ي الله ي اللي نلوذ بوجهك ونستجير
ارواحنا في يدك يارب واعمارنا

يااللي تيسر لعبدك كل ماهو عسير
اتدلنا في الغوى وتسدد اشوارنا

انت الكريم المهيمن و اللطيف الخبير
في حلنا نتّكل عليك واسفارنا

وانت الشفيع المعافي والعزيز القدير
مانسال الا انت لاحارت بنا افكارنا

نرجوك عفوك لمن جسمه طريح السرير
والعافيه .. يامصرّف باامرك اقدارنا

من بعدها ياهجوسي جاش صوت النذير
لبى الندا جمليني عند شعارنا

كبي التفاصيل واعطي الناس موجز قصير
لجل ايتطمن علينا من بغا اخبارنا

ي اللي نشدتو عن الاخبار حنا بخير
واللي وصلنا اتصاله.. مثل مازارنا

يالله لك الحمد والشكر الجزيل الكثير
على الستر والامن والخير في دارنا

الحال مستور والدنيا تروها بخير
ولونقص في عيون القوم مقدارنا

حنا خلقنا على الدنيا نعز الجوير
واصغارنا تحترم وتقدر اكبارنا

راضين باللي كتبه الله مهما يصير
واظروف الايام تبطي تكشف اسرارنا

ان كان تبغون زبدة هرجنا من الاخير
فاانشهد ان المواقف تظهر اخيارنا

واعزوم بعض الرجال اكبار لو هو فقير
يقوم في لازمه مايقبل اعذارنا

والوقت واصدوفه اتشيّب براس الغرير
لاكن على بعض الاشيا تفتح ابصارنا

والبعض منها تخلينا سوات الضرير
ماعاد ندري من اعدانا من انصارنا

ياربعنا انتو سندنا في النهار الكبير
لاشان وجه الزمان وضاقت ازوارنا

واللي فقد لابته يصبح جناحه كسير
ماحد يهابه ولوهو عمدة ديارنا

وختامها دامه اعلن عيدنا من سدير
الله يعيده على الشيبان واغمارنا

صلاة ربي على وجه السراج المنير
شفيعنا من جهنم يوم تختارنا

محمد بن احمد ال عباده