مشاهدة النتائج 1 الى 17 من 17

المواضيع: جروح زمان

  1. #1

    جروح زمان

    [GLOW][COLOR=white"]هاااااااااااااي

    هذي اول مره راح اكتب فيها قصة من تاليفي واتمنى تعجبكم


    وبتكون باللهجة البحرينية (خبركم البنت بحرينية وتتفاخرعليكم )



    العنوان : جروح زمان


    اول شي راح نتعرف على الشخصيات :_


    شيماء : بنت حلوه و مزيونة وجميلة وجمالها بريء وهي بيبي فيس مثل ما يقولون و مرحه وااايد و غشمرجية وشطوره بالمدرسة عمرها 15 سنه والكل يحبها وينجذبون لها ولشخصيتها

    أحمد:يكون اخ لشيماء و هو هم و حلو واسمراني كوووووووول عمره 17 بس ضعيف واايد و طووويل ما يذاكر زين بالمدرسة عكس خويته devious

    جاسم: من اعز ربع احمد و بنفس عمره بشرته برونزيه وطولة تمام وسيم بجسم رياضي عيونه واسعه وياخذ له ملامحه حلوه واايد و مرح و خفيف دم بدرجه ويحب اليهال

    محمد : اخ شيماء الاكبر و عمره 23 سنه

    حسين : من ربع محمد وعمره 23سنه

    عبد الله : رفيج لاحمد و جاسم بس اصغر منهم وعمره 16 سنه

    منى : رفيجة شيماء المقربة وبنفس عمرها وتحكي لها كل اسرارها

    علياء : بنت خالة شيماء وتوامها فاطمة و الثنتين من اقرب الناس لها وبنفس العمر

    مرام : اخت منى ورفيجة شيماء العزيزة الي ما تستغني عنها مع انها اصغر منها بسنتين

    سمر : بنت خال شيماء واحمد عمرها 11 سنه بس ما شاء اله بعقل امراة مثل ما يقولون هههه

    علي : اخ لسمر وعمره 8 سنوات كيووووت وابيضاني و شخصيته تكسر صخر

    وطبعا في شخصيات وااايد منتعرفها من القصة مثل ابو محمد وام محمد ابو جاسم و ام جاسم و غيرهم ...



    ونبلش في القصة اللي راح تكطون باجزاء اتمنى تعجبكم واتمنى تتابعوها





    [/COLOR][/GLOW]
    اخر تعديل كان بواسطة » DaLoOo3a_W_NoS في يوم » 03-12-2005 عند الساعة » 15:41
    0


  2. ...

  3. #2

    الجزء الاول من جروح زمان

    [GLOW]


    توعت شيماء من الفجر بالساعة 3 الصبح ودقت على رفيجتها منى
    شيماء بصوت خشن : هلااا
    منى : يمه خرعتيني شفيج
    شيماء: ما فيني شي اسال عنج
    منى : بهالوقت عااد ؟؟
    شيماء: عااادي هذي من حبي لج لكن صج مب ويه حشيمه
    منى : افااا يا شيووووم
    شيماء : اتغشمر
    منى : شفيه صوتج متغير
    شيماء : من الرقده بعد من شنو
    منى : اوكو سوري بتاكليني
    شيماء : زين فكينا شتبين ؟؟
    منى : مب انتي اللي اتصلتي ؟
    شيماء : اي نسيت .. تعالي انا شبي منج
    منى : صج هبلة الحمد لله والشكر
    شيماء :بلا استعباط .. اي ذكرت انا متصلة ابي اقووول لج ان اليوم اول يوم من العطلة الصيفية ولازم انه نتونس فيه
    منى : قديمه
    شيماء : منا عارفة يا ستي
    شيماء و منى يضحكووون
    شيماء : ابي اسالج يعني شنو نسوي ؟؟
    منى : امممم شرايج نروح البحر
    شيماء : هذي موتج بس تدرين شلون مب حلو البحر عناد خخ
    منى : اوفف
    شيماء : اوكو بصراحة مالي مزاج للبحر شرايج نروح نتسوق نروح المول يعني
    منى : اي والله تمام وبعدين تنزلين ببيتنا وتتعشين معانا
    شيماء : تمام والله
    منى : اي والله وناسة بيكون
    شيماء : متولعه اوووووي
    منى تضحك وهم شيماء
    منى : تعالي منو بيودينا ؟؟
    شيماء : جوزك يا مدام مومو
    منى : هههههههههه شيووووم اتكلم عن جد
    شيماء : ما داري احنا هبلان جهزنا الدوا قبل الفلعه
    منى : عندج حق هههههههه
    شيماء : ما عليج بقوووول لاختج بتووسط لج عشان تاخذنا على الموول
    منى : مراام ؟؟
    شيماء : لا لا اقصد اختج هدى ( هدى اخت منى وعمرها 19 سنه )
    منى : اوكو بس منو بينزلج لبيتنا عشان تقولين لها ؟؟
    شيماء : بقووول لاخوي محمد ينزلني عندج كل شي عندي ايزي
    منى : اوكو يلا باااااي ابي اكمل رقادي
    شيماء : بمر الساعة 9 بعد شوي اقصد بعد 6 ساعات ههههههه
    منى : زين ذكرتي ان الوقت من بدري
    شيماء : هههههههه عاادي اوووكووو سي يا
    منى : باي
    سكرت شيماء الجوال و رقدت لها اربع ساعات ولمن دقت الساعه 7 غسلت ويها ونزلت من غرفتها على الصالة
    ام محمد : هلاااا بنيتي صباح الخير شيووومي هلا والله
    احمد : بدينا دلع من الصبح
    شيماء: وانت شعليك تغار اكيد صح
    احمد : وي على شنو اغااار
    شيماء : علينا هالسوالف احمدو
    احمد : للاسف ما احب اكلم ناس من المصحه
    ام محمد : يلا تفطرو وبلا لعب عيال
    شيماء واحمدبصوت واااحد : احسن لي بعد
    وراحوو تفصطرو وعلى الفطوور
    محمد : هااا شوشو شفيج تطالعيني تبين تقولين شي
    شيماء :هاا لا ولا شي
    ابو محمد : قولي يا بنيتي هذا اخوج شتستحين
    احمد : هذي ما عندها حياء اصلا
    شيماء : يا شين اللقافة والملقوفين
    احمد : اسكت احسن
    شيماء : يكون افضل
    محمد : زين بسكم شتبين قولي
    شيماء : ابيك توصلني لبيت رفيجتي منى
    محمد: هذا بس؟؟ اوكيي بس بشرط
    شيماء : شنو بعد ؟
    احمد : قرعه ويتشرط خخخخ
    الكل يضحك
    محمد : انج تباتين معاهم نفتك منج شوي ملينا
    احمد يرفع ايدينا مثل واحد يبي يدعي ربي : اللهم ربي اني اتوسل اليك
    شيماء : لا والله
    محمد : كنت اتغشمر
    احمد : خسارة كنت اتمنى تروح
    رااحت شيماء تلبست عشان تزور رفيجيتها فشنو راح يصييير
    انتضروا الجزء الثاني ...
    [/GLOW]
    0

