هااااااي قايز!!!
كيف حالكم؟؟؟
وحشتوني والله
اليوم جايبة لكم تحية من ميرنا تسلم عليكم كثير وتقولكم وحشتوها...
هذا من ميرنا
أما اللي مني فهو حكاية جديدة تختص ببرستيج ميرنا...ما وحشتكم هي الحكاوي؟؟؟
أحكي لكم الموقف:
اليوم كنت معها في الجامعة.....
جينا قرب البوابة عشن نودع صديقة لنا وهي خارجة
لقيت واحدة قاعدة تبيع دقة وقمر دين ...إلخ!!
قمنا أنا وميرنا إشترينا من عندها وذهبت إلى الكافتيريا
جلسنا قبال بعض
بالله عليكم كل واحد منكم يكتب لي الطريقة الصحيحة لأكل الدقة!!!
أنا ما أحب طريقة خرق الكيس من الجنب ومصه لين تنزل لوزي...
أنا طريقتي أحلى وهي كالتالي:
إفتح الكيس...إسكب منه في يدك
مد لسانك الطاهر وإلحسه بطرف لسانك من يدك لين يغلق وقتها إسكب من جديد!!
هذه طريقتي..وما أعتقد فيها قلة برستيج!!
فجأة...شفت وجه ميرنا صار أخضر!! وبدأ يتشكل من لون إلى لون ومن شكل إلى شكل وهي تنظر حولنا وتقول لي:
لاااااااا مو كدة الله يقرفك كدة برستيجك يروح!!!
نظرت لها وأطراف شفتي تتطاير منها ذرات الدقة وقلت لها: إيش؟؟ بصوتي الطبيعي(مع العلم أنها كانت تهمس كالحية حين تلدغ خوفا على برستيجها من التحطم)!!
صار وجهها مو طبيعي حين نظرت لي واحدة من الطالبات وإبتسمت...قامت البنت شوية وتبغى تبكي قالت لهم والله ما أعرفها أنا جالسة معاها لأنو ما في محل في الكافيتيريا!!!
البنت إستغربت ودارت بنظرها إلى آلاف الكراسي والطاولات الفاضية!!
ليش تكذب ميرنا؟؟
هذا كله عشن البرستيج الطاهر حقها!!!
والمشكلة الأحلى أن الدقة كانت حمراء
مما جعل يدي حمراء ومن جد تحطم البرستيج
من غيظي منها قمت ألحس في يدي الحمراء بطريقة همجية وأضحك وهي تتقلب ألوانها
وجاءها الفرج لما دق السواق علي وقال لي أنا برا!!
هكذا نجت ميرنا من البهدلة وإنهيار البرستيج
هذا اللي صار اليوم
وأحب أقولكم إن حفلة تخرج أختها الصغيرة قريب...يعني رح تسمعو قصص جميلة عن برستيج ميرنا الحلوة
يالله أشوفكم على خير
وتحياتي لكم:
أنين السكون
اضافة رد مع اقتباس
المفضلات