- المقدمة
- الموقف الأول
- الموقف الثاني
- الموقف الثالث
- الموقف الرابع
- الخاتمة
- المقدمة
- الموقف الأول
- الموقف الثاني
- الموقف الثالث
- الموقف الرابع
- الخاتمة
اخر تعديل كان بواسطة » Silent Breaths في يوم » 19-09-2017 عند الساعة » 20:48 السبب: إضافة الوسام
احم احم
السلام عليكم...
كيف الحال أعضاء مكسات الطيبين؟؟
اليوم اجيت وجبت معي حقيبة الذكريات لأبدي لكم منها ما بطن
وبالتحديد ذكريات كانت في عامي 2013 و2012
سؤال: ليش هالعامين بالتحديد؟
لانها كانت سنوات اكشنواتية رهيبة
لاني كنت زي الاطرش بالزفة ما بعرف راسه من رجله
واخيرا لاني>> بقلكم بالنهاية
واترككم مع مواقفي الطيبة
كان يا مكان في قديم الزمان، وفي سالف العصر والأوان، أيام كانت شوق عمرها 11 او 12 سنه>> ومش ذاكرة عمرك *براا*
في هذا اليوم الذي اتصف بجوه الحار جدا جدا جدا جدا جد جــ.....
كانت شوق باول يوم لها بالمدرسة + مختلطة بعد ما أمها توجهت لمكتبها بالمدرسة للعمل واخوها الكبير جلس يدور عاصدقاؤه شوق وقفت بنص الساحة تلف يمين شمال ويتصبب عرق جبينها كالشلال ماتعرف وين تروح او تيجي.. وقفت وتفكر
بعدما جلست شوق تلف وتدور هون وهناكك عاساس تلقى اخوها يوديها عصفها *زي الاطفال* وهي تتمنى الساعة اللي يدق فيها الجرس حتى سمعت صوت من بعدي ينادي شووق بنت فلان...
وشوق اخذت وضعية دفاعية قلبها بدو يطير من الخوف مين ذا اللي يناديها ويعرف اسمها وهي لسة ما حكت مع احد.. الا يخوفها اخوها يمسكها من يدها ويقلها:" روحي ردي بسرعة"
قلتله:" ومين هاذ بالله؟"
قال:" المدير يافالحة استاذ فيصل واللي جمبيه استاذ مصطفى المساعد، روحي الله بعينك وقلبي معك"
اخذت افكر شو قصده الله يعيني هو انا رايحة لحرب ولا امتحان قبول
وقفت امام المدير وابتسامة ميته وجسمي يهتز من الخوف نظرا لعدم قدرتي على التجاهل الأعين اللتي تتلقفني من الساحة وكل انحاء المدرسة.
قلي المدير:" تعالي معي"
انا هنا قلت بنفسي:" ريتها الارض تنشق وتبلعني ولا اوقف جمب حضرتك موت موت موت يا زلمة الان"
المهم مشيت وراه حتى لقيت نفسي بالمقصف (محل بيع الحلويات في المدرسة) وقعد يشرحلي ويفهمني آلية البيع وأسعار السلع الموجودة>> حاسة حالي مسوقة اقتصادية
الأهم قلي مساعد المدير:" نظرا لعدم مقدرة العم ابو حنين على انو يبيع الاناث والذكور في آن واحد فانت بتساعديه بتبيعي الاناث وهو يبيع الذكور"
فانافي حالة صدمة عارمة
قلتله:" عفوǿ؟"
قلي:" خير ما سمعتي"
اضحكت وجاوبت:" لا سمعت اكيد بس انا ابيع" لحظة الصمت واضطررت على القبول فهذا المدير..
بعد ثواني سمعت صوت صراخ شباب كانها طوشة انا اتحمست اشوف المشكلة >> تحب المشاكل.
طلع المدير وانا وراه وقفت باي زاوية بعيدة واخذت انظرلهم وهما ياكلوا عصي وبهادل وقلبي الصغير لا يحتمل المنظر
حسيت حالي بمجزرة اول مرة اشوف مدير كذا اخوي وقف وراي وسالني شو بدو المدير وقلتله..
