عائله ميجا مكس.. الجزء الثالث .. (الخطه)
الساعة الحادية عشر ليلا:
و الكل عدا ماما و بابا و الجدة قاعدين في غرفه الجلوس.
محبة يامن: احنا مضربين عن الطعام .. صح؟
الجني و هو يعلك: بس قدام باب
نانا: انا جايعه
المجهوله: اسوي لك اندومي؟
والت: لا.. كلوا أي شيء جاهز.. مانبي ندخل المطبخ
عبودي :طيب تعالوا. جبت خريطه ميجا مكس و حدودها.. عشان اذا بابا خذ الاجازه تحت ضغوطنا الفظيعه نكون مخططين و منفقين و ين بنروح. هذي الخريطه .. انتوا عارفين انه يحدها من الشمال هاواي و من الجنوب كندا و من الشرق اليابان و من الغرب المانيا و هذي مدينتنا و شارع www و هذا بيتناmega-mix.com و هذا انا جالس هنا.. مرحبا..
والت: يقولون انه الولد الاكبر..؟
الجني: انا اشك في هذا...
محبة يامن: ايش رايكم نروح... هاواااااي
محبة الكاباشينو: اص.. وطي صوتك .. بنصير هوائين
طلعت كاباشينو ارنوبها و قالت: افرح يا ارنوبي باغسلك للمرة الالف في هاواي.
والت: ما اظنه بيتنظف...
ما مداه خلص كلامه الا و جاته عضة منها: اااااااااه اصبعي!!
عبودي: اص.. سكتوا
نانا: وين الجني؟
شوي و يطلع الجني مع دقة الساعه 12 بالضبط لابس قش وورد و ماسك غيتاره و يرقص.. يغني: هاوااي هاوااي ما احلاها.. وين ما تدور الوناسه تلقاها.. البحر الباااارد و الرمل الحااار..نأكل السمك و نشويه بالنااار.. لااا لالا
والت و عبودي يطالعون بعص و يقولون: وجيهنا مب وجيه هاوااي
والت: يله نوم.. نوم.. ما تستاهلون تروحون مكان.. يله!
في اليوم الثاني:
فتاة الراضيات: براجع لكم جدول الضرب عشان ما تنسوه. محبة يامن.. 4 في 6 يساوي كم؟
محبة يامن: ا ه.. اه.. نانا.. نانا.. كم الجواب؟
فتاة الرياضيات: ها.. ايش هذا المستوى؟
ليون هارت: افا يا اختي.. ما تعرفي الناتج؟
فتاة الراضيات: يله.. قل انت؟!
ليون: 4 في 6 يساوي 45!
فتاة الرياضيات: خوش.. و يقول انه متخرج من الثانوي .. و بعد الجواب قايله بكل ثقه!
والت يدخل بسرعه: بابا جا.. يله .. احملوا اللافتات و اقفلوا الحمامات و خبوا الاكل.. يله!
بعد 5 دقايق الكل جالسين بالممر يحمل لافته ..
يوم دخل بابا عليهم قال: طرارين.
و عطا لكل واحد منهم ريال و قال: الله يعيني عليكم.
بابا: بروح ابدل ملابسي و ابي اشوف الغدا جاهز.
محبة الكاباشينو:.. مجهوله.. طبختي؟
المجهوله: لا!
بابا: وين الغدا؟
المجهوله: ما في غدا.
بابا: جبايبي.. مضربين؟ زعلانين؟ عمركم ما رضيتوا.. على العموم حسبت حسابي و تغديت بالمطعم.
عبودي: والله انك يا بابا طالع فلته.
بابا: حررررررررة موتوا قهر و جوع.. بروح ارتاح
الكل: اااااااه.. طيب. مين الي قفل الحمام.
الجني: انا ليش؟
بابا: بس.. ماني محتاجه.
عبودي: اجتماع خطير في غرفة الجلوس.
و في اثناء الاجتماع..
والت: عملنا احضائيه عن مدى تأثير المقاطعه و الاضراب ووجدنا انها لا تتعدى 10% أي انها ربع مجموع 20+20
محبة فادي: خلاااااااااااااااااص.. فهمنا
المجهوله: طيب.. الزبده؟
كونان ديتكتف: لازم نغير خطتنا.. يله فكروا معايا كيف نخلي بابا ياخذنا باجازه.. كيف..؟؟
الكل: البيت المسكون!
