كح كح..
انا اجيييت..
المهم نسولفلكم.. بما انه أمس أول ايام العيد..
اخر ايام رمضان طلعنا كل العائلة بنزهة وافطرنا بحديقة وسهرنا سهرة خفيفة هناك واحتفلنا بعيد ميالد اختي اللي كان مخلص اصلا من خمس ايام
وروحنا وانا قعدت اعزل وانضف هاي تعزيلة العيد لاني الوحيدة اللي ما شتغلت بالنهار>> مشغولة بالنوم
ولما خلصت وكله تمام قال بحكي بمخي يلا باقي للفجر اكيد ساعتين او ثلاث بقعد شوي عمكسات واخد حمام وكدا المهم ما قلت الجملة ولا "الله اكبر الله اكبر" وأعطيت فيها نظرة
بعدها اخد حمام سريع وصليت وقعدت قدام اختي زي المزهرية
وطبعا بس اكون زهقانة الزم اتبايخ عحدا.. فكان نتاج بياخاتي نظرة الاخت النارية..
وبعدها رنيت عاخوي وقلتله يجيب شاورما.. يب يب شاورما عالشروق اه عادي
الحوار:
- الوو اخوي
- خير انا مطول تحكوليش روح هلا
- بعرف انك قريب بتيجي وبتجيب معك شورما الي ولاختك
-بديش مش فاضي
- بااباااااا
-خلص اسكتي هيني جاي حسبي الله
- يسعدك حبيبي
واجى وجاب الشويرما وطبعا ما عطيته حق الاكل قلتله يلا توكل هاي عيديتي
وبعدها نمت وصحيت عالظهر افطرت >> ولسة بدك تاكلي *كف*
واجى أعمامي وصار يحكوا: شو يا أميرة باي صف صرتي
انا: ثالث ثانوي (توجيعي)
العم: اوو لازم تشدي حيلك
أنا(in my mind): حسبي الله لازم تزكروني
وراحوا واجت بعدهم خالتي وخلتنا ناكل (فسيخ>> سمكة تاكل نية) صراحة كانت زاكية بس ماااالحة
وبعدها ابناء عم والدتي وراحوا وبعدهم اجى خالي وضل قاعد قاعد وقاعد وقاعد >> جد طول هلا انتبهت
فالمهم محبيتش اقعد معهم هو واولاده فقمت ودرستلي شوية ولما طلع طلعنا وراه لعند خالتي وهناك بدأت الأحداث..
وصلنا لعند خالتي وطبعا اخدنا معنا خالتي الاولى وسلمنا وقعدنا عالمرجوحة انا واختي وبعدها اجت زوجة ابن خالتي سلمنا عليها وقعدنا نسولف معها>> اوفر كيوت هالمخلوقة
وبعديها اجى ابن خالتي اللي هو زوجها طبعا انا مش فاضية اسلم ولا احكي كنت بصور دي..
فبعدها قعد هو واخي واختي وزوجتي وانا.. فوهما يسولفون وهمست ل اخوي : شو رايك تقطفلي هالوردة
صار يحكي ابن خالتي >> بعرفش كيف سمع: عشان ابوي مش بس يذبحك عشان يشويكي كمان...
قلتله بغرور: اصلا انا بنته حنان ما بحنلّه يرفضلها طلب
* طبعا اسمي مش حنان بس هو بناديني حنان
وصرنا نضحك
وبعدين دخلنا لجوا عند خالي وخالاتي واولاد خالي وزوج خالتي..
وقعد يسولفوا بالجن والدين والاحلام >> لا اله الا الله عشق عندهم بهالمواضيع
وصرنا نرمي لبعض نكت احنا ابناء الخالات والكبار يموتوا من الضحك وهكزا استمر الامر حتى صارت الساعة وحدة وروحنا..
لسة لسة في اشي اخطر من كدا..
فبما انو ما ذكرت انو امي الله يخليها طبخت بالنهار منسف اكلة لا اطيقها
قلت خلص بعزم امي واختي وخالتي عبيتزا واطلبنا واكلنا وللان ياحسرتي كليتي مشلولة منها>>عشان اكلت بكمية غير معقولة الجوع وما ادراك ما الجوع..
وبهكذا انتهى يومي.. الله يستر شو يسير احداث اليوم
المفضلات