مشاهدة النتائج 1 الى 13 من 13

المواضيع: Snapseed - photo editing app

  1. #1

    Snapseed - photo editing app

    attachment



    attachment


    السلام عليكم و رحمة الله و بركاته
    أسعد الله صباحكم / مساءكم بكل خير
    هالموضوع أغلبه فقط نظرة عامة ، و درس بسيط عن العزل اللوني بالأبليكيشن ..
    بصراحة ما تعمقت كثير في البرنامج ..
    لكن بعد ما شرحت و كل شي لقيت في النهاية خانة معلومات مفيدة فيها دروس xD
    بصراحة أشوف الدروس اللي فيها جدًا كويسة للي بيتعلم مو بس التطبيق ..
    حتى كمان بتفيدكم في تعديل الصور بشكل عام من منظور فوتوغرافي ..
    نبدأ بسم الله ..


    اخر تعديل كان بواسطة » H A N A في يوم » 15-07-2017 عند الساعة » 23:49 السبب: موضوع مميز :)



  2. ...

  3. #2



    attachment


    * ملاحظة صور الشروحات من اليمين إلى اليسار *



    attachment

    أول ما تفتحوا البرنامج هذي هيه الصورة الرئيسية و بالأسفل زي ما تشوفوا فيه خانة معلومات مفيدة ..
    فيها دروس يا كثرها ما شاء الله، كلها عن تعديل الصُور ، قائمة الدروس جدًا جدًا رائعة ..

    attachment

    هذي تكملة لقائمة الدروس، دروس متنوعة و أحسها شاملة يعني لطريق كثيرة في تعديل الصُور
    بأي برنامج كان ، لأنها تعطي نظرة عامة عن الطريقة الصحيحة في تعديل الصُور ..

    attachment

    هذا أحد الدروس في تعديل الصُور اخترته بطريقة عشوائية ، المختصر المفيد ..
    إنه الصُورة التركيز المفترض يكون فيها على الورود، و إنه حتى الأوراق حقت الشجر القريبة من الورود المفروض تكون غامقة ، على أساس يعطي للصُورة عُمق و يأكد إنه الورود هيه العُنصر اللي المفروض يكون ظاهر التركيز عليه أكثر من الورق و يكون الورق كله غامق كأنه بعيد عن العنصر الرئيسي شوية ..
    و طبعًا عشان لا يظهر فرق في الألوان فغمّق حتى الورود شوية ، يعني هوه الدرس كله عن العمق البؤري أو الفوكس، و الحزم اللي يقصدها هيه الطبقات حقت التعديل بتشوفوها في الدرس حق العزل إن شاء الله ..

    attachment

    بالأول هذه لما تفتح التطبيق، تضغط على فتح و تختار الصورة اللي تبغى تعدل عليها ، زي ما تشوفون اخترت صورة مكركبة laugh التقطتها على عجل بأحد الأيام من كاميرا الجوال ..


    attachment
    attachment

    قوائم التعديل المُتاحة، بالأول قائمة الأدوات و ثاني شي عوامل التصفية و ثالث شي الوجوه ..
    حنتطرق لكل وحدة فيهم على حدا في الردود القادمة ..



  4. #3



    attachment


    * ملاحظة صور الشروحات من اليمين إلى اليسار *




    قائمة الأدوات


    attachment

    ضبط الصُورة

    attachment

    نبدأ بالأشياء المأشرة من فوق، اللي فوق هذا لما تضغطوا عليه يطلع لكم الصُورة بدون التأثير ..
    و بالنسبة للي كأنه إحصائيات هذا يظهر لكم توزع الإضاءة و الألوان في الصُورة بطريقة بيانية، بصرآحة مو كثير فنانة في هالشي فما أحس له فايدة tongue
    و اللي شكل إعدادات، هذا بيطلع لكم القائمة اللي على اليسار حتى تتحكموا في خصائص التأثير ..
    تختاروا الخاصية اللي تبغوا تغيروها في الصُورة و بعدين تسحبوا بأصبعكم لليمين للقيم السالبة و اليسار للقيم الموجبة في كل التأثيرات في التطبيق تزبط معاها ..
    و اللي كأنه عصاة سحرية هذا خيار من التطبيق هوه يعدل الصُورة بطريقة أتوماتيكية للتأثيرات، يعني يزبط الإضاءة و كل شي ..
    أحس هذا الخيار " ضبط الصورة " من أهم الخيارات و أولها عشان تزبطوا الصُورة تمام ..