  4. #3
    0

  5. #4

    الجزء الثاني من جروح زمان



    شيماء ومحمد بالطريق ( في السيارة ) يتكلمون خلونا نشوف شيقووولون
    وشيماء كانت بالسيارة ساكته
    محمد : ها شوشو وين وصلتي بالتفهي ( مفهي = سرحان باللهجة البحرانيه )
    شيماء: وصلت هولاي
    محمد : بل بل طموحة وااايد
    شيماء : لا والله انه اصلا قدري مب اقل من هيك
    محمد : هههههههههه زين كنت اتغشمر
    شيماء : مقبووولة و بس هالمره
    محمد : شييوم اسالج سؤال ؟؟
    شيماء : كلي اذان صاغية
    محمد : خخخ شرايج بالحب
    شيماء طبعا ما كنت تحب ولا تفهم في الحب لانها ما قط مره جربت طعمه ( هذي شوربة ولا حب ما يندره )
    شيماء بكل ثقة : هااا حموود شتقول انا ما احب ولا شي ولا اعتقد ان في شي اسمه حب اصلا كلها خرابيط مراهقين شغلات كلش ما تهمني
    محمد باستغراب : صج والله ؟؟ يعني ما تحبين ولا تؤمنين بالحب حتى
    شيماء: لا شفيها يعني
    محمد : لا بس غريبة على بنت في عمرج
    شيماء ببرود :لا غريبة ولا شي اصلا انت ليش فاتح هذا الموضوع بالذات ؟؟
    محمد : انا كنت بقول لج شي بس دامج ما تؤمنين بالحب خلاص
    شيماء : لا قووووووووووول امنت به الحين
    محمد : امني بربج احسن لج بلا لقافة يا المصلحجية هههههههههه
    شيماء : هههههههه صج انه عيارة
    محمد : يلا نزلي فجي اكا وصلنا بيت رفيجتج
    شيماء : يه بهالسرعة
    محمد : اي يلا بسرعة ابي ارد للبيت
    شيماء : يبا كليتني بااي

    نزلت شيماء ودقت جرس بيت رفيجتها منى

    هاني : من بالباب ؟؟
    ( هاني اخ لمنى و عمره 21 سنه )
    شيماء بتفاخر : شيووووووووم رفيجة منى
    هاني : بسم الله الرحمن الرحيم
    شيماء : شنو جدامك جني ؟؟
    هاني : لا بنوتة امر( قمر )
    شيماء : صد عني و ناديلي منى
    هاني وهو يقرب راسة من شيماء : حاضر يا بعد عيني
    شيماء : وي مالت
    راااح هاني وهو يغني : ناديني تلاقيني بحبك ودايبة فعنيك ....

    وشيماء تمت مكانها تنطر رفيجتها منى و هي تضحك لان صوووت هاني كان مضحك وهو يغني

    وطلعت من بعد دقايق منى وهي متشيكه ومعاها اختها مراام و اختها الكبيرة هدى
    وركبو ا كلهن جوا السياره خخخخ
    وفي الطريج ..

    منى : ها صح ما قلتو وين منروح اي مجمع ؟؟
    مراام : الدانه او السيف هذي افضل شي
    منى : العالي هم حلو
    هدى : ها شقلتو بسرعه يا صبايا
    شيماء: بصفتي مستشارة شباب الغد اي ديسايد
    منى وهدى ومراام : شنو قررتي قولي خلصينا ؟؟
    شيماء : بسم الله علي
    منى : شنو راي مستشارة شباب الغد
    شيماء: امممم السيف واذا ما عجبنا التشكيلة نغير
    هدى : بسيطه انتي تامرين امر

    ولما وصلو المووول..

    منى : ياااااي ماكو ناس وااايد
    شيماء : صج فلته والله
    هدى : يا حضي النايم على جبدة خمايم ( يعني يا حظي النايم في وسط الزبالة خخخخخ مصطلح عند الكبار في لسن عندنا بالبحرين ) الصبح ماكو ناس واايد تسوق
    مراام : هبلان ما ينشره عليهم
    منى و شيماء : اهااااا ههههههههههه

    و دخلوا علىMONSOON وكانت التشكيلة مب بذاك المستوى
    شافو علب للجوليري واشياءات واايد بس ما كنت مره حلوه
    شيماء : يه شذا ماكو شي حلو كل شي شين
    600201
    600405
    600213
    600511
    600701
    600703x
    600725
    651277
    687151x
    شوفو بنات
    599035
    هذي النعل زين لاحمدي للبيت ههههههههه
    599028
    وهذا للفريج ههههههه

