ياترى انا هدخل الجنه
للأسف سؤال مش عارف اجابته
عملت كتير زنوب ولسه بعمل
ومعنديش دم وبفكر فى الجنه
سجاير بشرب
بكدب وبضحك كتير
وسهر اعاكس فى الشوارع
وبرسم انى الملاك قدام اهلى
بخادع وبلاوع واسلوبى مقنع
عملت بلاوى ولسه بعمل
ومعنديش دم وبفكر فى الجنه
خدعت كتير بنات
والليل كله اسهر
والتليفون على ودنى كلام فى كلام
حياتى فاضييييييييييه
غشيت فى دراستى كتير
كنت لما اخلص اى موضوع
كان يبقى نص عهودى كدب فى كدب
تعبت من حياتى ومليت
ااااااه بجد انا من كتر اللى عملته اتهديت
كان اللى يحبنى اتهرب منه ومسألش فيه
واللى مايسألش فيه بقربله وابقى هموت عليه
مش عارف انا ايه
حياتى دى ايه
حياتى ملهاش لا هدف ولا مبدأ ولا اى اعتبار
تعبت من نفسى ومن كتر الاعزار
وهمت نفسى ومشيت ورا وهمى
لغيت حياتى ونسيت عقلى
كنت لما اسمع عن حد كويس
كنت اغير
كنت اغير
واوقات كتير كنت اقعد مع نفسى
ولاقى عنيا بدمع مرغرغه
اوقات بدور على نفسى
مش بلاقى غير انسان من غير
طعم من غير لون من غير احساس
من غير قلب ولا حب ولا حياه
من غير عيشه كويسه
من غير حبيب يسأل عليا فى ضيقتى
يحس بوجعى ويسهر جمبى طبطب عليا
من غير قلب يحبنى ويحس بيا
تعبت انا
تعبت انا
تايه انا
تايه وحيران اوقات يعدى عليا الوقت محسش بيه
واسأل نفسى طيب ليه
ليه انا كده بعمل فى نفسى كده ليه
بس تصدقونى
انا طيب وحنين وبخاف من ربنا
والله بخاف من ربنا
وبحس ان ربنا بيحبنى
من رغم عمايلى
بس بحس انه بيحبنى
وطمعان فى كرمه انه مايحرمنيش من جنته
ياترى انا هدخل الجنه
ياترى انا هدخل الجنه
امضاء /
هانى السوالمى