اقسى الالم تتلمسه في ثلاثه
مواقفٍ. تشوي الضمير وتشبه
1-حقد الاقارب لاتوارث وراثه
2-وخذلان الاصحاب3- و رحيل الاحبه ً
محمد ال عباده
من لايجمل في المواقف لابته
يجلس مع الانذال دام انه ردي
حمى النذاله في نخاعه صابته
واخاف باان اللاش يعدي الاجودي
محمد ال عباده
اطربوني بالمساحيب وابيات القصيد
لين يسلى خاطري ويتشالا من بلاه
من عذابي ودي اعرف وش اللي يستفيد
يوم يتغلى ويبعد وهو يعرف غلاه
قال نقفل صفحه الحب نبدا من جديد
بعدماعلق خفوق المولع وابتلاه
محمد ال عباده
لا مالت الدنياء وصارت مايله
وصار الوفاء عند العرب متمايلي
عليك برجال الوفاء من ....وااايله
ماينقصر عند...... اللوازم وايلي
.
.خفوقن تحلى بالصبر جعل يجزا خير
عسا الله يعوض صاحبه بارد الجنه
وعسا حاجته لااتعسرت فالها التيسير
وتبطي الليالي السود ماخيبت ظنه
محمد ال عباده
اصمل ولاترخي عزومك لك القوم
والضيق خله عن سواتك يشومي
دوام بذكر الله ماغيره يدوم
ترى كلام الرب يجلي الهمومي
وان كان تبغاراحة البال فالصوم
يومين في الاسبوع والا فيومي
محمد ال عباده
مسا الخير يااعز المخاليق ويش الحال!؟
عسا في حياتك مااتعرضت لمهونه
حرام ان دمعي عقب مااقفيت عني سال
لكن قمت اكابر لجلهم مايشوفونه
ولوطال بعدك ياغناتي وصبري طال
بتبقى غلاتك داخل القلب مركونه
تطمن ترى مااشوف غيرك ولك منزال
حرامٍ علي بغيبتك مايحلونه ✋🏻
#محمد_ال_عباده_الوايلي
المفضلات