    التفاصيل

    attachment

    هذا التأثير مو كثير حبيته، ممكن يفيد في بعض أنواع الصُور لكن كما ترون الصُورة عندي راحت شي عجيب من بعده chinese
    ممكن تفيد في بعض أنواع الصُور اللي تكون فاتحة أو شي، ما أعرف بصرآحة ، لانه حتى في الفوتوشوب ما أستخدم فلاتر أو أكشن زي كذا biggrin

    اقتصاص

    attachment

    هذا عاد من أيام الوورد و البوربوينت و الكل يعرف له tongue
    يعني اقتصاص، لو ما عجبك جزء من الصُورة أو كانت الصُورة كبيرة لحد التشتيت عن الموضوع الأصلي للصُورة فالاقتصاص خيار جدًا جيد لاستخدامه ..

    تدوير

    attachment

    الصورة في اليمين لتدوير و في اليسار للمنظور
    في هذي تقدروا تعدلوا خط الأفق المايل ..
    و فيه برضوا فيه العصى السحرية اللي تختار لكم التعديل المناسب، فممكن تستخدموها و بعدين لو ما عجبكم تعدلوا على تعديلها biggrin

    المنظور

    attachment

    الصورة في اليمين لتدوير و في اليسار للمنظور
    في هذي معطينا البرنامج خيارات يا كثرها، يعني لو مثلاً صورت شي مرتفع و طلع واضح جدًا إنه مصوره من تحت، فتعديل المنظور مرة بيكون كويس، أو حتى لو من زاوية جانبية و ما عجبتكم ..
    و برضوا التطبيق يعدل بطريقة ذكية بحيث الأطراف يزبطها بطريقة أتوماتيكية على شكل الصُورة ..

    توازن اللون الأبيض

    attachment

    شفتوا شكل الـ AW هذا نفسه العصاة السحرية اللي في خيارات التعديل الأخرى ..
    و التعديل في الصُورة يكون حسب الحرارة أو التلوين، أحسه يشبه تأثير vibrance في الفوتوشوب ..
    و أما أداة القطارة، هذي لو تبغوا توازنوا جو و ألوان الصُورة مع جزء معين من الصُورة عاجبتكم ألوانه و تبغوا تضبطوا الصُورة كاملة زيه ..

    فرشاة

    attachment

    هذي لو طلع عندكم فرق في الإضاءات بين أماكن الصُورة، مثلاً لو كان مكان الإضاءة غلط وقت ما صورتم ..
    فمداكم تعدلوا على الصُورة بتفتيح الأماكن المظلمة أو المنيرة في الصُورة، يعني ما يعطيكم تأثير كامل على الصُورة بس على الأماكن اللي تبغونها و إنتم تختاروا نوع التعديل زي ما هوه ظاهر لكم في الصُورة ..




  5. #4



    attachment


    * ملاحظة صور الشروحات من اليمين إلى اليسار *




    قائمة الأدوات


    attachment

    انتقائي

    attachment
    attachment

    هذا الخيار فنان في تعديل الصُور smoker بصراحة حبيته في تعديل الصُورة أكثر من خيار فرشاة، لأنه بتختار المكان و بعدين بتنقر على علامة الزائد تحت و تجي نقطة، النقطة هذي مداكم تعدلوا نوعها بحيث تنقروا عليها و بعدين تنقروا من تحت على علامة الزائد و تختاروا تكون تباين أو سطوع أو تشبع اللون أو تركيبة ، و مداكم تتحكموا في أبعاد الدائرة تكبير أو تصغير زي ما أنتم شايفين اللي باللون الأحمر ، و مداكم تغيروا مكان النقطة كمان لو ما عجبكم مكانها، أو حتى لما تنقروا عليها تحذفوها أو قص أو لصق اللي تبغونه، بصرآحة أشوفها خيار جدًا رائع في التعديل ..


    إصلاح الصُورة

    attachment

    هذي شغلتها زي أداة اللصقة اللي في الفوتوشوب، بس هذي على أسهل tongue بس مو بخيارات كثيرة زي الفوتوشوب ..
    بس تختاروا المكان اللي تبغوا تغطوه في الصُورة زي لو مثلاً أشخاص أو عناصر غير مرغوب فيها و تمسحوا عليه، و بس بيصير زي الترقيع للمكان بصرآحة ما أشوفه خيار صحيح دائمًا بس ممكن يفيد في بعض الأحيان ..