    منى : عن جد يناسبون خذيهم له
    مراام : اي صج حلوين يعنو
    شيماء : اوكووو
    منى: لحضة مب هذا اخوج ؟؟ اللي هناك وااقف يم الولد اللي لابس بلوزة سوده بس كيوت
    شيماء : اي صج هذا هو شجيبه شجابة ) هني ؟؟
    هدى : يبا ممكن ياي يشتري
    مراام : كل شي جايز
    شيماء : اوكو برووح له دقايق وبرد
    منى : بس يمه بوي
    شيماء : اي والله استحي بس لقافة ابي اعرف ليش ياي
    مراام : تعالي اقول لج وقفي يمه شوي بيسلم عليج هو
    شيماء : تقصدين من ؟؟
    مراام : اخوج من غيره بعد
    شيماء : عبالي رفيجه بعد
    مرام : لا عاد ههههههههه اوكو يلا منوقف يمه جريب منه على الاقل

    احمد : شهلحلى شوشو
    جاسم : تعرفها ؟؟
    احمد : سد حلجك خخ
    جاسم عباله بنت عااديه ما يعرفها فقال: هلا والله بالزين كله
    احمد : يالاهبل ذي اختي
    جاسم : بل شهالفضيحه ههههههههههه
    احمد : ما عليج منه ها شيوووم ليش هالنعل حملتهم معاج
    شيماء بخجل : عجبوني قلت اشتريهم لخوووي احمدي
    احمد : ههههههه اوكي عطيني اياهم وروحي مع ربعج بااي
    شيماء بدلع : يمه شبلاك خرعتني
    احمد : لا ولا شي بروح مع رفيجي مشكوره توصيني بشي
    شيماء : ولا شي غيرسلامتك


    وطلع جاسم واحمد يدفعون النعل وطلعو بره

    مرام : شحليلة اخويج
    شيماء تبينه ما يغلى عليج
    مرام : ههههههه لا اتغشمر
    شيماء : منا عارفه يا ستي

    وكملو تسوقهم

    نرجع للبويز

    جاسم : اقوول احمد
    احمد : نعم يالجمسي شبغيت ؟
    جاسم : هاذي اختك عن جد؟
    احمد : لا هذي حماتي شنو يعني اكيد اختي
    جاسم : ههههههه لا بس اقوول احلى منك بواايد
    احمد : لا انه احلى
    جاسم : هههههههههه انت هم حلو وهي حلوه شرايك
    احمد : الحين عدل
    جاسم : ههههههه
    احمد : بس تعال لا يكون احم احم
    جاسم : شنو لا لا بس عجبني ستايلها خخخ
    احمد : اي بس هذي شرانيه
    جاسم : هههههههه ما يبين عليها
    احمد : بس هي جذي من تحت لا تحت ههههههه
    جاسم : والله ؟
    احمد : اي زين خلنا من بلاويها و تعال نروح نقز
    جاسم : اوكو بس الله يهداهم البنات ما ياخذون الرقم ما ادري ليش
    احمد : بعد من طلب العلا سهر الليالي
    جاسم : اي مشورتك وهداية الله نكمل المشوار وامرنا لله
    احمد وجاسم : هههههههههههههههه


    يتبع في الجزء الثالث
    اخر تعديل كان بواسطة » DaLoOo3a_W_NoS في يوم » 04-12-2005 عند الساعة » 16:19
    0

  6. #5
    0

  7. #6

    الجزء الثالث من جروح زمان

    الجزء الثالث



    جاسم واحمد يتمشوووون بالمجمع والساعه 7 بالمغرب( فااضين مثل كل الشباب والهدف هو الترقيم ) وطبعا البنات اكيد رجعوا للبيت من سنين

    جاسم : احمدووو مليت ويوووووووووووووووعان ميت
    احمد : مالت عليك ما يهمك الا هالبطن
    جاسم : اذا ما يهمني بطني يهمني الكشه المنفوشة فوق راسك يعني ؟؟
    احمد : لا طلع البوي يغار من شعري بعد
    جاسم :انا الجسمي اغار من عش العصافير
    احمد : مشكل مشكلني حره لكن تدري شلون روح اترس بطنك افضل
    جاسم : وانت ما بتيي معاي
    احمد : بلى مجبووور
    جاسم : اوكو يلا على الريستورانت يلا
    احمد : الحمد لله والشكر


    ولما وصلوا المطعم :-
    احمد : اكا احنا في المطعم يلا شتبي تامر على شنو
    جاسم : اول شي يكون العشاء بحسابك
    احمد : وهذي قبلناها والثانيه
    جاسم : ثانيا ابي ............................ ( يعني طلب الا طلبه )
    احمد : بل حشى هذا بطن ولا براد
    جاسم : لا هذا قدر كبسة لووووووووول
    احمد وجاسم طلبوا اللي يبونا و نطروا ييبون العشا
    احمد : تصدق انت مثل اختي شيماء بالضبط
    جاسم : صج
    احمد : اي شفيك متخرع
    جاسم بارتباك : لا ما فيني شي
    احمد : الا فيك ابصم بالخمسة وبعدين تستحي مني قووول يلا
    جاسم : بصراحه آنه ح ب ي ت ها
    احمد : من صجك ولا تتغشمر
    جاسم : لا والله اعتبرني مجنون فيها ماشاء الله ابدع الرحمن مثل ما يقووولون العيون الواسعه هذي اللي تجنن و ما تبيني امووووووت فيها احمد ارجووووووووك قول لي اجوووووووووووووووك
    احمد : بسم الله الرحمن الرحيم مانا مصدق يا جاسم شقول لك
    جاسم : قول لي اي شي عنها قووول لي اهي تحب ولا لا طمني قلبي اذا كنت تحس برفيجك اذا تحبني عن جد قوولي
    احمد : انه ما عمري سالتها ولا تكلمت معاي عن ذي الموضوع واذا تبيني اسالها بسالها من عيوني بس لانك غالي على قلبي يا جاسم
    جاسم : ما عليك قصووور ميدو بس طلب ثاني ممكن
    احمد : قول يبا انت تامر امر
    جاسم : ما ابيها تعرف اني احبها اقصد انجنيت فيها
    احمد : هذي بس دام فيها عياره خلها علي
    جاسم : الله يخليك لي يا احمدي الله يخليك


