:: ميزات الرجل العربي ودوره في رقي المجتمع ::

[KeRan KoReama]

السلام عليكم و رحمة الله و بركاته

صراحة و بدون مجاملة راح ادخل صلب الموضوع اول ما قريت الموضوع سبحان الله تلقائيا تذكرت مادة التشريح و اجاني طاقة و انفعال اعيد درس التشريح و نشرحك و انت حي و بعدين شفت الردود و شفت نهاية موضعك و تبين انه مزحة فتراجعت عن الفكرة

موضعك جميل بس مسبة تنفيذه بالمجتمعات العربية 100-% صح اكو زينين بس للاسف بالوقت الحالي لو قارنت نسبة الزينين بلاشخاص مو زينين يطلع نسبتهم ضئيلة كلش لأن اغلب افكار الرجل بالوقت الحالي هو اللعب و اللهو و بعيدا عن الثقافة يعني مجرد غاية و فرض رجوليتهم بالقوة و تحليل كل شيء بالمسبة الهم و تحريمها على زوجتهم او غير البنات مثل اخواتهم لأن سادت فكرة انه المرأة مجرد خادمة و شؤم و و اذا غلطت عادي ضربها لأنها ضعيفة او قتلها لأنها بنت و ما بها فايدة مثل الرجل طبعا مو الكل مع احترامي الك و للزينين

اما بالنسبة لأهتمامه بالرابطة الزوجية للأسف اغلبهم مو هيجي تشوفهم عاطل باطل گاعد يصرف كل وقته ويا شلته التعبانة و ميهتم بأمر عائلته و كأنه بس يرجع للفندق بس يتغذى و يشبع و يطلع و تحسه ولا عبالك متزوج يتصرف براحته و ميحس بذرة مسؤلية تجاه عائلته و ايضا كع احترامنا للجيدين

اما مسألة حرية اختيار شريك الحياة بالمسبة للبنت
فللأسف هذه الامر معدومة تماما الا ما ندر بمرور الوقت يزداد هذه المسائل و يتم اجبار الفتاة على الزواج غصبا عنها او تزويجها بعمر مبكر مثل 12 سنة او 14 لأن بنظرهم لا يهم الدراسة و التعليم اهم شي الزواج و ما يهم حتى لو تدمرت طفولة البنت او احلامها المهم غايتهم و يتفاخروا بشغلتهم مع العلم شغلتهم اساس الجهل و بعيد كلش عن ديننا الحنيف و الطاهر بس شتسوي لا حياة لمن تنادي لو تعارضهم و تنصحهم بالدراسة و الثقافة يگولون ما فائدة الدراسة و يطلعوك انت الجاهل ما احترامي الك و يحسبوك انت النكرة و طبعا يشوهون سمعتك هم علمود هاي لو لازم تقتنع و تنحني امام رأيهم او تكمل حياتك و هم يباوعون عليك مثل وصلة عار و مثل ما گلت البنت بمجتمعنا مجرد شي نكرة للأسف و اذا الرجل يسوي اي شي و حتى لو غلط يساندوه عادي لأنه رجل اما البنت و حتى ابسط شي تطالب بحقوقها فتستاهل قتل لأن استغفرالله شيطانة متمردة ومو بشر

و ختاما شكرا على الطرح الجميل و طبعا صح اكو سلبيات اهواية بس حجي ما يشمل الكل و مع احترامي الك و الاشخاص الزينين و اسف لأن عصبت بس الواحد ميگدر يبزم نفسه لأن الواقع شي مختلف تماما و اكرر اعتذاري اخي ^^

[Kırgın Çiçekler]

عموماً ليس بموضوع يتم الأخذ به كحقيقة لكن شكراً على المبادرة الطيبة ، ولما لا ؟! نتمنى أن يصبح واقعنا أفضل مما هو عليه الآن !