    نقوش صورة نصفية

    attachment

    هذي تشبه خيار انتقائي، بس إضاءة و تعتيم فقط، يعني تختاروا مكان للنقطة و تحطوها و تغيروا الإضاءة داخل الدائرة و خارجها، بحيث لو بتركزوا على إضاءة عنصر في الصُورة أو شي بتفيدكم biggrin


    نص

    attachment
    attachment

    تخاروا شكل مربع النص اللي تبغونه فيه عندهم خيارات كثيير، و بعدين تختاروا درجة وضوح أو عتمة المربع، و مداكم تغيروا اللون كمان، بصرآحة طريقة النصوص جميلة جدًا أحلى من الفوتوشوب xD
    لأنها جاهزة كلها و أنتم بس تغيروا و تكتبوا النص اللي تبغونه biggrin


    المنحنيات

    attachment
    attachment
    attachment

    خيار جدًا جميل في التعديل، أحسه قائمة تأثيرات كاملة، يعني من تفتيح أو تعتيم أو تباين أو تلوين كل شي ..
    شايفين كيف النتايج اللي حصلت عليها و أنا ألعب فيه، بصرآحة أحسها نتايج جدًا جميلة ..
    يعني تختاروا إذا بتعدلوا سطوع أو عتمة الصُورة كاملة أو تباينها، أو لون واحد و تغيروا في وضوحه في الصُورة ، بيفيدكم كثير في التأثيرات أحس biggrin


    توسيع

    attachment

    خيار ما أعرف آيش الفايدة منه، بس أتوقع عشان لو حسيتم مساحة الصُورة صغيرة chinese
    المهم ممكن تحتاجوه، و يعدل أطراف الصُورة بطريقة أتوماتيكية على أطراف ذكية بحيث يآخذ أجزاء من الصُورة و يكررها حتى ما يطلع شكل الأطراف غريب، مع إني أحسه غريب رغم ذلك laugh



    و بكذا خلصنا قائمة التعديل الأولى - أدوات - ننتقل للقائمة الثانية - عوامل التصفية - في الرد الجاي




  6. #5



    attachment


    * ملاحظة صور الشروحات من اليمين إلى اليسار *




    قائمة عوامل التصفية


    attachment

    تركيز العدسة

    attachment

    إذا حسيت مثلاً الفوكس مو عاجبك كثير في الصُورة أو فيه عناصر مسببة تشتيت مداكم تزيدوا البلور على الأطراف، و حتى من الخيارات زيادة التعتيم اللي هوه تقليل وضوح العناصر، و نقل لضبابية الخلفية، و النقوش هذي للتعتيم ..
    أشوفها خيار جدًا مفيد في الصُور، و ممكن يسوي الواحد بيها خدعة عشان تصير صورته بوكيه tongue

    لمعان ساحر

    attachment

    أحس شغلها زي شغل خيار توازن اللون الأبيض تقريبًا ninja ، ما حسيت بينهم فرق كبير، عدا خيار لمعان اللي يوسّع لك مصدر الإضاءة في الصورة، زي شايفين نور اللاب لما لعبت في لمعان زادت إضاءته و وضوحه ..
    بس الفرق الثاني برضوا إنه فيه تأثيرات جاهزة و أنتم تلعبوا فيها زي ما انتم شايفين، و بصراحة أشوف هذا الشي جدًا جميل في التطبيق يعني ما يتعب الوآحد نفسه في أغلب الخطوات أغلب التأثيرات جاهزة tongue


    تباين الدرجات اللونية

    attachment

    لتعديل الإضاءة و الظلال، زي لو بتزيدوا أو تخففوا من حدتها، زي اللي يصور في الشمس ..
    و تطلع له ظلال مزعجة في الصُورة، ممكن يخفف منها بهذا الخيار أو حتى لو بدون شمس و تكون إضاءة داخلية بس عالية أو حتى منخفضة شغل هذا الخيار تعديل على الإضاءة و الظلال ..


    مشهد بـ HDR

    attachment
    attachment

    ما حسيت التأثير مفيد في هالصُورة زي ما تشوفوا، لأنه مكان الإضاءة محدد في الصورة إضاءة جانبية من الشمس و إضاءة من اللاب، فلما جا يوزعها على الصورة جاب العيد chinese بس فيه تحكم في السطوع و كذا فممكن يفيدكم نوعًا ما ..
    فيه خيار ثاني يشبه تأثير الـ HDR و أفيد منه اسمه " تعرض مضاعف " بيفيدكم أكثر ..