    ونرجع للبنات في بيت منى بيت ابو هاني

    ام هاني :يلا يا بنات تبون تتعشون الحين؟
    مرااام : انه يووعانه وابي اتعشى يمه
    شيماء : وآنه بعد يالخالة بمووووت من اليووووع
    منى : اقووول روحو مع امايه عشان تساعدوها
    مرااام : وانتي ؟؟
    شيماء : عبالها بنت كونداليدا رايز الحين
    منى : وي الحين عااد الليدي جوانا احرجتني
    مراام : مالت عليكم ثنتينكم تعالي شيوووم نساعد امايه ووخلها تولي
    شيماء :اي والله افضل

    طبعا منى فكت منهم وقفلت باب الغرفة ودقت على علاء .. ( علاء انسان طيب وعلى نياته ما عنده سوالف بنات غير انه حب منى بصدق واخلاص وعازم انه يخطبها لمن يكبروا شوي علاء عمره 19 سنه ويدرس بالجامعه اول سنه له )
    منى : الوووووووووووووو
    علاء : هلا والله هلا بالغالية
    منى : تسلم علائي
    علاء : العفو مومو شخبارج حبيبتي شخبارج مع الدنيا ؟؟
    منى : تمام يا حبيبي انه بس اسمع صوتك ترووووووح كل همومي يالغالي
    علاء : ويعل عيني لفداج يالغالية
    منى : احرجتنيي علائي
    علاء : احرجتج هههههه
    منى : شوية
    علاء : هههه اوكي حبيبتي ابي اشووفج وحشتيني مووووووووووت زمان ما شفتج صار لي شهر ما شفت عيونج وناضرتها
    منى : اوكي حبيبي احاول بفكر في الموضوع
    في هاااي اللحضة كانت هدى تفتح الباب
    منى : بااااااااي حبيبي اختي هني باااااااي
    وسكرته
    هدى دخلت وسكرت الباب وراها
    هدى : منى ليش تخبين علي وانه اختج الكبيرة ؟
    منى بارتباك: ش ش ش شنو اخبي عليج
    هدى : سالفة علاء
    منى : اي علاء واي محمد حبيل (لوووووووول)
    هدى : على ما يبدو السالفة معاج ما تنفع جذي تقوولين لي ولا شلوون
    منى : ها شتبين قلت لج ما في شي وبعدين بلا لقافة اكا انتي تحبين ولد عمي هااني
    هدى : يعني تحبينه ؟؟
    منى : شنو احبه وشنو خراابيط ولا اكل بلاطيط
    هدى اتقربت يم منى و قعدت على الكرسي : منى انتي خويتي وانه اختج الكبيرة وانه ما ودي احرمج من الحب وانه اصلا احب واعترف اني حبيت هاني وللاسف من طرف وااحد والغلط اني ما حسسته بهذا الحب لكن ابي اكون مع اختي اساعدها وكل شي معاها احنا اخوات والفارق السني بينه مب كبير واايد
    منى حست بالثقة لاختها اكثر وصرخت بصوووت عالي حتى الجدران تسمعه احبــــــــــــــــــــــــــــــــــــــــه زين



    يتبع في الجزء الرابع
    0

  8. #7
    مشكورة خيو على القصة

    وانا بنتظار الجزء الرابع
    0

  9. #8
    0

  10. #9
    الجزء الرابع


    هدى : ياااا سلام على الحب
    منى : اوووووووو عن الرمسه هديوو
    هدى : زين زين
    منى : اي تعالي ليش يايه الغرفة اصلا
    هدى : اوووووووووه تصدقين نسيت عشان تنزلين للعشا
    منى : بل راحت علينا بيذبحونا شيماء ومراام الحين
    هدى : اي والله عفاريت مب بنات
    هدى و منى : هههههههههههههههه

    ونزلو للعشا وفي العشا :_

    شيماء : توها الناس يبا
    منى : اكرمينا بسكووووووووتج لو سمحتي
    شيماء بدلع: يمه خاله شوفيها شتقووووووول
    ام هاني : اله يهداج يا منى تسووين جذي للورده الناعمه هذي خلف جبدي
    مرام : يمه ترانا انغار
    الكل قام يضحك
    وكملو عشاهم خلوهم يتعشون براحتهم ونروح نشووف الشباب شيسوووووون
    الشباب كانو رايحين عند بيت جاسم بيت ابو جاسم
    دقو جرس الباب
    فاطمه ( اخت جاسم وباول ثنوي ) : من
    جاسم : فجي يبا وفتحي الباب
    واحمد بيمووووووووت من الضحك على العصبية اللي كان جاسم فيها
    فاطمه : خرعتني جسمو شبلاك
    جاسم : اقوول فتحيه احسن لج بسرعه
    فاطمه : زين زين
    ودخلو وعلى الغرفة دايركت
    وبغرفة جاسم
    احمد : شفيك معصب يبا
    جاسم : ما فيني شي سلامتك
    احمد :جاسم اكلمك عن جد شفيك
    جاسم : ما ادري يا احمد ما ادري
    احمد : شنو اللي ما تدري به
    جاسم : احبها يا احمد احبها شوشو عمري حياتي شوشو حضن الدفى الي كنت احلم فيه
    احمد : و..
    جاسم : ما ادري قلت لك ماادري
    احمد : زين زين اقعد وهدي
    وقعدو على الكنبات
    جاسم : ابي اكلمها يا احمد ابي اسمع صوتها
    احمد : بس
    جاسم : بس شنو ابي اسمعه بس عااااد
    احمد : زين حاضر عمي
    جاسم : ووواو صج يعني وناسه
    احمد : هههههههه عيار طالع علي
    فجاة يرن جوال احمد
    احمد يشووف ان الرقم لاخته شيماء
    احمد : اخذه هذي هي وفي الوقت المناسب كلماه على انك انه
    جاسم : شقوول
    احمد : بسرعه تصرف
    جاسم : زين زين
    وخذا الجوال ورد عليه
    جاسم : هلا
    شيماء ما كانت مركزه من الفرضى والبنات واصوات روتنا ببيت ام هاني فما ميزت ان هذا مب صوت احمد اخوها
    شيماء : هلا احمدي وينك
    جاسم : آنه هني مع رفيجي شتبين حياتي
    شيماء : اووه والله بعد من قدي حياتك ها
    جاسم : انتي اكثر من حياتي انتي نضر عيني اصلا
    شيماء : احمد انت صاحي ؟
    جاسم : اكيد
    شيماء : اقووووووول فارج احمدي ابيك تمرني بسرعه اووكو
    جاسم : حاضر يا بعد عيوني عسى عيني تذوب من حلاج
    شيماء : الحمد لله والشكر
    جاسم : ههههههههههههههههههه
    وسكرت شمياء الجوال

