بالعامية
..
..
زكريات من زمن فات
..
..
..
..
.
.
بينما اقلب بين دفاتري القديمة وجدت مُجلد يحتوي على قصائد عديده
أخذتني بين حروفها لمواطن الزكريات وتجمُع الأصدقاء حولي مُنصِتون
وأستعدت صيحات الإعجاب وكلِمات التشجيع والإلهام الرائعة وأيضاً الإنتقادات
البنائة الغالية ..كُنت حينها حديث عهد بالتأليف ولكني كُنت أمتلك مَلَكَة اللحن المتناسق
حيث أني كُنت دائم الشغوف بالقصائد وكنت ببداية الطريق في الروايات و القصص
كانت في أصعب مراحِل حياتي أيام الخدمة العسكرية ..
...
أترككم مع القصائد .
..
..
بالعامية المصرية ..
..
..
.
(طول عمري)
..
طول عُمري عايش وحيد ومحدش حاسس بيا
طول عُمري ساكت ومش قادر أقول إلي فيا
طول عُمري واقف مكاني وشايف إللي بيجرى حواليا
طول عُمري عايز أبكي بس في عيون بصا عليا
طول عُمري بحلم بحبيبه بس ياترى فين هى
تعبت كتير في حياتي وقابلت من المشاكل بدل الواحدة ميه
واقف ساكت بدور على حد يكون معايه ويعيش ليا
نفسي الاقي حد أحكيلوا اللي جوايا حد يسعدني مش يبكي عينايا
تعبت من كُتر مادورت على واحد جدع وعايش ليا
ولما فكرت أحب وحبيت ولكن كُل واحدة أحبها في الأخر أكتشف إنها أنانيه
ميهمهاش غير نفسها بس وملهاش دعوة باللي يجراى ليا
مبقتش عارف أعمل ايه ولا ازاي أداوي الجراح اللي فيا
رُحت لدكتور أكشف مُمكن يكون الطب فيه علاج ليا
ولكن الدكتور تعب في تشخيص الحالة ديه
وبعد ما تعب قعد ونظرلي بنظرات صعبه مش اللي هى
قالي بُص يا أبني أنا بصراحة مش لاقيلك علاج أنت حالتك مأساوية
أتقفلت كُل الأبواب في وشي ولقيت بابك يارب بينادي عليا
أنت يارب إللي خالقني وعالِم إيه اللي فيا
هون عليا أيامي يارب أنا تعبت من الدُنيا ديه
..
الخاتمة بتاريخ 24/4/2013
......
..
.
( أصعب شئ )
..
.
أصعب شئ لما تأمِن لواحد وهو يخونك
أصعب شئ لما تحِب حد وهو مش حاسس بيك
أصعب شئ لما متلقيش حد حاسس باللي فيك
لما تكون مخنوق ومحدش يهون عليك
لما تكون حزين ومحدش يجي يواسيك
لما تبكي ومحدش يمسح دموعك
أصعب شئ
..
لما تلاقي حد مِستقِل بيك مش شايفك وأنت قُدامه
لما تكون حُر وتتعامل زي العبيد
لما تكون وسط البشر وفجأة تلاقي نفسك وحيد
لما كُل حاجة حلوة في حياتك تبقى ذكرى
ولما يكون مُستقبلك مُجرد فكرة
تحس بالفراغ ومُش عايز يجي بُكرة
أمتى بُكرة يجي والمُعاناة تبقى مُجرد فكرة
والهموم تروح وتبعد عنا بقى
تِعبنا ومحدش حاسس بلي فينا
بِعدنا قوي ووالله أتغربنا
وكُل مانفتكر إننا قربنا بنلاقي نفسنا بِعدنا
وكُل ما نفكر ننسى ونبتدي من جديد بسُرعة تيجي نهايتنا
ومنلقيش حاجة نِعملها نزهق ونقعد نلوم في دُنيتنا
...
بتاريخ ....21/4/2013
....
...
..
.
(عايشين)
..
..
.
عايشين في عالم وهمين نفسنا إن أحنا قدُه
فيه ناس بتبني وناس كُل شُغلتها إنها تِهدُه
وكُل ما واحد يفتح طريق للسلام بِسُرعة يجري واحد ويِسدُه
وكُل ما واحد يقوم ويقول كلمة حق تلاقي عشرة وقفوا ضِدُه
كُل واحد مِفكر إن رأيه هو الصح والتاني هو إلي غلط في فِكرُه
طيب هنعمل إيه وكُل واحد واقف في حته شكل
للأسف الناس بقيت جعانه وبتاكُل في بعضها أكل
بنحلم بِعالم تاني ونِفسنا نعيش فيه
أحلامنا كترت قوي ومش قادرين نوصل إليه
كُل واحد عايز كِلمته هى إللي تمشي
طب بالزمة دي طريقة هتوصلنا للي بنحلم بيه
ولما تحصل مُصيبة في ناس طيبة تجري تواسيه
وناس خبيثة فرحانه باللي هو فيه
في ناس طاغية بتقول العالم مِلكي طب إزاي يا غبي
وأنت جيت ولاقيته باللي هو فيه
ده ربنا إللي خلقه هو واللي حواليه
هو إيه إللي جراى للناس هى الناس مبقيتش تتعظ ليه
وإزاي وصلوا للي هُما عليه
يارب توب علينا و خرجنا مِن الدُنيا على خير
لإنها مِش بِتاعتنا دي جنة الكافر
زي ما قال الرسول اللهُم صلي عليه
.....
..
بتاريخ
24/4/2013
...
...
.
إنتهى
..
تحياتي
...
المؤلف الصغير ..






اضافة رد مع اقتباس





.
المفضلات