








    هند: يالمجرمه من أول يوم








    غزل:والله مو انا تعرفيني مؤدبه








    هند: ههههههه مره انتبهي على نفسك بس








    غزل: شفتي عاد اقول وش رايك ندخل نوفه بنت خالوه








    هند: ايه والله اشتقت لكم








    هند بنت خالة غزل وما شاالله عليها مثل القمر وملامحها بريئه







    وراعية مقالب شعرها طويل تحت ظهرها ومبين عليها اصغر







    من سنها بوااااااااايد وشطوره وتمخلصه لأي شي تعمله



    غزل: اقول سعود بيكون في بيت عمتك ؟
    هند: غززززززززززل انتي ماتفهمين انا وشلي اذا كان
    فيه ولا لأ
    غزل:خلاص وييه اكلتيني انطري شوي بدخل نوفه
    غزل: الو
    ماجد: هلا ببنت الخاله
    غزل: هلا فيك كيف الحال؟
    ماجد : الحمدالله اقول غزووول
    غزل: هلا
    ماجد: بغيتك في موضوع بس ما ابي احد يدري فيه غير انا واني اوكي
    غزل: افااا عليك انت تامر امر
    ماجد: مشكوره غزل بس متى تكونين فاضيه
    غزل: ماادري اشوف وقت واكلمك وش رايك؟
    ماجد: اوكي استناك
    غزل: اقول ماجد ممكن اكلم نوف؟
    ماجد: تامرين انتي
    غزل: هههههههههههه يالمصلحجي
    ماجد:ههههههههههه نوفوووووووو نوفوووووو

    نوف: نعم
    ماجد: كلمي غزول بنت خالوه
    نوف : والله هات الحين بكلمها
    تاخذنوف السماعه من ماجد
    نوف: الو

    غزل: اهلين وسهلين ومرحبتين

    نوف: هذا كله ترحيب وش وراك

    غزل: حرام عليك يعني هذا فكرك فيني

    نوف: وييه ماتعرفين المزح مراحب حبيبة قلبي الك تأبريني

    غزل: ههههههه تأبرلي عيونك حبيبتي أقول هندوه من ساعه معنا
    عالخط وش رايك احطها معنا
    نوف : اوكي
    غزل : الو هنادي
    هند: واخيرا كنت بسكر من ساعه وانا عالخط
    غزل:ههههه شسوي عاد
    نوف: طيب سلمي على الأقل مو على طول تناقرين
    هند:اهلين نوفوه وش الأخبار عندكم؟
    نوف:والله ما شي انتي وشلون المدرسه والأحوال المناخيه اليوم في البيت؟
    هند:والله تمام والأحوال من الصبح كانت متوتره وعواصف كادت
    ان تهب لكن الحمد الله لقد استقر الوضع في المنزل
    غزل: ههههههههه شنو خليتوها نشره جويه
    نوف : ولسه الحين نبي نقلبها اقتصاديه بعد ويش رايك
    غزل: يالله انا معكم في الخط
    هند: حسنا ماذا سوف تفعلون كي ينزل المستوى الإقتصادي في المنزل
    طبعا كما تعلمون اليوم الدراسي بدأ؟
    نوف: نعم سوف اذهب اليوم لمنزل خالتي ام محمد لكي أذهب الى المكتبة مع غزول
    ولمى واطفال العائله
    غزل: ماذا تقولين! فعلا سوف تأتين معنا الللللللللللللللللللله شي لا شكلي
    بنزل المستوى الإقتصادي زيييين
    هند: الله يابختكم ياليتني عندكم
    نوف: ههههههههه احسن قري في بيتكم بلا قلةحيا
    هند: ياربي ليش حظي نحس دايم
    غزل: لا والأنحس بعد اننا بنخلي خالي محمد يودينا ياللا موتي غيظه
    هند: لااااااااااااااااااااااااااااااا حرام ليش؟
    نوف: والله فكره خلاص انا الحين بدق واتفق معه
    غزل: اوكي اتفقي ودقي قوليلي الرد
    هند: يارب يقول لأ
    غزل ونوف: ياشريره حرااااااااااام هند: هههههههه الله يوفقكم بنات مع بداية السنه
    غزل: يوفق الجميع
    نوف: آمين
    غزل: يللا بنات بنام قبل لا تجين ونروح المكتبه ونوف دقي على لمى وردي لنا اذا كان محمد
    بيودينا ووووووووصح مين يبي يروح معنا
    نوف: والله انا ودي النات الصغار كلهم يجون ونطقم لهم واحد وش رايك
    غزل:
    ok, very butefull
    نوف: ياللا اجل اكلم خالاتي و اقولهم يرسلوهم بيتكم
    غزل: اوكي نحن في الإنتظار
    هند: هههههههههههه شنو محل
    غزل: وانتي الصادقه حظانة اطفال
    نوف: قولوا ما شاالله والله لو سار شي ما اعرف غير انتوا
    غزل:هههههههههه ماشاالله لا حول ولا قوة الا بالله والى اللقاء
    هند: الى اللقاء
    نوف: باااااااااااااااااااي
    .................................................. ..............................................