    احمد : ها شقالت
    جاسم : ما عرفتني
    احمد : اها وشتبي
    جاسم : تبيك تمرها
    احمد : اهاا عيل استاذنك
    جاسم : لا تنسى اللي وصيتك عليه اوكي
    احمد : انشاء يلا بااي

    وفي البيت في بيت ابو محمد كانت الساعه 11 بالليل
    شيماء بغرفتها تكتب خواطر
    دق احمد على الباب

    احمد بهدوء : شيماء ابيج بسالفه ضرورية فتحي الباب
    شيماء استغربت لكن فتحت الباب من باب الفضوول واللقافة لا اكثر
    شيماء : نعم شتبي خرعتني
    احمد : ابيج بسالفة بيني وبينج واحنا اخوان واعتبرينا خوات الللي تبينه
    شيماء : اوكو يا ست حميده تفضلي
    احمد : لا عااد ما قلتي الا حميدة ههههههه
    شيماء : زين خلصني ادخل وقول اللي عندك
    دخل احمد وقفل باب الغرفة وقعد على الكنب
    شيماء تيووود وسادتها : يبا خرعتني شفيك
    احمد : هههههههههههههههه يبي لج صوره جذي لا تخافين يبا هي بس كم سؤال واحنا طالعين من عندج بس
    شيماء : زين قوول تفضل
    احمد : شيماء تحبين ؟
    شيماء تطالع احمد وفلعته بالوساده : الحين هذا السؤال المهم اقوول مالت
    احمد : مب آنه قلت لج لا تخافين
    شيماء : زين اصلا ىنه ما كنت خايفة
    احمد : باين هههههههه
    شيماء : تطنز علي ها ؟
    احمد في قلبه : افا كان يصفعني الجسمي ههههههههه
    شيماء : شفيك ساكت
    احمد : انطر جوابج
    شيماء : لا ما احب
    احمد في قلبه: ( زين واايد زين هذا اللي نبيه )
    شيماء : انت شفيك كله مفهي وبس
    احمد : ها مافيني شي .. وولو في احد يحبج يعني شتبقولين له يعني شراح تكون ردة فعلج ؟
    شيماء : ولا شي اصلا آنه ما اعترف بالحب ولا اهتم به كله هبل وخرافات اساطير فاهم يعني شنو اساطير مجرد اوهام واللي يحب هذا وااحد باعتقادي مينوون
    احمد : افا
    شيماء : افا على شنو
    احمد : ها لا ولا شي مشكوووره يلا كملي رقادج وفكيني وفلعها بالوساده وطلع
    شيماء بقلبها : بل هذا شجيبه اليوم اصلا وليش يسال ما اكون شيماء اذا ما عرفت اللي بباله
    احمد على السرير ويفكر شراح يقوول لجاسم اذا ماكانت تقدر الحب وتعتبر العاشق الولهان مثله مينوون راااح يتحطم اكيد


