السلام عليكم و رحمة الله و بركاته
مرحبا الساع
زي ما هو واضح من العنوان صوّرت فقاقيع
قلت لـ Go Ninja Go موضوع صور أرشيفية
#391
الفقاعات برأيي هيه العنصر الجمالي في اللقطة
قيد جربت تصوّر فقاقيع ؟ يبغالي أنا أجرب
فنقدر نقول الالتقاطة inspired by Go Ninja Go
ترى أول مرة أصوّر و أحط الصورة بنفس اليوم، ترى ذي اللقطة مصوّرتها اليوم المغرب
كانت روحي بتطق، قاعدة أشرب نسكافية عشاني دايخة نعاس و روحي بتطق من الطفش، و بنص ما قاعدة أشرب قعدت أصوّر، و بعدين جاتني فكرة ليه ما أصور الفقاعات زي ما قلت لنينجا
؟ و بالفعل، رحت و جبت ملف شفاف عندي و حطيته على خلفية، و صرت أروح الحمام - الله يكرمكم - و أحط صابون على يديني، بس ما زبط، و بعدين تذكرت حركة كنت أشوفها و أنا صغيرة كثير، لما ينفخوا على الصابون بمصاصات الشرب و تكبر الفقاعات، المهم إني أنفخ على الفقاعات صارت بس تتطاير
! فصرت أشفط جزء منها و أنفخ لين أوصل لكبر الفقاعة اللي أبغاه، سويت يمكن أربعة فقاعات على ذا المنوال كل ما تنفقع وحدة أسوي ثانية، إلين وصلت للصورة اللي أبغاها، في البداية كنت أصور بدون خلفية و بعدين استخدمت الخلفية السوداء - فلين أسود - و تعلمت اليوم كيف أسوي فقاعات كبيرة
أقدر أعتبره إنجاز
؟ و انتبهوا تبلعوا الصابون و انتوا تشفطوا الصابون عشان تنفخوا - عملية دقيقة
-
و ترى أي نوع من الصابون بيزبط معاكم
المهم خلونا مع الصور /
هذي الصورة اللي عشانها سميت الموضوع
هذي الصورة قهرتني ألوانها حسيتها مو متناسقة فخليتها أحادية
أتوقع مداكم تسووا فقاقيع على شرحي الجميل
كان بودي أنزل موضوع زرع بس الموضوع ذا سريع سريع اليوم صورت و اليوم رفعت و حطيت
رب صدفة خير من ألف ميعاد
> برا xD
و في أمان الله ..
المفضلات