  19. #18
    لساعه 3.5: تنزل مشاعل من غرفتها وتروح تحت وجلست مع اهلها وجالسه في عالم ثاني من كثر ما تفكر

    شجون: مشاعل اشفيك؟
    مشاعل: هااا تكلميني
    ام فهد<<جواهر>>: بسم الله عليكي بنيتي اشفيك؟
    مشاعل: مافيني شي انتو اللي اشفيكم
    شجون: شلون حنا انا من اول اكلمك وانتي مب معايه
    مشاعل: ايه كنت افكر احول ادبي لأن العلمي صعب وانا ما فيني
    ام فهد : اهاا خلاصيابنيتي سوي اللي يريحك حبيبتي
    مشاعل: امي خلود وو...و.و مشششعل يسلمون عليكم
    شجون : الله يسلمهم بس لا تقولين لأحمد اخاف ما ينام اذا درى
    انه خلود تسلم عليه .
    مشاعل وشوي تبكي: لاماني قايله بس قولي لفهد انه ..انه
    مشعل يسلم عليه
    شجون مستغربه من أختها : اوكي
    وتقوم مشاعل بسرعه تطلع غرفتها وام فهد خايفه على بنتها
    ام فهد: شجون يمه خالتك ايمان اليوم جايه عندنا قومي قولي لمشاعل
    انه احلام تبي تروح معها المكتبه .
    شجون : طيب
    وتطلع شجون لمشاعل وتدخل غرفتها وتلاقيها مشغله اغنية فضل شاكر ياغايب
    < ياغايب ليه ماتسأل احبابك اللي يحبونك ويناموا الليل لعيونك انا بفكر فيك تبعد عني
    وتنساني محتاجك جنبي ترعاني تنسيني جروحي واحزاني انا بفكر فيك >
    والبنيه فوق السرير ميته صياح.............> شجون شكت انه اختها فيها شي وراحت
    جلست يمها وسالتها
    شجون: حبيبتي شعوله ليش من اول انتي تصيحين انا من اول ملاحظه انه فيك شي
    مشاعل تمسح دموعها: لالا تشيلين هم حبيبتي بس اشوي نفسيتي تعبانه من الدوام
    شجون: ياقلبي يامشاعل انا أختك ليش ما تقولين لي اشفيك ؟
    مشاعل ما قدرت تستحمل اكثر كان ترمي نفسهافحضن اختها وتصيح اكثر واكثر
    .................................................. ........................................
    رشا: ايوه والله اليوم الجامعه شي ثاني غير الثانويه موليه ما تجي زيها