    دراما

    attachment

    هذا تأثيرات جاهزة للسطوع و للتعتيم في الصُورة و ممكن تضيفوا لها تحبب مع إني ما أشوفه خيار كويس ninja ، و بنفس الوقت تتحكموا في قوة الفلتر برضوا من الإعدادات ..


    تأثير الجرانج

    attachment

    هذا فيه خامات و إضاءات كل شي مداكم تصممون توقيع بهالخيار laugh أمزح xD
    بس يحط لكم خيارات جاهزة للخامات و للتأثيرات مع بعض و أنتم تتحكموا في قوة الخامة و التأثير كمان ..
    بصرآحة ما أعرف في أي حالات التصوير يستخدم بس ممكن يفيدكم chinese


    فيلم بحبيبات

    attachment

    فيه تأثيرات جاهزة في هالخيار بتفيدكم، لكن مهم مرة تشيلوا التحبب من التحكم في الخيارات حقت الفلتر ..
    فيه خيارات جيدة بس أغلبها تعطيكم طابع الفيلم القديم يعني اللمسة البنية أو الرمادي على كحلي ..
    تفيد ممكن في تصوير الآثار و المتاحف و الأماكن القديمة biggrin




  7. #6



    attachment


    * ملاحظة صور الشروحات من اليمين إلى اليسار *




    قائمة عوامل التصفية


    attachment

    عتيق

    attachment

    هذا لو بتضيفوا للصورة طابع لون معيّن ..
    و برضوا تتحكموا في قوة تشبع اللون و السطوع، أحسه يشبه خيار photo filter في فوتوشوب ..
    بس برضوا أحسه زي اللي قبله " فيلم بحبيبات " يعني لو صورتوا شي تراثي و كذا تتحكموا فيه biggrin
    لأنه أغلب الألوان تعطي طابع عتيق أو تراثي زي ما هوه اسم الخيار ..


    طراز قديم

    attachment

    هذا الخيار يشبه " عتيق " و " تأثير الجرانج " و " فيلم بحبيبات " بحيث إنه يعطي للصُورة لمسة عريقة ..
    فجمع تقريبًا بينهم الثلاثة أحسه يختصر الطريق، لكن عتيق يعطي خيارات إضافية للتأثيرات لو ما عجبتكم اللي في هذا الخيار و بعدين تكملوا تعديل هنا ..
    بس التحكم في هذا الخيار أكثر من الخيارات الثانية اللي ذكرتهم أكثر من " عتيق " و " تأثير الجرانج " و " فيلم بحبيبات "


    أسود

    attachment
    attachment

    هذا لو صورتم بخلفية سوداء و مثلاً ما طلعت واضحة بالسواد اللي تبغونه ..
    و بنفس الوقت تخلوا العنصر معاها أحادي، بحيث تتحكموا في هذا الخيار في قوة اللون الأسود في الصُورة مو الأحادي، و يعطيكم طبعًا تأثيرات جاهزة و أنتم تتحكموا فيها برضوا في قوتها و كذا ..


    أبيض و أسود

    attachment
    attachment

    هذا التأثير الأحادي اللي دايمًا نستخدمه في الصُور مو زي اللي فوق خيار " أسود " اللي تركيزه على اللون الأسود أكثر شي ..
    فيه خيارات جاهزة للأحادي معتم أو ساطع أو سماء مظلمة .. إلخ ، و تقدروا تتحكموا في قوة التأثير، و فيه خيار تختاروا اللون و حدته بالأحادي، مثلاً لو تبغوا اللون الأحمر اللي كان في الصُورة يصير أغمق أو أفتح تختاروا اللون الأحمر من القائمة اللي زي الدائرة و تعدلوا عليه و على الألوان الثانية ، زي شغلة الفوتوشوب chinese


    إطارات

    attachment

    في هذي تختاروا إطارات جاهزة للصُورة و تختاروا سُمك الإطار، بصرآحة إطاراتهم خياس chinese
    لا أشوف أحد حاططها هنا laugh ما عدا بعض الإطارات مقبولة يعني مو مرة شينة biggrin