المهم بعد موقفنا بالطابور سلام ملكي اذاعة قرءان اذكار وكل شيء كل واحد طلع عصفه...
دخلت الصف واطلع الاقي 12 طالب و7 طالبة اضافة اللي جلست باخر درج والا يجي واحد منهم طويييييللل "يقلي يزرافة قومي هاد درجي"
طنشت.. ضل ينق علي حتى دخل اول استاذ وطار من وجهي الولد..
سلم علينا وردينا السلام واخدنا نتعرف عبعض
كان استاذ حاسوب اسمه استاذ سائد..
ضليت اطلع عالاستاذ واقول بنفسي:" والله شايفة هالمخلوق من قبل بس وين؟" واعصف واعصف واعصف ذهني بس عالفاضي \
حتى سالني الاستاذ:" مالك يابنت؟"
قلتله:" ولاشيء سلامتك" *ابتسامة شاحبه*
قلي:" احكي مش مشكلة كلنا عيلة هون"
مع نظرة غضب قلتله:" تشبه حدا او يتهيالي" *ابتسامة حقد*
بغض النظر عن انه الكل كان يناظرني قعد يضحك الاستاذ وقلي:" خلي اخوكي يقلك مين انǿ"
ساعة الكل يتطلع كان جنة ما اصابتهم ووجهي صار بالالوان..
بعد ما انتهى الدوام عخير سالت اخوي..
فاجابني وهو يقهقه:" هاد الاستاذ الرياضة يوم كان عمرك 8 سنين وانحبست من المدرسة هو اللي طلعك وانت مفحمة عياط تذكرتي؟"
واخذت اغني *لحظة الم قلبي انظلم* "ما عرفت ادرس كمان مرة غير عند هالاستاذ" .... مصيبتي كانت مصيبة
ذات العام وذات الصف ونفس الطلاب والطالبات كان عنا حصة فن طلبت المعلمة من البنات يخيطوا ومن الشباب يرسموا.
ولسوء حظي وحسنه كنت انا الوحيدة اللي جايبة المفروض فاخذت اخيط واخبص اي حاجة عشان اسلك كم علامة وكنت طبعا مغلوب عامري مسكينة وحالتي حال كوزيت جالسة لحالي باخر درج وبالدرج اللي جمبي كان جالس الاخ المناضل الزميل الطويل الضخم عمر...
بعد مجلس يطلع يمين شمال وعالمعلمة يامن الموقف قعد يقلي:" ستي ممكن تطرزيلي شنطتي" حكاها من هون والطالبين اللي معه كالعادة بدر وزيد قعدة يضحكوا.
اعطيته نظرة نص عين وبعدت عنه ورجع عاد نفس الجمله. قلتلة:" عمر حل عني احسنلك"
قال:" اوووه شوفي جسمي برج من الخوف" وقعد يضحك
انا في هاللحظة حسيت نفسي رح انهار بكاء بس حاولت امسك نفسي بعد ثواني اجت بنت اسمها تالا وقعدت جمبي انا سرت اطلعلها شو وضع جلوسها معي وطنشت
قال عمر:" تالا يا ام كشة شو مقعدك جمب الزرافة هااǿ؟"
انا وقتها نفذ صبري كنت رح اقوم بس تالا قعدتي وقالت :" اسمع ولا عمر بتحكي حرف تاني بتعرف شو بعمل استاذ فيصل يلا يلا هشهش من هون"
وبعين تالا القوية رجع لعمر مكانه ونا شكرتها وهي رجعت محلها طبعا انا حقي بدي يرجع بطريقتي
بنفس اليوم روحت وحكيت لاخوي في ولد بالصف بضل يتمسخر علي ساعتها اخوي شاب شعرو وطلع الجني الاحمر من عينه
باليوم التاني وقت فرصة الشباب الكبار كانت عنا حصة رياضة ننتظر الاستاذ ساعتها اجى اخوي وقلي بصوت مسموع:" مين البايخ اللي بتمسخر"
الكل طبعا يلقي بنظراته على عمر (البايخ الوحيد) راح لعنده ومسك وقعد يضربه وانا لا مجال للتعبيروالاتعس من هيك محدا مسترجي يوقفه لانه الكبير
وطبعا انتهى الموقف ببهدلة واكل عصي من المدير لاخوي وعمر وانا اكلت بهدلة من امي والمدير+ حقد عالي عالي عالي من عمر وبدر وزيد (الشلة).
