ممكن مساعدة في الفوتوشوب

[shoden]

السلام عليكم

ممكن طريقة عمل هذه الصورة



بغيت الدرس لو سمحتوا

باي

[Warm Heart]

عليكم السلام و الرحمه

يامرحبمبج <-----حقوق الكلمه محفوضه لأخوي

قصدج كيف اتحطين صوره في الحروف؟

ولا كيف اتسوين هذي الحركه, قصدي يظهر حرف حرف؟

ممكن توضيح؟

*^_^*

اختج العوده ورموووه

[shoden]

مشكور على المرور

انا قصدي الاثنين

هههههههههه

كيف احطي صورة والحركة

باي

[shoden]

وينكم

ما في ردود ؟؟؟!!!

[Love-story]

وينكم

ما في ردود ؟؟؟!!!

إنتي اللي وينج أختي ..غايبه وكل يوم أشوف موضوعج علشان خاطر الدرسين

[Warm Heart]

سلام عليكم

آسفه على التأخير

كنت اجهز لج الدروس و توني امخلصتنهم

*^_^*

ببتدي معاج من الـ 0 الى الـ 100%

تبعي معاي كمله كلمه ولا اتطوفين ولا حرف

و ابيج اتحطين تطبيقج اهني عشان اشوف اذا درسي نجح ولا لا

*^_^*

<-------------امشغله نشيد ابراهيم السعيد عشان اتركز و هي تشرح *^o^*

نبتدي بسم الله :

افتحي صفحه يديده في الفوتوشوب و لازم اتكون شفافه
File ---------> New و اختاري مثل الي في الصوره (Transparent) جذي:


الحين اكتبي الحرف الي تبينه بأداة الكتابه المأشر عليها
بخط كبير و معقول يبين فيه الصوره و يفضل يدون بلون الاسود جذي:


الحين افتحي اي صوره تبين اتحطينها في الحرف
و حطيها في الصفحه الي تشتغلين عليها على الحرف بالضبط

بعدين شوفي على ايدج اليمين مثل هذي الصوره:

شفتي الخط الوردي؟؟, خليج ضاغطه عليه و اضغطي في نفس الوقت من الكيبورد على Alt
شوفي الحين السهم اتغير شكله صح؟؟ اضغطي بين الطبقتين مكان الخط الوردي في الصوره الي حطيتها, بالضبط في وسطهم
هذا يدمج الصوره في الحرف, و شوفي كيف صار الحرف

الحين كرري كل الي قلته مره ثانيه مع حرف ثاني و في نفس الصفحه.......
خلصتي؟

الحين لازم انروح على الامج ردي عشان انسوي الحركه, تعالي معاي:
شوفي الادوات الي على اليسار, شوفي آخر اداة, هذي:

اضغطي عليها, بيفتح لج الامج ردي

الحين اختاري من القائمه فوق هذا:


بتلاحظين انه بطلع لج تحت هذا:


الحين شوفي على ايدج اليمين هذي النافذه:

شفتي الي امأشر عليه بالسهم؟؟, اضغطي على العين الي موجوده جنب الحروف
مثل ما اتشوفين في الصوره

الحين ارجعي للنافذه الي تحت الي طلعناها هذي:

و اضغطي على الي انا امأشره عليه
بيفتح لج طبقه ثانيه

ارجعي للنافذه الي على اليمين تحت و اضغطي على المربع الي جنب الحرف الاول
مثل ما انا امسويه طلعت العين الي جنب الطبقه اهني:


الحين كرري نفس العمليه للحرف الثاني و خلي الحرف الاول مثل ما هو عليه الحين
ابتدي من اهني:

الحين ارجعي للنافذه الي تحت الي طلعناها هذي:

و اضغطي على الي انا امأشره عليه
بيفتح لج طبقه ثانيه

ارجعي للنافذه الي على اليمين تحت و اضغطي على المربع الي جنب الحرف الثاني
مثل ما انا امسويه طلعت العين الي جنب الطبقه اهني:

الحين بنتحكم بالحركه, يعني انطلع حرف و بعده الثاني
شفتي نافذة الانميشن الي تحت الي فيها الطبقات؟؟
مكتوب تحت كل طبقه 0 sec صح؟؟

ابتدي من الطبقه الاولى اضغطي على الصفر و اختاري مثلا" 0.5
مثل هذا:

و غيري الــ0 الي في كل الطبقات الي عندج الى 0.5

الحين اختاري اول طبقه الي على اليسار
و اضغطي على المثلث الي تحت الطبقات مثل زر الــplay في فيديو بيتكم

و شوفي كيف الحركه صارت

و عشان اتخزنينه روحي للقائمه فوق جذي:
File ---------> Save Optimized As
و خزنيه وين ما تبين

و حملي الي سويتيه هذا عشان اشوف تطبيقج
و انت بعد يا Love-story طبق و راوني تطبيقك
*^_~*

شوفي تطبيقي و شغلي و انا اشرح لج:

*^o^*
كوووووووووول

ان شا الله شرحي يكون واضح , و افدتكم بشي

بنتظار تطبيقاتكم...............

اختكم ورموووه

[shoden]

مشكووووووووووووووورة

وانشاء الله اسوي التطبيق واحطه

[shoden]

التطبيق في المرفقات

[Warm Heart]

shoden

العفو حبيبتي لا شكر على واجب



ما شا الله عليج

تطبيق ممتاز و اكثر

*^_~*

انا سعيده اكثر منج ابهذا التطبيق

لاني قدرت اساعد بشي

*^_^*

و اذا في اي شي ثاني اتحبين تتعلمينه نحن حاظرين للطيبين

لا تترددين بالسؤال و نحن ما بنبخل عليج بالي انعرفه ابداً

اختكم العوده ورمووووووه

[Thierry Henry]

مشكورة اختي ورمووه ماقصرتي وأنا قبل أقول اشلون يسوون جذي
كنت اعتقد انهم محترفين طلعت سهله جذي وأنا مادري شكرا مره ثانية

[Warm Heart]

مشكورة اختي ورمووه ماقصرتي وأنا قبل أقول اشلون يسوون جذي
كنت اعتقد انهم محترفين طلعت سهله جذي وأنا مادري شكرا مره ثانية

عفواً اخوي لا شكر على واجب

هذي شغله سهله ما يبيلها شي

يلا طبق الطريقه و راونا انجازك

*^_~*

ولا يهمكم بناخذ ايدكم للإحتراف كثر ما نحن نعرف في عالم الفوتوشوب

*^_^*

اختكم ورموووه