    يا ترى شبيقول وشلون بيتصرف تابعونا في الجزء الخامس
    0

  11. #10
    واااااااااااااااو

    قصه ووووووووووعه تسلمين

    بانتظار التكمله
    0

  12. #11
    هاي والعفو على الرد خيو وبما اني تاخرت شوي راح انزل جزئين لعيونكم



    الجزء الخامس


    الساعه ال10 في بيت ام محمد

    احمد توعى و غسل هز فيس ونزل بالصالة
    احمد بدلع: هلا يمه هلا بالغلا صبحج ربي بالهنا يمه
    ام محمد : يه يهالزين والحلا اول مره تصبح بخير
    احمد : افا يالغالية اسف والله لي قصرت والله اسف
    وبوسة فوق راس امه وثانيه وثالثة
    ام محمد : والله غريبة لكن الله يخليك ياوليدي واشوفك معرسن مضيع مخباه لوول
    طبعا احمد يدلع لانه يغار من شيماء ولاهوه لا يبوس راس اميمته من الفجر ولا شي
    زين نكمل مع بعض
    شيماء كانت بالمطبخ واحمد راح لها
    احمد بدلع: وين الريووووق أنا يوووعان
    شيماء وتتخصر بعد : لا وانه خدامتك ؟!قول لجيتو
    ( جيتو هي الخدامه )
    احمد : زين والله خبال الدنيا كله براسج
    شيماء: وي عشتو تنعز بوك
    احمد : بوي انتي انا اخوج والمفروض تحترميني
    شيماء : والمفروض مرفوض على ما اعتقد
    احمد : عنوده وراسج يابس
    شيماء : دلووووووووع و ماسخ
    احمد : على الاقل اتصلح باضافة الملح
    شيماء : هيهيهييهي تافه
    احمد : يحليلي وانا استعبط عليج خخخ
    شيماء : مالت
    محمد دخل بالمطبخ ..
    محمد : اشفيكم تتناجروون حتى المطبخ ما يسلم منكم
    احمد وشيماء كل واحد سكتوا والشرار يتطار من اعينهم وكل واحد بغرفته ويسكرها
    في غرفةاحمد
    احمد : ولي انه ماادري ليش عاندت وانه عندي سالفه كبيرة وما اقدر احلها اذا عصبت علي
    اف لكن كله من راسك يا احمدي عقل ما عنده تكتيك
    وقعد يفكر في حل وفجاة قال بقلبة :انه مالي غي اتصل بجاسم واقوووله بكل شي وانه مب خسران ومالي ذنب
    دق على جاسم بس جاسم ما رد عليه لانه كان في عز رقاده
    دق مرة ثانيه بعد دقايق ورد جاسم عليه بصووت نعسان خشن من النوم
    جاسم : هلا
    احمد : هلا بالغالي ولد الغالية هلا بالجسمي تاج راسنا كلنا
    جاسم لما سمع هالكلام عباله شيماء تبادله الاحساس او شي من هالشي ورد بمرح : هاااااااااي بالقمر ميدو هلا حبيبي( بغمزة)
    احمد : تمام والله وانت ؟؟
    جاسم : شوقي لصووتك ماخلاني انام حتى
    احمد : اي باين وااايد
    جاسم : هههه لا بس انطر الجواب يلا سرع
    احمد : آنه قلت لها و بغرفتها بانفراد وسالتها واللي عليه سويتيه بعد شتبي
    جاسم و بروح متفائلة واايد : زين تسوي و قالت لك شنو
    احمد بتتردد: قالت لي .. قالت .. شيماء قالت لي ان الحب
    جاسم وهو متفائل جدا بدرجه كبيرة: الحب شنو يلا اشوفك من الكلام اللي قالته يعني من حلاته متعلثم
    احمد : ههههههههه ( بقلبة يقول اي والله وانت الصاج يا الجسمي بس بعكس توقعاتك)
    احمد وبصوورة سريعه : قالت ان الحب ما يعنيها شي واللي يحب تافه وميننون وماعنده سالفه وبس
    جاسم منصدم ك احمد من صجك ؟؟
    احمد : للاسف بس هذا اللي قالته
    جاسموالدموووع هماله : بس
    احمد : شنو بس خلاص انساها اصلا ما صار لك من عرفتها وانت مينوون اللي يقوول معاشرنها عشرة طولها سنين وسنين
    جاسم : ليش بهالكوون ما احد يفهمني ليييش
    احمد : زين عااد جاسم تقعد تصيح جدامي بيبي انت ؟
    جاسم : اذا هذا كلام الناس انه عنهم ببتعد ما بتشووفوني خلاص بااااااااااي
    احمد : بااااااااااااااي فج عني ببااااي

    سكروا الجوالات و..

    احمد : بلي هذا شبسوي .. ما اعتقد يسوي شي على كل حال انه بمرا المغرب والحين انه برووح لبيت خالتي اليوم نتغدا هناك ويصير خير وبعدين انه لازم افاتح حنوون بالموضوع ( حنان او حنوون هي خالة جاسم وهي معشووقة احمد وعمرها 16 سنه و جاسم متعلق بها ووايد وكل اسراره عنده وهو يحبها ويعز كلمتها)


    ونرجع لشيماء

    كانت شيماء تلبست عشان ترووح على بيت خالتها و قبل لا تنزل اتصلت بمرام

    منى : هلا
    شيماء : هلا والله شخبارج شعلومج
    منى : زينه ومن سمع صوتج يصبه شر
    شيماء: يعل العافية ما تفارج عيونج
    منى : مشكورة يالغلا
    شمياء: العفو زين يلا باي انه بروح بيت خالتي بعدين المغرب مري علي ببتنا
    منى : اوكو تامرين بشي ثاني
    شيماء: ابد مره بس ابيج اتمريني ضروري
    منى : يه ليش
    شيماء : بتعرفين
    منى : صار يلا باي
    شيماء : باااي


    ونزلت وركبوا العائلة بالاوتبيس خخ و راحو لعند بيت خالتهم ...

    ويتبع في الجزء السادس

    الجزء السادس

    لما وصلوا لعند بيت خالتهم دقو اليرس

    عبد الله ولد خالهم عمره 21 سنه فتح الباب لهم
    وشاف خالته ام محمد وباسها على راسها
    عبد الله : هلا بخالتي هلا بالغالية هلا
    ام محمد : الله يخليك يوليدي لاميمتك يعل عيني فداها ويعلها تشوفك معرسن وتشوفك بو عيال تملي فريج
    عبد الله : الله يسمع منج يا خاله
    قام الكل يضحك ومنهم شيماء اللي كانت ضحكتها مميزة وتلفت الانظار
    عبد الله شاف شيماء وقال بقلبه: من هذي هذي شيماء بنت خالتي لا ما عتقد اكيد هذي وحده غير بس ماشاء الله تبارك الرحمان حلوووه يا ريت خالتي تخطبني منها لوووول بسك خبال يا عبوود يالطري
    محمد: هلوووو عبوود شفيك سرحان وينك عنا زمان ما نشوفك
    عبد الله : لا فرقتنا الليالي بالعمرمره نعاتب لاجلكم يوم الوداع
    احمد : الله صرت شاعر هههههه
    محمد : فيك الخير يالله دخلنا ما بدك نطلع جوا
    عبد الله : لا بدي فوت اطلع
    الكل يضحك على خبالهم
    دخلو وخالتهم ام عبد اله ما كان عندها ولا ولد او بنت غير عبدالله
    كانوا شيماء واحمد وعبد الله بالصالة و و ام محمد معاهم و ابو محمد كان بالشغل طبعا و راح عبد الله لينادي على اميمته ام عبد الله
    وبالمطبخ..
    عبد الله : يمه تعالي اكا يات خالتي ام محمد وعيالها بس معاهم بنت ما عرفتها بس باين عليها فن حلوه
    ام عبد الله : عبود قول لهم انه يايه وبعدين يا وليدي هذي بنت خالتك شيماء ما غيرها مزيونه ما شاء الله
    عبود : بس يمه هذي باين عليها في عمر 13 فما فوق وشيماء اصغر
    ام عبود : عبود شبلاك هذي اهي وبعدين خل البنت في حالها ورورح معاهم
    عبود : بس والله تخبل تطير العقل سدحتني
    ام عبود : عبودو فز انت وخبالك عني فز
    عبود : زين يمه خذلتيني
    ام عبود : مينوون وليدي مينوون ههههههه