في ذات العام والصف والطلاب كان عنا حصة رياضيات وبعد شرح طوييييلللل جدا وملل عالي خرجت المعلمة لتلبي نداء المدير والطلاب كلهم استغلوا الوضع وقعدوا يلعبوا الا انا وطالب اخر اسمه أحمد.د كنت انا احل وهو يحل مثل مطلبت المعلمة >> نيردين بعيد الشر
راح الاخ المناضل بدر رمى علي ورقة مكعبلة مسكتها وفتحتها كان مكتوب عليها زرافة انا قمت من محلي وتعمدت امر من جمب بدر وقفت شوي وقلت:" اذا انا زرافة فانت شو... يا مستر فطعة"
واخذ الكل يضحك وخطط انتقامي بدأت تنجح وبدر ولعو عيونو من القهر ورجعت محلي.
اجى محمد.ج وقالي:" بدكش تبطلي طوش يا فالحة مش عشان امك واخوكي بالمدرسة تاخدي اريحيتك"
قالتله وعلى عيني نظرة غرور:" العين بالعين والسن وبالسن والبادي أظلم"
وهو سكت ورجع محله، ولا فجأة الاقي أحمد.د نط وراي وهمس:" هاي ياينشتاين" قلتله:" خير انت التاني شبدك؟؟ "
قلي :" خير خير بس حليلي هالسؤال جلطني"
لفيت عليه قلتله:" حلي مش ببلاش"
قلي:" بترشيني قصدك" ساعتها متت من الضحك وحليتله المسألة وقتها مسكتني المعلمة وقالت:" شوووق مين سمحلك تحليله السؤال"
لحظة صمت مع صوت صرصار الليل>> اصلا الدنيا نهار من وين بدو يجي يذكية.
المهم قلتلها:" هو طلب مساعدة مش انتو دايما بتقولونا ساعدوا بعض"
سكتت وتركتني بحالي..
بالحصة الثانية كانت عنا ولتعاسة حظي حصة حاسوب يعني الاستاذ سائد.
دخل الاستاذ ونظرا لان الحاسوب مش محسوب في هذه المرحلة الاكاديمية كان الاستاذ مهمل المادة معنا فاخذ معنا الحصة لعب وهبل
وقبل متخلص الحصة اخذ الاستاذ يتحدى الطلاب الذكور بمين اكثر واحد يصمد امام ضربة عصايته..
كانت العصاي طويلة وخميلة فقام الطالب بدر ورفع يده وقال:" انا "
انا ساعتها صرت اضحك واقول بنفسي:" ما حيصمد من اول ضربه"
اكل وحدة وتنتين وتلات ولما اكل اربعة صار يحكي للاستاذ يوقف والاستاذ مكمل
حتى انا قلبي وقف من الخوف صار يطير فيي خيالي بلاش يموت الولد لساته فطعة فانا اقول للبنت اللي جمبي نسيت اسمها "خلي الاستاذ يوقف بدر بعيط" وهي بكل متعة تقول:" خلي خلي لساته عايش" وصارت تضحك
ونا ساعتها مما مسكت نفسي وقفت وعيوني شلال دموع:" يا استاذ بكفي" الكل يطلع ويضحك again
>> ونظرا لحساسيتي المفرطة فعدم مقدرة قلبي الصغير على تحمل رؤية احدهم يضرب اخذت اعيط
طلع الاستاذ بدر يغسل ايديه وطلع الاستاذ واخذني معاه وقلي ببرود:" ليش بتعيطي؟" *صمت*
قلي:" شوق جاوبي" قلتله:" لانك ضربته كثير" قلي:" ليش؟" قلتله:" لاني ما بحب اشوف حدا ينضرب"
ورجعنا عالصف وكلو تمام والكل طبعا يطلع علي بعد خمس دقايق رن الجرس طلع الاستاذ ودخل بدر... اجى وقف جمب درجي وشكرني
ساعتها حسيت الحرب اللي كانت بينا صفيت
.
