السلام عليكم و رحمة الله و بركاته
كيف حال الجميع ؟ إن شاء الله كلكم بصحة و عافية
قبل لا نبدأ الموضوع احب اذكركم كالعادة .. غضو بصركم عن اي فضيحة تشوفوها
هذي مشاركتي الثانية للمسابقة القيرلية الرمضانية عشان الوقت اختصرت الموضوع قد م اقدر
المطلوب بهذي الجولة كان عبارة عن طبق مقبلات و نوع عصير ^^
:
:
:
المقادير :-
- فطر ماشروم طازج مقطع بالشكل الي تحبوه .. انا استعملت صحن كامل من الماشروم .
- زبدة للحمس .. اذكر استعملت منها يجي 30 قرام تقريبًا .
- ريحان طازج مقطع ، ممكن تستعملو أي نوع 2 من الورقيات او أي بديل تفضلوه .
- رشة ملح و فلفل اسود للتتبيل .
- 5 ملاعق كبيرة ماء .
- 2 ملاعق كبيرة كريمة خفق .
- جبن بارميزان مبشور حسب الرغبة .
- بقدونس مقطع صغير " اختياري "
التحضير :-
اول شيء الزبدة تذوب على المقلاة بنار هادئة و نضيف عليها الفطر و نطبخهم لفترة لين يصغر حجم الفطر .. 10 دقايق تقريبًا الوقت
نضيف الملح و الفلفل الاسود و تقلب ع السريع ثم نضيف الريحان و نقلب لدقيقة أو 2
نضيف الماء و الكريمة و نقلبهم سوى ثواني ، مدة اقل من دقيقة
نجيب جبنه البارميزان و ننثرها فوق الطبق
نخلط كلش ع السريع ثم ننقلهم لطبق التقديم
ممكن تحطون فوقه بقدونس " البقدونس م يطبخ " و ممكن تستغنو عنه
ولو حابين ممكن تبشرو زود جبن بارميزان
المقادير :-
- 603 غرام أناناس طازج مقطع .. انا شارية علبه جاهزه مقطعه
- 273 غرام توت أزرق ( Blueberry ).. علبة ونص .
- 383 غرام توت أحمر ( Rasp Berry )، علبتين كاملة .
- شوي نعناع حسب الكمية الي تفضلوها
- عسل لتخفيف الحموضة ، انا استعملت ملعقتين كبيرة اذا م خاب ظني
- كوب و ثلاث أرباع ماء .
هذي طبعا المقادير الي انا استخدمتها ، لكن انتو لكم الحرية بالتعديل و التغيير بالكميات زي ما تحبو ~
القوام شوي ثقيل ، فالي يحبه اخف من كذا يزيد موية لكن هذي الحركة الوحيدة الي م اشجع عليها
الانانس ممكن تستعملو المعلب برضو لكن اشوف الطازج افضل عموما ~
التحضير :-
جميع المقادير الي قلناها نحطها بالخلاط
نخلطها لدقايق لين ما تنخلط الفواكه و تنعصر كويس
نجيب وعاء كبير و منخلة الدقيق عشان نصفي العصير من الاشياء الي مالها لزمة
بتطلع معكم حبوب من التوت و بعض القشور لو ما تمانعو هالاشياء فعادي استغنو عن النخل
نصب العصير ب كاس و يقدم
بصراحة تورطت و م عرفت كيف اصور عصير
+ هالعصير م ينفع للي يكره الحامض
و ألف عافية ^^
المفضلات