    وراح عند الصالة وكل نضره على شيماء ما كانت عينيه تفارقها ولا لحضة وشيماء لاحضت هالشي وشيماء بدوورها كانت تبتسم له وكانت معجبة به واايد واحمد بيموووت من الغضب اللي بداخله والقهر لان جاسم ما تبتسم له حتى وعبد الله ترحب به بكل وساعة صدر
    احمد بقلبة : آه بس يالقهر آه
    لما دقت الساعه2 ..
    ام محمد : يلا ياوخيتي نروح نزهب الغدا للعيال
    ام عبود: اي واله يا ام محمد \تاخرنا وخذتنا الوناسة واليمعه معاكم غالين والله غالين
    واحمد دقت عليه حنان وقال لحضة شوي وراح برع الصالة يتكلم معاها
    احمد: هاااي حنووووووووني هاااي عمري هاي حبي هاي قلبي
    حنان : هلا حبيبي
    احمد : يحليلج يالخجولة يا ريت كل البنات مثلج
    حنان : كان بتروح لهم وبتخليني صح
    احمد : ههههههههه افا انه اسويها ولا يمكن تكون
    حنان : اشوه بعد
    احمد : فديتج عمري شخبارج بعد
    حنان : تمام وانت
    احمد : انه تمام بس جسووم الله يهداه
    حنان : اكاهوا هني ببيتنا وكل ما اكلمه ما يرد محمق ووايد
    احمد : انتي بس لو تدرين شفيه
    حنان : شفيه ميدو قول لي
    احمد : جاسم يحب اختي واختي ما تعيره اي اهتمام
    حنان : مسكين وعلى عمري يالجسمي
    احمد : لا واله اغار
    حنان : اي والله يغار
    احمد : ههههههههه يحليلج والله فديتج
    ......

    المهم نرجع لــ محمد وشيماء وعبد الله بالصالة
    محمد : عبووووود عندك فلم ستار وورز مسجل صح ؟
    عبد الله : اي تبيه اكاهوا بغرفتي وزهبته لك بعد ما نسيت الوصاية
    محمد : اي والله زين عيل اساتذن بروح اشوفه واتونس
    عبود : روح فكنا
    محمد : خسي افكك انا
    عبود : ههههه زين روح تونس وونس بالك
    محمد : انزين

    راح محمد وبقى عبد الله بالصالة و شيماء .. والسكوووت يعم المكان .... هههه

    عبد الله : هلا بنت خالتي هلا بيج
    شيماء نزلت راسها وقالت : هلا خوي
    عبد الله : افا تقولين لي اخوي
    شيماء سكتت
    عبد الله : اوكي قولي مجنون شوشو
    شيماء باستغراب وصدمه كبيره : شنـــــــــــو ؟؟
    عبد الله يصرخ بصوت عالي : مجنون شــــوشــــو
    في هاي اللحضة دخل احمد للصالة وسمع صرخته و وقف مكانه مذهول من الصدمه وخاصة بعد ما شاف شيماء منصدمه بس البسمه بقلبه وهو اخوها ويعرفها زين