في ذات العام الصف والطلاب
كان وقتها يوووم مملل كثير ومن ايام نهاية العام يعني معظم االحصص فراغ نظرا لاننا ختمنا المنهاج تقريبا
بعد ممضت اول حصة وتانية وتالتة وفرصة ورابعة وخامسه (حصة الرياضية)
بعد متاخر الاستاذ قاسم استاذ الرياضة نزلنا عالساحة وانا كنت اول من نزل جلست مع البنات تحت احدى الشجرات وسرنا نحكي ونغني وننتهبل والذكور يلعبو كورة والاستاذ يشيك جواله. فجأة نزل ولد من طلاب صف عاشر (اكبر صف) وشفته يحكي مع الاستاذ والا القى الاستاذ يطلع علي وياشرعلي ساعتها نزلت عيوني بالارض وقلت:" الطامة الكبرى اجت لا محال" وقف وراي طالب الصف العاشر كان اسمه سلام وقلي:" انت شوق؟" قلتله:" ايوا تفضل"
طبعا لحظته البنات ما يقفوا يطلعوا علي وعالطلاب اكيد ولا فجأة المح طالبات واقفات عشباك صفهم صرت احكي لنفسي:" مالهن زالكردة (القردة) عالشباك" وطنشت.
قلي سلام:" المرشدة بدها اياكي حالا"
وقفت من مكاني ورحت للمرشدة بعد اذن الاستاذ دخلت مكتبها شبه المعتم وانا خايفة.
قلتلي وهي تبتسم:" كيفك شوق؟"
قلتلها:" الحمد لله بخير" >> والادب يقوطر مني عسل
قلتلي:" كيف المدرسة حلوة؟"
قلتلها:" اكيد اكيد كتير حلوة"
قلتلي:" وكيف تعامل الطلاب والطالبات معك؟ كنتو بالاول كثير تتمشكلو؟"
قلت لنفسي"دامك عارفة لش تسالي" ابتسمت وقلتلها:" نعم كنا بس هلا الحمد بطلنا صرنا محترمين مع بعض"
همهمت شوي وفتحت ورقة ومسكت قلمها واعطني وضعية المحقق كونان وانا الخوف ياكلني اكل شو بدها مني.
قلتلي:" طيب كيف تعامل خواتك معك؟"
بنفسي"وانت مالك ومال خواتي يشيخة" قلتلها:" الحمد لله دايما مناح وبساعدوني" وابتسامة صفرا ميتته ذابلة مضمحلة متصنعة عوجهي
قلتلي:" واخوكي فلان (اللي معي بالمدرسة) بيزعجك اشي؟"
بنفسي" يرحم والدينك مالقيتي غير هالاخ تسالي فيه" قلتلها:" الحمد لله دايما نلعب مع بعض ونتهبل هو اكيد نتمشكل هالشيء طبيعي بين اي اخين"
قلتلي:" صحيح صحيح كلامك..(لحظة صمت) وماما وبابا مناح؟"
بنفسي"لهون زودتيها يشيخة حلي عن مخي"
قلتلها:" الحمد لله مناح بسلمو"
قلتلي:" لاالا قصدي في بينهم مشاكل؟"
انا هون قطبت حاجبي وشبت النار بمخي عالسؤال الصريح الغير محترم نسبيا... ابتسمت بتصنع وقلت:" لا مافي مشاكل الحمد لله صافي يلبن"
ضحكت وقلتلي:" خلص فيكي تروحي هلا"
طلعت الا وهاااا لقيت اخويا برا قلتله:" نادتك انت كمان؟"
قلي :" اه شو مالهǿ"
قلتله:" اسمع اي سؤال بتسالك جاوب بشكل ايجابي مناح وتمام والحمد لله اوك"
قلي:" ليش شو سالت؟"
قلتله:" وفوت واعرف ام منخار"
ورجعت للساحة ونا بضحك.