    منى: امانه يعني تنصحيني ادخل عندكم قسم

    E



    رشا: والله انا للحين ما اخذت الملازم لكن كل شي يبين بعدين

    منى : غزل تقول ادخل طب أحسن او هندسة ديكور
    رشا: والله على راحتك اللي تشوفينه مناسب سويه
    منى: والله خليني أخلص ثانوي اول بعدين بفكرو استخير الله واللي فيه الخير ربي ييسره
    رشا: اقول منى وش رايك نخلي جاسم يودينا المكتبه
    منى: منو يبي يروح معنا
    رشا: ماحد بس انا وانتي وبشوف العنود تروح ويانا واكيد سديل وسمر وبشوف
    أسامي وشهد يروحون ويانا ولا لأ
    منى: اوكي بس غريبه ما قلتي غزول وخواتها
    رشا: غزول بنت اخوي وانا متأكده انها راح ترفض تروح اذا درت انه جاسم بودينا
    منى: اهااااااا كيفها بس اموووت واعرف هيه ليش تكره جسوم
    رشا: الله أعلم
    منى:اوكي يللا باي بشوف جسوم يودينا ولا لأ
    رشا يالله مع السلامه
    .................................................. ...................................
    منى تروح غرفة جسوم
    منى: جسوم ممكن أدش؟
    جاسم : هلا مناوي بغيتي شي
    منى:تقدر تودينا المكتبه انا وخالاتي وبنات خالي
    جاسم: غزل بتروح
    منى : لا غزل ولا اخواتها ليه تسأل عنها؟
    جاسم: ليش ماتبي تجي انتي كلمتيها
    منى: ها لأ ما كلمتها بس حاسه انه عندها مشاريع
    جاسم: يا منى ممكن تدقين عليها وتسألينها
    منى: اوكي الحين بسألها وعن إذنك
    وتروح منى وتقول في قلبها ياحرام ياجاسم الله يعينك
    .................................................. ...........................
    غزل جالسه في غرفتها وتسمع أغنية عاشق باشق وميته من الصياح اونها
    الأغنيه تحزن
    غزل حساسه جدا عند العواطف شاعريه ورومنسيه وحنونه وأهم شي عندها انها تساعد
    كل من يحب عشان هالشي الكل يلجأ لها وكلامه دايم عسل وحلو مع الكل
    .................................................. ..........................................
    المهم يدق تلفون غرفتها وترد وهي تشهق من كثر ما تصيح
    منى: الو
    غزل: اهااها هلا والله
    منى : خير حبيبتي اشفيك تبكين احد ساير له شي
    غزل: لا والله حياتي كلهم بخير بس توني شايفه فيديو كليب عاشق باشق
    كان يأثر فيني .
    منى: اهاا عاد هاذي مايبالها تفكير نسيت انه الصياحه من اي شي فيه حب وفراق وموت
    تصيح
    غزل: مناوي حرام عليك والله يبكي سمعي كلماتها والحانها زين
    منى: ههههههههه خلاص ولا تزعلين انا دايم بجيب لك هدايا علب مناديل
    غزل: صدق انك سخيفه
