سبع سنين

[هانى السوالمى]

سبع سنين
فيها اتغيرت حاجات كتير
معدتش الايام ايام
ومعدش الكبير زى ماهو كبير
حتى الحب
الحب مابقاش فيه ضمير
كله كدب فى كدب
كل حاجه وليها للنسخ تصغير
سبع سنين
عدتت بحلوها ومرها
عدتت وفاتت ومتنستش
ومش هتتنسى
لانها كانت الحب
اللى اتمنيت عمرى كله اعيش فيه
ياترى الايام والليالى عملت فيك ايه
سعيد ولا حزين
مره ولا حلوه معاك السنين
ناسينى ولا فاكرنى
مالك بس يازمن كل ما هقول هنسى
ترجع من جديد تزكرنى
سبع سنين
صورتك ما راحت من تفكيرى
اى نعم كان على ايدك تدميرى
بس خلينى صريح
اوقات كتير بتوحشك
زى مايكون انا الزاير وانت الضريح
كفايه بقى يا ايام بتطلى تشويح
سبع سنين
سبع سنين راحت من عمرى على ايدك
فيها عيشتنى بعذاب وانا عيشتك بعيدك
كنت بقول لنفسى انك وليدى وانا وليدك
كنت وانا مغمض بعمل اللى يفيدك
بس عادى
مش هفتكر الماضى
كنت وهم كنت خدعه كنت كلام فاضى
بس ارجع
وعينى تدمع
على الايام
على الاحلام
تعرف انى ماكنتش اتخيل بكره من غيرك
بس بجد من قلبى بقولك شكرا
وكتر خيرك
سبع سنين ... سبع سنين
امضاء/
هانى السوالمى

[الضوء المفقود]

سبع سنين هي سبع خريف عندي
وهي مصادفة عجيبة جابتني هنا أقرأ كتابتك ولو إني ماليش باللغة العامية لكن مايصح ننكر موهبتك بالتنسيق الكتابي وماندمت إني مريت بصفحتك يبقى ياليت نشوفلك خواطر ثمينة وأنيقة كدا بالفصيح الصحيح اللي مايختلف بحبه عربي صريح

[(م البحر وج)]

اسلوب حزين ...همسات حزينة ...ابدعت ..
الله لا يحرمنا من مواضيعك ...