وقفت جمب الاستاذ وقلي:" شو كان بدهǿ"
اطلعت باستغراب وقلتله:" لا ولا اشي بس كانت تسال كم شغلة"
في ما يقارب على نهاية الحصة اجت المحاسبة تبعت المدرسة ووقفت وراي وقالتلي:" شوق خذي هاذ"
اخذت منها كان ظرف ابيض مكتوب عليه اسمي الكامل قلتلها:"لمين هاد؟ لماما يعني؟"
ضحك الاستاذ قاسم وقلي:" لا هاد الك اسمك مكتوب عليه"
وراحت السكرتيره وقلي الاستاذ:" شوفيه هدية بتعجيك"
قلتله:" ومن مين؟"
قلي:" من مين يعني غير الادارة"
فتحت الظرف لقيت فيو عشرين دينار اردني
اخذت وضعية المصدوم الميت
وقلتله:" وشو اعمل بكل هالفلوس وليش اعطوني؟"
قلي:" هدول مكافئة الك لانك كنت تساعدني عمو ابو حنين بالمقصف طول السنه، تتهني"
وابتسم
وانا من السعادة والصدمة نسيت اشكرهم
وانا روحت ومبسوطة على عشرين دينار انهم اشي وااااااااااااااااااااااااوو بالنسبة لبنت بعمري
وقتها اصريت عاخواتي يدوني محل اكسسوارات وصرفت كل المصاري عاساور وسناسيل..
.
وإلى هنا قد كان الختام.
أرجو ان المواقف قد نالت اعجابكم بصدق>> حاسة حالي بقدم اذاعة مدرسية
ملاحظة:" المواقف والأسماء وكل شيء كان هنا واقعي ركزوا اني للان من خمس سنين متزكرة الاسماء منيح "
ملاحظة ثانيه:" التصميم والأشياءات هاي كلها من ابداعي طبعا بمساعدة بسيطة من عمو جوجل"
ملاحظة ثالثة مزدوجة:" بحب أشكر عمو نينجا لانو سمحلي اخد منه القرد اللي فوق باول رد .. هو فعليا ما اعطاني رد بالسماح بس عكل شكرا عمو نينجا" وانا فخورة جدا انو هالموضوع طلع مثل مانا بدي جميل وخفيف واكثر كمان..
بمزح بمزح خلص بإمكانكم تردوا الآن ..
اخر تعديل كان بواسطة » شـــوووق... في يوم » 10-08-2017 عند الساعة » 02:10
السلام عليكم ورحمة الله وبركاتهمكاني لي عودة بعد التعمق ~ !
كيف حالك اختي شوق يارب بخير
الموقف الاول / مربك فعلا كبداية اولى لك في الدراسة
وبداية تعرفك واندماجك بمسؤلين المدرسة والطلاب
لم يعجبني ازعاج الطلاب لك .
الموقف الثاني / اوه ! كل هذا بسبب عمر وازعاجه !
كان من الافضل ان يتم تصفية الامر بالنقاش بدلا من الشجار ..
لتجنب تلك العواقب التي جعلت الحق عليك انت واخاكي رغم ان عمر هو المتسبب
الموقف الثالث / افضل مافعلتيه انك لم تسكتي عن حقك حيال ازعاج بدر ..
وردك على محمد كان منطقي الاستاذ لم يعجبني تصرفه لااؤيد مافعله بصراحة
.................... لكن الجيد هنا ان الموقف جعل بدر يكف عن ازعاجك
الموقف الرابع / اعجبتني أسئلة المديرة لك وطريقة ردة فعلك . مضحكة .
ومكافأتك المالية وذهولك واستغرابك وقت استلامها . من الجيد ان تلقي مجهود ما فعلتيه
تستحقينها اكيد .