    منى: غزول تروحين اليوم معنا المكتبه
    غزل: خساره حبيبتي والله بنت خالتي اتفقت معي نروح لو مني معطيتها كلمه
    كان رحت معك
    منى: اهاا اوكي يا قلبي على راحتك بس حبيت اقولك
    غزل: ان شاالله مره ثانيه تتعوض
    منى: ان شاالله باي
    غزل: بايات
    منى راحت لغرفة اخوها عشان تخبره ..,منى : جسوم انت هنيه ولا خرجت
    جاسم: لا استناك دشي
    منى: قلت لك انها عندها مشاريع بس ما صدقت
    جاسم: مشاريع مع منو ممكن أعرف؟
    منى: اشفيك عصبت عادي خلها تسوي مشاريعها مع اللي تبي انت وشلك فيها
    جاسم: شنو وشلي فيها انتي ما تفهمين شو يعني احبها احبها والله احبها هيه ليش
    ماتفهمني
    منى: ما ادري انت ما صرحت لها بحبك بس مااعتقد انها ماتدري
    جاسم : يعني قصدك اعترف
    منى: ايه هي لما تجي عند جدتي اعترف لها لما تشوفها لحالها
    جاسم: يسير خير
    منى فخاطرها مسكين اخوي هي دايم تعاملك بجفاء عيل شلون لو قلت تحبها صدق غزل حنونه
    وعاطفيه الا فالهشي اشمعنى انت بالذات ياجاسم ماادري
    .................................................. ...............................................
    راشد: امايه عطيني فلوس
    ام محمد<الجده>: ليش وش تبي امس معطيتك وين راحت
    راشد: يايمه انت معطتني حق المدرسه بس تكفين يالغاليه ابي حق المكتبه ابي اروح اتشرى
    هادي: هههههههههه يالغاليه شوف شوف الدلع الحين امي حبيبتي ابي فلوس
    ام محمد : من عيوني ياوليدي
    راشد: افاااااااا يالغلا وش هذا وشمعنى يعني
    محمد: لا لا اعتقد انه هادي واخذ فكرك
    ام محمد:لااخذ فكري ولا شي بس هو طلباته مو مثلكم ياكثرها
    محمد: لا عاد ابي البخشيش اليوم بنات اخواتي يبون اوديهم المكتبه
    راشد: شوف الأنذال ولا علموني
    هادي: من زينهم لو علموك بتروحهم معهم الا ويا اصحابك انا مستغرب
    من محمد رضى بسرعة ليش
    راشد:هههههههه يا لذكي ما يبغالها تفكير
    هادي:ههههههه يعني افهمها وهي طايره
    محمد: ا لحين انتم ليش تحشون هذولا بنات اخواتي ولازم اوديهم اي مكان يبونه
    راشد:ايه لو المستوصف تقول انا بروحي تعبان وتبوني اوديكم لكن هاذي عشان البنات في المكتبا ت
    الحين مثل الدوداكيد رايح تغازل مو عشان شيىء
    محمد: اقول ثمن رمستك بعدين تعال اتكلم فاهم
    انا ماني اصغر عيالك كي تحاكيني
    راشد:اسف محمد بس امزح معك عادي يعني
    محمد :خلاااااص لا تصد نفسي عالأكل سد حلقك بس
    راشد:تامرامراخوي
    هادي :ههههههههههههههه
    ا م محمد:وش بلاك
    هادي :ههههههههههه لا ماشي


    شجون:حبيبتي لاتقولين كذا ان شاء الله ما يسير من هذا الشيءاللي تفكرين فيه
    مشاعل :ما ادري احساسي يقول انه يحب وحده ثا نيه
    شجون:لالا ما اصدق
    مشاعل:والله احسه يحب هاي غزل ماادري ليه
    شجون :شلون وهو ماعمره شافها ولا حتى يعرف عنها شيىء
    مشاعل:من قالك اكيد هالخلوددايم تمدح فيها وما تبيه يحبها
    شجون:ما ا دري بس وش رايك بعد اسبوعين ننزل عندهم ونروح لخلود ونقول لها تعزم رفيقاتها
    ونشوف اذا تستاهل ها لحب كله ولا لا قصدي اهتمامك بيها ولا لا
    مشاعل :فكره والله
    جات عالطبطاب هالفكره لان جميلة كانت ناويه تكلم زميلاتها انهم كل خميس يروحون
    لبعض
    جميلة بتكلم ابرار:
    جميلة :ها اش رايك
    ابرار:انت ما تفهمين اقولك بقول لامي اذا رضت انا جايه بس على الله ما ينكد صلوح
    جميلة :منهو صلوح
    ابرار:صالح اخوي
    جميلة :اها انزين اهو سنة كم
    ابرار:اولى ابتدائي
    جميله فقلبها خساره والله دخل قلبي من يوم قالت اسمه ما ادري ليش ..؟؟!!
    جميله : وتخلينه يتحكم فيك يالغبيه
    أبرار: ههههههههه من جدك صدقتي يالغبيه عمره 24 سنه
    جميله بفرحه: والله
    ابرار: ايه والله اشفيك؟
    جميله انتبهت على عمرها: عادي بس توك تقولي اولى ابتدائي
    ابرار تحاول تصدقها : ايه اقول تدرين اول الظهر وش يقولي
    جميله : شنو يقول؟
    ابرار: حضرته داخل غرفتي اونه يبي ينام فيها اقوله انقلع غرفتك مب راضي
    كان أخليه شوي عاد انا لما ابي انام لازم اسرح شعري اول بعدين انام قاعد يقولي الأخ:
    شنو تسوين بتعرسين انتي فأحلامك
    جميله تموت من الضحك وتحس انها تعلقت فيه بزياده ونفسها تعرف سر هالتعلق
    أبرار: تضحكين ما عليه اضحكي انتوا أصلا هبل
    جميله:والله ماشاالله عليك ما كنت اعرف انك نظاميه وانتي نايمه بعد
    أبرار: جميله احسلك خلاص
    جميله: اوكي بس ردي لا تنسين بكلم ابتسام الحين تبين شي؟
    أبرار:سلامتك خلاص انا برد عليك يللا باي
    جميله كلمت ابتسام وغزل وخلود وافقوا ثلاثتهم وعجبتهم الفكره وايد وبعدين ردت لهم ابرار
    انها راح تجي اما أروى للأسف ماتقدر
    .................................................. .................................
    طبعا هالكلام في الساعه 4 العصر
    والساعه 4.49:
    توصل نوف وماجد واسامه ومع نوف ميره ورغدى ومهند وفارس جاب حسن وراما وعبد العزيز
    يجتمعون كلهم في بيت خالتهم ام محمد عند البنات الخمس .
    ولمى لما درت انهم وصلوا تنزل عندهم بسرعه كان همها شي واحد تشوف خالها جاب رفيقه وولد
    خاله فنفس الوقت صالح
    لمى:لما نزلت وما شافت أحد خاب ظنها وكانت تبي ترجع بس كلهم طلعولها من تحت الكنب أ للي في الصاله
    وصارخون عاد تخيلوا المنظر كان تزاعق لمى وتشرد وشافتهم وترجع وهي تسب وتلعن والكل يضحك
    أما غزل:إللي كانت في غرفتها تبدل ملا بسها تنزل بسرعه وتشوف وش اللي سار ونسيت ما تلبس
    الجا كيت يعني خرجت ببنطلون برموده والبادي اللي تحت الجاكيت وشعرها كان مفلوت فكان منظرها يجنن
    لأن ماشاء الله شعرها ناعم وتحت ظهرها ووجهها تظهر عليها النعومة والبراءة وبعض المشاكسات
    ولكن الحظ تفتح الشغالة لجاسم وكانت هي في الواجهه يا حرام جاسم ذاب لما شافها بهالمنظر سار له
    مثل ثلاث سنين ما يقدر يشو فها كلش تغطي عليه هي عصبت لما شا فته يناظرها ولا التفت كان
    تقول أفففففففففف أيش الأ دب إلي نازل علينا وتطلع غرفتها بسرعة .
    أ ما جاسم تقطع فؤاده لما سمعها تقول كذي ويناظرهم يبيهم يقولوا له إ ن إ سمعو غلط لكن للأ سف تغطي
    نوف و لمى ويطلعون فوق عند غزل .
    ها وش رايكم عشان خاطركم نزلت 3أحزاء مع بعضها وبعديومين ولا ثلاث انزل غيرها

  20. #19
    ابليييززززززززززززززززززززززز
    كمليها ماراح اقدر اصبر

  21. #20
    مررررررررررررررررررررة القصة كووووووووووووول

    رجاء كميلها ..

    تحياتي لك.

الصفحة رقم 1 من 11 123 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter