الدول مقتبسة من فيديو لـ vagabrothers ، بيحكوا عن 18 دولة ممكن تزوروها لـ 2018، اخدت اهم اربعة بالنسبة لي، وهي مناطق غريبة عن بعضها وجمالها مميّز:
❀ المكسيك ❀
❀ المغرب ❀
❀ ميكونوس ❀
❀ جورجيا ❀
❀ ضروريات الصيف ❀
1. واقي شمس:
المفروض واقي الشمس يكون طوال السنة وبكل الفصول، لكن اغلبنا (وانا معكم
) بننسى استخدامه.
لكنه مهم جدًا، لحماية البشرة من الحروق والسرطان (حمانا الله) والنمش وغيره.
2. كريم اساس خفيف أو BB cream:
بالصيف كتير منا بيفضل يخفف من استعمال كريمات الاساس اللي تغطيتها عالية، او حتى بتتنازل عنها تمامًا..
فـ ممكن استخدام كريم اساس خفيف، او مرطب معه لون بسيط بيعطي البشرة الترطيب اللازم ومع لون صحي وطبيعي.
3. قبّعة صيفيّة ونظارات:
هي من اهم الأشياء المفروض تاخدوها لما تروحوا البحر او تسافروا برا وفي مشي كثير لكم،
احسن نوعية هي اللي تكون كبيرة شوي لتغطي الرأس كلّه.
وفي نوع يجي مفتوح من ورا مناسب للي يلبسوا حجاب، يعني تقدري تحطي القبّعة فوق الحجاب بدونما يطلع شكلك غريب
وطبعًا النظارات الشمسية ما تحتاج تعريف، بس تأكدوا لما تشتروا النظارات الشمسية ما تكون بس موديل ولون، لازم تكون فيها درجة من الوقاية ضد اشعة الشمس
❀ نصائح عامة ❀
1. الرياضة:
بعد السبات الشتوي اللي كلنا نمر فيه، والأكل الدافئ مثل الشوكولاته الساخنة والحلويات والمعجنات اللذيذة
بأشهر الربيع نصحى من السبات
ونبدأ نفكر بأجسمنا للصيف ونحاول نأكل أشياء صحية ودايت ومدري شو
..
بهالفترة هي مناسبة كتير للرياضة الخفيفة، بتحسي بانتعاش وبتكوني مستعدة لحماس الصيف:
رياضة يومية، ابدأي بـ 10 دقائق يوميًا تعملي رياضة اللي بتحبيها، مو شرط بس رياضة.. ممكن يوغا، الرقص، السباحة، المشي، تشغلي فيديو باليوتيوب وتعملي معهم، بالـ بنترست تشوفيلك برامج حلوة.. اعملي اللي تحبيه
ابدأي بـ 10 دقائق 5 مرات بالاسبوع وبعدين زودي الدقائق.. أو اللي تحبيه.. أهم شيء الاستمرار وبتشوفي التغير مو بالوزن بس بثقتك بنفسك بمرونتك وحتى بطريقة تنفسك بتصير منتظمة اكثر واهم نقطة بتخليك مبسوطة بسبب الاندورفين (وبعض العمليات المعقدة بالدماغ) بيعطي اشارات للطاقة الايجابية وزوال التوتر..
الأكل:
نجي للأكل
وما ادراك ما الأكل
عني (وكـ متخصصة بالتغذية والحميات) ما آمن بـ فكرة احرمي نفسك من الأكل وصومي اسبوع أو اسبوعين أو شهر وبتنحفي..
طبعًا رح تنحفي، لأنك حرمتي جسمك من الطاقة اللي بيحتاجها فبتنحفي.. لكن شو بعدها بيصير؟
جسمك رح يصير يخزن اي شيء تاكليه على هيئة دهون عشان يعوض النقص اللي صار عنده خلال الفترة الماضية، وبيرجع وزنك زي ما كان وكمان بيصير عنيد وما بيتخلى عن الدهون بسرعة
لأنه كنوع من الدفاع والبقاء على قيد الحياة -سبحان الله- الله خالق جسمنا ليتغير ليناسب الوضع اللي هو فيه والحرمان اللي حصل..
فايش الحل؟
كلي طبيعي،
خففي من الحلويات والمعجنات والرز
قولي لنفسك (اوك، خلاص رح اكل حلويات لقمة صغيرة بس مو كل القطعة.. باستمتع في هي اللقمة وخلاص)
والرز حطي نص الكمية اللي كنتِ تحطيها زمان: مثلا لو زمان كنت تحطي نص الصحن رز جربي تحطي ربعه رز والباقي خضار
كلي سلطات كل يوم، اعملي لنفسك صحن سلطة وحطي اللي بدك ياه (جزر، طماطم، خيار، خس، كينوا، بصل اخضر...) المجال مفتوح وانتِ ابدعي بسلطاتك..
لما تشتهي الحلو كلي فواكه، بس ما تاكلي عشر حبات فواكه
حبة وحدة تكفي
كل يوم بعمل هالشي: بجيب شرائح زنجبيل وعصرة ليمون واشربهم مع ماء سخن كل صباح قبلما افطر
هي بتساعد بالمناعة وبتنظيف الجسم واصلا تروقي من لما تشربيه..
وشوفي وقتها كيف بتتزبط نفسيتك
طلعات:
ما تخلي الصيف يجي ويروح مثله مثل اي صيف قبله، مو لازم تسافري لبرا مدينتك عشان تنبسطي بالصيف،
بس يخلص رمضان اتفقي مع اصحابك او اهلك على رحلات كثيرة جوا المدينة،
اكيد بيكون في مسابح أو بحر خاص للنساء تعملوا حفلة صغيرة فيه مع الأصحاب.
أو اتفقي مع الأقارب تجتمعوا ببيت وحدة منكن وتعملوا مشاوي بالحديقة أو تطبخوا بيتزا بالبيت أو بس تتفرجوا على فلم بالبيت.. الخيارات مفتوحة وفي كتير افكار ممكن تعملوها
ممكن تستغلي فترة قعدتك بالبيت وتتعلمي شيء جديد:
تتعلمي الخياطة
الرسم بالألوان المائية
التخطيط
الطبخ
تتعلمي لغة جديدة
أو تقرئي عن موضوع جديد وتحسيه بيفيدك
ممكن تتعلمي رياضة جديدة ممتعة بالنسبة لك
او تاخدي كاميرتك او الموبايل وتصوري كل شيء تشوفيه حلو
اهم شيء تستغلي وقتك الفاضي بشيء ممتع ومفيد
اتمنى تكونوا استمتعوا واستفدتوا من هالموضوع..
كان ببالي هالموضوع من فترة وكنت رح نزله بشهر 4، وقلت هيك بنستعد مع بعض للصيف واجوائه، لكن صار في
مسابقة وسبحان الله جت المسابقة بالموضوع اللي ببالي
الموضوع اخد مني وقت، وحبيت يجمع كلشي للصيف، بالنسبة للأزياء حاولت ارتبها بمجموعات الألوان والمناسبات < واضح الشغل فوق ولا مو مبين عزل الالوان
؟ ولكن نفس الصور طبعًأ مو تصويري بس جبتها من بعض المواقع.
وتجميع الاكسسوارات وصور الدول والمناطق كلها نسقتها بنفسي مع بعض بالفوتوشوب، لكن كمان مو تصويري الشخصي.. وتنسيق الموضوع نفسه شغلي، حاولت يكون الثيم تبعه فلامينجو والوان الفلامينجو مع الأوراق وهكذا
..
شكرًا إدارة الميجا جيرل عالمسابقة اللطيفة والخفيفة، واتمنى يكون الموضوع جميل وخفيف (لا مو خفيف
) عليكم
بالتوفيق لكنّ..❀
المفضلات