. فعلا استمتعت بطريقة تعبيرك وسردك لمواقفك كان شئ مسلي وخفيف على النفس
بتوفيق يارب بالمسابقة
في امان الله ورعايته
اخر تعديل كان بواسطة » Tiger Eye في يوم » 10-08-2017 عند الساعة » 03:04
[B]اللهم اغفر لنا وللمؤمنين والمؤمنات الاحياء منهم والاموات
اللهم انصر اهلنا في فلسطين وارحم شهدائنا الميتين واحمي مسجدك الاقصى من عدوانك المتجبرين
وعليكم السلام شوق
هادا كلو عملتيه بسنة وحدة ما شاء الله عليك
أجل لو كنتي حكيتينا بقية السنوات خخخخخخخ
ضحكتني قصتك مع الاستاذ سائد هههه
أنا لو مكانك طوال ما أنا بالمدرسة ما حط عيني بعينه خخخخ
أما أخوك المدافع من جد كأني في قصة انمي
مواقف لا تنسى من جد
سبحــآن الله وبحمده..سبحــآن الله العظيم
أسأل الله تعالى أن يجعل قبر ((أبـــي)) روضـــہ من ريـــاض الجنـــــہ
وعليكم السلام..
اهلا بك ..
انا ما كنت ازعل عازعاج احد كنت اتسلى وانا اشوف مقهورين>> مقهورين من الملكة
صراحة هو الاستاذ طول عمره مزحة ثقيل..
وبشان المرشدة ليست المديرة كان فضولها جدا خانق وبسببها للاسف كرهت جميع المرشدين واكره التعامل معهم
الله يذكر الجميع بالخير ويوفقهم يرب.. ^^
أسعدني مرورك..^^
السلام عليكم ورحمة الله وبركاته..
كيفك شوق؟ أرجو أنكِ بأفضل أحوالك
قرأت الموضوع كاملاً وصدقاً شعرت بالرغبة في الاستمرار بالقراءة ولم أشعر بالملل مطلقاً
بصراحة احب المشاكل مثلك ولذا تابعت القراءة واكتشفت ان الموضوع يحتوي على مشاكل وشجارات
استمتعت وأنا أقرأ.. فعلاً تجارب مثيرة <== ماتت ضحك xD
نأتي للموقف الأول..
بصراحة خوفك عجيب أتساءل ممَ كنتِ خائفة بالضبط.. من المدرسة؟
ربما سأشعر بذات شعورك بما أنه مدرسة مختلطة وأنا لم أجربها من قبل
الشيء العجيب هنا
ما هذا بالله؟
الأهم قلي مساعد المدير:" نظرا لعدم مقدرة العم ابو حنين على انو يبيع الاناث والذكور في آن واحد فانت بتساعديه بتبيعي الاناث وهو يبيع الذكور"
فانافي حالة صدمة عارمة
قلتله:" عفوǿ؟"
قلي:" خير ما سمعتي"
اضحكت وجاوبت:" لا سمعت اكيد بس انا ابيع" لحظة الصمت واضطررت على القبول فهذا المدير..
يطلب من طالبة جديدة في أول يوم لها تكون مساعدة للبائع في المقصف؟!!
ما أستغربك صدمتك وردك بـ "عفواً"
لكن الأستاذ رده قهرني صراحة، لو كنت مكانك لتهربت بطريقة ما فأنا لستُ مجبرة على اية حال بقبول طلبه
هههههههههههههههههههـ !!فاجابني وهو يقهقه:" هاد الاستاذ الرياضة يوم كان عمرك 8 سنين وانحبست من المدرسة هو اللي طلعك وانت مفحمة عياط تذكرتي؟"
واخذت اغني *لحظة الم قلبي انظلم* "ما عرفت ادرس كمان مرة غير عند هالاستاذ" .... مصيبتي كانت مصيبة
اعجبتني جملتك "لحظة ألم قلبي انظلم" على المصيبة
*طيران* ع الموقف الثاني..
قلبوها مسخرة قهرني تصرفات الأولاد <== عرفت للتو أن الدراسة معهم موت
مو مجربة على أية حال لكن بما أني أحب المشاكل فلو كنت مكانك لقلبته فايتنغ
وليكن ما يكن بعدها
جد؟! أقصد فايتنغ بالكلام ما بتجرأ أقترب منهم حتّى
لكن نهاية الموقف ودفاع اخوك عنك والشجار وإيقاع نفسه في المشاكل من أجلك...
