السلام عليكم ورحمة الله وبركاته .
اليوم بندخل بيت طبيعي من الطراز الانتقائي ..
حنتجول فيه ونلاحظ لمسات اهل البيت الخاصه بهم ..
و بعيدا عن الصور المثاليه الي نشوفها عاده ..
الديكورات تترتب بشكل مخصوص عشان التصوير ..
اليوم لا .. البيت طبيعي جدا .. حشوف زوايا البيت بكل تفاصيله ..
المكان : كاليفورنيا .
الحاله : مستأجر وعايشين فيه سنتين ونص ..
اهل البيت : متزوجين عندهم طفل واحد والزوجه منسقة حفلات صاحبه هذا الموقع ..
ستايل البيت : انتقائي ، بسيط
نبدأ بالصاله .. الي تقول صاحبه المكان انه اعز غرفه عندها في البيت ..
بعذرها طالعو الشمس فيها كيف ..
الزرع معطي جوو .. والاضاءه خيالل
الالوان متناسقة شدني اختيارها للارضيه من النوع الكوخي
مين عنده شباك زي كذا وماراح يحط زرع ..!!؟
الطاوله الي عاليسار الي عليها الزرعتين .. ستايلها شرقي ..
اما الستارة من نوع الشيير sheer
تنسيق مع الكنب و المدفأه *قلب*..
اللمبه السقفيه نسقوها مع الكرسيين الي عاليسار ..
هالكرسيين اسمهم Mies Van Der Rohe cantilever chairs
cantilever chairs هي الكراسي الي مالها اربع رجلين ..
من ستايل اثاث العشرينات .. والاسم راجع لمهندس الماني امريكي هو الي مصممها ..
حبيت انها مختاره كتب بنفس الدرجات ..
حتى اصغر الاشياء مدققه عليها
تركها للمرايا بهذا المكان اعطى للمدفاءة شكل من الحياة..
الصاله تودي على غرفه الطعام ..
انتبهتو لشي بالطرف ؟
مكان العاب البيبي مناسب .. ماتوقعت على جنب فيه قربعه بزران
وهذا منظر الطالة من غرفة الطعام ~
الكنبتين الي على جنب مره حلوه ..
حبيت هالمكان ..
غرفه الطعام بسيطه جدا ..
عجبني الدولاب الجانبي ..طوله مره كيوت ..
الجهة الثانيه ..
شايفين الدولاب البني ..
ستايله ياباني .. ايش جابه مع ستايل طاوله الطعام !!!
هذا هو الستايل الانتقائي .. نسق على مزاجك ..
المطبخ مقابل للغرفه ..
المطبخ له بابين ..
باب يودي لغرف النوم وباب يودي لغرفه الطعام ..
هذه غرفة النوم
شوفو الزرع شكلو ذي العليه تحبه بجنون مافي غرفه إلا وفيها زرعة او ثنتين حتى المطبخ
حلوه تشرح النفس .. بس اللوحتين ذي شوشت عقلي ..
اكيد انها ناقصه ولسا ما كملوها xD
برضو لمسه ثانيه من لمسات الديكور الانتقائى ..
السجاده غير متنساقه مع المكان .. لكن هذه ميزه هالستايل .
هذه غرفة النوم الرئيسة ومنها نشوف الغرفة الاخرى
حبيت الاكسسوار فوق التسريحه ..
التسريحة من الستايل الريفي ^^
والكرسي الي بالطرف كمان ستايله بحري
ولون الجدار منعش
سرير الاطفال موقعه تمام
عجبتني اللوحات
اعتقد انها لوحات للعناية بالزرع
الهيدبورد حق السرير جميل مره ستايل كوخي ..
اومقق الشباااك والاضاءة
واضح اهل البيت يحبو بيوت اللمبات من الالياف
واخير خلصنا جولتنا في البيت الكيوت
متت عنده ما اخفي عنكم لو كان بيتي ما افكر اخرج منه
لكن مو كل شي نتمناه يصير حقيقة
"همسه" التقرير كلو من تصاميم جمع صور ومعلومات انعمل بثلاث ساعات
اسرع موضوع بالتاريخ
ان شاء الله عجبتكم الجوله وعجبكم الستايل
تقريري الي قبل ماحطيت صورة وحده
كلو معلومات
شيكو عليه
Eclectic Style
في امان الله
المفضلات