قصيدة مين اللى قلك
مين اللى قلك قلبى تقيل
وانى بنفض وبالى طويل
وقلبى مليان بالقساوه
وطبعى فى زعلى شخط وغباوه
وانى بمثل دور الهداوه
وانى بضلك مين اللى قلك
مين اللى بلفك عليا وخلفك
قالولك د كارفك
وزى الشريك المخالف
بيخالفك
ولازم تمشيه كضلك فى خلفك
وميدققش خالص
فخروجك وصرفك
لكن لما يخرج ضرورى يقلك
ضرورى يقولك
ضرورى قالولك غرضنا النصيحه
ولا تزعليش من كلمتنا الصريحة
شايفينك جريحه د ميستاهلش
د يعرف عليكى سميحه ومديحه
وكريمه وصبيحه
وللامانه واحده خامسه منعرفهاش
حتى ابقى شمى فى هدومه الريحه
والله ما غرضنا زعل او فضيحه
غرضنا ندلك وقلنا نقلك
وطبعا راح اقعد يومين او تلاته
بصالى كدا من تحت لفوق
اقولك فى حاجه تقولى ابدا
مخنوقه شويه
هقوم اغسل وشى وافوق
اقولك براحتك تقولى
مش طايقنى وتبدا خناقه
وانا معادش ليا طاقه
وانت بتكلمنى بالبطاقه
ولمين الشياكه
وكل يوم ليك حلاقه
بااااس هوس ناقص تقولى
مصاحب معزه فجبل عتاقه
ورافض اقواك مين اللى ضلك
ياستى ارحمينى كفايه وساوس
كفايا شقايا وزمنى اللى دايس
فكرانى هايص
وانا اللى عايش محطم ويأس
وبضحك فى وشك واخبى المراره
ومربوط فى ساقيه والايام جراره
والله ما ليكى عليا يمين
على لسانى سكر ومليان حراره
ومستحرم اقولك مين اللى قلك
.....
[COLOR="#0000FF"]فى هذه القصيده : هذه القصيده من النوع العامى الدارج تتحدث عن القيل والقال الذى يعد نوع من الانماط فى مجتمعاتنا مما يؤدى الى مشاكل اجتماعيه لاحصر لها . نتدرج فى القصيده من فكره لفكره لبلوره موضوع القصيده وابراز شتى النواحى التى تعكر صفو العلاقات الانسانيه على اختلافها من خلال جمع شطرات مرتبه فى حاله واحده ومن ثم نتطرق الى الحاله التى تليها لنختتم قصيدتنا بان الوساوس والاستماع الى الاخرين يحلب الحزن والالم
اشكركم جميعا
الشاعر عماد سمرى[/COLOR]
للاستماع للقصيده بصوت الشاعر



اضافة رد مع اقتباس



المفضلات