جميل
إلى الموقف الثالث..
ههههههههـ *فيس ميت ضحك*وهو سكت ورجع محله، ولا فجأة الاقي أحمد.د نط وراي وهمس:" هاي ياينشتاين" قلتله:" خير انت التاني شبدك؟؟ "
قلي :" خير خير بس حليلي هالسؤال جلطني"
لفيت عليه قلتله:" حلي مش ببلاش"
قلي:" بترشيني قصدك" ساعتها متت من الضحك وحليتله المسألة
وقتها مسكتني المعلمة وقالت:" شوووق مين سمحلك تحليله السؤال"
لحظة صمت مع صوت صرصار الليل>> اصلا الدنيا نهار من وين بدو يجي يذكية.
المهم قلتلها:" هو طلب مساعدة مش انتو دايما بتقولونا ساعدوا بعض"
سكتت وتركتني بحالي..
شكلك اخذتِ وضع هجومي على احمد كمان
وبالفعل ردك كان رائع جدا جدا على المعلمة.. هذا هو الواقع للأسف
يقولوا لنا كلاماً في النهاية يعاتبونا لأننا فعلنا ما طلبوا..
من الجيد تذكريهم بما قالوا ويستاهلوا بعدها قصف الجبهة صراحة
وفي نهاية الموقف.. استغربت دفاعك عن بدر اللي كان يزعجك
لكن جميل أن المشكلة بينك وبينه انتهت بعدها..
وشكرك كمان
ع الموقف الرابع..
بالنسبة للأخيرة.. مت ضحك على تعابيركقلتلي:" صحيح صحيح كلامك..(لحظة صمت) وماما وبابا مناح؟"
بنفسي"لهون زودتيها يشيخة حلي عن مخي"
فعلاً أسئلة فضولية جداً وردك في نفسك على المعلمة منقطي جداً
لكن احترامك الشديد التمثيلي طبعاً الذّي "يقوطر منك عسل" خنفشاري
في النهاية حصلتي على عشرين دينار :ekk: واااو
ما شاء الله لك أجرتك على العمل
وبالنهاية أشكرك على الموضوع الجميل الذّي استمتعتُ بقراءة
ومتأكدة انك كنتِ مستمتعة بالكتابة بما أن الأمر متعلق بحياتك
أحببت كلامك العامي وطريقة السرد السلسة والمضحكة في نفس الوقت
إن شاء الله نرى لك مواضيع أخرى..
وأيضاً.. إذن اسمك الحقيقي هو شوق اسمٌ جميل
صح! هذا ليس الموضوع المشارك في مسابقة أثبات الشعبية أليس كذكك؟
وعذراً على الثرثرة الطويلة
عموماً بالتوفيق لك..
دمتِ بخير~
اخر تعديل كان بواسطة » Lady Ɖeidara في يوم » 24-11-2017 عند الساعة » 19:40 السبب: رد مميز
{ لا تدع مرّات سقوطك تمنعك عن النهوض! }
أهلا أهلا أنرتي عزيزتي ... انا بخير والحمد لله..
أسعدتني حقا أنه أعجبك وحششتي معي..
اممم كنت خايفة لانه بعرفش اشي عن المدرسة وعدا انها مثل مقلتي مختلطة واول مرة ادخل مدرسة مختلطة..
مشان المدير هو عيني لانو اصلا امي كانت معلمة بالمدرسة معي فحسيته استغل الوضع وحطني ثم اني استمتعت بالبيع اهم اشي نصيبي 20 دينار فانا محبيتش افشله بكفي انو فيلم رعب بحد ذاته المدير
بدك الصراحة اللي ما جرب يدرس بصف مختلط ضيع طفولته
صراحة الدراسة مع الذكور شيء جميل تكتشفي فيهم اشيااء ما انزل الله بها من سلطان عقد مكانت حلوة
بالنسبة لاحمد والله للان زعلانه كيف نفرت فيه مسكين كان اكثر واحد مؤدب وشاطر..
انا اللي استغرب من حالي كيف دافعت عن بدر..
