تجرح قلبى ليه
تجرح قلبى ليه
هوا انا عملت فيك ايه
غير انى حبيتك
غير ان قلبى اديتك
ايه يعنى
ده انا حيالله
بالحنيه رويتك
ايه يعنى
ان بدمى هديتك
دى حاجه بسيطه
ده انا كنت ناوى اديك حاجات كتير
بس انت استعجلت وجرحت
كنت ناوى اديك عمرى
كنت ناوى اديك روحى
كنت هخليك شمسى وقمرى
كنت هعملك ورده بعطرها تفوحى
كنت حالف ان اخلى الفرح يمطر من عنيك
وارسم على شفايفك بسمه تهنيك
كنت بفكر ازاى من جرح الماضى اداويك
بس حظك كده
بايدك تنهى وتكسرى ودمرى كل حاجه
طول عمرى كنت بحلم اكون انسان سعيد
بس لما عرفتك قولت لنفسى اعيش ليك
نسيت روحى نسيت نفسى نسيت عمرى
قولت انت روحى انت نفسى وانت عمرى
تصدق كنت موهوم
اسف انى صدقتك
اسف انى عشقتك
دمرتنى كسرتنى خدعتنى
الله يسامحك الله يسامحك
على حسب علمى مجرحتكش
مخدعتكش مظلمتكش
بالعكس
انا حبيتك يبقى ده نصيبى
انا قلبى هديتك وقولت انك حبيبى
سيبت كل الناس وخليتك
خليتك كل حاجه ليا
تصدق تصدق لو قولتلك
انك كنت اغلى من نور عنيا
تجرح قلبى ليه
ليه تهجر من غير سبب
ليه تجرح ومن غير عتب
تعرف على كل اللى عملته
بس بييجى وقت
وتوحشك ايوه بتوحشك
وابقى نفسى اشوفك
تعرف ليه لانى بجد من جوايا حبيتك
ربنا يقدرنى على نسياك
طب ازاى ما انت هتاخد القلب معاك
على العموم ومن النهايه
وحشتنى دنياك وحشتنى دنياك
تجرح قلبى ليه
ليه
امضاء /
هانى السوالمى
اضافة رد مع اقتباس
المفضلات