السلام عليكم
كيف الحال؟؟
اول ما قريت مصطلح الأوريغامي أخذت الذكريات تتوالي للوراء ايامي مع الاوريغامي
صراحة مواقفك رهيبة طول عمرها
فش أحسن من القط سو كيوت
الاوريغامي فن جدا جميل حتى مرة اخذت دورة فيه لكن الحين اساليني اي شيء نسي
أذكر يوم سجلت الدورة كان عندنا معلمة واستاذ المعلمة للاوريغامي البسيط والاستاذ عشا يوضحلنا مشروع التخرج
كان المركز جدا جميل وكانوا يخلوا الاطفال يجلسوا مثل الصينين ويشغلوهم عالاوريغامي كان المكان جدا ابداعي وتزينه لطيف جدا..
وساذكر بعض مغامراتي الورقية
وصور لابداعاتي طبعا
اول يوم داومت كنت مثل الهبيلة لا افقه شيء وطبعا المعلمة كانت تضل تحاول تكسر الجمود والحمد لله قدرت تكسره..
اول تجربة لي مع الاوريجامي فيكي تحكي مزقت 200000 ترليون مليون ورقة >> أصلا دافعين حقهم فلوس
وتحاول وتجرب معي ولا يا حبيبتي مش من اليمين من يسار اطوي لا مش هيك هي هيك حتى جننتها وبعديها صرت لحالي..
المهم في النصف الوقت المتبقي كان يجلس الاستاذ كل يوم يشرحلنا على المشروع اول حصة للمشروع جلس يشرحلنا عاللوح يرسم ويوصل خطوط وارقام وخرابيط
فقال:" فهمتتوǿ" طبعا الكل وافق الا انا قلتله :" عفكرة استاذ انا صح شاطرة رياضيات بس مش هندسة"..
ووقع بأرضه من الضحك ورجع يعيد "فهمتي؟" "لا" وعاد للمرة الثالثة انا ابدا لا اسمع لا اتكلم لا افقه شيء..
بعدها فقد مني الامل وقلي بس تشتغلي بيدك بتفهمي قلتله:" منشوف عخير"
اجى اليوم الثاني اعطانا 40 ورقة A4 وقال هدول الاسبوع الجاي بدي اياهم يكونوا ممزعين كل ورقة 8 اقسام متساوية..
المهم اشتغلنا واجينا جاهزين
بالاسبوع الجاي كنت فعلا فعلا مسطلة وما كنت نايمة وبفكر كيف بدي اداوم بمركز ثاني بعد الاوريغامي المهم الاستاذ بشرح كيف نطوي الورق للمشروع وانا مش فاهمة بالاخير انجن يحرام وقلي:"روحي غسلي وجهك".. طبعا عطيته نظرت "انه عنجد بتحكي" وهو مصر قمت غسلت وجهي ورجعت ويشرح انا ابدا لاااا افقه بالاخير ضرب صباحه وقلي:"انت نايمة" قلتله لا
بالاخير على قد ما فقد مني الامل طلب من المعلمة تعملي كاسة نيسكافيه وقتها من كتر النعس قلتله:" فش داعي يا استاذ بلاش اوسخ الورق بالنيسكافيه"
*كف*
المهم قلي:" مش مشكلة بتعطي ديزاين لطيف للمشروع".. والمهم طول الحصص كنا محششيين باسلوب الله لا يورط حدا معاه
وهنا بعض النتائج التي من كانت مخزنة من سنتين ونصف في صندوق اسفل سريري حتى اصبح الورق رقيق جدا..
لكل شيء نموذجين كنا نعمل نموذج تجريبي بالورق الابيض ونموذج حقيقي بورق ملون على ذوقنا الفظيع
وطبعا شهادة الي
المفضلات