يمكن مو لاني ددافع عنه يمكن لاني اكره دفاشة الاستاذ من الصغر ولاني كمان ما اتحملت اشوفه يتأذى>> حنونة بعيد عنكم
يعني جد المرشدة قهرتني شدخلها بام أهلي.. >> تحل عني ياااا ناقصني
انا هو بس استمتعت انا حششت ودمعت ونا اتذكر واكتب جد كنت مستمتعة بتذكر هيك مواقف طيبة أوي.. >> تمسح دموعها
لا لا اسمي مو شوق ولا الو دخل بشوق كمان
روحي شوفي واعرفي اذا هالموضوع مشارك او لا..؟؟
أسعدني مرورك واستمتاعك بالموضوع.. دمتي بخير عزيزتي
السلام عليكِ...
وااااه .. أحسنت اختيار السنة!! حقاً مليئة بالأحداث والمغامرات المدرسية التي لا تنسى!!
وحقاً لديكِ ماضٍ مشتعل في هذه المدرسة!!
استمتعت كثيراً في قراءة مواقفك
و استشعرت طيبة قلبك حين بكيتِ على "بدر" عندما تحداه الأستاذ ...ما هذا الأستاااذ هل هذا هو المرح بالنسبة له!!..أشفق على طلابه الذكور ههههههه
أتساءل حقاً ما الذي جعل المرشدة تسألكم تلك الأسئلة!!!ما الذي فكرت به حقاً؟؟!
مجدداً..استمتعت بموضوعك السَّلِس من حيث السرد والتصاميم الراائعة..
موفقة
اللهُمَّ إنَّكَ عَفُوٌّ كَرِيمٌ تُحِبُّ العَفْوَ فَاعْفُ عنَّا
ممتع
جدا و جميل ، لقد استمتعت بقراءة الموضوع و بالتنسيق و الترتيب
، الموضوع متعوب عليه ..
الله يوفقكـ
السلام عليكم ورحمة الله وبركاته..
وااو ماشاء الله احداث كتيرة في سنتك الدراسية
اظن ان المواقف مسلية كتيير بغض انظر عن الاولاد امزعجين اللي مش طايقاهم انا..لاني مريت بنفس التجربة هههه
لم يعجبني فعل الاستاذ لما ضرب بدر ..
بس الحمد لله انتهي خلافه معك وانتهي اليوم علي خير
اظن المشرفة غامضة قليلا بس ماعلينا منها
مبرروك مؤخرا علي هديتك ههههههه كنت شيلي شوية للمستقبل تتقاسميه معانا
ع العموم افهم حبك للاكسسوارات لاني مثلك مهووية بها..
في النهاية اظن ذكريات الطفولة احسن شئ بتكون ممتعة ولطيفة
تحياتي لكي شووق
𝓦𝓮'𝓻𝓮 𝓪𝓵𝓵 𝓵𝓲𝓴𝓮 𝓽𝓱𝓮 𝓶𝓸𝓸𝓷 𝔀𝓲𝓽𝓱 𝓪 𝓭𝓪𝓻𝓴 𝓼𝓲𝓭𝓮
وعليكم السلام..
الحمد لله احد جرب مواقفي.. اذن لا احسد على ما كنت عليه
يب مواقفي كثيرة لكن الذاكرة تخون ولكن تختزن البعض
عجبتني بس ما علينا من المشرفة هي مش غامضة بس فضولية
من الفرحة راحو عالفاضي ومرجعوش
فعلا اجمل ما تكون الطفولة..
شكرا لمرورك اللطيف..
دمت بخير
وعليكم السلام
ما شاء الله ذاكرتك قوية
موضوع ممتع شوق وعرفنا شخصيتك و اكثر ما اعجبني من المواقف هو الموقف الثالث
حسيت انك عاطفية جداً وقلبك طيب حتى انك ما تريدين تشوفين احد تكرهينه يحدث له سوء
لهذا بادرتي بإيقاف الاستاذ
شكراً شوشو على سرد المواقف الجميلة التي ستبقى في ذاكرتك دائماً ^^
غندره
عدد زوار الموضوع الآن 1 . (0 عضو و 1 ضيف)
المفضلات