بنخلي البيت مسكون باشباح الي هم احنا.
الجني: هذا اختصاصي.. انا الرئيس.
و فعلا ما جات الساعة 9 بالليل الا و هم مجهزين كل شيء. من الرئيس الجناني الى رئيس المراقبين حول..
كل شيء تمام و بابا نايم . تعالي نسوي الخطه.
و في غرفة الجلوس حيت كان ينام بابا..
الجني: مددوا السلك لين هنا.. ايه ايه شغلوا المسجل.
قبل ما تشغلون المسجل بقول لكم ايش تسجلوا فيه..
الساعة العاشره:
كاباشينو: مين صوته يخرع فيكم؟
زيلدا: اظن انه الجني..
عبودي: تعال
الجني: اشتبون..
عبودي: اقرا اللي في هذي الورقه بصوت مخيف
الجني: باابااا.. ليش تسوووي كذاا..تكسر خاطر عيااالك المساااكيييين.. اللي ما ياكلووون.. و لا يشربوون
والت يضحك بصوت واطي..
الجني: أي.. لاااازم تراضييييهم و توديهم اجاازه لهاوااااي.. و لا بيزعلووون...
(المفروض يخلص الكلام لين هنا بس نسوا ينهون التسجيل.. اسمعوا ايش سجلوا بعد):
محبة سينشي: استعدوا للروحه لهااواااي!
ليون هارت: تتوقعي بيصدق؟
الجني: طبعا و على طول بيقول لنا: يله يا حبايبي.. تجهزوا بنروح.. هاواااي
حطوا جهاز تنصت في غرفه الجلوس فوق الستاره و زين انهم ما طاحوا على بابا يوه حطوه.. هو ما يبان لو كانت الستاره مفتوحه.. بس حضراتهم نسوا ان بابا يخليها مسكورة اذا جا ينام بالليل.
تعالوا نشوف احداث الخطه:
عبودي: ها والت.. ركبت جهاز التنصت.؟
والت: ايوه.
شغلوا المسجل و بابا نايم.. ما سمع أي شيء من الكلام الي مفروض يسمعه.. صحى و سمع الكلام الي ما يبونه يسمعه.. (الي سجلوه و هم ما يدرون)
صحى على: استعدوا للروحه لهااواااي!
بابا: ايش السالفه.. الظاهر في حلم.. اووووه نسيت اسكر الستاره..تراح تراح (صوت الستاره) ايش هذا؟ جهاز تنصت... هممم.. اوريكم.
بابا سوى نفسه ما شاف شيء و قال: اولادي الاعزاء .. بدعو اجتماع طارئ بعد ربع ساعه عشان نتناقش عن السفره..
والت ما صدق خبر يوم سمع كذا:رئيس المراقبين الى الرئيس الجناني.. الخطه نجحت .. الاجتماع بعد ربع ساعه
العائله صارت متفائله زيادة عن اللزوم هاذي المره فقاموا بالاجرائات التاليه قبل ما يروحون الاجتماع جابوا الخريطه و الارقام للفنادق و الشاليهات( الموجودة بالصوره الي راح تحطها كاباشينو بعدين)
و جابوا جوازاتهم و جهزوا اغراضهم و شغلوا الباص و البنات لبسوا العبايات و جهزوا الاكل للطريق و .. حضروا الاجتماع..
ترى هل بابا سيبرد قلوبهم؟؟ سنعرف ذلك بالمذكرة
القادمه.
-----------------------------------
بابا: خلص البانزين
الكل: لا لا لا!!!!!!!!!
------------------------------------
فتاة الرياضيات: قلتوا دعاء السفر؟
الكل: سبحان الذي سخر لنا هذا......الخ
------------------------------------
بابا: يا عيال نسينا الجدة
الجده: ما نسيتوني بس بعدوا هالافراض عني!
-----------------------------------------------------------------
الى اللقاء بالمذكر القادمه..Susie
اضافة رد مع اقتباس
ههههههههههههههههههههه
لوووووووووووووووول
هههههههههههههههههههههههههه
المفضلات