الموضوع ما حيعجب لا الذكور .. أما الإناث فغالباً ما حيعجبهم الموضوع كمان .. لكن هي حقيقة تؤكد ان هناك فرق جوهري بين الذكور والاناث من حيث التأثير ..
:
لو كان عندنا 10 بنات "اناث يعني" وعندنا 100 ذكر .. وحصل تزاوج .. كم عدد المواليد كل 9 اشهر ..
لو كان عندنا 10 ااناث و 10 ذكور .. وحصل كمان تزاوج .. كم عدد المواليد كل 9 أشهر ..
لو كان عدد الإناث 10 وهناك خمس ذكور أو أقل .. فكم عدد المواليد كل 9 شهور كحد أقصى ..
حتكتشف ان الإجابة هي واحدة .. أي عدد الأطفال هو 10 بكل الأحوال .. لأن عدد الحاضنات او الحوامل يعني 10 بالتالي فلن يكون هناك اكثر من 10 مواليد كل 9 اشهر ..
لأن الأنثى هي الأهم في عملية التكاثر وتحديد النسل وعدد السكان .. اما عدد الذكور بالزيادة او النقصان لا يؤثر ..
طبعا انا أتكلم افتراضياً .. مافي داعي حد يقول ان ممكن بنت تخلف توأم او بنت ترفض .. انا أتكلم من ناحية حسابية ..
لو حبينا ننجب عدد اكبر من السكان حنحتاج اناث اكثر .. لكن يكفي فقط ذكر واحد .. يعني تقدر تقول ان الأنثى أكثر ندرة وقيمة .. اما الذكور فيا كثرهم ..
:
:: لكننا مع ذلك في مجتمع ذكوري ::
الظاهر ان فيه عنوسة بين الإناث .. وان الخوف على البنت اكتر .. لكن حسابياً ممكن انت كذكر تعنس وكل البنات حوليك يتزوجوا :: ..
عدد الذكور للإناث تقريبا النصف بالنصف على مستوى العالم حسبما قرأت .. مع ذلك نجد ان البنات يعانين قلق اكبر لأنهم يكبروا بالعمر وما تزوجوا لسا .. لكن بالحساب كل البنات حتتزوج لكن ممكن متأخر .. يعني سبب التأخر مش لأن الذكور قلة وان البنات "على قفا مين يشيل" بالعكس .. الذكور هم المعرضين في هذا الزمن انهم ما يلاقوا انثى يتزوجوها ..
وتخيل لو ان تعدد الزوجات اشتغل .. حسابيا لو كل واحد اتزوج بنتين فقول على نصف الذكور مع السلامة ..
:
تخيل لو عندك مليون ذكر و100 أنثى .. وهذول ال100 قرروا ما يتزوجوا .. ستنقرض البشرية والمليون ذكر ذول ما حيقدروا يكونوا ولو ربع جنين ..
تخيل ان الأنثى الواحدة لو انجبت كل سنة طفل .. فممكن الأنثى الواحدة تزيد عدد سكان الأرض ألى 30 ضعف في اقل من 100 سنة .. المليار يصبحوا 30 مليار ..
:
مع ذلك اللي حامينا كذكور .. اننا بمجتمع ذكوري .. وان البنات يسمعوا الكلام .. "تقريبا تمردن مؤخراً" .. ومغفلات يصدقوا أي تهديد واي كلام نقوله "للأسف عينهم اتفتحت وما يخافوا منا زي اول" ..
فحابب أقول لبني جنسي .. لا تقلقوا .. يعني .. أتوقع قيمتنا وهيبتنا كذكور .. يعني ما راح تتلاشى هذه الأيام حنعيشلنا فترة أطول .. لا تقلقوا ..Don't Panic .. دايجوبو .. أمورنا طيبة .. تقريباً يعني.. ما حننقرض ..
وشكرا للأنترنت الذي يستهلك تفكيرهم .. ويشغلهم .. وللماركات من عطور وملابس وحبشتغلات ومحلات من ريالين و10 والدراما بانواعها وحبهم للقراءة "انا آخري اطالع غلاف الكتب اما هم يقرأون روايات" وغيرها الكثير
كان زمان يقلك عيب البنات تجلس عالنت .. اكيد بتكلم ولاد .. ياعم احمد ربك خلهم مشغولين بالنت لو صحصحوا لينا ومخهم اشتغل .. ما حنحصل أي وظيفة وحنشحت بالشوارع .. او بدينا نشحت فعلا ::
:
الموضوع سطحي وملخبط لانه انكتب بسرعة فخدوا الزبدة .. واللي عايز يعلق اهلا وسهلا ..
واحلام سعيدة =)
المفضلات