طواحين الزمن
........................
دارت طواحين الزمن
على كل القلوب دارت
دارت طواحين الزمن
على تروس الحياه دارت
آن الحجر
من كتر ما حقه انهدر
داير بينزف من زمان
سير الامل
من بعد ما ضاع الامل
مقطوع وشاهد عاللى كان
غرست سكاكينها
ياقلوب يامسكينها
متسبوها تدور
كرهت محبينها
وعاطيه تاركينها
قاسيه واهى بتدور
لحجرها يوم يتسن
ولا عمرها بتحن
طحانه بس بفن
على كل القلوب درات
دارت طواحين الزمن
على كل القلوب دارت
ويا السيور
كان الامل عمال يدور
عاشق صبا موال قديم
ايام زمان
لما هجر سرب الحمام
قاصد ديار رب الكريم
يومها انقفل بابنا
رحلوا ومش راجعين
فتحوا الكتاب دوبنا
لما انقطع توبنا
دايب قماشه قديم
رب العباد موجود
ولو طريق مسدود
حبل الامل ممدود
مهما الحياه دارت
مهما الحياه دارت
ومداحين فى الموالد
فى الموالد مداحين
مداحين والدمع شارد
عاللى غايب من سنين
روح ياليل روح
قول للقمر يفرح
فجر الكريم طالع
لآلى ياليل لآلى
بكره هتحلالى
وقالوها فى الطالع
بعد الفراق قربه
وانسينا ياغربه
د احنا تعبنا سنين
من يوم م طواحين
الزمن دارت
.............
كتبتها وانا متاثر بروح شاعرنا الكبير الخال عبدالرحمن الابنودى رحمة الله عليه واهديها لروحه الطاهره . من ديوان مركب من ورق 2014
تحياتى لمجلسكم الراقى
الشاعر عماد سمرى
اللقب
سندان الشعر العربى
............
للاستماع للقصيده بصوت الشاعر
للاستماع للقصيده بصوت الفنان ماهر المناعى



اضافة رد مع اقتباس

المفضلات