    يتبع ...في الجزء السابع
    0

  13. #12
    DaLoOo3a_W_NoS

    تسلمين تكملتها خطييييرة ,,

    احداثها مثيرة ,, تكفين لاتتأخري ,,

    نزلي الجزء السابع بأسرع وقت ممكن ,,

    ترى تحمست لها مرررة,,

    ومشكووورة مرة ثاينه ,,,
    0

  14. #13
    0

  15. #14

    الجزء السابع من جروح زمان

    هااااي وسوري على التاخير



    الجزء السابع


    بعد الصدمه الكبرة من كلام عبوود ولحسن الحظ كانت خالتهم تنادي شيماء هعشان تيي تساعدهم راحت شيماء سريع تبي الفكه منم هالموقف المحرج
    بقى احمد وعبد الله
    عبد الله كان خايف من نضرات احمد القاسية وكان بيرووح على غرفته بس وقف لما سمع احمد ...
    احمد : عبد الله
    عبد الله والويه انقلب احمر : نعم
    احمد : نزل راسك يا عبد الله لانك مب ريال كفو قديمه ولا حديثة هذي عليك
    عبد الله تم ساكت ومنحرج
    احمد : اكيد ما تقدر تتكلم لكن يصير خير يا عبوودو وثاني شي احب اخبرك ان اختي شيماء ما اتطيقك زين ( عشان يدبرها تكتيك يعني خخخ)
    عبد الله تم ساكت والويه يتقلب الوان
    احمد : تكلمت او لا المهم راح تندم يا عبوود على الكملة اللي قلتها بتندم وانه ريال وعند كلمتي
    عبد الله ذي الحزة حز بخوف اكبر بس يتكابر : هـ .. هــ .. هـــا شقاعد تقوول انت وبعدين انه ما اخف منك يالنتفه
    احمد : النتفه هذي اللي تتلكم عنها تراها مب هينه وانه حذرتك وتقرب من اختي وانه اوريك فيها ..
    وطلع برع البيت والباب كان بينكسر من القهر
    وبقلبه يقوول: هين يا عبوود هين
    و طلع
    عبووود تم بالصالة واقف مب عارف شيقوول لامه لين قالت له وين ولد خالتك وشسوي بهسالفة الجايدة : بلي انه وش سويت
    المهم نرجع للمطبخ
    الخاله ام عبد الله : ها شيووم اشوف كبرتين صرتين مره (يعني كانت ياهلة والحين بنت سنعه او امراءة بالفسحه خخخ )
    شيماء : اي خالو الحين اعرف اطبخ واكنس و كل شي
    ام محمد : ههههههههه زين عاااد اخبار الجزيرة
    ام عبد الله : خليها يا وخيتي خليها بعد انشاء الله نشوفها عروووس و تطبخ لريلها
    شيماء : لا انه ما بطبخ
    ام عبد الله : اوكي لا تطبيخين كيفج اكلتينا هههه
    شيماء بقلبها : اوهو انه في وادي وهم في وادي ثاني شسوي ويا ولد الخال واحمدي الحين عااد احمد عااادي ما يعصب على هالاشياء بس هذا عبد الله الصراحه اسلوبه خطا اففف وانه شعلي انه ما يهمني لا هو ولا امثاله
    وكلمت شغلها

    ولما زهب الغدا ..

    على الغدا ..

    شيماء : وين احمد اخوي و عبد الله
    محمد : ما ادري عنهم عبد الله دخل بغرفته وسكرها حاولت معاه ما طلع واحمد ما لقيته بالبيت اصلا
    ام محمد : يااا علي هاليهال ما يووزون اكيد تناجروا ( خخ خبركم الكبار كلامهم فلته )
    محمد : لحضة بدق على احمدووو
    محمد دق عليه ولا احد يرد
    محمد : ماكو احد يرد يمه
    شيماء : اكيد تلاقينه عند رفيجه
    محمد : اي
    ام عبد الله : محمد يا وليدي روح شوف عبوود
    محمد راح عشان خاطر خالته ..
    محمد : عبد الله قوم تغدى
    عبد الله : ما ابي شي روووح فارج
    محمد : يمه باااي خلك في ستين داهية


    رجع محمد ..
    ام محمد : وين عبوود عيل
    محمد : ما يبي غدا
    ام عبد الله : هذا مب اسلوب
    ام محمد : ما صار الا الخير يا وخيتي

    وتغدوو

    ...
    0

  16. #15
    DaLoOo3a_W_NoS

    مشكووووووورة يعطيك الف الف عافيه ,,

    فعلا ممتعه واحداثها مثيرة ,,

    لكن ليه قصيرة ,, تحمست لها ..,,

    المهم انا في الانتظار دوما ,,

    لا تتأخري ..,,
    0

  17. #16

    الجزء الثامن من جروح زمان

    الجزء الثامن




    كان احمد بالمطعم يتغدى برووحه ولمح من بعيد رفيجه بالمدرسة واسمه وائل

    وائل : هلا احمد
    احمد من غير نفس : زين الحمد الله احسن من غيرنا
    وائل : باين
    احمد بقلبة : وضوح الشمس يا خوك
    وائل : زين اقعد اتغدى معاك ولا مب معزوم
    احمد : لا حياك (بقلبة : مجبوووووووور يا قلبي تطاوعهم وتهونها عسى بس يومن تهوون)
    وائل : ها اشوفك سرحان واايد
    احمد : اف دبحتني اسكت وكل وفكنا
    وائل : يما الحين انا ما قلت شي
    احمد : لا مسكين
    وائل : انت شفيك معصب
    احمد : بلى عليك اللي مثلي يتونس
    وائل : خير عسى ما شر شبلاك
    احمد : اهــ جسمو غربله ربي والله لو مو عزيز علي كان الحين انا في احسن احوالي
    وائل : تناجرتو
    احمد : هبالتك انت بعد
    وائل : اجل وشو ؟؟
    احمد : جاسم شاف اختي مره في المجمع وعااد مستجن ليي الله انه احبها انه احبها
    وائل : هلا الجسمي يحب لا ومن اول نضرة بعد
    احمد : اوووهووو بدينا
    وائل : زين كمل
    احمد : ما تحبه
    وائل :اطلع هالفاضية !! حقوي بعد
    احمد : هي ذي اختي
    وائل : نسينا بعد كمل كمل كومبليت
    احمد : عاااد هي ما تفهم لحب ما تحب يعني مو تكرها لشي
    وائل : انزين و يشو بعد
    احمد : انت حلايلي اليوم
    وائل : كيفي كمل
    احمد : ابكسرك انا اليوم بقلم القدو لين ما سكت
    وائل : انزين انزين بسكت
    احمد : يالاهبل وولد خالتي يحبها بعد
    وائل : بلي هي ويشو ملكه جمال
    احمد : لحضة ليي بكسرك
    ويطير وائل ركيض و احمد نسى ما دفع ويهرب وراه ركيض
    و عااد الي يشتغلوون في المطعم كلهم وراه
    ههههههههههههه


    يتبع ... في الجزء التاسع

    ههههههه

    سوري على الجزء قصير بس ماكو وقت اكتب واايد لان امتحانات
    0

  18. #17
    DaLoOo3a_W_NoS

    مشكووورة عزيزتي ,,

    خخخخ قصيرة لكنها روووعه تسلمين ,,

    وانا في الانتظار دوما ,,

    بعد الامتحانات رااح تحطي اجزاء اطول ,, هع هع

    ترى امزح معك ,, الله يوفقك ,,
    0

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter