امتحنت عواطفى فيكى
.....................................
امتحنت عواطفى فيكى
ترم حب وترم خوف
اخدت تقديرى فى عنيكى
وشلت ماده الظروف
النتيجه يوم ما طلعت
قولت اجيبلك الامتياز
اخدت شعره من رموشك
بيها كسرت الاقزاز
اخدت كشف من الكشوف
لقيت نصيبى كالمعتاد
مش بس ماده الظروف
سقطت فى جميع المواد
بس ايه يعنى السقوط
دا وسام شرف فى محبتك
فداكى سنه مالعمر تفوت
وانجح فى ماده رقتك
يا ام شعر طويل مدرج
قالوا على حسنك سكاشن
رابع سنه وانا بين ايديكى
بمتحن عواطفى فيكى
....................................
كلمات : الشاعر عماد سمرى
قصيده من ديوان : مركب من ورق
موسيقى : سلطان عياد
للاستماع للقصيده بصوت الشاعر



اضافة رد مع اقتباس



المفضلات