    تعرض مضاعف

    attachment

    هذا هوه الخيار اللي قلتلكم عليه بيفيدكم في الـ HDR لأنه يشبه الفوتوشوب من هالجهة ..
    لأنه تختاروا صُورة و تضيفوها للصُورة اللي مصورينها و تلعبوا في درجة التعتيم أو الوضوح ..
    فالأحسن تختاروا 50 ، و الطريقة هيه لو مثلاً صورتم مشهد ليلي، و تبغونه يطلع واضح تصوروه بثلاثة قيم ISO واحد تلقائي و الثاني عالي و الثالث منخفض و تدمجوا الثلاثة بهذا الخيار و راح تتوزع الإضاءة بطريقة جدًا جيدة في الصُورة ..
    أو مثلاً لو بتدمجوا صورتين بطريقة جميلة بتنفعكم خصوصًا و إنه الخيارات اللي فيه تشبه الخيارات حقت الليرات في الفوتوشوب ..


    و بكذا خلصنا قائمة التعديل الثانية - عوامل التصفية - ننتقل للقائمة الثالثة - وجه - في الرد الجاي





  8. #7



    attachment


    * ملاحظة صور الشروحات من اليمين إلى اليسار *




    قائمة وجه


    attachment

    تحسين

    attachment

    هذا الخيار لو بتعدلوا من نعومة البشرة، طبعًا كان خطأ أختار صورة معدلة عشان أوضحه لكم chinese
    بس ترى هذا الكوري لقيته في الاكسبلورر حق الانستقرام و أخذته التقاط للشاشة حتى مو عارفة هوه مين xD
    فيه تنعيم الجلد من الخيارات و العين كمان، بصراحة أنا ما أصور بورتريه فأعتبر خيارات هالقائمة مو مرة ..


    الوضع

    attachment

    هذا يلعب في اتجاه الوجه و في الابتسامة و في البعد البؤري ..
    ما حسيته مرة مفيد ، اللي قبله أشوفه أفضل، و ترى فيه تطبيقات اسمها الـ beauty cam هذي بالعادة شغلها بس تعديل على الوجوه و أشوفها أعمق من كذا في التعديلات على الوجه ..


    و بكذا خلصنا قائمة التعديل الثالثة - وجه - ننتقل للدرس العزل في الرد الجاي



  9. #8



    attachment


    * ملاحظة صور الشروحات من اليمين إلى اليسار *




    درس العزل


    عتيق

    attachment

    اخترت الصُورة، و دخلت على خيار عتيق اخترت أحد التأثيرات الجاهزة و لعبت في السطوع و تشبع اللون و النمط و النقوش النصفية ..

    attachment
    attachment

    طبعًا استخدمت هالطريقة عشان الوردة مرة فاتحة و ما لقيت صُورة غيرها في الجوال chinese
    فعشان أعطيها شوية لون، و اللون اللي طلع معايا زي ما انتم شايفين على أصفر شوية ..


    أبيض و أسود

    attachment

    رحت لقائمة أبيض و أسود اخترت الخيار اللي يناسبني " طبيعي " لأنه حسيت التأثيرات الثانية مرة قوية ..
    و حطيت صح و رجعت للقائمة الرئيسية، نضغط على اللي مأشرته بالأخضر الفسفوري شكله زي الطبقات ..


    طبقات التعديل

    attachment

    تضغطوا على عرض التعديلات، و بعدين على الأبيض و الأسود بتطلع لكم منهم قائمة صغيرة - ما رضيت تتصور معايا >< - و بعدين تنقروا على شكل الفرشاة

    attachment

    تطلع لكم الصُورة ملونة و أنتم تحددوا بأصبعكم الأماكن اللي تبغونها بالأبيض و الأسود ..

    attachment

    و بما أنه ما فيه في التطبيق حركات الفوتوشوب و تتحكموا بعرض الفرشاة chinese
    فراح تكبروا الصُورة عشان يصير حجم الفرشاة بالنسبة للصُورة صغير و تقدروا تلونوا الأماكن الصغير بطريقة أدق ..

    attachment

    الصُورة النهائية ..
    و تقدروا تحفظوا الصُورة بالضغط على علامة السهم اللي بداخل صندوق chinese ، و تطلع لكم خيارات اختاروا تصدير، و راح تلاقوها في ملف اسمه snapseed ..


