خلص الدور
سيب المسرح هاخد جرحى فى ايدى واروح
لو حتى هنزف هطوح وانت ابقى افرح شوفلك مطرح
غير قلبى انا قلبى اتجرح
بينى وبينك قصه وخلصت وادى تذكرتى راح اقطعها
اصل الفرجه ياخاين خلصت هلم عروقى اللى مقطعها
وهسيبك انت وجمهورك ترضى غرورك
تخدع غيرى العرض الجاى
اسبك دورك ارضى حضورك خلى الدمعه تغش الناى

ديه هوايتك وانت حاببها وبارع فيها
حتى فوقت الغدر بتضحك بتعيش اللحظه تمثل فيها
كله يصدق ويسقفلك من كتر التمثيل بنقفلك
لحد قلوبنا مانبضها يهلك

موضه كدبك مبتقدمش فستان غشك متكرمش
واحنا بشر مبنتعلمش ولا بندقق

دى غريزتك وانت بترضيها
حاجات جواك نقصاك بتعوض فيها
دى صفات فيك هتعيش بيها وهتموت بيها
قلوب الناس اتعودت تلعب بيها تكدب كدبه وبتعيش فيها
وتبرر فى الكدبه وتشرح
خلص الدور سيب المسرح هاخد جرحى فى ايدى واروح
...................................
كلمات : الشاعر عماد سمرى
موسيقى : سلطان عياد
ديوان مركب من ورق
..........
للاستماع للقصيده بصوت الشاعر