ايه الدنيا
غير فرحه
ايه الدنيا
غير حب
تعيشه مع انسان يوهبلك روحه
ايه الدنيا
غير قلب
يدق لما يشوفك وينسى كل جروحه
ايه الدنيا
غير صوتك لما اسمعه قلبى يرتاح
ايه الدنيا
غير لما اشمك واحس بعطرك الفواح
ايه الدنيا ياعمرى
غير وانا جمبك
تشيل همى واشيل همك
نسهر الليل ويحلى الكلام
مره تزعلى واصالحك
مره تدللى وتدلعى
ومره غصب عنى منى تزعلى
وتاخدى على خاطرك
وانا علشان تصلحينى
اقولك نكت وحكايات تضحك
وتبتسمى وعامله زعلانه
يضحك قلبى من كتر السعاده اللى انا فيها
ايوه ياعالم دى حبيبتى وانا كلى ليها
لما تغيب عنى روحى بتروح عليها
ومن برد الشتا حضنى وجنحاتى تدفيها
ايه الدنيا
غير ايدى حاضنه ايديها
وتغرق عينى فى بحور عنيها
يرتااااح قلبى وهى جمبى
الود ودى اهاديها
اهاديها اهاديها اهاااديها
بشويه دم من دمى
عينى ترتاح للنظر ليها
جسمى يرتعش ويسخن
لو فى يوم احسها تعبانه
دى ورده من غير حنانى
هتفضل طول عمرها دبلانه
لو غبت عنها تتصل بيا تقولى
انا مش عارفه مالى انا حيرانه
ابتسم واعرف ان ده من حبها ليا
واكتر من مره قالتلى
فى بعادك بحس انى مش انا
على الحب اللى نابع من جواكى
انا ملك ملوك الغرام فى هواكى
انا سفير العشق فى دنياكى
انا انا بحبك
هتفهمى كلامى هتحافظى عليا
اوعى ييجى يوم وتعبدى عنى
كل حاجه تهون الا بعادك عنى
مش عايز حاجه من الدنيا غير انى اشوفك
مره فى الصباح يحلى يومى
ومره فى المسا ويطيب يومى
مره فى احلامى
لا مرتين فى احلامى
ايه الدنيا .... ايه الدنيا
امضاء /
هانى السوالمى
المفضلات