المشكله عندى انا مش فى حد تانى
وأولها انى عايش فى الدنيا وحدانى
عشت عمرى احلم ان بكره احلى وبكره للاسف ما جانى
قولت اتعرف على ناس جايز يحلى زمانى
وعرفت وتعرفت وحبيت واتحبيت وعشت ونسيت نسيانى
وفقت ويارتنى مافقت اتارى أنه كان حلم من احلامى
ورجعت من اول السطر من تانى
وكتبت اول كلمه فى دفتر احزانى
وكانت عنوانها .... وحشانى....
وحشنى غدرك وخيانتك ولعبك بيا
وحشنى جرحك وهجرك ياللى كنت سبب دموع عنيا
شكرا ياللى قتلتنى بسكينه تلمه فى ضهرى ومصعبتش عليك
ياللى اخد من دمى ولطخت ايديك
متعرفش يعنى ايه حب ياللى الخيانه بتملى عنيك
لما شوفتك وعرفتك قولت الحياه ضحكتلى
اتارى كانت نويالى انها تعذبنى
كنت بتحط السم فى كوبايه العسل وبتشربنى
وشربت وأترويت وشبعت وموت وانتهيت
وضعت ورحت فى طريق المهالك
هى دى اخرتها
اخرت الايام الحلوه اللى عيشتهالك
اخرت الحنيه والخوف عليك
شكرا ياللى كنت بحضنى من برد الشتا بدفيك
ادعى عليك
ازاى ادعى عليك
مايهنش عليا ادعى عليك
كل اللى اقوله
المشكله عندى
وانا السبب انى فى حضنك اترميت
انى سلمت قلبى ليك
سلمت عمرى وروحى وحياتى ليك
من غير ما افكر انك هتجرحنى
او حتى ههكون عليك
المشكله عندى..... المشكله عندى