    إن شاء الله يكون الشرح واضح biggrin



  10. #9



    attachment


    أحتاج أسوي حفلة لنفسي إني بهالوقت القصير قدرت أسوي الدرس chinese
    طبعًا هالدرس طلع عيوني، خصوصًا إني ما قيد قعدت على السناب سيد ..
    و قعدت أدور دروس في اليوتيوب للتصوير بالجوال، و بعدين عرفت خدعة الفرشاة حقت التعديل tongue
    فقلت أجرب أسوي فيها عزل و زبطت biggrin ، صح مو بدقة الفوتوشوب بالتعديل بس كويس cheeky
    نمت و أنا أنزل الدرس 10 ساعات زي ما انتم شايفين فرق التوقيت بين وقت رد رقم 4 و رد رقم 5 chinese
    المهم إنه نزل كنت أتمنى يكون أعمق بس بصرآحة ما فيش وقت ..
    بس إن شاء الله أسوي دروس ثانية بالتطبيق، لأنه فيه كم خيار للتعديل أعجبوني biggrin
    و في أمان المولى ..



  11. #10
    ~حجز em_1f606
    وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ ٱلرُّسُلُ ۚ أَفَإِيْن مَّاتَ أَوْ قُتِلَ ٱنقَلَبْتُمْ عَلَىٰٓ أَعْقَٰبِكُمْ ۚ وَمَن يَنقَلِبْ عَلَىٰ عَقِبَيْهِ فَلَن يَضُرَّ ٱللَّهَ شَيْـًٔا ۗ وَسَيَجْزِى ٱللَّهُ ٱلشَّٰكِرِينَ

  12. #11
    attachment

    ويرجع أسطورة السحبات للموضوع لوضع بصمته الملوثه بالموضوع الأنيق em_1f606

    قبل لا أحط تطبيقي حاب أقول ألف شكر على المجودك المعهود في هذا الموضوع المرتب والمنسق ( ما عدا صورة الكوري e40c )

    وكلمة شكراً بالحقيقه لا تفي حقك في هذا الموضوع

    انا بالحقيقه نادراً ما أستعمل برامج الجوال لتعديل الصور لئني كن أجربها بالسابق وكانت النتايج مو ذاك الزود

    وماكنت متوقع انها تطور لمستوى عالي مثل ما لقيته بهل برنامج

    المهم انا جربت البرنامج على صوره معدله مسبقاً ببرنامج الجوال الأساسي

    وكانت النتيجه طيبه الصراحه

    المهم أطرح لكم التجربه كامله بالصور التاليه

    attachment

    هذي الصوره الأصليه صورتها بجوالي HTC m8

    attachment

    هنا الصوره بعد التعديل عليها بالبرنامج الاساسي للجوال + السناب سيد ( له الدور الاكبر بالتعديل بهل صوره )

    attachment

    طبعاً الصوره الأخيره سويت فقط بعض التحسينات الصغيره ومنها تصحيح الزاوية

    أعتذر لصاحبة الموضوع لتأخري بالرد >>>>> كأني أول مره أسويها em_1f606

    شكراً لك مره ثانيه وأنتظر أبداعك القادم

    تقبلي مروري
    الصور المرفقة الصور المرفقة
    • نوع الملف » jpg 1-2.jpg (332.1 كيلو بايت, 265 زيارة)
    • نوع الملف » jpg 1-0.jpg (106.2 كيلو بايت, 275 زيارة)
    • نوع الملف » jpg 1-1.jpg (101.5 كيلو بايت, 257 زيارة)
    اخر تعديل كان بواسطة » H A N A في يوم » 15-07-2017 عند الساعة » 23:46 السبب: رد مميز :)

  13. #12

  14. #13
    وعليكم السلام ورحمة الله وبركاته



    تسلم إيدك هانا
    موضوع كبير ومجهود جبار بصراحة


    أكتر ما شدني في الموضوع حاجتين:
    1. عمل البلور للخلفية
    2. العزل اللوني

    من زمان بتساءل إزاي بيعملوا العزل اللوني للورود والأعلام في الصور وكنت عارف طبعا إنها بالفتوشوب وأنا مليش فيه فكنت بتمنى وخلاص وأروح قالب ع الصورة اللي بعدا laugh

    بس حيث إن في تطبيق حلو وسهل كدا فأحاول أعملها

    شكرا ليكي سهلتيها كتير كدا gooood


    هحاول أنزل التطبيق وأطبق إن شاء الله ولو طبقت هنزل الي عملته إن شاء الله


    شكرا مرة تانية ع المجهود الكبير في الدرس ^_^









    attachment
    تسلم إيدك يا فنان The Lord of Dark على التوقيع والرمزية ^ ^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter